آدیمی یازاندا شعر اوتاغیندا،
آلا گؤزلرینین قاراسیندا یاز!
آپار پاییزلایان بوش اللریمی،
ساری ساچلارینین آراسیندا یاز!

اونوتما دردیمیز قوشا یازیلمیش
یازیمیز قانادسیز قوشا یازیلمیش
بلکه ده پاییزا،‌ قیشا یازیلمیش
بو دردی بیر غزل چاراسیندا یاز!

دره‌نین آجیسین، داغین نیفرتین،
سس‌سیزجه یاشاماق چتین دیر، چتین
گونش ائلچی‌سینین آغ محبّتین
قورخما... اوره ییمین پاراسیندا یاز!

داریخیب بیلیرم غزللیک‌لرین
نیسگیله بویانیب گوزللیک‌لرین
عؤمرونده یاشایان خزللیک‌لرین،
دردینی گوللرین یاراسیندا یاز!

«دومان»ی یازگینان گول نفسینده!
یاز اوچوب، داغیلیب گولل‍ه سسینده
داریخیب شعرینین پنجره‌سینده
گوناهی گؤزونون قوراسیندا یاز...!

✍دومان_بختیاری

ال آچدی انسان گؤیلره

نه واخت دان اؤلچولدو واخت  زامان ایله
دونیا گؤزللشدی ایلک انسان ایله
انسان سونسوز عئشقین قادر سسی دیر
آللاهین یئرده کی خلیفه سی دیر

بیر یئرده حیاتین ذؤوقونو داددیق
چالیشدیق گئجه نی گوندوزه قاتدیق
آللاهین وئردییی عاغلین گوجویله
بوم بوش یئر اوستونده دونیا یاراتدیق

بیز اوجا گؤیلردن گلدی ییمیزدن
سیغمادیق حدودو بیلینه ن یئره
دونیا دردیمیزی سورمادی بیزدن
ال آچدی امداد چون انسان گؤیلره
بختیار وهابزاده

??بایاتی لاردان??

یار گلیر گوله-گوله
باغ اکدیم گوله-گوله
نامرد دوس ائویم یخدی
اوزومه گوله- گوله

یار یولون ندَن باغلار
یارامی  ندَن باغلار
اکمه نامرد زمی سین
نه بیتر نه دَن باغلار

یول گئدیر ممقانا
کاش دردیمی یار قانا
لاچین وورموش سونایام
سیخینمیشام یارقانا

اولدوردون قویدون منی
نه گونه قویدون منی
نه کولگه ده بسله دین
نه گونه قویدون منی

قارا بولاغ  اویمادی
گوزوم یاردان دویمادی
ایسته دیم قویام قاچام
سر گروهبان قویمادی

خیاوانی  قازدیلار
آغ کاغیذا  یازدیلار
اوچ باجی یا بیر قارداش
اونودا سرباز یازدیلار

آدام وار باخمامیش بختَ یاشایر
ساختا فیکیرلشیر، ساختا یاشایر
دِییرلر چوخ گولَن چوخ دا یاشایر
گَل گولَک ، گولمَیَن آدام لار اؤلور
آغلیما گلمَین آدام لار یاشایر

اوغول

دئیر دانیشما دینمه سوس
گر اویولار گوزون اوغول
جینغیروی چیخاردما سن
اوددا دوشه کوزون اوغول

قوی یئره مئی پییاله سین
قوی سونه دیل شلاله سین
وئر یئله یورد قباله سین
یوخ اولماسین سوزون اوغول

آیا یاناق گئنه بئله
یوردی دیلی وئرک یئله
گل باغلاناق  کوهنه دیله
گر دادیبسان دوزون اوغول

اوزلییمی اولماز دانام
قددیمه اود قالار یانام
آغلارام  داد ویریر  آنام
اوددا یانا اوزون اوغول

دئیر اویان گوزه ل بالا
گودمه بیرین قیصاص آلا
دوشمانی قوو گئده دالا
حاقووی آل اوزون اوغول

چین دووارین وار یارانون
فیرنگیدن باج آلانون
چنلی بئلده های سالانون
سیلسن تاریخ توزون اوغول

کس اوزانان الی ائله
جسارت کیم ائده دیله
تولکی قاچاق باتار سیله
دامدا گوره بوزون اوغول

تورک دیلداشین گئدیب یوخلا
یورد آنامیز سئُویب ساخلا
باباکتدی  دئیر  اوخلا
سیلن اولسا ایزون اوغول

**تانرینین عالمه باخدیغے گؤزده
سئوگیلَر باشلانان اَزلسن گؤزه‌ل
ڪرمین اصلیه یازدیغے سؤزده
جیغایا بزنمیش غزلسن گؤزه‌ل . . .

دوداغین قؤوشدورور سؤزلَرےجوته
گؤزلرین گیله‌سے بنزه ییر سوته
قیزارمیش یاناغین لاله‌دن اؤته
سن گوللردن بئله گؤزه‌ل‌سن گؤزه‌ل . .

گئجه‌نین گوندوزده باتدیغے زامان
شافاغے گونشه قاتدیغے زامان
دوعالار گؤیلَره چاتدیغے زامان
دیلڪ‌لر ایچین‌ده اوزَلسن گؤزه‌ل . . .

ڪاتيب اوغلو سؤزون بیتدیيے زامان
دیلیم ڪوفور دئسه ایسته‌رَم آمان
چیخ اورتایا بلڪه او یاریم قالان
تانرینین پارچاسے دوزَلسین گؤزه‌ل . . .

✍:ڪاتب‌اوغلو**

سنسيز توستو-دومان اولوب،
گؤيه قالخير آهيم منيم.
هئچ واخت منی ترک ائله‌مه،
عشقيم منيم، روحوم منيم!

داغا چيخسام، عيناديم اول،
قوشا دؤنسم، قاناديم اول،
سن عونوانيم، سن آديم اول،
عشقيم منيم، روحوم منيم!

سولار كيمی صاف اول، ياشا،
هر شئیده صرّاف اول، ياشا،
اوره‌كده اينصاف اول، ياشا،
عشقيم منيم، روحوم منيم!

گؤزده ايشيق، جاندا هئی‌سن،
سئحيرلی يئر، سيرلی گؤی‌سن،
دوداقلاردا يانان نئی‌سن،
عشقيم منيم، روحوم منيم!

باشيم اوسته يانان شام‌سان،
اليمده بير دولو جام‌سان،
«فضولی»م‌سن، «موولانا»م‌سان،
عشقيم منيم، روحوم منيم!

گله‌جه‌ييم، صاباحيم اول،
دؤيوشلرده سيلاحيم اول،
ايناميمدا آللاهيم اول،
عشقيم منيم، روحوم منيم!

فيكير وئرمه عاغيل‌كمه،
واختسيز باتما درده، غمه،
هئچ واخت منی ترک ائله‌مه،
عشقيم منيم، روحوم منيم.

زلیمخان یعقوب

✋دوشوندون
باتدين..  

✋دوشونمه دين
آتدين...

?يا آت, يا بات! 
بودور حيات...