#һава_торышы
1 мартта Татарстанда аязучан-болытлы һава торышы була. Урыны белән бераз кар явачак. Төнлә һәм иртән урыны белән томан төшә. Көньяктан, көньяк-көнбатыштан 4-9 метр тизлектә җил. Төнлә һһәм иртән һава температурасы -6..-11˚, аязганда -20˚, көндез -1..-6˚ градус. Юлларда бозлавык.

Наилә Сәлахова фотосы

#Бөек_Җиңүгә_80

Меңәрләгән кешенең гомерен өзгән бу сугыш күпме кешеләрнең язмышын үзгәртте һәм бөтен дөньяны тынычлыкның кадерен белергә, һәм фашизмга каршы тору кирәклеге турында уйланырга мәҗбүр итте. Бүген, шул фаҗигале вакыйгаларны искә алып, без Ватаныбызның азатлыгын һәм бәйсезлеген саклап калган каһарманнарны искә алабыз, аларның батырлыгына һәм фидакарьлегенә баш иябез.

Тулырак https://vk.com/wall-78072920_121641

Римма Афзалова фотосы

Туйларның атамаларын беләсезме?
Беренче туй - кызыл туй
1 ел – ситса туй 🧵
2 ел – кәгазь туй 📄
3 ел – күн туй 👢
4 ел – җитен туй 🌿
5 ел – агач туй 🌳
6 ел – чуен туй 🔩
7 ел – бакыр туй ❤
8 ел – калай туй 🛡
9 ел – фаянс туй 🍶
10 ел – кургаш туй 👩🏻‍❤‍👨🏻
11 ел – корыч туй ✨
12 ел – никель туй 💿
13 ел – челтәр туй 🕸
14 ел – ахак туй 💎
15 ел – бәллүр туй 🏺
16 ел – топаз туй 💎✨
17 ел – рауза туй 🌹
18 ел – фирүзә туй 💠
19 ел – гранат туй ❤💎
20 ел – фарфор туй 🍵
21 ел – ак ахак туй 💎❄
22 ел – бронза туй 🥉
23 ел – берилл туй 💎🔵
24 ел – атлас туй 🎀
25 ел – көмеш туй 💍
30 ел – энҗе туй 🌀
31 ел – кояшлы туй ☀
33 ел – таш туй ⛰
35 ел – мәрҗән туй 🪸
38 ел – төрекөмеш туй 🌡
40 ел – рубин туй 🔴💎
41 ел билгеләнми
42 ел – перламутр туй 🐚
43 ел – фланель туй 🧣
45 ел – сапфир туй 🔵💎
46 ел – ала миләүшә туе 🌸🟣
47 ел – кешмир туй 🧶
48 ел – аметист туй 💜
49 ел – эрбет туй 💚
50 ел – алтын туй 🏆
55 ел – зөбәржәт туй 💚✨
60 ел – гәүһәр туй 💎🌟
65 ел – тимер туй ⚙
67 ел – таш туй 💎
70 ел – бәрәкәт туйе 🙏✨
75 ел – тажлы туй 👑💎

#дин_вә_вөҗдан
Мөслим районы имам-мөхтәсибе Илгиз хәзрәт Сөнгатуллин тәбрикләве.

📸 Фото - мөхтәсибәттән.

#спорт
Оешма-предприятиеләр арасында XXXV спартакиада тәмамланды.

Мәктәпләргә тиңнәр юк
Оешма-предприятиеләр арасында узган XXXV спартакиада ир-атлар һәм хатын-кызлар арасында волейбол ярышлары белән тәмамланды. Алдагы еллар белән чагыштырганда, бәйге аеруча киеренке төс алды.

– Быел бәйгенең профессиональ дәрәҗәдә узуын берәү дә инкарь итә алмас. Спартакиаданың һәр уены үзенчәлекле узды. Бу аңлашыла да. Элек ярышлар мәктәп системасындагы физкультура дәресләре дәрәҗәсендәге әзерлектә узса, хәзер спорт бөтенләй башка юнәлеш алды. Райондашларыбызның актив төстә спорткомплекска йөрүе, төрле спорт секцияләрендә шөгыльләнүе, тренерлар кул астында күнекмәләр алуы көтелгән нәтиҗәләрне бирде. Спартакиада уеннары исем өчен генә үтмәде. Озакка сузылган уеннар катнашучыларның осталыкларына һәм егәрлекләренә зур бер бәя булды, – диде балалар һәм яшүсмерләр спорт мәктәбе җитәкчесе Шамил Мадъяров.

Тулырак «Авыл утлары» газетасының 2025 ел 28 февраль саныннан укыгыз.

Рәмилә Сәләмова фотосы

#кеше_һәм_закон
Прокурор тарафыннан үткәрелгән чаралар ярдәме белән 1,5 миллион сум күләмендә хезмәт хакы буенча бурыч түләнгән.

2024 елның җәендә Башкортостан Республикасының ике кешесе шәхси эшмәкәр тарафыннан вакытлыча эшкә җәлеп ителгән. Мөрәҗәгать итүчеләр хезмәт вазыйфаларын 2024нче елның 5 июненнән алып 18 октябренә кадәр Ростов өлкәсендә, Татарстан Республикасының Мамадыш һәм Азнакай районнарында башкарганнар.

– Шул ук вакытта, әлеге хезмәткәрләр белән хезмәт мөнәсәбәтләре тиешенчә рәсмиләштерелмәгән булган. Моннан тыш, әлеге затлар белән эшләрне башкарганнан соң тулы исап-хисап ясалмаган. Ике хезмәткәргә түләнмәгән хезмәт хакы 1,5 миллион сум тәшкил итә, – дип хәбәр итә район прокуроры ярдәмчесе Илвир Бәхтиев.

2025нче елның 27 гыйнварында прокурор күрсәтмәсе каралды һәм канәгатьләндерелде. “Прокурор тарафыннан күрелгән чаралар нәтиҗәсендә хезмәткәрләр алдындагы бурыч тулысынча үтәлде”, – дип хәбәр итәләр район прокуратурасыннан.

Фото – Татар-информ архивыннан

#сүз_ул_гәүһәр

#дин_вә_вөҗдан #Рамазан2025
Ураза дөрес булсын өчен, түбәндәге шартларны үтәү тиешле:

1. Ниятләү: ул эчтән генә уй белән кылына. Ниятләү рәвеше: "Мин Бөек Аллаһның ризалыгы өчен бу көннең фарыз уразасын тотарга ниятлим". Ниятләү вакыты: сәхәрне төгәлләгәч, ягъни таң атканчы.

2. Иртәнге таң башыннан алып, кояш баеганчыга кадәр уразаны боза торган эшләрдән тыелу. Уразаның вакыты: таң беленә башлаганнан алып, кояш баеганга кадәр.

УРАЗАНЫ БОЗА ТОРГАН ЭШЛӘР

● Ашау, эчү һәм дарулар кабул итү.

Иртәнге таң беленә башлаганнан алып, кояш баеганчыга кадәр ризыктан һәм дарулар кабул итүдән тыелып торырга кирәк, ягъни көн дәвамында ашарга да эчәргә дә ярамый. Шулай ук тәнгә бернәрсә дә керергә тиеш түгел. Әйтик, клизма ясау, тәмәке тарту, туклыклы уколлар кадату тыела.

Әгәр дә кеше, үзенең ураза икәнен онытып, нәрсәдер ашаса яки эчсә, аның уразасы бозылмый. Бу очракта ул, үзенең уразада булуын исенә төшерү белән, ашау-эчүен туктатырга тиеш.

● Үз ихтыярың белән косу

Ураза вакытында үз теләгең белән косарга ярамый. Әгәр дә инде кеше ихтыярсыз косса, уразасы дөрес була. Коскан очракта, ул авызын чайкарга тиеш.

● Җенси якынлык

Ураза вакытында җенси якынлык кылган кеше бик зур гөнаһка керә. Уразалы килеш тә үз нәфесеңне тыеп кала алмау - бик куркыныч эш. Шуңа күрә әлеге рәвештә уразасын бозган кеше югалткан көннең уразасын кайтарып кына калмый, ә махсус билгеләнгән түләвен (кәффәрәтен) дә чыгарырга тиеш була. Түләүнең күләме - ике ай рәттән, бер көнен дә калдырмыйча, ураза тоту. Әгәр, җенси якынлыкка кереп, уразасын бозган кешенең 60 көн буе ураза тотарга сәламәтлегеннән килми икән, ул 60 мескенне ашатырга тиеш була. Шуңа күрә ир белән хатын ураза вакытында бер-берсенең шәһвәтен уята торган ярату-назлаулардан чикләнергә тиешләр.

● Госел бозылу

Кеше уяу булганда, аның шәһвәте уянуга китерә торган төрле назлаулар (үбешү һ.б.) сәбәпле госеле бозылса, аның уразасы да бозыла. Ләкин госеле йоклаган чагында бозылса (поллюция), уразасы бозылмый. Мондый очракта аңа, госел коенып, уразасын дәвам итәргә кирәк.

● Айлык күрем һәм бала табу (бала тапканнан соң бүленеп чыга торган сыекча).

Айлык күрем сәбәпле бүленеп чыккан кан уразаны боза.

УРАЗА ВАКЫТЫНДА МАКТАУЛЫ ЭШЛӘР

1. Ифтар. Кояш баю белән, ризык кабып, авыз ачу тиешле. Хөрмә җимеше (финик), су яки берәр баллы ризык белән авыз ачу хәерлерәк.

2. Авызга ризык капканда "Бисмилләһ" әйтергә һәм: "Раббым, уразамны кабул ит", дип дога кылырга кирәк.

3. Сәхәр. Төнлә белән таң атуга якынайтып ашала. Ләкин кояш чыгуга ике сәгать кала ашау-эчүне инде туктатырга тиешле.

КЕМГӘ УРАЗА ТОТМАСКА МӨМКИН?

1. Ураза тота алмаган өлкән яшьтәге картлар.

2. Дәвалап булмый торган чир белән авыруы сәбәпле, ураза тота алмаучы кеше.

Әмма алар уразасыз калдырган һәрбер көн өчен фәкыйрь-мескеннәргә фидия түләргә тиешләр. Ул бер көнгә бер саг (2.748 литр) күләмендә дөге, карабодай, макарон һ.б. шундый ашамлыклар белән түләнә. Шулай ук акчалата түләргә дә мөмкин - бер көн өчен 200 сум итеп.

УРАЗА ТОТМАСКА МӨМКИН, ләкин алар калдырган көннәрен башка айларда кайтарып тотарга тиешләр:

1. Авыру кеше. Чирем тагы да көчәер яки озакка сузылыр, дип курыкса, яки авыру кешегә ураза тоту бик авыр булса.

2. Сәфәргә чыгучы (мосафир). 90 чакрымнан ераграк булган юлга чыгарга ниятләп, үзенең яшәгән җирлегеннән соңгы өйләрне узып киткәннән соң, аңа ураза тотмаска мөмкин. Әгәр нинди дә булса бер җирлеккә барырга һәм шунда 15 көнгә яки тагы да күбрәк вакытка калырга ниятләсә, ул, барып җитү белән, мосафир хөкеменнән чыга һәм ураза тотарга тиеш була.

3. Үлемгә, аңны югалтуга яки биш төрле тою сәләтен югалтуга китерә торган көчле эсселек һәм ачлык халәтендә калучы.

4. Балага узган һәм күкрәк сөтен имезүче хатын-кыз, үзенең һәм баласының сәламәтлегенә зыян салудан курыкса.

5. Айлык күрем һәм бала тапканнан соң була торган бүленеп чыгулар вакытында хатын-кызга ураза тоту рөхсәт ителми. Калдырган көннәрен ул Рамазан аеннан тыш, башка вакытта ураза тотып кайтарырга бурычлы.

Мөслим районы мөхтәсибәте.

📸 Фото - нейрочелтәрдән.