🌿Туос - айылҕа матырыйаала. Туостан оҥоһуллубут иһиккэ ас буорту буолбат, аһыйбат, аҕыарбат диэн өбүгэлэрбит ытыктаан тутталлара.

🌿Туос иһит үйэлээх буоларын туһугар көрүүтүн-харайыытын уонна аска-үөлгэ дьайыытын туһунан СӨ норуоттарын уус-уран оҥоһуктарын маастара, "Туос ситимэ" түмсүү салайааччыта Н.Е. КОРНИЛОВА уонна кини үөрэнээччилэрэ "КҮН ДЭЛЭЙЭ" биэриигэ анаан кэпсээтилэр. Туһалаах сүбэлэри биэрдилэр.

🌿Биэриини бу субуотаҕа, ахсынньы 21 күнүгэр, күнүс 13:00 көрүҥ!

🌿МИКРОЗЕЛЕНЬ-үүнээйи саҥа сэбирдэҕин кыһыҥҥы кэмҥэ үүннэрэн доруобуйабытын чэбдигирдиэххэ!

🌿Күөх үүнээйини дьиэҕэ үүннэрии уонна көрүү-истии, от туһатын туһунан нутрициолог Ирина ГАВРИЛЬЕВА "КҮН ДЭЛЭЙЭ" биэриигэ сырдатта.

🌿Биэриини бу субуотаҕа, ахсынньы 14 күнүгэр 13:00 көрөргүтүгэр ыҥырабыт!

🌿Төрүт боруода саха сүөһүтүттэн кэлэр бородууксуйа доруобуйаҕа туһалааҕа учуонайдарынан дакаастанан турар. Бэйэбит төрүт боруодабыт тыйыс тымныыга тулуурдааҕын, ыарыыга бэриммэтинэн, аһыгар талымаһа суоҕунан сөхтөрөр.

🌿Саха сүөһүтүн туһунан баар чахчылары, учуонайдар чинчийиилэрин, тус көрүүтүн РФ үтүөлээх суруналыыһа,"Төрүт баай" уопсастыбаннай түмсүү салайааччыта, "Кыым" хаһыат ырытааччыта, инженер-технолог үөрэхтээх Владимир СТЕПАНОВ "КҮН ДЭЛЭЙЭ" биэриигэ анаан сырдатта.

🌿Саха сүөһүтүттэн кэлэр ас-үөл туһатын туһунан бу субуотаҕа, сэтинньи 30 күнүгэр, 13:00 көтүппэккэ көрүҥ!

?Балык дьаарбаҥкатыгар быйыл 80 туонна көмүс хатырыктаах атыыга баран киин куорат дьоно-сэргэтэ кыстык астарын хаһааннылар. Маннык тэрээһиҥҥэ балык сибиэһэйэ, сыалааҕа, минньигэһэ кэлэрин билэн дьон күүтэр атыыта көхтөөхтүк барда.

?Балык дьарыктаах дьон бүгүҥҥү түбүктэрин, кыһалҕаларын уонна соруктарын туһунан "КҮН ДЭЛЭЙЭ" биэриигэ, сэтинньи 2 күнүгэр, субуотаҕа 13:00 көтүппэккэ көрүҥ!

?Идэһэ кэмэ чугаһаата. Саха ыаллара кыстык аһы-үөлү дьаһанар күннэрэ саҕаланнылар. Эт-ас эгэлгэтин элбэтэн дьиэ халбаһытын астыахха.

?Таатта улууһун Даайа Амматын олохтооҕо Оксана Михайловна АРГУНОВА "КҮН ДЭЛЭЙЭ" биэриигэ эттэн бэлэмнэниллэр минньигэс сарделька ырысыабын үллэһиннэ.

?Сонун ас хайдах буһарылларын билиэххитин баҕарар буоллаххытына, алтынньы 26 күнүгэр, күнүс 13:00 "САХА" НКИХ ханаалыгар холбонооруҥ!

?Биэрии бары таһаарыылара ютуб,рутуб ханаалларыгар тахсаллар.

«Сахаэтностиль» мааны таҥас мастарыскыайа?

Айылҕа муҥутаан күүһүрэр кэминэн тускуо!???

?Чороон, кытыйа, симиирчэх, чабычах,ычаа хамыйах - саха мааны иһиттэрэ. Саха иһиттэрэ түүр омук малларын, астарын-үөллэрин майгыннаһар уонна уратылаһар өрүттэрин М.К. Аммосов аатынан ХИФУ магистрана, эдэр чинчийээччи Саргылана МИХАЙЛОВА үөрэппит үлэтин биһиги биэриибитигэр сырдатта.

?Айыы аһа - кымыс сиэригэр-туомугар туттуллар иһиттэр туһунан Саха түмэлин археологияҕа уонна этнографияҕа салаатын сэбиэдиссэйэ Василий ПОПОВ кэпсээтэ.

?Ыһыах күнүн көрсө бэлэмнэммит «КҮН ДЭЛЭЙЭ" биэриини субуотаҕа,бэс ыйын 22 күнүгэр көтүппэккэ 13:00 көрүҥ!

☀️ЧОМУГУРТАН САЛАМААТЫ АМСАЙБЫККЫТ ДУО?

?Өлөөн улууһун үрүҥ балыгын искэҕиттэн уонна өрөҕөтүттэн саламааты, сугунтан минньигэс бүлүүдэни уонна хаптаҕастан утаҕы Галина АМБРОСЬЕВА "КҮН ДЭЛЭЙЭ" биэриигэ астаан, билиһиннэрэн көрдөрдө уонна төрөөбүт улууһун олоҕун-дьаһаҕын, аһын-үөлүн туһунан сырдатан кэпсээтэ. Ыалдьытымсах хоту сир дьонун булт-аһыттан ньымаат сандалытын билиһиннэрдэ.

?Биэриини бу субуотаҕа, бэс ыйын 15 күнүгэр күнүс 13:00 көрөргүтүгэр ыҥырабыт.

?НЬУКУОЛУН АҺА - АЛААДЬЫ УОННА КУС МИИНЭ

?Ыам ыйа сахаҕа санааны сааһыланар, киртэн-хохтон ыраастанар кэм. Бу кэмҥэ өбүгэлэрбит ходуһаҕа, хонууга, тэлгэһэҕэ алгыстаах алаадьыы ууран кэлэр сайынтан илгэни, быйаҥы көрдөһөллөрө.

?"КҮН ДЭЛЭЙЭ" биэриигэ Хаҥалас улууһун Төхтүр нэһилиэгин олохтоохторо Т.С.БОРИСОВА, Л.Е.РУФОВА алаадьы ырысыаптарын, алгыстаах ас суолтатын, Ньукуолуннааҕа сиэри-туому үллэһиннилэр.

?Бу кэмҥэ Саха сиригэр кэлэн ааһар кустар, хаастар көрүҥнэрин, ханнык көтөрдөр аска-үөлгэ амтаннарынан ордук барсалларын биология билимин хандьыдаата, ХИФУ зоологическай түмэлин дириэктэрэ В.Ю.ЧИБЫЕВ кэпсээтэ.

?"КҮН ДЭЛЭЙЭ" Ньукуолуннааҕы таһаарыытын бу субуотаҕа, ыам ыйын 18 күнүгэр күнүс 13:00 көрөргүтүгэр ыҥырабыт!