شحال كلبج بالغرب
ادري انه بوضعج صعب ******الشام غربه الناس غربه

كلشي مايرهم يهلنه

وزينب لوحدها صعبه

خويه من دونك تعبنه

ماكو راحه بدونك..

وراحت وياك المحنه

موش مالت غربه زينب وانتم تعرفونها

ليش عفتوها لوحدها والغرب يحدونها

ويلي عگب النوگ ذيجه والدلال

مدلله وتمشي بهزيله والغرب يسبونها
******الشام ما يـــرحم عزيز

الشام لوعه الشام حسره

وهذا ليل وانه وحــدي

واهلي كلهم عالغبره

گـوم يبن امي الخواتك

كــوم بس انضرلي نضره

مدلله اختك يابو فاضل والغرب بجوها

الماكو واحد شاف ضلها هسه شو طگوها

تبجي اجتك من خيمها ادور علعيونك

وين اخوي حسين صاحت والغرب سمعوها ******بينه لوعه وبيه حسره

ربي يمته وتفرج النه

بالكلب شوگ وجروح

ونه صارت فوگ ونه

الباب الخضره تعباني

لمن يحجولي انه عنه

مو سهل بعدج ييمه يمته اوصل گبتج

ابجي وانحب يم ضريحج انه اريد زيارتج

يمته اعيش لوعة الملجوم وانحب من كلب

يمته ويسويها ربي وتفرج اوصل غربتج ******والله مشاكين ييمه

وشوكنه ياكل كلبنه

بجيت المذبوح نبجي

وداعتج كلش تعبنه

ماكو غير الفرج حلها

يمته يالمهدي وتلمنه

اضهر النه وخلي ناخذ ثار زينب والبتول

النه غايب عن غريب نشوفه بعدانه يصول

كلنه ندعي يابوصالح مانسينه الثار ثارك

لحد مايضهر ولينه العجل يالمهدي نكول
******الشاعر سيد حسن الياسري

قريباً ?

نعي ?*?*

ليله اعلى ليله احسب ترد ليله اعلى ليله
مابيه حيله فراكك يالكمر مابيه حيله 
ياهو اشتكيله خلافك بعد ياهو اشتكيله
وكلش ثكيله يافركتك كلش ثكيله…………………………………
خلص عمرها نوح وبجي خلص عمرها 
محد يمرها وحيده صفت محد يمرها
حته بكبرها بغربه صفت حته بكبرها
كلش كسرها فراك الاخو كلش كسرها…………………………………
جا مايجوها ابين الغرب جا مايجوها
وتريد أبوها زينب تون وتريد أبوها
ماهوه اخوها غاب الكمر ماهو اخوها
ما شيعوها مثل الخلك ما شيعوها…………………………………
غربه اليشيعون مو من هلي غربه اليشيعون
وتسيل العيون راحو هلي وتسيل العيون
ماضن يردون ليه بعد ماضن يردون
ماتت أم عون بارض الغرب ماتت ترا ام عون…………………………………
مو امن أهلنه اليحدي الضعن مو امن اهلنه 
غيرك منو النه يكافلنا بعد غيرك منو النه
مابي محنه حادي الضعن مابيه محنه
طشر شملنه يوم المشه طشر شملنه**#اللهم_عجل_لوليك_الفرج#الشاعر_سيد_حسن_الياسري

على فاطم وأويلا.. ،،،،،،،،،،،،،،،،،،،،،،،،،،،،،،،،،،،،،،،،،،،، يله ياجـرحـي انـــــته شد حزامك لجرح فاطــــم سود خلها ايامــك وخلي نزفك هوه سر أحــــلامك لجـــمت البسمار رزق الآمــــــك فاطمه تلوج بوجعها .. ومحسن أهوايه فجعها .. فاطمه مثل زينب هم تنوح ..…

على فاطم وأويلا..
،،،،،،،،،،،،،،،،،،،،،،،،،،،،،،،،،،،،،،،،،،،،
يله ياجـرحـي انـــــته شد حزامك
لجرح فاطــــم سود خلها ايامــك
وخلي نزفك هوه سر أحــــلامك
لجـــمت البسمار رزق الآمــــــك

فاطمه تلوج بوجعها .. ومحسن أهوايه فجعها .. فاطمه
مثل زينب هم تنوح .. عاشت بحسره وجروح .. فـاطمه

فاطمه أم حسين مـفـجـوعـه يــنـاس
عله المحسن والجرح ضل بالانفــاس
ناس ماعدهـم رحم لا أكــو أحـسـاس
،،،،،،،،،،،،،،،،،،،،،،،،،،،،،،،،،،،،،،،،،،،،
من وره الباب ودفعـها ابـن اللـعيـن
وكع محسن منها واحمرت العــــيـن
أنگسر ضلع ام الحسن وام الحسـين
علي راحت روحه من گد الـــــونين

حيل حزنانه السما .. اليوم متروسه دما .. عـلَه فاطـمه
علي بحزنه ولوعته .. وتصب ضلت دمعته .. علَه فاطمه

يصبرك الله اليوم ياحامي الحمه
لهل مصاب تعينك أملاك السمـه
أعله أم أبيها فاطمه وسيل الدمــه
،،،،،،،،،،،،،،،،،،،،،،،،،،،،،،،،،،،،،،،،،،،،
ليـــــــوم وحشه وزينب بحيره والم
تشوف ابوها بوحده كل حيله نهدم
طاح اخيها النـــــــــاس مابيها رحم
وگع محسن والضلع طاح و تهشـــم

كسر ضلعج بينه اثر ..وكلب زينب راح ينطر.. يمه فاطمه
راح نفگد طولج احنه .. وتمشي وياج المحنه ..يمه فاطمه

ثگل هـمـنـه هـواي يايمـه تـــره
ليش هذه ويانه بس احنه جـره
النار عد الباب ليش يمه موجره
،،،،،،،،،،،،،،،،،،،،،،،،،،،،،،،،،،،،،،،،،،،،
اليـــــله زينـب حيلها نهد ونسلب
ولحســـــــــين گبـالها كلش تعب
والحســـن عد راس امه وينتحب
يعينك الله ياعلي الموقف صعب

يامصيبه وشگبرها .. گسروه الفاطم ضلعها .. واه فاطمة
حيـــــره ام وابنها .. طيحو وردت عمــــرها .. واه فاطمة

مارعو بنت النبــي اهـــــــــــل السقيفه
تأمرو كلهم ابابه ومارضــو حيـدر خليفه
وجوهم مابيها رحمه والايادي مو نظيفه
،،،،،،،،،،،،،،،،،،،،،،،،،،،،،،،،،،،،،،،،،،،،

#اللهم_عجل_لوليك_الفرج
الشاعر سيد حسن الياسري

بويه مو وگت الرحيل
بـــويه ماضل بيه حيل
ها ينـــــــور عـــــيوني
بعـــــــدك يأذونــــــي
هــــا يبويه هــــا يبويه
،،،،،،،،،،،،،،،،،،،،،،،،،،،،،،،،،،،،،،،،،
بــويه هذا اليوم مو وگت الرحيل
من بعد وجهك تصير الــدنيا ليل
وما يضل بعدك يبـــويه بيه حيل
عيوني راحن يعمن ودمعي يسيل
بـــويه ماني فـراگك
ولالي حــيل وداعك
راح اضـــــل ايتـــمه
والــــدمع بعيــــوني
،،،،،،،،،،،،،،،،،،،،،،،،،،،،،،،،،،،،،،،،،
الميته ريت انه بوداعك بــــويه گون
گسرت فراگك جبيرة وتعمي العيون
حيدر أخــــلافك يضـل أبلايه عـــون
الدنيا ضلمه وكلشي صار أبلايه لــون
ضلمه الدنيا بجفاك
امده الموت الخذاك
حيدر ينوح ويكـــول
اخلافك يضلموني
،،،،،،،،،،،،،،،،،،،،،،،،،،،،،،،،،،،،،،،،،
تعوفني وتــــــــرحل يبويه يا كسرتي
وتنطفي روحي واموت انــــه بعبرتي
هسه يابــــويه إبتدت رحلت وحشتي
وانطفت كل دنيتي وخمدت شمعت
تنطفي كل الحيـــــاة
ومانشوف احنه النجاة
من بعد ماتندفــــــــن
تذبل انـــــه جفــــوني
،،،،،،،،،،،،،،،،،،،،،،،،،،،،،،،،،،،،،،،،،
ابابي باجــــر تشتعل نــــــــار العده
بـــــويه مـــن هسـه الوجع بيه ابتده
وحيدر گبال العـــــده يضل وحـــده
وتجتمع عالبـــــاب كلها الحــــاقده
ينگسر ضلعي واصيح
بويه وينك راح اطيح
من بعد موتك يبــوي
ردو وعصـــــرونـــــي
،،،،،،،،،،،،،،،،،،،،،،،،،،،،،،،،،،،،،،،،،
استشهاد الرسول محمد ( ص )
#اللهم_عجل_لوليك_الفرج
#الشاعر_سيد_حسن_الياسري

ابو فاضل خويه
اجــــو بجوني
سبيه اخذوني .. عگب جفينك .. الغرب يسبوني

ابو فاضل خويه
تصب أعيوني
اريد احجيلك .. واريد اشكيلك .. تغير لــــــوني

تعال وشــــــاهد اخيتك تبجي
العـــــــده ماترحم ولا رحموني
اجيتك أرگـض واريدك تنهض
اصيحن خـويه الغرب شتموني

يابـــو روحي وروحي
عليك زايد نـــــوحي
اه يفگـــدك يلــــجم
وشيطيب أجــروحي
،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابو فاضل خويه
شيصبر روحي
ورحت عن عيني .. الشمر يوليني .. ويشب صيواني

ابو فاضل خويه
أضيع بدونك .. وحگ أعيونك .. الشمر أذاني

اجيت بحيــــــره وادورك وينك
عرفتك تـــــــالي انه من أونينك
النهر موش انته يخــويه الضامي
وعطش وأرويته بنضــرت عينك

وحيــــــده انه تاليها
ماكــــو اهل تحميها
زلام هاشم طاحـــــو
والعـــــــده التسبيها
،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،،
يابو فاضل خويه
خيم ماضلت
بعدكم طاحت .. خواتك صاحت .. ابو فاضل وينه

ابو فاضل خويه
التحبهن تعبن
اعله هزل يمشن .. بجفاكم يبجن .. خوات سكينه

جبتهن خويه وكعدنه أگبـــالك
بجينه هوايه اعله لجمت حالك
يزينب تتعب عگــــب مـــا انته
رحت ياخويه وعفتها أعيـــالك

ابين هـــايه وهايه
والبنات أهـــــوايه
شرد اصيرن انــــه
ها يراعـــي الــرايه
،،،،،،،،،،،،،،،،،،،،،،،،،،،،،،،،،،،،،،،،،،،،،،،
ابو فاضل خويه
اجه ذباحك
علينا بهمه .. ويگطر دمه .. الرمح من راسك

همت بالوادي .. ويطگني الحادي .. هضيمة گبالك

يصيح بصــــوته الشمر ســــباني
يطگني برمحه يخـــــــي اذانـــي
وگــــــف وينادي سبوو بت حيدر
اعله زحمت جيشه غصب وازاني

بسوگ زينب وگفت
ولقصرهـــــــم طبت
تعدو اعلـــــه الخدر
لرمح راسك صدت
.........................
ابو فاضل خويه
شريد احجيلك
الزلم طگوني ...بهذيج الهيمه...الضهر مشوني

ابوفاضل خويه
يبعد عيوني .. اطلعت من خدري.. الزلم شافوني

الذيال احترگت يخونا الغالي
بعد جا بيمن تچلب اطفـــالي
بعد لا ماكـــــو كفل يحرسني
انه الكفاله بگيت لحــــــــالي

الخيم طاحت بعدك
وليه شنهو يــــــردك
مو حلو ياخـــــــــوية
عني كلش بعــــــدك
،،،،،،،،،،،،،،،،،،،،،،،،،،،،،،،،،،،،،،،،،

الشاعر سيد حسن الموسوي
الشاعر سجاد علاء الازيرجاوي