Selected ရရှိထားပြီးသူ ကျောင်းသားကျောင်းသူများသည် Accept ပြုလုပ်ခွင့် အချိန် ၇ ရက်သာ ကျန်ရှိပါတော့သည်။

၂၀၂၄ ခုနှစ် ၊ စက်တင်ဘာလ ၊ ၂၅ ရက်နေ့ ၊ ည ၁၁:၅၉ နာရီ (မြန်မာအချိန်) နောက်ဆုံးထား၍ ဆောင်ရွက်နိုင်ပါရန် အသိပေး နှိုးဆော်ပါသည်။

တက္ကသိုလ်ဝင်ခွင့်လျှောက်ထားကြသော ကျောင်းသား၊ ကျောင်းသူများသည် မိမိတို့ကို လက်ခံ တက်ရောက်ခွင့်ပြုထားသော ဘာသာရပ်များအနက်မှ မိမိတို့ တက်ရောက်လိုသော ဘာသာရပ်တစ်ခုကို (၁၅.၉.၂၀၂၄) ရက်နေ့မှ စတင်၍ ရွေးချယ်ခွင့် ရရှိပြီ ဖြစ်ပါသည်။ ရွေးချယ်ရမည့် နောက်ဆုံးရက်မှာ (၂၅.၉.၂၀၂၄) ရက်နေ့ ဖြစ်ကြောင်း ထပ်လောင်း အသိပေးအပ်ပါသည်။ ရွေးချယ်ပုံ အဆင့်ဆင့်ကို သေသေချာချာလေ့လာပြီး မမှားမယွင်းရအောင် ဂရုတစိုက် ပြုလုပ်ကြပါရန် အကြံပြုပါသည်။

၁။ မိမိတို့ရွေးချယ်မည့် ဘာသာရပ် အကွက်ရှိ selected ဘေးမှ အဝိုင်းပုံ button လေးကို နှိပ်ပါ။
၂။ ဇယားအောက်ဘက်မှ "Submit" ကို နှိပ်ပါ။
၃။ Confirmation မှ သေချာပါသည် ကို နှိပ်ပါ။ (ပြန်ထွက်ပါကိုနှိပ်၍ ပြန်လည်ရွေးချယ်နိုင်သည်။)
၄။ Acceptance မှ "အိုကေ" ကိုနှိပ်ပါ။

အဆင့်များအားလုံးပြီးစီးလျင် မိမိရွေးချယ်လိုက်သော ဘာသာရပ်ဘေးတွင် Accepted ကို တွေ့ရမည်ဖြစ်သည်။ ထိုသို့ ရွေးချယ်ပြီးသည့်နောက်တွင် အခြားမည်သည့် ပြောင်းလဲမှုမျိုးကိုမျှ ပြုလုပ်၍ ရမည် မဟုတ်တော့ပါ။

တက္ကသိုလ်ဝင်ခွင့်လမ်းညွှန် ဖြစ်​မြောက်​ရေးအဖွဲ့

မေတ္တာရပ်ခံချက်

FAQ Telegram Group Chat များတွင် အချို့သောမေးမြန်းချက်များကို ကျောင်းသားကျောင်းသူအချင်းချင်း ရိုင်းပင်းကူညီမှုဖြင့် ဖြေကြားပေးနေကြသည်ကို ကျေးဇူးအထူးတင်စွာဖြင့် သိရှိရပါသည်။
သို့ရာတွင် အချို့သော မေးခွန်းများအတွက် အဖြေများသည် သက်ဆိုင်ရာတက္ကသိုလ်များမှ တာဝန်ရှိသူများကသာ ဖြေကြားနိုင်မည် ဖြစ်ပြီး သက်ဆိုင်ရာတက္ကသိုလ်များမှ ဖြေကြားချက်၊ ရှင်းလင်းချက်၊ အသိပေးချက်များ ကိုသာ အတည်မှတ်ယူကြပါရန် အလေးအနက်ထား မေတ္တာဖြင့် ပန်ကြားလိုပါသည်။
တက္ကသိုလ်များဘက်တွင်လည်း သက်ဆိုင်ရာ လုပ်ငန်းများကို အချိန်နှင့်တပြေးညီ ဆောင်ရွက်​နေရသည့်အတွက် လိုအပ်သော ပြန်ကြားမှုများကို အချိန်တစ်ခုအထိ စောင့်ဆိုင်းပေးကြပါရန်ကိုလည်း အသိပေး မေတ္တာရပ်ခံအပ်ပါသည်။

https://t.me/mmnway_oouni/1438 ??? ယနေ့ ညနေ၄နာရီ နောက်ဆုံးထား mail ပေးပို့ပါရန် အသိပေးပါသည်။ ?

Telegram

Myanmar Nway-Oo University - မြန်မာ့နွေဦးတက္ကသိုလ် (MNOU)

MNOU မြန်မာ့နွေဦး တက္ကသိုလ်တွင် အနုပညာ မေဂျာရပ်များအတွက် ဝင်ခွင့်ဖြေဆိုထားသည့် အောက်ပါ Student ID No. ဖြည့်သွင်းထားသော ကျောင်းသားများသည် မိမိတို့၏ တက္ကသိုလ်ဝင်ခွင့်လျှောက်လွှာနံပါတ်များကို 10.9.2024 နောက်ဆုံးထား၍ မေးလ်ပို့ အကြောင်းကြားပေးရန် အသိပေးအပ်ပါသည်၊၊.…

အထူးသတိပေးကြေညာချက်
(နောက်ဆုံးအကြိမ် အင်တာဗျူးမည့်ရက် အသိပေးခြင်း)

ဝန်ဇင်းအွန်လိုင်းတက္ကသိုလ်၊ ပထမနှစ်ကို လျှောက်ထားပြီး အကြောင်းအမျိုးမျိုးကြောင့် အင်တာဗျူးမဖြေလိုက်ရသူများကို တက္ကသိုလ် စီမံအုပ်ချုပ်ရေးအဖွဲ့မှ ငဲ့ညှာသောအားဖြင့် နောက်ဆုံးအကြိမ် အနေဖြင့် ၁၀.၉.၂၀၂၄ , အင်္ဂါနေ့ ၊ ညနေ၄:၃၀ မှ စတင်၍  ဝင်ခွင့်အင်တာဗျူး စစ်ဆေးပေးမည် ဖြစ်ပါသည်။ သို့ဖြစ်ပါ၍ အင်တာဗျူးဖြေဆိုရန် ကျန်ရှိနေသူများ အားလုံး မဖြစ်မနေ (မဖြစ်မနေ) လာရောက်ဖြေဆိုရန် အထူးသတိပေးအပ်ပါသည်။ အဆိုပါနေ့တွင်အင်တာဗျူးလာရောက်မဖြေဆိုသူများကို ထပ်မံ၍ အင်တာဗျူးစစ်ဆေးပေးတော့မည်မဟုတ်ဘဲ ဝန်ဇင်းအွန်လိုင်းတက္ကသိုလ်အနေဖြင့် ဝင်ခွင့်လျှောက်ထားမှုကို ငြင်းပယ်သွားမည်ဖြစ်ပါကြောင်း အထူးသတိပေးအပ်ပါသည်။

ဝန်ဇင်းအွန်လိုင်း တက္ကသိုလ်ဝင်ခွင့်စီစစ်ရွေးချယ်ရေးအဖွဲ့

အထူးသတိပေးကြေညာချက်

ဝန်ဇင်းအွန်လိုင်းတက္ကသိုလ်ကို လျှောက်ထားပြီး အင်တာဗျူးဖြေဆိုရန် ကျန်ရှိနေသော ကျောင်းသား/သူများနှင့်  အကြောင်းအမျိုးမျိုးကြောင့် အင်တာဗျူးမဖြေလိုက်ရသူများကို မနက်ဖြန် (၇.၉.၂၀၂၄ ) ၄:၃၀ မှ စတင်၍ နောက်ဆုံးရက်အနေဖြင့်  ဝင်ခွင့်အင်တာဗျူး စစ်ဆေးပေးမည် ဖြစ်ပါသည်။ သို့ဖြစ်ပါ၍ အင်တာဗျူးဖြေဆိုရန် ကျန်ရှိနေသူများ အားလုံး မဖြစ်မနေ (မဖြစ်မနေ) လာရောက်ဖြေဆိုရန် အထူးသတိပေးအပ်ပါသည်။

ဝန်ဇင်းအွန်လိုင်း တက္ကသိုလ်ဝင်ခွင့်စီစစ်ရွေးချယ်ရေးအဖွဲ့

???မြန်မာ့နွေဦးတက္ကသိုလ် နိုင်ငံရေးလေ့လာမှုပညာမဟာဌာန (Faculty of Political Studies) အောက်ရှိ
နိုင်ငံတကာဆက်ဆံရေးပညာ (International Relations) နှင့် နိုင်ငံရေးသိပ္ပံ ( political Science) ဘာသာရပ်များအား ဝင်ခွင့်လျှောက်ထားသော ကျောင်းသား၊ ကျောင်းသူများသို့ ....

ဝင်ခွင့်ဖြေဆိုရမည့် Form link ကို ၃.၉.၂၀၂၄ (အင်္ဂါနေ့) ၌ MES တွင်တင်ပေးမည်ဖြစ်ပြီး ၄.၉.၂၀၂၄ (ဗုဒ္ဓဟူးနေ့) နှင့် ၅.၉.၂၀၂၄ (ကြာသပတေးနေ့) ထိ ဖြေဆိုရမည် ဖြစ်ပါသည်။

သိုဖြစ်ပါ၍ မိမိတို့၏ MES dashboard ကို စောင့်ကြည့်ပေးပါရန် တိုက်တွန်းပါသည်။

1 September 2024 တွင် ရေးဖြေ ဖြေဆိုထားခဲ့ကြသည့် ကျောင်းသူကျောင်းသားများ အား လူတွေ့ စစ်ဆေးရန် အချက်အလက်များ ကို MES Dashboard တွင် ဖော်ပြပေးထားပြီး ဖြစ်ပါသည်။

တိုင်းရင်းဆေးတက္ကသိုလ်၊ မန္တလေး

?ဝန်ဇင်းအွန်လိုင်းတက္ကသိုလ် (WOU) ကို လျှောက်ထားပြီး နောက်ဆက်တွဲဖောင်မဖြည့်ရသေးသူများအတွက် အထူးသတိပေးကြေညာချက်?

နောက်ဆက်တွဲဖောင်ဖြည့်ရန် email ပေးပို့ထားကြောင်း အသိပေးကြေညာခြင်း

ဝန်ဇင်းအွန်လိုင်းတက္ကသိုလ်၊ ပထမနှစ်သင်တန်းအတွက် MES တွင် လျှောက်ထားပြီး ပထမအဆင့်အောင်မြင်ကာ နောက်ဆက်တွဲဖောင်မဖြည့်ရသေးသူများ အနေဖြင့် ဖြည့်ရမည့် form link ကို Email မှ တစ်ဆင့်ပေးပို့ထားပြီးဖြစ်ပါသည်။ သို့ပါသောကြောင့် အဆိုပါ သင်တန်းနှစ်ကို လျှောက်ထားပြီး နောက်ဆက်တွဲဖောင်မဖြည့်ရသေးသူများအနေဖြင့် email စစ်ကြဖို့နှင့် (email စစ်ရာတွင် Inbox နှင့် Spam ၂ခုလုံးစစ်ပေးပါရန်)  email မှပေးပို့သော နောက်ဆက်တွဲ ဖောင်ကို မဖြစ်မနေ ဖြည့်ဖို့ အသိပေးတိုက်တွန်းအပ်ပါသည်။

MES တွင်စာရင်းသွင်းခဲ့သော Email ၊ MES ID ၊ လျှောက်လွှာအမှတ်စဥ်ဖြင့်သာနောက်ဆက်တွဲဖောင်ကိုဖြည့်ပါ။ နောက်ဆက်တွဲ ဖောင်မဖြည့်သူများကို WOU အနေဖြင့် လက်ခံစဥ်းစားမည်မဟုတ်ပါ။
CDM ဖြစ်ကြောင်းထောက်ခံစာကို မိမိတို့၏ နီးစပ်ရာ CDM ဆရာဆရာမတစ်ဦးဦးထံမှ (သို့မဟုတ်) မြိုနယ် ပညာရေးဘုတ်အဖွဲဝင်များထံမှ (သို့မဟုတ်) ကြားကာလ တက္ကသိုလ်ကောင်စီများထံမှ (သို့မဟုတ်) မိမိတို့၏ နီးစပ်ရာ CDM ဝန်ထမ်းတစ်ဦးထံမှ (သို့မဟုတ်) တော်လှန်ရေးအဖွဲ့အစည်းတစ်ခုခု၏ သက်ဆိုင်ရာ ပုဂ္ဂိုလ်တစ်ဦးထံမှ အကူအညီ တောင်းခံကာ ရယူနိုင်ပါတယ်။
အကယ်၍ထောက်ခံစာမရခဲ့ပါက တော်လှန်ရေးအဖွဲ့အစည်းများတွင် ပါဝင်ဆောင်ရွက်နေသော အထောက်အထား/ထောက်ပို့၊ လှူထားသောအထောက်အထား၊ Click ထားသောအထောက်အထား တင်ပေးနိုင်ပါသည်။

အထူးသတိပြုရန် -
CDM ဖြစ်ကြောင်းကိုယ်တိုင် ဝန်ခံချက်ကို ဝန်ဇင်း အွန်လိုင်းတက္ကသိုလ် အနေဖြင့် လက်ခံစဥ်းစားမည်မဟုတ်ပါ။ CDM ထောက်ခံစာသည် ဝင်ခွင့်ရွေးချယ်ရေးအတွက် အလွန်အရေးကြီး၍ မဖြစ်မနေတင်ပေးရန်လိုအပ်သည်။

ဝန်ဇင်းအွန်လိုင်းတက္ကသိုလ် ဝင်ခွင့်ရွေးချယ်ရေးအဖွဲ့