#ابني_سألني ليه بابا مش موافق على حكاية الفود بلوجر؟
فسألته: هو بابا ما قالش السبب؟
👦🏽 قال لا ما قالش

🌻طيب انت عايز تشتغل فود بلوجر ليه؟

👦🏽 شغلانة سهلة…تروحي تاكلي ببلاش..وتاخدي فلوس .. وأنا عايز أغير العجلة

🌻تاكل ببلاش ليه؟ انت محتاج فقير؟

👦🏽لا .. آكل وأصور وأقول بقى الفراخ چوسي والبطاطس مش شاربة زيت … إعلان يعني

🌻 يعني نضغط على صاحب المطعم بحجة الإعلان يأكلنا ببلاش .. ولازم طبعًا نقول الأكل حلو؟

👦🏽أكيد مش إعلان!

🌻ولو طلع مش حلو حتقول؟

👦🏽……،………

🌻سكت ليه؟ يعني ناكل بسيف الحياء سحت ونكذب؟
تخيل إن بابا وافق
حتعمل ايه؟

👦🏽 حاعمل حساب على إنستا واكلم المطعم أتفق معاه

🌻وتجهز عبارات مخصوصة عشان المحتوى يكون جاذب
وانت لبق ونبيه حتعرف توصل لطريقة تشد بيها الناس

👦🏽وكل يوم - بعد المذاكرة طبعًا- أتواصل مع مطاعم ونعمل تحديات والحساب يكبر والفلوس تزيد هي دي رحلة الفود بلوجر

🌻بس انت كده مش فاهم يعني ايه فود بلوجر..
فود بلوجر يعني مدون عن الطعام .. تقول رأيك الحقيقي عشان لو الناس عايزة تجرب مكان معين أو وصفة معينة تبقى اتعرفت منك.
ده معناه إنك مستشار مش شركة دعاية .. مطلوب منك تقول الحقيقة (المستشار مؤتمن) و ( من غشنا فليس منا)
الأكل مش لعبة
تحديات أكل كميات كبيرة ده سفه ومضيعة للأكل اللي بطون فقراء المسلمين أولى به
غير إن الرسول صلى عليه وسلم قال: «المؤمن يأكل في معىّ واحد والكافر يأكل في سبعة أمعاء» رواه البخاري.

👦🏽بس التحديات بتجيب متابعين وشهرة

🌻واحنا عشان نجيب متابعين نغلط؟
مبدئيًا يعني المتابعين الكتير مش هدف..نجاح الإنسان في الحياة مش بعداد نعده… تخيل في أنبياء يوم القيامة يأتي ليس معه أحد .. لم يؤمن معه أحد خالص…في أنبياء كتير ما نعرفش أسماءهم لكنهم عند ربنا أنبياء..الشهرة مش هدف..الشهرة فتنة
وكثرة المتابعين مش دليل نجاح…

👦🏽بس الشهرة تجيب فلوس

🌻الفلوس حلوة ورزق ونعمة بس مش دي الطريقة اللي بنوصل لها بيها
الأكل في حياة المسلم سبب مش هدف..
ناكل عشان نتقوى على العبادة والمذاكرة
الأكل مش المفروض يكون محور اهتمامتنا… نتتبع تريندات الأكل ونجرب ونفتح عيون الناس على الدنيا.
أنا مع بابا… السكة دي مش حلوة
ولباقتك وشطارتك في التصوير ممكن نعمل بيها فكرة تانية
فكر في حاجة غير الأكل

#أكاديمية_غراس_العقيدة

تسجيل اللقاء السابع من #سورة_القصص متاح الآن على المنصة في
#فسائل_العزة

نسأل الله لنا ولكم
علمًا نافعًا
ghirasalaqeeda.com/p/fasayel

شاركينا الفوائد التي دونتيها

#أكاديمية_غراس_العقيدة

?بدأنا استقبال اشتراكات الشهر السابع

#عمر_بن_الخطاب

? نستخلص  من سيرته الدروس والعبر

?نستعرض أهم القضايا الفقهية التي وردت في ثنايا الكتاب

?نتوقف مع محطات حياته قبل البعثة وبعدها واتساع الفتوحات في العراق والشام

?نستكشف مواقع حياته وسيرته على الخريطة

?ننطلق من الكتاب  ليشمل بحثنا كتابات متنوعة عرضت سيرته رضي الله عنه

?غراس طويل نجاور فيه صاحب رسول الله صلى الله عليه وسلم

لقاءات أسبوعية ?مباشرة تسجل وتبث على المنصة                                               
بــ #نظام_الاشتراك_التكافلي

?قيمة الاشتراك الأساسية 400 جنيه شهرياً

ومع نظام الاشتراك التكافلي

اشتراك شهري بالقيمة التي تناسبك 
50جنيه، أو 100،أو  200،
أو 400 جنيه شهريًا

لمعرفة بيانات التحويل انضمي لمجموعة الاشتراكات من هنا  من داخل مصر

https://t.me/+WBTmZC-tzUlhYTE0

?ومن خارج مصر  انضمي للشهر السابع  من هنا

ghirasalaqeeda.com/p/1umar2

#أكاديمية_غراس_العقيدة

#تعرفوا_علينا