الشاعر عباس فاضل الشمري
?️عباس فاضل الشمري
ونسألكم الدعاء
الأداره?
@AbbasAE
القناة??
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 5 months, 1 week ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 6 months, 2 weeks ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 7 months ago
استشهاد الامام الحسن العسكري
عليه السلام
ـــــــــــــــــ ❁ ❁ ❁ ــــــــــــــــــ
اليوم البچي بسامراء
الحادي عشر بچـاهم
ـــــــــــــــــ ❁ ❁ ❁ ــــــــــــــــــ
ياسيدي اليوم الدمع بمصابك
فوگ الوجن لمن يهل يم بابك
لمن رحت كاسر گلب احـبابك
تنعه بحزن هاي الناس
والمهدي ينـعه ويـاهم
ـــــــــــــــــ ❁ ❁ ❁ ــــــــــــــــــ
اليوم الامـام العسـكري يسمونه
مـن الظـلم سـال الدمع بـعيـونه
اليوم بحزن كل شيعته يودعونه
عشت بظلـم وتأذيت
بس انت ما تخشاهم
ـــــــــــــــــ ❁ ❁ ❁ ــــــــــــــــــ
بأخر نفس سال الدمع مـن العين
گلت العقيد اقره نعي عن حسين
يالقدمـت عمـرك نـذر لجل الدين
يالكملت درب حسين
بأخـر نفـس تنـعاهـم
ـــــــــــــــــ ❁ ❁ ❁ ــــــــــــــــــ
بزغرك گـلت مخلـوقيـن مـو للعب
واليشـعل النار صـغار مـن الحطب
والسائل تعجب بيك شاف العجب
من زغرك وعندك علم
بحـيره العـده خلاهم
ـــــــــــــــــ ❁ ❁ ❁ ــــــــــــــــــ
سم الغدر بالعنگود وصايم جنت
اليوم بمنيتك حسيت چن گربت
چبدك تگطع واللون احـمر صرت
لمن رحت الهم ضيف
بسـم الغـدر ملگـاهم
ـــــــــــــــــ ❁ ❁ ❁ ــــــــــــــــــ
?️كلمات
عباس فاضل الشمري
?محرم?قصائد السبي ??
اضغط على الرابط للوصول للقصيدة ?
انه زينب ?
https://t.me/aeabasae/16374
درب اليسر ?
https://t.me/aeabasae/16379
مخنوگات ?
https://t.me/aeabasae/16385
شمس السبي ?
https://t.me/aeabasae/16390
يدمعات ?
https://t.me/aeabasae/16406
شوق العقيله ?
https://t.me/aeabasae/16412
الم الذكريات ?
https://t.me/aeabasae/16420
?️الشاعر عباس فاضل الشمري
Telegram
الشاعر عباس فاضل الشمري
محرم ***🔻*** آنه زينب ***💔*** السبي ـــــــــــــــــ ❁ ❁ ❁ ــــــــــــــــــ آنه زينب •• والـيـتامـه مـن السـياط تلـوذ بيه آنه زينب •• خويه بعدك بالحبل مچتوفه اديه والله صعبه سنيني .. من بعد ضي عيني آنه زينب ••• آنه زينب ـــــــــــــــــ ❁ ❁ ❁ ــــــــــــــــــ…
محرم ?
السبي
الم الذكريات
ـــــــــــــــــ ❁ ❁ ❁ ــــــــــــــــــ
تمشـي لسنين يگلبـي..تمشـي لسنين
مـدري لا ويـن يگلبـي..مـدري لاويـن
اذكر ايام الزغـر ..تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
يا عمر .. بالصبر .. لمـن اسنينك بدت
عالسفر .. والهجر .. انـه چني تعودت
ياسهر .. ياقهر .. كافي والله تمرمرت
من البشر ..والحجر..اكثر اني تحملت
والطبر .. والكسر.. عيني لمن شاهدت
شيب گليبي وكبر .. اذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
والعجب.. ياگلب .. تنبض وبعدك عدل
والصعب..ينكتب.. ماتموت انته وتظل
التعب .. والعتب .. بيه ماتدري شعمل
الضرب.. والحرب.. والضعن لمن وصل
السلب .. والدرب .. والنشد عن الكفل
عفته نايم عالنهر .. اذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
السهم .. والخيم ..والكفل جفه انگطع
والالم .. والعلــم .. عالنهــر لمـن وگــع
الزلم .. والشتم .. بالأذن مــن ينســمع
للظلم .. ما نهم .. مــا نذل عندنه طبع
للحرم .. بالهظم .. مـا بقه بــس الدمع
لمن يطيح الگمر ... اذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
والشمع .. بالدمع .. يـطفـه ويموت العرس
ينمنع .. ينگطع .. مــايطب ريتــي النـفس
اندفع .. وانصفع .. وسفه بجفوف الرجس
من وگع ..وانسمع .. بالصدر صوت الرفس
بهالوضع .. ينشلع .. لحمـك بحافــر فـرس
اصرخت من القهر .. واذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ــــــــــــــــــ
ياملح .. بالجـرح .. لمــن تــفـارك مــحـب
ياصبح .. لا تشح .. يظلــم بعيني الــدرب
ينشرح .. ينفتح .. صـدري لـونسمه تهــب
بلا مسح..ينفضح..دمعي بخدودي اليصب
والفرح .. ينذبح .. بالحـزن يبقــه الگلــب
صارت امنيتي الگبر .. واذكر ايام الزغر
تركض سنين العمر
مـدري لا ويـن يگلبـي..مـدري لا ويـن
ـــــــــــــــــ ❁ ❁ ❁ ـــــــــــــــــ
?️عباس فاضل الشمري
استشهاد الجواد ?
يا مهدينه ?
تعزيه لصاحب العصر والزمان
عجل الله فرجه الشريف
ـــــــــــــــــ ❁ ❁ ❁ ــــــــــــــــــ
جدك مسموم .. گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
يمهدينه الدمــع عالخـد يصب اليـوم
يهل دمعك على مصابه بكلب ملجوم
تنوح اعله الجواد الي رحــل مظلـوم
يمـولاي بحــزن گلبــك مـليته همـوم
حزنك مرسوم .. گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
بغــدر چبـده يتگطع والدمـع يسجب
يــون المهــدي هاليله بــقهـر ينـحــب
فگــد جـده الجــواد وگــلـبه متـعـذب
يشيل ايده بحزن واعله الصدر يضرب
مولاي اليوم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
عليك بفگـد ابـو الهــادي الحزن خيم
طفه بعينك ضــوه الدنيه ونهار اظلم
يمـولاي الـدمــع يجـري عليه مــن دم
صحت ياحيف الف وسفه بغدر ينسم
غدروه الگوم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
يشب ســم الغـدر چبــده ويشعله بنار
يـون مــن الالـم ويــهــل دمــع مــدرار
القهر لمن يظل جسمه اعله سطح الدار
شفــت ظلمـه وغــدا سيفـك يـرد الثـار
تعرف مظلوم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
علــه صوت البچي اليله تــون الروح
يظل وسط الكلب حزنه جرح مفتوح
مثل جسم الذي فوگ الجسر مطروح
بخياله شگــد يعذبنه جسـر وسطوح
وتزيد هموم ... گلبك مالوم
يامهدينه .... يامهدينه
ـــــــــــــــــ ❁ ❁ ❁ ــــــــــــــــــ
نعـزي المهـدي هاليلــه علــه مصابه
فگــد جــده وسط كلبه جرح صابه
نهدم حيله وكسر ظهره عله احبابه
يجي الكبره ويهل دمعه عله اعتابه
جرحك ملچوم ... گلبك مالوم
يامهدينه ... يامهدينه
ـــــــــــــــــ ❁ ❁ ❁ ــــــــــــــــــ
?️كلمات
عباس فاضل الشمري
#لأستشهاد_الأمام_الصادق_ع
#لسان_حال_الأمام_الكاظم_ع
ـــــــــــــــــ ❁ ❁ ❁ ــــــــــــــــــ
يالچبدتك مثل الحسن
متگـطـعه بـسم الغدر
والدنيه من بعدك حزن
ظليت انوح انـه بقهر
ـــــــــــــــــ ❁ ❁ ❁ ــــــــــــــــــ
يـابويه مـــا تردلـي . بعدك ظلام ايامــي
نعشك اشيعه بيدي . ماتت وراه احلامي
وجثتي تظل رميـه . فوگ الجسر آلامـي
مثل الحسن يبويـه . مغدور مات ودامي
بالخنجر انصاب ونزف
وچفوفـي بگيـد الألــم
رايـــة خيانتهـم تـرف
گلبي انكسر من الهظم
والشيعه حزنانه وتون
ظليت انـوح انـه بقهر
ـــــــــــــــــ ❁ ❁ ❁ ــــــــــــــــــ
شفت الچبد بعيوني. يحچي ويجرحَسرته
ميت امـام الشيعــه . يشكي الالـم نظرتـه
گلي تشوفه بعينـك . وانــه القصد عرفتـه
معناها بالسم انكتل . جاوبني مـن سألتـه
اصبـر علــه المـصيبــه
واشكي الظلــم للبـاري
واعلينــه مـو غــريبــه
نستــشهــد انــت داري
وايتذكر بقصة الحسن
ظليت انـوح انـه بقهر
ـــــــــــــــــ ❁ ❁ ❁ ــــــــــــــــــ
يابويه گدامي متـت . بس العلم بعده عدل
تزرع ورد تحصد ورد . معروفه هايه بالعقل
وانت ازرعتها وردتك. مني وردت خير النسل
وانطيته علمك للرضا . ويحارب بعلمه الجهل
وتبقـه علـوم الباقــر
محفوضه بين اولاده
والدين بيكــم ســائر
لامــا تموت امجــاده
ديــن النبي مـايندفن
ظليت انـوح انـه بقهر
ـــــــــــــــــ ❁ ❁ ❁ ــــــــــــــــــ
لمن اسولف قصتك . مجروح يابويه الگلب
المن اعاتب واشتكي.وادري انه ماينفع عتب
الظالم يصّدر الحكم .والحق اشوفنه انغصب
لازم يموت اليعترض . هذا المصير الينكتب
الي يحب ال النبـــي
لازم يضحي بدمــــه
ماهمه موت ولاسبي
ولاروح عنده تهمـه
لاهمنه ظالم لاسجن
ظليت انوح انه بقهر
ـــــــــــــــــ ❁ ❁ ❁ ــــــــــــــــــ
بالغربه ايامي گضت . يابويه اشكي حالي
جثتك اشيلنها بدي . بس انه من اجالـي
ابچي وتهل دموعي . فاگد ابــــوي الغالي
ياشمعة سنيني چنت. تضوي الي الليالــي
صارت حياتي ظلمه
بعيوني تطفه شمعه
فگــد الأبــو يهضمه
يــاهو الــي اليرجعه
لــمن يلـفونه بچفــن
ظليت انوح انه بقهر
ـــــــــــــــــ ❁ ❁ ❁ ــــــــــــــــــ
?️كلمات
عباس فاضل الشمري
قناة احمد علي على تيليجرام ( شروحات تقنية ، تطبيقات ، أفلام ومسلسلات ، خلفيات ، و المزيد )
Last updated 5 months, 1 week ago
يرمز تيليجرام إلى الحريّة والخصوصيّة ويحوي العديد من المزايا سهلة الاستخدام.
Last updated 6 months, 2 weeks ago
- بوت الإعلانات: ? @FEFBOT -
- هناك طرق يجب ان تسلكها بمفردك لا اصدقاء، لا عائلة، ولا حتى شريك، فقط انت.
My Tragedy Lies With Those Things That Happen in One Second And Remain
- @NNEEN // ?: للأعلانات المدفوعة -
Last updated 7 months ago