*⚡️Buxorolik qadrli ishbilarmon va tadbirkorlar!*
Xabaringiz bor, kuni kecha Prezidentimiz Shavkat Mirziyoyev raisligida tadbirkorlikni har tomonlama qo‘llab-quvvatlash bo‘yicha joriy yil yakunlari va 2025-yilga asosiy rejalar yuzasidan videoselektor yig‘ilishi hamda yetakchi tadbirkorlar bilan muloqot bo‘lib o‘tdi.

Davlatimiz rahbari tadbirkorlarning ezgu maqsad bilan ilgari suradigan har qanday g‘oya va tashabbusini qo‘llab-quvvatlashga tayyorligini bildirdi. O‘z navbatida ular ham jamiyatimizning eng ilg‘or vakillari bo‘lib, islohotlarimizni yanada ilgari surishda tayanch va suyanch bo‘lishiga ishonch bildirdi.

Shuningdek, hudud rahbarlariga tadbirkorlar bilan doimiy muloqot qilib, ularning muammolarni hal etish zarurligi ta’kidlandi.

Bilasiz, sizlar bilan yangicha formatda muloqot tizimini yo‘lga qo‘yganmiz. Bunday noan’anaviy uchrashuvlarimiz esa yaxshi samara beryapti. Sizlarga ham har tomonlama qulaylik yaratyapti.

Shunga ko‘ra, bugun, 21-dekabr (shanba) kuni soat 19.00 dan boshlab navbatdagi ana shunday onlayn muloqotimizni o‘tkazamiz.

Muloqot manzili: https://us06web.zoom.us/j/8860794866?pwd=3Qu6Teg9aFDP5oj80ltYq23OllndKb.1

Buxoro.uz | Facebook | Instagram | YouTube

*⚡️*⚡️ Qorovulbozor tumanida “Qishloq xo‘jaligi xodimlari kuni” keng tantana qilindi.**

Mana bir necha yildirki mamlakatimizda “Qishloq xo‘jaligi xodimlari kuni” keng nishonlanib kelinadi.

Bugun Qorovulbozor tumanida ham “Qishloq xo‘jaligi xodimlari kuni” keng nishonlandi.

“Farhod” tantanalar saraoyida tashkil etilgan bayram tadbirida viloyat hokimining o‘rinbosari, viloyat 4-sektor rahbari, tuman hokimi boshchiligidagi sektor rahbarlari, qishloq xo‘jaligi sohasida faoliyat ko‘rsatayotgan korxona va tashkilot rahbarlari hamda fermer xo‘jaliklar rahbarlari ishtirok etishdi.

Tadbirda viloyat hokimining o‘rinbosari Amrillo Nazarov so‘zga chiqib, bayram munosabati bilan yilganlarga o‘zining samimiy tilaklarini bildirdi.

Shundang so‘ng, tuman hokimi O‘tkir Hamroyev so‘zga chiqib, barcha qishloq xo‘jaligini xodimlarini tabriklab, o‘zining samimiy tilaklarini izhor etdi.

Tadbir davomida “Ilg‘or fermer”, “Namunali tomorqachi” hamda “Mehnatkash dehqon” ko‘krak nishonlari tantanali ravishda o‘z egalariga topshirildi.

Shuningdek, yil davomida samarali mehnat qilgan dehqon va fermerlar, suvchilar, mexanizatorlar hamda otryad rahbarlar tuman hokimining tashakkurnomasi hamda qimmatbaho sovg‘alari bilan taqdirlanishdi.

Bayram tadbiri tuman madaniyat bo‘limi tomonidan tashkil etilgan konsert dasturi bilan davom etdi.

*✍️ Qorovulbozor tumani hokimligi matbuot xizmati*

*❗️Субсидияга ариза бериш бошланди*

Бугун соат 9:00 дан бошлаб ипотека кредитига субсидия олиш учун қабул очилди. Қандай қилиб субсидия олиш мумкинлигини ҳозир сизга тушунтирамиз.

Субсидия давлат томонидаган берилган ёрдам бўлиб, уни қайтаришингиз шарт эмас. 2024 йилдан бошлаб янги уйлар учун ипотека кредитларига қатъий белгиланган 30 млн сўм тўлаб берилмоқда.

Шунингдек, субсидия қуйидаги тартибда ҳам тўланиши мумкин:

⏺Дастлабки тўловнинг бир қисмини қоплаш учун — ажратиладиган кредитнинг 15 фоизи миқдорида;
⏺фоиз тўловларининг бир қисмини қоплаш учун — кредит муддатининг биринчи 5 йили давомида 12 фоиздан ошган қисмига.

ДаромадларСубсидия учун ариза берувчининг, агар биргаликда ариза берилаётган бўлса у ва турмуш ўртоғининг ёки яқин қариндошларининг даромадлари белгиланган чегарада бўлиши керак:

⏺Қорақалпоғистон Республикаси ва вилоятларда — МҲТEКМнинг 2,7 бараваридан (2 млн 835 минг сўм) 8 бараваригача (8 млн 400 минг сўм);
⏺Тошкент шаҳрида — МҲТEКМнинг 2,7 бараваридан (2 млн 835 минг сўм) 9,2 бараваригача (9 млн 660 минг сўмгача) бўлиши зарур.

Мазкур талабга тўғри келмаган фуқароларнинг субсидия учун аризаси дарҳол рад этилади. Бу субсидияга мухтож қатламни мақсадли аниқлаш учун муҳим.

Кимларда субсидия олиш эҳтимоли катта?

Ижтимоий ҳимоя муҳтож, ногиронлиги бўлган шахслар, ёш оилалар ва ўз номида уй мавжуд бўлмаганлар субсидия олишда устунликка эга бўлади.

Ариза берувчи бир қанча кўрсаткичлар асосида умумий 50 баллдан камида 30 балл оладиган бўлса, субсидия олиши мумкин.

Субсидия бериш яна қай ҳолатда рад этилади?

⏺тақдим этилган аризада кўрсатилган маълумотлар ижтимоий мезонларга мос келмаганда;
⏺тақдим этилган маълумотлар нотўғри ёки сохта бўлганда;
⏺илгари имтиёзли ипотека кредитларидан фойдаланган ҳолда субсидия олганлар (аввал олинган уй-жой бошқа шахсга бегоналаштириб юборилган тақдирда ҳам) такрорий мурожаат этганда;
⏺жорий йилда ҳудуд учун ажратиладиган субсидия сони тугаганда.

Қанча кредит берилади?

Ўзбекистонликларга субсидия асосида ипотека кредити Қорақалпоғистон Республикаси ва вилоятларда 330 млн, Тошкент шаҳрида эса 420 млн сўмгача берилади.

Бунда бошланғич тўлов 15 фоиз, кредитнинг фоиз ставкаси эса йиллик 17,5 фоиз бўлади. Агарда сиз сотиб олмоқчи бўлган уй ушбу миқдордан ошиб кетса, банк ўз маблағларидан бозор шартларида (26 фоиз атрофида) қарз ажратиши мумкин.

Субсидия учун аризалар 19 иш кунида кўриб чиқилади. Ариза берувчилар сони кўп бўлганда, ким аввалроқ ариза берган бўлса, шунга биринчи субсидия ажратилади.

➡️Шундай экан my.gov.uz порталига кириб, “Ипотека кредитига Давлат субсидиясини олишга ариза бериш” хизмати орқали дарҳол ариза топширинг!

*⚡️*⚡️ Қоровулбозор туманида пахта терими бошланди**

Чаноқлардаги оппоқ бўлиб очилган лўппи-лўппи пахталар беихтиёр киши эътиборини ўзига тортади. Бободеҳқоннинг йил ўн икки ой қилган меҳнати самарасидан кўзингиз қувнайди. Қоровулбозор тумани деҳқонлари бу йил ҳам далаларда чинаккамига ғайрат-шижоат кўрсатдилар. Табиат инжиқликлари, ишбилармонлиги эвазига енгилди. 5 минг 318 гектар майдонда мўл ҳосил етиштирилди. Деҳқонлар олдида турган бугунги вазифа 15 минг 715 тонналик "оқ олтин” хирмонини тезроқ бунёд этишдан иборат.

Бугун, “Арк эко кластер” МЧЖга қарашли пахта қабул қилиш пунктида пахта мавсумига бошланишига бағишланган тадбир ташкил этилди.

Тадбирда вилоят 4-сектор раҳбари, туман ҳокими бошчилигидаги сектор раҳбарлари, фермер хўжаликлар раҳбарлари ҳамда кенг жамоатчилик вакиллари иштирок этишди.

Дастлаб, қуръон тиловат қилиниб, ҳосилга барака тиланди. Шундан сўнг “оқ олтин” ортилган карвон бирин-кетинлик билан кутиб олинди.

Биринчилардан бўлиб пахта ҳосилини олиб келганликлари учун фермер хўжалик раҳбари, тракторчилар ҳамда ишчи ходимларга эсдалик совғалар топширилиб, чопонлар кийдирилди.

*✍️ Қоровулбозор тумани ҳокимлиги матбуот хизмати*