👉 Өте өкінішті инфографика екен. Қаржы министрлігі Ұлттық қорға қаражаттың түсуі және оның пайдаланылуы туралы ай сайынғы есебін жариялады. Бұл құжатқа сәйкес 2025 жылғы 1 ақпандағы жағдай бойынша түсімдер ₸147,68 млрд, ал алынған қаражат көлемі ₸550,59 млрд-ты құраған.

@FINANCEkaz

🇨🇳🇺🇸Қытай АҚШ-пен сауда айналымына қаншалықты тәуелді екендігін көрсететін иллюстрация.

2023 жылы АҚШ Қытайдың ең ірі сауда серіктесі болып қалды, бұл барлық қытайлық экспорттық жеткізілімдердің шамамен 15%-ын құрады. АҚШ тарифтерін арттырғаннан кейін Қытай жауап ретінде жаңа баж салығы мен стратегиялық минералдарды экспорттауға шектеулер енгізді. Мұндай өзгерістер Қытайдың жекелеген салаларына, әсіресе жоғары технологиялық секторларға елеулі әсер етуі мүмкін. Бұл тәуелділік екі ел арасындағы сауда қатынастарының маңызды екенін және олардың жаһандық экономикаға әсерін көрсетеді.

@FINANCEkaz

☀️ Көктем болса жақындап қалды! Экономика ғылымдарының кандидаты және Мәжіліс депутаты Серік Егізбаев ауылшаруашылығы өндірушілерінің қаржы тапшылығы проблемасын шешу үшін баспа станогын қосу қажет деп мәлімдеді: «Үкіметке және Ұлттық банкке ақша массасын көбейту қажеттігі туралы батыл, әрі ерекше шешім қабылдауды ұсынамыз, қарапайым тілмен айтқанда кем дегенде ауыл шаруашылығы өндірісінің жалпы көлемі деңгейінде баспа станогын қосып, аграрийлерге қалыпты жұмыс істеу үшін жағдай жасау керек. Үкімет фермерлерді субсидиялаудан ауыл шаруашылығы несиелерін жеңілдетуге көшсе мұндай тәсіл аграрийлерге жаңа экономикалық жағдайларға жеңіл бейімделуге көмектеседі».

Біріншіден, ақша басып шығару тікелей инфляцияға әсер етеді. Сондықтан (егер біреу білмей жатса) мемлекет қалағанынша ақша басып шығара алмайды, өйткені олар басылған көлеміне қарай құнсызданады.

Екіншіден, президент бірнеше рет айтып өткендей аграрийлерді субсидиялаудың орнына несиелеу саясатына көшу қажет деген ескертуімен бұл қалай үйлеседі. Бұл депутаттың жеке фермерлер үшін жеңіл ақша іздегені сияқты көрінеді.

Үшіншіден, осындай ұсыныстарды экономика ғылымдарының кандидаты айтып отырса, демек бізде ғылыми дәреженің құны бес тиын.

Төртіншіден, бұл жерде алып-қосарымыз да жоқ. Ұлттық банк пен үкімет оған лайықты жауап беріп қана қоймай, экономика негіздері бойынша оқулықты да қоса сыйлар деген үміттеміз.

#МадуралықИндекс – бұл экономикалық популизмге субъективті бағалар қою жобасы. Қазақстанды Венесуэлаға айналдырмайық!
@FINANCEkaz

? Nvidia аталатын америкалық ірі технологиялық компаниясының өсу қарқыны бәсеңдейді деген болжамдарға қарамастан, жақсы нәтижелер көрсетті. 2024 жылғы 27 қазанда аяқталған үш айлық кезеңде Nvidia табысы бір жыл бұрынғы кезеңмен салыстырғанда 97%-ға өсті.

Естеріңізге сала кетейік, NVIDIA корпорациясы графикалық процессорлар мен чиптегі жүйелерді жасап шығарады. Сонымен қатар компания жасанды интеллектті (AI) аппараттық және бағдарламалық қамтамасыз етудің ең ірі жеткізушісі болып табылады.

@FINANCEkaz

? ӘЛЕМДІК ЭКСПОРТТАУШЫЛАР

Әлемдегі ең ірі 30 экспорттаушы ел. Жаһандық тауар экспорты өткен жылы $23,8 трлн құрады, бұл 2022 жылмен салыстырғанда 5%-ға аз.

Бұл суреттен Қазақстанды іздеп әуре болмаңыз. Біз алғашқы отыздыққа кірген жоқпыз.

@FINANCEkaz