АЁЛ

Жуссасин эгмасин рўзғорнинг тоши,
Оғир азобларда сурмасин хаёл.
Кўзидан оқмасин беҳуда ёши,
Йиғласа, меҳрдан йиғласин аёл.

Кунда сабаб топинг кулгуси учун,
Оппоқ орзуларин айламанг завол.
Умрини безасин муҳаббат кучи,
Йиғласа, шодликдан йиғласин аёл.

Гоҳида гапига илса зардалар,
Ширин аразларин олманг-да малол.
Бир гўзал сўз билан меҳри таралар,
Тенгсиз муҳаббатдан йиғласин аёл.

Ишонинг, эътибор эҳсонингизга,
Минг битта яхшилик қайтарар ҳалол.
Бирор гард қўндирмас бўстонингизга,
Йиғласа, севинчдан йиғласин аёл.

Дилобар Ўролова.

@uralova_dilobar

Allohni eslat

Chin doʻstning poyiga jonimni toʻshay,
Vijdon bilan egiz bo'lay har fursat.
Umrim laxzalarin pokiza yashay,
Do'st bo'sang har lahza Allohni eslat.

Nogaxon birovning haqqini yemay.
Hech kimga dil ezar, yomon soʻz demay.
Ezgulik lugʻatin tutqizgin atay,
Doʻst boʻlsang har lahza Allohni eslat.

Sababkor boʻlmayin mazlum yoshiga,
Xamla qilmay,miskin nochor oshiga.
Duolar qaytaray, yomon toshiga
Doʻst boʻlsang har lahza Allohni eslat.

Salovat, zikrlar tilda-yu, dilda,
Botinim, zoxirim bo'lsin bir xilda.
Bir kun oʻtmogʻim bor omonat qildan.
Doʻst boʻlsang har lahza Allohni eslat.

Qodir qilsa Egam hayr-u, exsonga.
Tomchi hissa qoʻshsam savob ummonga
Behos qadam qo'ysam shayton tomonga,
Doʻst bo'lsahg har laxza Allohni eslat.

✍ Dilobar O'rolova

@uralova_dilobar

• ҒАНИМАТ

• Рамазон кириши билан:
1. Беҳуда гаплар ўрнига зикрни кўпайтиринг!
2. Аллоҳ берган неъматларига шукрни кўпайтиринг!
3. Кўп еманг!
4. Кўп ухламанг!
5. Кўчага зарурат бўлмаса чиқманг!
6. Ҳаромдан сақланинг!
7. Ғийбат қилманг!
8. Тил ва қўл билан инсонларга озор бериб қўйманг!
9. Телефонингизга ажратган вақтингизни бу ойда Қуръонга ажратинг!
10. Намозларни вақтида адо қилинг!
11. Нафл ибодатларни кўпайтиринг!
12. Аллоҳга тавба қилинг!
13.  Қариндошларингизга силаи раҳм қилинг!
14. Ҳар куни иложи борича садақа қилинг!
15. Ота-онангиздан хабар олинг!
16. Ёлғон гапирманг!
17. Кунингизни интернетда, телевизор қаршисида бекорчи нарсалар билан ўтказманг!
18. Барча мусулмонларни, яқинларингизни дуода эслашни унутманг!
19. Яхшилик қилинг, ёмонликдан узоқлашинг!
20. Аллоҳ таолонинг яратган нарсалари борасида тафаккур қилинг!
21. Намозларингизни жамоат билан ўқинг!
22. Азон ва иқомат орасида дуони кўпайтиринг!
23. Ҳар кун Қуръон ўқинг! Қуръон ўқишни билмасангиз тингланг ва ўрганинг!
24. Таровеҳ ва таҳажжуд намозини қолдирманг!
25. Доим таҳоратли бўлинг!
26. Ейиш-ичиш ва таом пиширишда исроф қилманг!
27. Сабрли бўлинг!
28. Умид қилинг!
29. Ниятингиз холис Аллоҳ учун бўлсин!
30. Ҳар куни битта янги ҳадис ўрганинг!

• Рамазон барчамизга хайрли, барокатли, файзли бўлсин!
• Аллоҳим рамазонда куч-қувват ва офият бер!
• Рамазондан руҳан ва жисмонан покланиб чиқишимизни насиб эт!

@uralova_dilobar

Унутишни ўргат

✍ Дилобар Ўролова

? Шерзод Карим

@uralova_dilobar

Unutishni o'rgat...

Xayollar charchatdi meni anchayin,
Sen tomon yo' lini boshlashib takror.
Men bunda devona bo'lishim tayin,
Menga unutishni o' rgat dilozor.

Sensizlik dard ekan vujudim qiynar,
Gohi o' z- o' zimdan bo' laman bezor,
Xayot bardoshimni qanchalar sinar,
Menga unutishni o' rgat dilozor.

Topolmay qoldim- ku kulgularimni,
Sevinchim yo' qoldi, qolgani ozor.
Sen tushga kirmagan uyqularimni,
Menga unutishni o' rgat dilozor.

Sevasanmi deding, kulib yo' q dedim.
Sen deya yonishim bilmasmiding yor?!
Ishq nima, yurakka kirgan o'q dedim.
Menga unutishni o' rgat dilozor.

✍ Dilobar O'rolova

@uralova_dilobar