الحُبُّ دُعاء والدُّعاءُ حُبّ !
فَمن أَحبَّكَ دَعَا لكَ وَمن دَعَا لكَ فقَد أَبْلَغَ فِى مَحبَّتِكَ.?

[أَمَّنْ هَذَا الَّذِي هُوَ جُندٌ لَّكُمْ يَنصُرُكُم مِّن دُونِ الرَّحْمَنِ إِنِ الْكَافِرُونَ إِلاَّ فِي غُرُورٍ]

اللهُمّ قِنا عذابَك، يوم تبعثُ عبادك..!

أيام بلاء وتمحيص.

تشير أن الفتح قريب.

‏"كلُّ طريقٍ إن خطوته للهِ فانتظر فلاحهُ، وكل نيَّةٍ إن جعلتها للهِ فانتظر بركتها..
فمن جعل وجهته للهِ، ساق الله له الخير."

كيف يكون العبد من المُقربين لله تعالى؟

اللي قرأ ممكن يقول رأيه...

عارفه هي طويله معلش?

https://260023982884951.sarhne.com

رسالتي لكل شخص عم يقرأ قصتي أقلهم يصبروا علي كل مشكلة تنحطوا فيها رب العالمين خلقنا بهاي الدنيا وما في إنسان مرتاح للأبد كل إنسان عندو مشاكل وصعوبات بحياته هاي أختبارات رب العالمين بيحطنا بالأختبارات مشان يشوف قوة إيمانا وصبرنا مشان يشوف أحنا نستاهل الجنة ولا لا، نحنا أنخلقنا علي هاي الدنيا مشان نعبد رب العالمين، مو انخلقنا مشان نعمل الحرام ولا نزني ولا نسرق ولا نظلم ولا نعصي الله أصلاً هاي الدنيا ما بتستاهل،
حافظوا علي صلاتكم وفروضكم وأذكاركم وقراءة القرآن وبتمني لكل شخص الخير، كمان بتشكر صديقتي اللي هيا كانت سبب في إسلامي أنا دايما أدعيلها بالخير لأنو هيا كانت السبب في إني أدخل في هاي النعمة الكبيرة.
صدقوني الإسلام نعمة كتير كبيرة بحمد ربنا أنوا كتبها لي?.
صدق هذا السحر يلي معمولي والعوارض يلي بجسمي تهد جبال أقوي سحر،
الساحر بنفسه يلي سحرلي والشاب يلي ذهب له قالوا هي ما رح تطول سنة سنتين ورح تموت حتي الله ما رح ينتصر "أستغفر الله" وشوف قوة رب العالمين وإرادة الله صار لي 6 سنين بهاد السحر لحد الآن لسه ما متت ورح اقاوم طول ما عايشه هاي قدرة رب العالمين وإرادته.
في حديث رسول الله " وَاعْلَمْ أَنَّ الأُمَّةَ لَوْ اجْتَمَعَتْ عَلَى أَنْ يَنْفَعُوكَ بِشَيْءٍ لَمْ يَنْفَعُوكَ إِلَّا بِشَيْءٍ قَدْ كَتَبَهُ اللَّهُ لَكَ، وَلَوْ اجْتَمَعُوا عَلَى أَنْ يَضُرُّوكَ بِشَيْءٍ لَمْ يَضُرُّوكَ إِلَّا بِشَيْءٍ قَدْ كَتَبَهُ اللَّهُ عَلَيْكَ، رُفِعَتِ الأَقْلَامُ وَجَفَّتْ الصُّحُفُ "
فلن يصيبنا إلا ما كتب الله لنا هو مولانا وعلي الله فليتوكل المؤمنون..

رأيت رؤيا أيضًا لرسول الله صلي الله عليه وسلم من قيمة أسبوع كان يبشرني فيها وأخبرني أنوا رب العالمين راضي عني.

فاا الحمد لله رب العالمين

#أسميتُها_زينب

_أوّاهَا |•

صدج أحلي متعة وأحلي شيئ بالدنيا لما تصلين أرتياح هاي المتعة الحقيقية عنجد، لما بروح لعند صديقاتي أو بروح مطعم أو أسمع موسيقي وهيك شي ما بشعر بأرتياح إلا في الصلاة، ولما اقرأ القرآن هاي أحلي متعة بالحياة كلها عم برتاح لما أكون أني مو ظالمة، عندنا مثل يقول نام مظلوم ولا تنام ظالم.
عند ربي ما رح يضيع تعبي ولا حقي رح يكافئني ربي بالجنة وادخل الجنة، كنت كتير أحاول أنتحر قبل الإسلام بس بعد الإسلام لا، صرت صابرة واقول الحمد لله أنو الله رح يرفع درجاتك،
انا بضعف وبنكسر لكن في الآخر الشيئ الثابت أنوا عندي ثقه وإيمان بالله أنا عندي أمل بالله وما رح أنكسر ما دام عندي رب عادل ما رح أنكسر.

لقيت سورة أسمها سورة البقرة قلت شو هاي سورة البقرة قالوا من القرآن.
وأنا خفت قلت ما بدي أترك ديني وروح للأسلام وأنا بخاف من الإسلام بسبب الطائفه يلي حكيت لكم عنها وهيك.
المهم سمعت سورة البقرة ونمت عليها تاني يوم صحيت جسمي مرتاح أشعر بأرتياحية وسكينة بقلبي كبيرة كنت عم أنصدم حرفيًا طب ليش عم شوف هاي الرؤيات والقرآن يأثر فيني معقول الإسلام دين صادق..؟

طبعًا العوارض يلي معي كانوا بيكرهوا الإسلام،
أستمريت علي سماع الرقية بدون ما أدخل الإسلام، لأنو كنت بخاف والعوارض كانوا بيعملولي خوف أنوا إذا دخلت الإسلام رح يتقوا عليا أكثر، وأنا لو أسلمت رب العالمين ما راح يكون راضي علي، ومعقول أترك ديني يلي الله خلقني عليه، لا يجوز أن أتركة وأروح لدين آخر.
هذا ما كان يدور براسي.
أكثر من مرة كنت أريد أدخل الإسلام بس كنت بخاف وكنت مترددة وما كنت بقتنع من أي حدا، كنت أحتاج لشخص يقنعني بالدين شخص هين لين يدخل القلب،
ويشاء الله أنوا أتعرف علي صديقة شفت فيها شيئ ما شفتوا عند غيرها هي مثل الصديقة المنيحة الوفيه يلي تخاف الله الصالحة لإنسانة الطيبة التقية، لقيت فيها محبة وحب حبيتها كتير لأنو هي تتمني الخير للجميع، أستغربت وقلت معقول يالله أنوا في ناس بهذا الوقت صالحة وطيبة، كانت تحكي لي عن الإسلام وهيك وتقول أنها مسلمة، كنت اسأل نفسي طيب كيف هي مسلمة 'والد*واعش' يلي رأيتهم ورأيت منهم سوء.
حتي عرفتني علي شيخ كان يرقيني من السحر وحكا لي عن الإسلام وعن سيدنا عيسي بن مريم،
وتشجيع صديقتي لي خطوة بخطوة أقتنعت من صديقتي ومن الشيخ، هما الأثنين كانوا سبب في إسلامي الله يجزيهم خير ويجعلة في ميزان حسناتهم.
كانت صديقتي الداعمة إلي ولولا دخولها في حياتي وتشجيعها لي ما كنت أسلمت.

قررت بهديك الليلة أعتنق الإسلام وأنا كنت بخاف والعوارض يلي معي كان إسلامي كابوس إلهم، لأنهم رح يضعفوا هنن توتروا وخافوا كتير وحاولوا يسيطروا علي ويمنعوني بشتي الطرق.
ما عرفت وش أسوي رفعت راسي للسما وقلت يا رب يا رب إذا كنت ماشية بطريق صح أعطني إشارة وساعدني، طبعا ما كنت أقدر أقول الشهادة وأنطقها لأنو العوارض رابطين لساني بطريقة عجيبه، ولكن بعد ما دعيت هذا الدعاء ما شفت حالي إلا وأنا عم قول الشهادة.
أشهد أن لا إله إلا الله وحدة لا شريك له
وأشهد أن محمدًا عبد الله ورسوله.
وقتها الدنيا كانت ظلام والكهرباء كانت قاطعة بس أسلمت أجت الكهرباء فجأة حتي حسيت بشعور في قلبي وسكينة ما حسيت فيه طول عمري من يوم ما أنخلقت إلي هديك الساعة ما حسيت بهالسكينة بقلبي إلا بعد ما أسلمت.

أسلمت وبلجت بالصلاة أرتحت وأنا عم أعبد ربي،
شغل الإنسان كلنا مخلوقين للعبادة كلنا عبيد فأني أحتاج أعبد ربي عشان أرتاح رب العالمين ما يحتاج مني شيئ أني يلي أحتاج منوا.
أرتحت في الصلاة.

القرآن كل يوم عن يوم عم أكتشف القرآن تابعت برامج للقرآن وعم أتعلم الإسلام وأتعلم أحكامه وأتعلم الصح والغلط والحلال والحرام عم بفهم وبكتشف الإسلام نعمة كتير كبيرة في حياة الإنسان، يعني إذا أنتي فقيرة وغنية عندك مشاكل عندك أي شيئ تصبري نفسك وتحطي إيمانك بالله وتقولي أنوا خلاص ربي عوضني أنوا الإسلام له أساس كتير كبير ودين عظيم أنا شفت أفعال الإسلام ما شفت الإسلام فقط ك دين.

العوارض يلي معي نفسهم كانوا يعتنقون الإسلام لأنو دين حقيقي والدين الوحيد يلي هم يضعفوا منوا أما الأديان التانية ما بيضعفوا هاد دليل علي صدق الإسلام.

تعلمت الصلاة حفظت سورة البقرة وسورة الجن عم أحفظ سور...
طبعًا بعد ما أخلص هاي سنة الدراسة رح جيب مصحف وبدي أحفظ القرآن كله وأتعلمه.

عرفت أنوا في جنة ونار وأنوا رب العالمين هيعوضني بالجنة، عرفت انوا هاي الإبتلاءات أنوا رب العالمين لما يحب عبادة يبتلينا مشان يطهرنا مشان يعوضنا مشان يختبر صبرنا فالحمد لله ماني متل الأول، عم أصبر أي أحسن من قبل مليون مرة.

تعلمت أنوا اساعد أي حدا يحتاج للمساعدة وما أنتظر منوا مقابل كلش مشان وجه الله مشان الأجر مو مشان هدف ولا شيئ حاطة نيه كلها لله حبي كلوا لله صرت ما بهتم مثل المراهقين يلي بعمري لا بشهوات ولا بهديك الشغلات من زينة الدنيا أنوا خلاص دنيا فانيه والله هاي دنيا فانيه،
رب العالمين خلقني مو مشان أعصيه رب العالمين خلقني مشان أعبده حق عبادته، مشان ألتزم، رب العالمين أمر المرأة أنوا هي تغطي نفسها لتصير جوهرة تتحجب وتنتقب لله، حتي لو النقاب مو فرض حتي لو سنه، رب العالمين يقول أنوا عبدي بيتقرب مني حتي بالسنه فتخيلي أنوا أنتي تتقربي إلي ربك حتي لو النقاب مو فرض تتقربي منوا به رح يرفع درجاتك كتيير،
فااا أني استوعبت هذا الشيئ أنوا هاي الدنيا ولا شيئ، أنوا رب العالمين رح يعوضنا بالآخرة فقط وكل هاي الدنيا ما بتسوي شيئ أيوه اقصاها 60 أو70 ورح نموت وعظامنا رح تتحلل وخلاص، طب أنت ضليت هاي 60 سنة تأذي غيرك وتاكل مال حرام وتعصي الله وتبتعد عن ربك كيف رح تواجه الله..؟!