إلى مبيظبتش منبهه لصلاه  الفجر كل يوم لازم يراجع نفسه تانى وثالث لأن الأمر خطير والله.
و هقولك  على معلومه مهمه  جايز تهزك وتخليك تقوم مهما كنت تعبان وهى أن يوم القيامة هتكون الدنيا ضلمة جداً ومش هيساعدك فى هذه الضلمه الا انوار صلاه الفجر.
صلاة الفجر هتكون مصدر من مصادر النور يوم القيامة
لأن زى ما احنا عارفين ان  الشمس ستتكور  وستنكدر النجوم ، ويبعث الخلق في ظلمة شديدة ، ظلمات بعضها فوق بعض إذ أخرج يده لم يكد يراها ،ويحتاج الناس للنور لكي يدركو طريقهم  ، ويكون الجميع في أشد الإحتياج إلى النور عند المرور  على الصراط
اكتر حاجه هتسعفك هى  أنوار صلاة الفجر .
حيث قال  صلى اللّٰهُ عليه وسلم " بشر المشائين في الظلم الى المساجد بالنور التام يوم القيامة "
فاللهم أجعلنا منهم❤️

﴿‏وَلَهُ اخْتِلَافُ اللَّيْلِ وَالنَّهَارِ ۚ أَفَلَا تَعْقِلُونَ﴾ ?

? جميل إن يكون لك طموحات وأهداف في الحياة سواء في أمور دينك أو دنياك..
وجميل إنك تسعى لتحقيقهم وتكون ناجح زي اللي نجحوا بفضل الله..
بس لازم تخلي بالك لإن سعيك للنجاح إما إنه يكون سلم يقربك من ربنا أو يكون زحليقة توقعك في ذنوب كتير..

? وسعيك للنجاح عشان يكون سلم يقربك من ربنا ورضاه ? لازم يكون منضبط بضوابط الشرع..
يعني مثلا تسعى للنجاح بالحلال ومن غير غش وخداع..
تسعى للنجاح بخطوات عملية تساعدك إنك ترتقي بنفسك وتطور من قدراتك..
تسعى للنجاح وانت بتاخد بالأسباب المتاحة وقلبك متوكل على الله بصدق ويقين لأنك عارف إن كل حاجة بأمره..
تسعى للنجاح وانت بتحب الخير لغيرك زي ما بتحبه لنفسك لإن النبي ﷺ قال "لَا يُؤْمِنُ أحَدُكُمْ، حتَّى يُحِبَّ لأخِيهِ ما يُحِبُّ لِنَفْسِهِ"..

? أما لو سعيت للنجاح من غير التزام بضوابط الشرع ? هتلاقي نفسك اتزحلقت في مستنقع ذنوب ومعاصي..
هتلاقي نفسك مثلا كل همك تحقيق النجاح حتى لو كان بالحرام..
تغش.. تخدع.. تسرق مجهود غيرك..
مش مهم.. المهم تنجح..
هتلاقي نفسك بتحسد غيرك وكاره إنه يتفوق عليك..
هتلاقي نفسك مش راضي بقضاء الله وقدره..
هتلاقي قلبك قسى واتملى أمراض وبقيت حد تاني..
هتلاقي نفسك حتى لو نجحت؛ هيكون نجاحك مزيف مافهوش بركة..

? الخلاصة ? اسعى للنجاح واجتهد واتعب وخد بالأسباب المتاحة بس بشرطين ✌️
1. يكون قلبك متوكل على الله بصدق ويقين لأنه سبحانه مالك المُلك وخزائن كل شيء بيديه.
2. يكون سعيك منضبط بضوابط الشرع لأن ما عند الله لا يُنال بمعصيته.

﴿ثُمَّ قَسَتْ قُلُوبُكُمْ مِنْ بَعْدِ ذَلِكَ فَهِيَ كَالْحِجَارَةِ أَوْ أَشَدُّ قَسْوَةً وَإِنَّ مِنَ الْحِجَارَةِ لَمَا يَتَفَجَّرُ مِنْهُ الْأَنْهَارُ وَإِنَّ مِنْهَا لَمَا يَشَّقَّقُ فَيَخْرُجُ مِنْهُ الْمَاءُ وَإِنَّ مِنْهَا لَمَا يَهْبِطُ مِنْ خَشْيَةِ اللَّهِ وَمَا اللَّهُ بِغَافِلٍ عَمَّا تَعْمَلُونَ﴾ ?

" كل ما الواحد بيكبر بيزيد يقينه في شئ واحد بس..

{يقُولونَ هَلْ لَنَا مِنَ الأَمْرِ مِنْ شَيْءٍ قُلْ إِنَّ الْأَمْرَ كُلَّهُ لِلَّهِ}

كل حاجه من توفيق ورزق وهداية وبركة لله
كله لله.. بإرادة الله.. بقدر الله.

ليس لك من الأمر شيء، ما عليك إلا السعي،
وما شاء الله كان، وما لم يشأ لم يكن .."

بتعمل المعصية..

وبعدها تفكر تصلي أو تقرأ قرآن أو تسمع درس ديني

تلاقي الشيطان جاي يقولك : هو أنت فاكر إن ربنا هيتقبل منك بعد اللي عملته ده؟

الشيطان عدو مضل مبين، الشيطان مش هيسيبك في حالك!
خليك أذكى منه واوعى تستسلم!
كلنا بنعمل ذنوب ومعاصي..
ولو كل واحد أذنب ترك عباداته وحس باليأس يبقى مش هيكون فيه على وجه الأرض حد بيعبد ربنا!

أنت بتجاهد من ناحيتين..
إنك تواظب على الطاعات
وإنك تبعد عن المعاصي

طريقين لازم تمشي فيهم طول الوقت لحد آخر يوم في عمرك.. فـ ادعي بالقوة والثبات وربنا يعينك?.

رفقاً بنفسك و بأعصابك ، خف الجزّ على سنانك و إسترخى شوية .. إنت مش أول واحد يمر بفترة صعبة و يحس إن الأمور خرجت عن سيطرته !
ماتخليش فكرة إنك الوحيد إللى بيمر بالحالة دى إنها تتملك منك ، فا تحس إنك مضطر لإختراع حلول ماوصلهاش حد قبلك .. توصل لإنك ترفض وجود أى حد و تمنع أى مساعدة ، ظناً إنك ماحدش هيفهمك ولا هيتصور حالتك !
لكن فى الحقيقة ، إنت مش الوحيد ولا مش هتتفهم زى مانت متخيل .. إنك برغم إختلاف تفاصيل أسبابك ، لكن المكان الضلمة إللى وصلتله فى غيرك كتير مروا بيه !
إنك مش مقصود من الدنيا بالشر ، ولا الدنيا عندها مشكلة شخصية معاك إنت ..
شوف الوضع إللى إنت فيه ، تقبل حقيقة وجوده .. و إبدأ شوف الخطوة إللى جاية إيه !
و صدقنى ، إنت ذات نفسك عندك ما يكفى من تجارب تخليك واثق إنك هتتخطى أى مرحلة سيئة تمر بيها ..
إنك لو راجعت أحداثك القديمة و قعدت مع نفسك بصدق ، هتتكسف من التوتر إللى معيش نفسك فيه دلوقت .. هيظهرلك يقين إن الأمور خرجت قبل كدة فى كذة مرة عن سيطرتك ، و الدنيا بطريقة عجيبة رجعتك للمسار من تانى و إديتك سوط السيطرة على ذمام الأمور من تانى !

﴿‏وُجُوهٌ يَوْمَئِذٍ نَّاعِمَةٌ * لِسَعْيِهَا رَاضِيَةٌ * فِي جَنَّةٍ عَالِيَةٍ * لّا تَسْمَعُ فِيهَا لاغِيَةً * فِيهَا عَيْنٌ جَارِيَةٌ * فِيهَا سُرُرٌ مَّرْفُوعَةٌ * وَأَكْوَابٌ مَّوْضُوعَةٌ * وَنَمَارِقُ مَصْفُوفَةٌ * وَزَرَابِيُّ مَبْثُوثَةٌ﴾ ?

﴿‏مَنْ كَانَ يُرِيدُ الْحَيَاةَ الدُّنْيَا وَزِينَتَهَا نُوَفِّ إِلَيْهِمْ أَعْمَالَهُمْ فِيهَا وَهُمْ فِيهَا لَا يُبْخَسُونَ﴾ ?

السلام عليكم ورحمه الله وبركاته
يقول ﷺ: ما نقص مالٌ من صدقةٍ، وما زاد الله عبدًا بعفوٍ إلا عزًّا، وما تواضع أحدٌ لله إلا رفعه
محتاجه من حضراتكم مساعده عندي وحده صحبتي تعبانه ومحتاجه عمليه أهلها جمعوا مبلغ من العمليه وانا جمعت علي قد مقدر من اهل بيتي وصحابي القريبين بس لسه فاضل جزء تاني ياريت لو حد يقدر يساعد ولو بمبلغ بسيط 10 ج ممكن تفرق لو حد هيقدر يساعد بحاجه ابعتله رقم كاش وجزاكم الله كل خير.
@Habiba22244