Өмірдің мәні жоғалтқан нәрсеңде екен ғой.

Кезінде Сабыржан Айриннің киімдерін сатқандар қазір не істеп жүр екен?

Астанамды сағынып жүрмін.

Кезінде Википедиядағы мақалаларды кез келген адам өзгерте алатыны жайлы оқыған едім. Бүгін сол жерде Демеу Жадыраевты олимпиада чемпионы деп көрсетіп тұр. Шавкат Рахмоновты бразилиялық Гилберт Бёрнсты жеңді деп те жазып қойғанын да көргенмін.

Кім жазса да жазғаны айдай келсін деп тіледім.

Мен саған қиялымның сыртынан сөйлеп тұрмын.

Руми

Ұйқы жетпей жүр екен ғой маған. Бәсе

Қазіргі әндердің сөзіне қарасаң “ай” деген сөз жиі кездеседі. Аспандағы ай, күнтізбедегі ай… Соған қарағанда сөзін тек түнде жазатын сияқты. Таңғы салқынмен де жазуға болады ғой.

Сосын оған ұйқас қуып “оңай” сөзін жалғайды. Жалпы әнге сөз жазу оңай ма деп қалдым. Маған мынаны жазудың өзі оңайға соққан жоқ мысалы.

Менің орысшам әр мезгілде әр түрлі кейіпке енеді. Содан ғой жазда Сергей, қыста Сәрсенбай боп кететіні.

Өзіме-өзім қойған талай сауалдың,
Жауаптары ескірді.

Бекзат Смадияр