እኔ ለአለም የማበራ ድንቅ ፀ-ሀ-ይ ነኝ !

ደውዬልሽ ነበር
ደህንነቴን ሳላውቅ" ደህና ነሽ" ወይ ልልሽ
ደውዬልሽ ነበር
ከምንጩ ታምሜ "ጤና ነሽ" ወይ ልልሽ
ደውዬልሽ ነበር
ቃላቶች አግኝቼ "ናፍቀሽኛል" ልልሽ።
ግን ስልኩን አንስተሽ ሀሎ ስትይ ያኔ
አንደበቴ ይዘጋል ቃል የለኝም ወኔ
ቆይ ግን ልክፍት ነው ፍቅር ይሉት ቅኔ?

#ፍሬው
@yene_eyta

ሰከርኩኝ ጠጥቼ
ነቃሁኝ ተኝቼ
አትሳቂብኝ እንጂ
እመኛለሁ እንጂ አላውቅም አግኘቼ።

ግን
ጠጥቼም ብሰክር ተኝቼም ብነቃ
በሳትኩት ሚዛኔ የለኝም ጠበቃ።
ብገደል ብገድል ድምብርብሬ ጠፍቶ
በሞቅታ ስሜት ስሜ እንኳ ገርጥቶ።
ብታይኝም ቅሉ
መንገዳገዴ ነው የለየኝ ከሁሉ።

ደግሞ ስቅ ባለኝ ቁጥር
አንቺ እንዳስታወሺኝ መሆኑን አውቄ
አልፈዋለው ስቄ
አትሳቂብኝ እንጂ ትዝ እንደማልልሽ አውቃለሁ ጠንቅቄ።

#ፍሬው ✍
@yene_eyta

እውነተኛ ፍቅረኛ ከፈለክ እውነተኛ አፍቃሪ ሁን ! ምን ማለት ነው ከእኛ የሚፈለገው መልካም ሰው አፍቃሪ ሰው እንድናገኝ በመልካም እሳቤ ማመላለስ ነው ። ምን አይነት ግንኙነት ትፈልጊያለሽ ? ከምን አይነት ሰው ጋር ? ምን አይነት ባህሪ ያለው መልኩ አስተሳሰብ እነዚህን ጥያቄዎች ለራስሽ እየጠየቅሽ የምትፈልጊውን አይነት ግንኙነት ማሰብ ነው የሚጠበቅብሽ። ከዛም የስበት ሀይል ያሰብሽውን የፍቅር ህይወት የሚያኖርሽ ትክክለኛ ሰው በትክክለኛው ጊዜ ወደ አንቺ ያቀርብልሻል። ያን ያህል ቀላል ነው ።
ግን ብዙዎቻችን ይህ የግንኙነት ሚስጥር ስላልገባን የምንፈልገውን አይነት የፍቅር ህይወት ከማሰብ ይልቅ ፍቅር እኮ የለም፣ ታማኝ ሰው ጠፋ ፣ ሳፈቅር ብጎዳስ በሚሉ እና በመሳሰሉት ተራ አስተሳሰቦች መጥፎ አስተሳሰብ እየረጨን መጥፎ የፍቅር ህይወት እንኖራለን ። ስለዚህ መልካም የፍቅር ሰው እንዲሰጥሽ ስለ ፍቅር መልካም አስቢ ።

#ፍሬው @yene_eyta

አንቺ የንጋት ፀሐይ በማለዳ ሳይሽ፣
ደስታን ምታለብሽኝ ምን ይሆን ሚስጥርሽ ?

#ፍሬው_ተካልኝ @yene_eyta

ተነስተሀል ? ወይስ ተረስተሀል ?

ተነስ ለረሱህ አለው በላቸው ! የለም ብለው ለተውህ ከስሟል ብለው ለረገጡህ መኖርህን እየኖርክ አለመክሰምህን እያበራህ መስክርላቸው።
ቅድሚያ ግን በህይወት መኖርህን ለራስህ አሳየው! እየተነፈስኩ ነው ፣ተኝቼ ኝ የተነሳው ነው ፣ ውዬ እየገባው ነው ስለዚህ እየኖርኩ ነው አትበል ። ይሄንን ተግባር እኮ እንሰሳቱም ያደርጉታል የትኛውም ተራ ሰው ቆሞ ይሄዳል ነፋሳትም ነገሮችን ሳይመርጡ ለሚፈልጋቸው ይሰጣሉ። ታዲያ መኖር ምንድን ነው??? ካልከኝ ይህውልህ :-

መኖር በሆነ ቦታ በሆነ ጊዜ እና በሆነ ሁኔታ ውስጥ መቆየት ነው ። በዚህ ቆይታ ውስጥ ተአምራትን መፍጠር የሚችሉ ብቻ ናቸው እየኖሩ ነው ተብሎ በእርግጠኝነት መናገር የሚቻልላቸው። በዚህ የህይወት ቆይታ ድንቅ ነገሮችን ካልሰራህ መቃብር ውስጥ ካለ በድን አትሻልም ። ስለዚህ ተነስ! ከሙት እንደምትሻል ኖረህ አሳያቸው። ቁጭ ብሎ በሀሳብ ሰርቶ መውደቅ መኖር አይደለም ተነስተህ አድርገው ሞክር እና ውደቅ ድጋሚ በወደክበት መንገድ ብትሞክር አትሸወድም ምክንያቱም ወድቀህ ተምረሀል።
አቅምህን ተረዳ ፈጣሪ እድሜህን በሙሉ ተጠቅመህበት የማትጨርሰው አቅም እና ሀይል ሰጥቶሀል ። እባክህ ማድረግ እየቻልክ አትስነፍ! መከበር እየቻልክ አትዋረድ ! አሸናፊነት፣ ስኬት፣ ሀብት ፣ ዝና እና ክብር የተጋድሎ፣ የፅናት እና የአመለካከት አድማስ የፈጠራቸው ክስተቶች እንጂ የፀጋ ስጦታዎች አይደሉም ። ቢሆኑማ ቅዱስ ጳውሎስ በመልእክቱ በፃፈልን ነበር። ወዳጄ ተፈጥሮ አያዳላም! አምላክ አለማችንን የሞሉትን የሰው ዘሮች በሙሉ በእጁ አልፈጠረም ። በአንድ ሰው በአንድ አዳም ምክንያት እንጂ ። እያማረርክ ከሆነ በራስህ እፈር!

እችላለው ብለህ ተነስ ! ቀንህን በምስጋና ጀምር ! የመጣህበት የመኖር መረሐ ግብር (program) ነው ዛሬ ላይ ያለህን ማንነት ያሳየህ። አግባብ ካልሆነ ቀይረው እንቅልፋሙን program ከማንም ቀድሞ በሚነሳ ሌላ program ቀይረው ። ስነፉን ፣ አልችልም የሚለውን ፣ ሰው ምን ይለኛል የሚለውን የአስተሳሰብ program በተቃራኒው ድንቅ አመለካከቶች ቀይራቸው። ታዲያ በአንዴ መለወጥን ተጠየፍ. ቶሎ የበሰለ ፍሬ ቶሎ ይበላሻል። በሂደት እራስህን አንፀው ምክንያቱም ህይወት ሂደት ናት እና።
ይህውልህ እንግዲህ የአሸናፊነት ሚስጢር !

#ፍሬው_ተካልኝ ✍. @yene_eyta

ምን መሰለሽ አለም
ተይ ያንቺ እንዳልመስልሽ ከመክኖሽ ብገኝም።
ምን መሰለሽ መሬት
ስጋዬ በአፈርሽ ተዋቅሮ ቢሰራ፣
ስኖርም ብሰክን ከፍሬሽ ብጋራ።
ስጋዬ እምብርትሽ ውስጥ ይመለሳል እንጂ፣
እኔ ያንቺ አይደለው አቅልሽን አትፍጂ።

ግን እኔ ያንቺ ነኝ
የመኖሬ ህላይ በአንቺ ተወስኖ፣
ብትኖሪልኝ ኑሬ ባጣሽ ዕድሜ ባክኖ።
ለመኖር ተስዬሽ
በሞቴ ብዘክርሽ፣
ሁልጊዜ ላንቺ ነኝ እናቴ ልንገርሽ።

#Join_now ➡ @yene_eyta.

#ፍሬው_ተካልኝ

አንቺ ቂል አለም ለምንድነው በጨለማ የምታኪው ?
@yene_eyta

ዝናብ የነብርን ቆዳ ያበሰብሰዋል እንጂ ቀለሙን አያስለቅቀውም ።

እግዚአብሔርን እያናገሩ ሴትን ከማሰብ ሴትን እያናገሩ እግዚአብሔርን ማሰብ ይሻላል።
@yene_eyta