ابوذيات لولادة الامام المهدي (عج)

يهل النور
اتلاشى وي بدر نوره يهل النور
المهدي من يشع باجر يهيل نور
من ايهل يجي انشوفه يهل نور
اهلال ومن يجي ينور البريه
..........
يهلنه
بديل ابكل محنتكم يهلنه
المهدي ومن يجي يدفع يهلنه
املنه ومابعد غيره يهلنه
ويجي يجيب السعاده الهل بريه
ياسر العارضي

**هوسات شعبانيه ١٥ شعبان

فرحان اليحب المهدي بالمولد
وباسمه بكل صلاه يتعبد ويسجد
ويحضر بالحفل بالحنجره يردد
ها.... فرحانه بالمهدي الشيعه
...............
للمهدي الولاده وهاي فرحتنه
باجر لو ظهر بالعدل يسعدنه
اذا هوه انولد معناهه مولدنه
ها....... مولوده ميلاد العالم
.................
شعبان الفرح والشيعه متهنين
ست اقمار من اليمه مولودين
نحظر للحفل كل احنه فرحانين
ها....... وبالمولد نقراهه الهوسه

الشاعر ياسر العارضي**

**ياولي النعمه يمهدينه
بمولدك نرفع ايادينه
ياولي النعمه
ياولي النعمه
ياولي النعمه يمهدينه
............
ياولي النعمه يمدركنه واملنه
بالولاده الك احنه انولدنه
من الفرح بيك فلاتكفي جُملنه
هله ابجيتك هله يابعد اهلنه
يالحروفك تروينه
ياولي النعمه يمهدينه
ياولي النعمه
ياولي النعمه يمهدينه
............
حلوه دنيانه اذا بيهه وجودك
وي الانفاس نشم والله ورودك
ويه ما جيت اجه واضح سجودك
من الولاده بدت حتماً وعودك
والوعد انت تهدينه
ياولي النعمه يمهدينه
ياولي النعمه
ياولي النعمه يمهدينه
............
جوهر ايام حياتك وانت من دُر
منخلق جن علي وجفوفه تسطر
باجر اعداك تضوكَهم اشد مُر
من الولاده الظهورك انت تصبر
وصبرك اتطوِّل اسنينه
ياولي النعمه يمهدينه
ياولي النعمه
ياولي النعمه يمهدينه
............
فرحو اهلك وجودك الهم اجمل
عدهم اخبار ذخرهم والمؤمل
وبجمالك ضوه الدنيه تجمل
سور الاسلام بدونك ماتكَّمل
وهالمبادئ تكفينه
ياولي النعمه يمهدينه
ياولي النعمه
ياولي النعمه يمهدينه
............
هاي الافراح الك وانت السعاده
وابوجودك نحس طعم العباده
الك من ربك وتحله القياده
الف مبروك الك هاي الولاده
من نهنيك تهنينه
ياولي النعمه يمهدينه
ياولي النعمه
ياولي النعمه يمهدينه

الشاعر ياسر العارضي**

#قصائد_منبريه
#استشهاد_الامام_علي_الهادي_ع
**اساسية

صوت البواجي والنعي ابمرقد علي الهادي
ابليلة رحيله كل محب يتعنه وينادي
عظم الله الاجر يالمنتظر
عظم الله الاجر يالمنتظر
..................................
ليلة افراكَه الاليمه                   الألهه طك شيب الكَلب
وبوسط اسود حزنهه                ايمر خبر جدا صعب
الرحمت الباري بوجوده             تاخذه احضان الترب
ايحاربونه اهل الخيانه              والسم اسلاح الحرب
يفني العمر شاب وبعد ماتتم احلامه
عاش الحياة ابكل حزن  وانختمت ايامه
ولأجل فكَد الإمام وهالخبر
عظم الله الاجر يالمنتظر
..................................
من علي الاكبر سنينه                   عمره أكبر جم سنه
اليعتني ويكرم يتامه                    ألسم الجبده اعتنه
ال أذَّن  ابساعه رحيله                 اتحمله زين المأذنه
اتفطرت كَاع الله كلهه            وكل محب ظهره انحنه
لسابع سمه من اول سمه لفكَده اصبحت سوده
عاشِر امام اليحتضر وانفاسه معدوده
على اعياله اعيونه مشبوحه النظر
عظم الله الاجر يالمنتظر
..................................
رايح وتارك شبابه                  ولرحيله مستعد
مثل ما احنه نطينه           ابعمره شبان الحشد
هوه غير المثله يبقه               مو يروح ومايرد
وحشه بستان الرساله            ينكًطع منه الورد
التحتاجه ناسه لكل ألم والكل جرح بلسم
من اشفافه من السم نضح يا للحسافه الدم
وطاح جبده وزاد بالموقف خطر
عظم الله الاجر يالمنتظر
..................................
مُفتَرَض بالطاعه واجره            ضيعوو أهل الرجس
غيمه سوده وكلهه عتمه           وكَفو اكَبال الشمس
من درو من علي الهادي               الناس تتعلم درس
عذبو كلمن يحبه                     بالسجون وبالحبس
وبأبشع انواع الظلم ضد شيعته وناسه
وعيونه دم تجري ودمع من غابت انفاسه
الشيعته التتحمل امصاب الدهر
عظم الله الاجر يالمنتظر
..................................
حارب الباطل وجوده                وبرحيله أعلن نصر
حقق النصر المؤزر                     حته لو وسط القبر
كل طموحه الدين يبقه          ودينه باقي بكل عصر
شما شهيد ايطيح عدنه                دمه للدين الفجُر
ويشع ضوه ابوجهه الوكَع جا ناصر الدينه
للدين ناذر هالعمر والنصرت حسينه
ولأجل هذا الفداء اعله الاثر
عظم الله الاجر يالمنتظر

الشاعر
ياسر العارضي**

#قصائد_منبريه#الامام_علي_الهادي_ع **على انفاسك سلام ألله

لفكدك آه وا ويلاه

علي الهادي    ياعلي الهادي

.........

بجينه وماترد دمعات العيون

كل الراحو وماضن يرجعون

نضل طول العمر للي يموتون

نشتاك ونظن بلكت يمرون

وانت العاشر الوالي

إمام وعالكلب غالي

علي الهادي    ياعلي الهادي

........

سم جبدك رسم لوحة غيابك

مايدري احنه كل يوم اعله بابك

نجيك ونعتني نشم ابترابك

ومانشبع ابد من شم ثيابك

ييوسف كل شخص بينه

الك زادت بواجينه

علي الهادي    ياعلي الهادي

.........

تره غالي الهوه وانت اغله منه

يرمز العاطفه وكللك محنه

من اتروح يعني أحنه رحنه

متمسكين بيك من انوجدنه

لونك منخطف رايح

ابدارك ينسمع صايح

علي الهادي    ياعلي الهادي

.........

دنيانه الكضت وي ما رحت ليش

اضن حته الوقت مايقبل ايعيش

يعاقبنه الزمان ابلا ذنب ليش

البلاوي الريح واحنه بخفة الريش

يشتتنه وتجمعنه

بوجودك ربنه يرحمنه

علي الهادي    ياعلي الهادي

.........

وي العسكري نحيي عزائك

ودمعنه انخلطه يالحيد ابدمائك

جنت تحفظنه من ترفع دعائك

اخذنه حته لو نجمه ابسمائك

تصبحنه وتمسينه

وبنورك تضوينه

علي الهادي    ياعلي الهادي

الشاعر
ياسر العارضي**

#قصائد_منبريه
#استشهاد_الامام_علي_الهادي_ع

شيعة حيدره اتنادي
وينك ياعلي الهادي
... ..
من سموك يبن الطاهره انسابه
صاحت شيعتك وبدمعه لهابه
بعدك ياهو نكصدله وندك بابه
نذوب شموع من نوصل على اعتابه
حزنك بينه ضل حادي
وينك ياعلي الهادي
... ..
يوم افراكك الما ينحمل مره
تبقه ابكل كلب ماتنطفي جمره
عليك الدمعه تنزل عالوجن حمره
اعله صخره لوتطيح اتفطر الصخره
دمعهم يترس الوادي
وينك ياعلي الهادي
... ..
مسموم ورحت شاب وخلص عمرك
امام ومفترض بالطاعه من زغرك
تصبر عالظلم أه شكبر صبرك
ماشفت الفرح من مهدك الكبرك
اعليك اشكد ظلم سادي
وينك ياعلي الهادي
... ..
عانيت ابحياتك ماشفت راحه
كلبك تنلجم بالمغرب اجراحه
وجهك عالحسين الغالي واصلاحه
وللطف والمخيم غابت افراحه
الحزنك صرخة اجدادي
وينك ياعلي الهادي
... ..
مسموم ورحت نعشك يحملونه
أمام انت بمدامع دم يودعونه
اليصبحون اعله وجهه واليمسونه
امير ارواحنه شخصك يسمونه
فراكك والله مو عادي
وينك ياعلي الهادي

الشاعر
ياسر العارضي

**لليالي الفاطميه
كل دموعي كوثريه
يا زهراء يازهراء
.........
من تمر اول روايه انه استعد
بالقصائد اقره وبياطور أرد
الزهره تحظر بالمجالس واعتقد
لو قريت اعليهه اسمع منهه أعد
والأعد منهه الهويه
كل دموعي كوثريه
يا زهراء يازهراء
.........
مستحيل انساهه مكسورة ضلع
عينهه امورمه وتهل دم ودمع
من كثر ما تنعصر باصعب وضع
الا لحظه اتضل كَلبه وينشلع
واشكبر هاي الرزيه
كل دموعي كوثريه
يا زهراء يازهراء
..........
هوه مو بسمار نابت بالصدر
هاي نقطه اتوضح اذنوب الكفر
وياصدر هوه وتعرض للعصر
وره الباب الزهره لا يهل الغدر
اخ يا ضلع الزجيه
كل دموعي كوثريه
يا زهراء يازهراء
...........
كل روايات المصيبه اثلاثه لا
للي انطت عينهه ازغير العطا
فدك بيهه الكاف من ال كربلا
والهه حته اهتز عرش رب السما
الهه دمعاتي الجريه
كل دموعي كوثريه
يا زهراء يازهراء
............
ثالث اسباط الأمم طاح وهوه
من عرف ضلع امه مكسور التوه
ماكسر ظل عمره شو راح الضوه
صفحه وزغيره العمر جن وانطوه
والبجي لهاي القضيه
كل دموعي كوثريه
يا زهراء يازهراء

ياسر العارضي**

**يالزهره والله امصابج امأذيني
كل مغربيه أسمج ايبجيني
آه واويلاه آه يازهراء
.............
يم الحسن لمصابج اني احزاني
ياغيرة الله ومنهجي وقرأني
تتغير لأسمج يبضعه الواني
ومشتعله روحي لجلج ابنيراني
يارحمة الباري ويسِر اسنيني
كل مغربيه أسمج ايبجيني
آه واويلاه آه يازهراء
.............
كل ما قرولي اعليج ينزل دمعي
واتمنه لمصابج اكسره ضلعي
مختلف باحزانج وحكَج وضعي
طبعي الحزن والاه صاير طبعي
وايزيد نوحي كلمن ايواسيني
كل مغربيه أسمج ايبجيني
آه واويلاه آه يازهراء
.............
بحنجرتي هضمه وصوتي يطلع كوه
ولطمي لعذابج وادك ابصدري ابقوه
ارد اشعر ابعصرج واريد اتروه
من حزني واشرب من دموعي امروه
والكون كله يسمع من اونيني
كل مغربيه أسمج ايبجيني
آه واويلاه آه يازهراء
.............
موبس نواعي وساعه يخلص نوحي
لجلج يبضعه واضحات اجروحي
روحي المصابج والله اكَلهه روحي
فدوه الج خل تمشي واكتب لوحي
هذا البذل روحه الج كتبيني
كل مغربيه أسمج ايبجيني
آه واويلاه آه يازهراء
.............
لا ما أمل هذا الجزع واهاتي
وازغيره احس لمصيبتج دمعاتي
ماتطفي ناري واشكثر جلماتي
بحجم الفضاء اعليج اضن حسراتي
ابجي عليج وانتِ التهَّديني
كل مغربيه أسمج ايبجيني
آه واويلاه آه يازهراء

الشاعر ياسر العارضي**

**نعي استشهاد السيدة فاطمة الزهراء ع
عندما أخذو علي (ع) مكتوف الايدي وبعث سلمان الفارسي إليها كي لاترفع يدها بالدعاء فقالت له وبلسان الحال..

يسلمان....
اشيسوه العمر والله بدونه
اريدن علي سالم يخلونه

بعد جرحي جبير ومارضه ايطيب
ما أتحمل انه حيدر ايغيب

وحك دين النبي وشخص الرساله
بعد مابيه اكَوم ابجي اعله حاله
بعد هيبة ابوي وعز دلاله
عليه اتجاسرو ذوله النذاله

يسلمان يسلمان....
صبرت وكَلت ميخالف تعدي
وألآم الضلع توجع ابجبدي
علي بلسم كَلت بالدنيه عندي
ما أرضه يروح وابقه وحدي

يعوفونه ردت ما يجتفونه
وكَبل المغرب البيته يردونه
وإلا أرفع ايدي عالسبونه
والعالي يصير اسفل ابكونه

بجت فاطمه وسالت دمعة العين
واجو يمهه الاولاد الحسن وحسين
يسألوهه ييمه ليش تبجين
تكَللهم ييمه راح المعين

يسلمان
بعد مايوم وعيوني يسلمن
على اللي راح بالدمعه يسلمن
اريدن حيدر ايردلي يسلمان
الي بس هوه بعد الغاب فيه

الشاعر ياسر العارضي**