ከልዩነት ባሻገር!

ልዩነቱ የዘር፣ የቋንቋ፣ የመልክ፣ የቁመናም ሆነ የእምነት . . . ከእናንተ ለየት የሚለው ሰው በአካባቢያችሁ ሲሰራም ሆነ ሲኖር፣ ለየት ያለ ሰው በመሆኑ ምክንያት ከእናንተ ምንም አይነት ጥቃት፣ በደልና መገለል እንደማይደርስበት እንዲሰማው የማድረግ ሃላፊነት እንዳለባችሁ ታውቃላችሁ፡፡ ይህንን ሃላፊነት መወጣት የትክክለኛ ስብእና ምልክቱ ነው፡፡

የእኛ ዘር፣ ቋንቋ፣ መልክ፣ ቁመና እና እምነት ያለው እኛን መሰል ሰው የሚጠቃበት፣ የሚበደልበትና የሚገለልበት አካባቢ እንዳለ አትዘንጉ፡፡ እኛ እዚህ በሌላው ላይ የምናደርገውን ሌሎች እዚያ በእኛ እና እኛን በመሰሉት ላይ ያደርጉታል፡፡ ዑደቱ ይኸው ነው፡፡

የጨዋነት ሁሉ ጨዋነት ከእኛ ለየት ያሉትን የመቻልና የመቀበል ጨዋነት ነው!

መልካም ቀን!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

አድናቂያችሁ ነኝ!

• ሌላ አማራጭ መከተል ስትችሉ የምትወዷቸውን ቤተሰቦቻችሁን መርዳት ስላለባችሁ ብቻ የማትፈልጉትን ስራ ለምትሰሩ፣

• ትዳር ይዛችሁ የግል ሕይወታችሁን መኖር ስትችሉ እናንተ ከሄዳችሁ ደጋፊ ለሌላቸው ሰዎች ስትሉ እቅዳችሁን ይቆይልኝ ላላችሁ፣

• ሌላ ስፍራ ሄዳችሁ መኖር ስትችሉ የእናንተ በአካባቢው መገኘት ለሕልውናቸው ወሳኝ ለሆነላቸው ሰዎች ስትሉ እግራችሁን ለሰበሰባችሁ፣

• ሌላ ሕይወት መጀመር ስትችሉ ለልጆችሁ ስትሉ ለጊዜውም ቢሆን የብቸኝነትን ኑሮ ይዛችሁ ለምትታገሉ ብቸኛ ወላጆች (Single Parents)፣

• ለተደረገባችሁ ክፉ ነገር አጸፋ ብትመልሱ ለብዙ አመታት የተገነባ ነገር እንዳይፈርስ በማለት ብዙ ነገር በትእግስትና በዝምታ ለተሸከማችሁ፣

ለእናንተና መሰሎቻችሁ ታላቅ አክብሮትና አድናቆት አለኝ!

ፈጣሪ ያግዛችሁ! ይካሳችሁ! ለሌላው ብላችሁ ለእናንተ የሚበጀውን በተዋችሁት ሁሉ በብዙ እጥፍ ይስጣችሁ!

ሁሌም አድናቂያችሁ ነኝ!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

https://vm.tiktok.com/ZMhpF9BeY/

እንኳን በሕይወት ነቃችሁ!

በሰላም ስላደራችሁ ደስ ይበላችሁ!

በዓለም ላይ በቀን ወደ አንድ መቶ ሺህ (100 ሺህ) አካባቢ አይሮፕላኖች እየተነሱ በሰላም ያሰቡበት በመድረስ ያርፋሉ፡፡ ከእነዚህ በረራዎች መካከል ግን የአንዱም እንኳን በሰላም መግባት በዜናዎች ላይ ሲነገር አንሰማም፡፡ ሆኖም፣ አንድ በረራ ላይ አደጋ ከደረሰ ግን ትኩረት ይስባል፣ ዜናውን ይሞላዋል፣ ወሬው ይሸጣል፡፡

የአንድ ጤናማ ሰው ልብም ቢሆን በቀን ወደ አንድ መቶ ሺህ (100 ሺህ) አካባቢ ይመታል፡፡ ይህንን ያህል ጠንክሮ የሚሰራው አካላችን ግን በቀን ውስጥ ትዝም አይለን፡፡ የምናስታውሰው መምታት ለማቆም ሲዳዳውና የምቱ ድግግሞሽ ሲለይብን ነው፡፡ ለምን? መልካሙ ነገር ተለምዷል፡፡ የምስራች የሆነው ነገር ትዝም አይለን፡፡

ዛሬ መልካም መልካሙን ላስታውሳችሁ፡፡ ዛሬ የምስራቹ ትዝ ይበላችሁ፡፡ በሰላም የመንቃታችሁ ጉዳይ፣ በሌሎች ላይ የደረሰ እናንተ ላይ ያለመድረሱ ጉዳይ፣ የደረሰባችሁ ነገር ከዚህ የከፋ ያለመሆኑ ጉዳይ . . . ትዝ ይበላችሁ፡፡

ከደረሰብን ክፉ ነገር የሆነልን መልካም ነገር ይበዛልና ደስ ይበላችሁ፡፡

ፈጣሪን አመስግኑ! ቤተሰቦቻችሁን፣ ጓደኞቻችሁንና በሕይወታችሁ ላይ መልካም ተጽእኖ ያደረጉ ሰዎችን አድንቁ!

መልካም ቀን!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

ሁለት የደስታ እውነታዎች

ለራሳችሁ ደስተኛነት ሃላፊነቱን መውሰድ ያለባችሁ ራሳችሁ መሆናችሁን ለአፍታም አትዘንጉ፡፡

ሰዎች ደስተኛ እንዲያደርጓችሁ በጠበቃችሁ ቁጥር እንዳዘናችሁና እንደተጎዳችሁ ትኖራላችሁ፡፡

በዚያ ምትክ፣ ሰዎች ደስ የሚያሰኛችሁን ሲያደርጉላችሁ አመስግኑ፣ የጠበቃችሁትን ካላገኛች ግን ከራሳችሁ ጋር በደስተኛነት መኖርል ልመዱ፡፡

በሌላ አገላለጸ፣ ከሰዎች ውጪ ደስተኛ መሆንን ተለማመዱ!

ሰዎች ያደረጉትንና ያላደረጉትን ከመቁጠር ይልቅ ፈጣሪ ያደረገላችሁን እያሰባችሁ በደስተኛነት መኖር ልመዱ!

በተመሳሳይ ሁኔታ ለሌሎች ሰዎች ደስተኛነት እናንተ ሃላፊነትን አትውሰዱ፡፡

ሰዎችን ደስተኛ ለማድረግ በታገላችሁ ቁጥር ከማንነታችሁ፣ ከዓላማችሁና ራሳችሁን ሆናችሁ ከመኖር እየራቃችሁ ትሄዳላችሁ፡፡

በዚያ ምትክ፣ ለሰዎች መልካም ነገር አድርጉ፣ ደስተኛ የመሆንንና ያለመሆንን ምርጫ ግን ለእነሱ መተውን ተለማመዱ፡፡

በሌላ አገላለጸ፣ ከሰዎች ደስተኛነት ውጪ ሙሉ ሕይወት መኖርን ተለማመዱ!

ሰዎች በእናንተ የመደሰታቸውንና ያለመደሰታቸውን ሁኔታ ከመቁጠር ይልቅ ለሰዎቹ ማድረግ የቻላችሁትን ነገር ለማድረግ ፈጣሪ ስለረዳችሁ እያሰባችሁ በደስተኛነት መኖር ልመዱ!

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

“ስለሌሎች ሰዎች የምትናገሩት ነገር ስለ እናንተ ብዙ ይናገራል” (Today's Wisdom)

እድሜያችሁን እያጣጣማችሁ ኑሩ!“

“30 ዓመት የሞላው ሰው እንደ ሽማግሌ ይቆጠራል፣ በ 30 ዓመቱ የሞተ ሰው ደግሞ በለጋ እድሜው እንደተቀጠፈ ይታያል፡፡ በእድሜያችሁ ምክንያት ማንም ሰው ግፊት እንዲያደርግባችሁ አትፍቀዱ” (Vibes)

ለእድሜያችሁ የሚመጥን የጥበብና የብስለት ደረጃ ላይ የመድረሳችሁና ያለመድረሳችሁ ሁኔታ ያሳስባችሁ እንጂ የእድሜ ደረጃችሁ አያሳስባችሁ፡፡

ለእድሜያችሁ በሚመጥን ሁኔታ በራእይና በእቅድ ኑሩ እንጂ እድሜያችሁ ስንት እንደደረሰ ስትጨነቁ ጊዜያችሁን አታባክኑ፡፡

እድሜዬ ፈጥኖ ያልፋል ብላችሁ መጨነቅ አቁሙና፣ ያለሁበትን እድሜ ሳላጣጥመው ሊያልፍ ነው የሚለው ጉዳይ ያሳስባችሁ፡፡

እድሜን በማጣጣም መኖር ማለት፣ ካለፈው በመማርና ለነገው በማቀድ የወቅቱ እድሜያችን የሰጠንን እድል መጠቀምና ባለን አቅም መኖር ማለት ነው፡፡

እግረ መንገዴን እናንተ የደረሳችሁበትን እድሜ ሳያዩ ያለፉና የሚያልፈ ብዙ ናቸውና ፈጣሪን ማመስገንን እንዳትረሱ ላስታውሳችሁ፡፡

ዋናው ነገር በሕይወታችሁ ውስጥ ያሉት ዓመታት ጉዳይ ሳይሆን በዓመታቶቻችሁ ውስጥ የኖራችሁት ጥራት ያለው ሕይወት መሆኑን አትርሱ፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/

ላልተጠበቀው ነገር መዘጋጀት

ሁል ጊዜ አንድን ነገር ስትጀምሩ በመንገድህ ላይ ያልተጠበቀ ነገር እንደሚገጥማችሁ አትዘንጉ፡፡ እነዚህ የማትጠብቋቸው ነገሮች አብዛኛዎቹ ምንጫቸው ከእናንተ ቁጥጥር ውጪ የሆኑ ነገሮች ናቸው፡፡ ሊገመት የማይችል የሁኔታዎች መለዋወጥ፣ ሊተነበይ የማይችል የሰዎች ባህሪይ መቀያየርና የመሳሰሉት ሁኔታዎች ከመንገዳችሁ ላይ እንቅፋት እንዳይጠፋ ያደርጉታል፡፡

እነዚህ ሁኔታዎች አንድን ነገር ለመጀመር፣ ከጀመርን በኋለ ለመቀጠል፣ አልፎም ወደፍጻሜ ስንደርስ እንዳንጨርስ ሲጋረጡብን እናገኛቸዋለን፡፡ ይህንን አይነቱን የማይቀር የሕይወት ሂደት የተለያዩ ሰዎች በተለያየ መልኩ ምላሽ ይሰጣሉ፡፡ አንዳንዶች ለደረሰብን እንቅፋት ሁሉ በሰዎች፣ በሁኔታዎችና በፈጣሪ የማማረር ልማድ ልማድ አለብን፡፡ በዚያም ሁኔታ ተደብቀን በተስፋ መቁረጥ እርምጃችንን እንተዋለን ወይም ለሌላ ጊዜ እናስተላልፈዋለን፡፡

ሶስት አይነት እንቅፋቶች አሉ . . .

1. አንዳንዱ እንቅፋቶች ቀድሞውን ሊደርሱ የሚችሉ እንቅፋቶችን በማጤንና በማቀድ ልታስወግዷቸው የምትችሏቸው ናቸው፡፡

2. ሌሎቹ እንቅፋቶች አስቀድማችሁ አቀዳችሁም አላቀዳችሁም ከመምጣት የማታስወግዷቸው እንቅፋቶችና እንደአመጣጣቸው ልትመልሷቸው የምትችሏቸው ናቸው፡፡

3. ሌሎቹ ግን እንቀፋቱና ችግሩ እያለ መንገዳችሁ ላይ ብቻ በማተኮር ወደፊት ልትቀጥሉ የሚገባችሁ አይነት እንቅፋቶች ናቸው፡፡

ከላይ በተጠቀሱት የእንቅፋት አይነቶች መካከል የመለየታችሁ አስፈላጊነት እንደተጠበቀ ሆኖ፣ በተጨማሪ እነዚህን አትርሱ፡-

1. ሁል ጊዜ አንድ ነገር ለመጀመር እቅድ ሰታወጡ በእቅዳችሁ ውስጥ ለድንገተኛውና ላልተጠበቀው እንቅፋት ማቀድን አትርሱ፡፡

2. ያልተጠበቀና ድንገተኛ እንቅፋት ሲያጋጥማችሁ ትክክለኛውን ምላሽ በመምረጥ ምላሽን ለመስጠት ሞክሩ፡፡

3. አንድ እንቅፋት ካጋጠማችሁና አስፈላጊውን ምላሽ ከሰጣችሁ በኋላ ወደ ዓላማችሁና ወደስራችሁ በመመለስ እሱ ላይ ማተኮርን አትርሱ፡፡

https://t.me/Dreyob

https://m.youtube.com/user/naeleyob623

https://www.facebook.com/Dr-Eyob-Mamo-1050816404958639/