وتاربێژان بابەتی پەیوەندیدار لە پێناو باشتر و چالاکتربوونی بەرەی پێشکەوتنخواز لە پێناو خزمەت بە مافی دادپەروەری کۆمەڵایەتی و ئاسایشیان پێشکەش بە بەشداربوان کرد.
بابەتی شەڕی ئەم ڕۆژانەی ڕۆژهەڵاتی ناوەڕاست تەوەرێکی دیکەی باسەکان بو کە لە نێوان ئەندامانی ساندی فەلەستین و بەشداربوان قسە و لیکدانەوەی بۆ کرا، پرسی دارایی و ماڵی یەکێکی دیکە لە بابەتەکان بو کە قسەی لەسەرکرا و بریاری بۆ دیاریکرا.
لە ڕۆژی دووهەمی کۆنگرەکەدا کۆردیناتۆڕی نوێ بۆ خولی داهاتوو هەڵبژێردرا کە بە تێکڕای ئەندامان دەنگی متمانەیان بەخشی بە خانمی ماری کریس.
هەڵبژاردنی شۆڕای ڕێبەریی نوێ تەوەرێکی دیکەی بابەتەکان بوو، کە کۆمەڵەی شۆڕشگێڕ بۆ دەورەی داهاتوو وەک یەکێک لە ئەندامانی شۆڕای ڕێبەری بە دەنگی زۆرینەی ئەندامان هەڵبژێردرا، هاوڕێیان کەوسەر فەتاحی و کەیوان فەرامەرزی لە لایەن کۆمەڵەوە کاندید بوون.
نوێنەرانی کۆمەڵەی شۆڕشگێڕ هاوڕێیان هێرۆ موهتەدی و کەیوان فەرامەرزی لە میانەی کۆنگرەدا چەندین دیدار و چاوپێکەوتنیان
لەگەڵ میوانانی نێونەتەوەیی و بەرپرسانی حیزبی ئەنجامدا و لە بابەت دۆخی ئێستای ئێران بە گشتی و کوردستان بە تایبەتی گفتوگۆیان ئەنجامدا.
ڕێکخراوی هاوپەیمانیی پێشڕەو گەورەترین هاوپەیمانیی حیزب و دامەزراوگەلی چەپ و پێشکەوتوخوازە کە لە ١٢٠ ڕێکخراوی نێونەتەویی و حیزبی دەسەڵاتدار و حیزبگەلی دیکەی سۆسیال دێموکڕات، سۆسیالیست و دێموکڕات پێک هاتوە.
“پڕۆگرێسیف ئەلاینس” لە دوای کۆنگرەی ساڵی “٢٠١٩”وە لەم کۆنگرەیەدا چەندین بڕیاری گرنگی پەسەند کرد لەوانە تا ساڵی ٢٠٣٠ لە ناو ئەو حیزبانە وا لە تۆڕی هاوپەیمانیی پێشڕەودان دەبێ ڕێژەی ژنان و پیاوان وەک یەک وابێ، هەروەها جەخت لە سەر چالاکی زیاتر بۆ بەرەوپیشبردنی ئامانجەکان پێویستە.

کۆمەڵەی شۆڕشگێڕی زەحمەتکێشانی کوردستانی ئێران
دەفتەری پەیوەندییە نێونەتەوەییەکان
٧ی ئۆکتۆبری ٢٠٢٤

هەروەها ئێوارەش سەرۆکوەزیر ستامەر و چەند بەرپرسی دیکە لەوانە سەرۆکی شارەوانی کورتە وتارێکیان پێشکەش بە میوانانی نێونەتەوەیی کرد بەم بۆنەوە لە لایەن کۆمەڵەی شۆڕشگێڕەوە هاوڕێیان بێهجەت سەلیمی، کەیوان فەرامەرزی و شەیدا مستەفا بەشداری کۆنفڕانس بوون.
ئێوارەی ڕۆژی سێ شەممە دوو پانێل تەرخان کرابوو لە سەر دۆخی کوردستان کە بەرپرسانی نوێنەرایەتی حکومەتی هەرێم و وەزارەتی دەرەوەی بریتانیا لە پانێلیستەکانی بەشداربوو بوون.
هاوکات لە گەڵ کۆنگرە چەندین ژووری زانیاری لە سەر بابەتگەلی جۆراوجۆر بۆ میوانان و بەشداربووان تەرخان کرابوو.
لە میانەی کۆنگرەدا هاوڕێیانی کۆمەڵە چەندین دیدار و چاوپێکەوتنیان لە گەڵ میوانانی نێونەتەوەیی و بەرپرسانی حیزبی ئەنجامدا و لە سەر دۆخی ئێستای ئێران بە گشتی و کوردستان بە تایبەتی، باس و لێدوان كرا.

کۆمەڵەی شۆڕشگێڕی زەحمەتکێشانی کوردستانی ئێران
دەفتەری پەیوەندییە نێونەتەوەییەکان
٢٥ی سپتامبری ٢٠٢٤