**Достар!

Бүгін – қазақтың бұлбұлы атанған аңыз әнші Бибігүл Төлегенова 95 жасқа толды!**

Өзгеге ұқсамайтын дара дауыс иесі қазақтың халық әндерін де, отандық композиторлардың шығармаларын да, шетелдік романстар мен арияларды да, операдағы партияларды да классикалық үлгіде орындап, әркез тыңдарманын таңқалдыра білді. Жылдар жылнамасында мемлекет пен қоғам дамуына да аянбай атсалысып, ҚазКСР Жоғарғы Кеңесінің VII, VIII және IX шақырылым депутаты қызметінде ел азаматтарын толғандырған түйткілді мәселелердің түйінін тарқату ісіне өлшеусіз үлес қосты. Өнер әлемінде өзіндік орны бар ұлт мақтанышын мерейтойымен құттықтай отырып, зор денсаулық және ұзақ ғұмыр тілейміз!