УСТОЗУ ШОГИРДГА РАҲМАТ, ТАШАККУР!

Байрамингиз муборак бўлсин.

Устозин улуғлар қай элда миллат,
У элда занжирбанд этилгай иллат.
Гар таълим-тарбия этса тафаккур,
Устозу шогирдга раҳмат, ташаккур!
1 октябрь 2024 йил

Дониёр МИРЗО

@Doniyor_Mirzo_shoir

Кўк ёзувнинг устига босинг ва Дониёр Мирзонинг ижтимоий тармоқлардаги каналига қўшилинг

Telegram | Instagram | Facebook | Youtube

TADBIRDAGI TA’LIM

Iste’dodli yoshlarni qo‘llab-quvvatlash “Ulug‘bek” jamg‘armasida o‘tkazilgan “Mahmudxo‘ja Behbudiy va Turkiston jadidchiligi” nomli ma’naviy-ma’rifiy, adabiy-ilmiy tadbirda O‘zbekiston davlat san’at va madaniyat instituti
professor-o‘qituvchilari, doktorantlari bir qator iqtidorli talabalari faol ishtirok etdi.
Tadbirda O‘zbekiston Yozuvchilar uyushmasi raisi o‘rinbosari G‘ayrat Majid “Mahmudxo‘ja Behbudiy va Turkiston jadidchiligi” mavzusidagi ma’ruzasida buyuk  jadidlik asoschilaridan biri ma’rifatparvar bobomiz Mahmudxo‘ja Behbudiyning jadidlik harakati, publitsistik maqolalari, dramaturgiyasi hamda ilmiy-ma’rifiy faoliyati bilan keng tanishtirdi. Shu bilan bir qatorda ma’ruzada G‘ayrat Majid so‘zga chiqib hozirgi paytda davlatimiz tomonidan yoshlarga bo‘layotgan e’tibor, imtiyozlar va imkoniyatlar haqida gapirib o‘tdi. 2024-yilda xalqimiz tarixining murakkab damlarida, ma’rifat mash’alasini baland ko‘tarib chiqqan ulug‘ alloma va jamoat arbobi Mahmudxo‘ja Behbudiy tavalludining 150 yilligi keng nishonlandi. Mutafakkirning ilmiy, ijodiy, pedagogik faoliyati va merosi alohida ahamiyatga molik.
XX asr o‘zbek adabiyoti va san’atida, ijtimoiy-siyosiy jarayonlarida faol ishtirok etgan, millat ma’rifati, ozodligi, hurligi yo‘lida mardonavor kurashgan bu ulug‘ allomaning sermashaqqat va sermahsul faoliyati tarix sahifalaridan mangu o‘rin egalladi, avlodlar uchun ibrat maktabi bo‘lib qolganligi ta’kidlandi. Zero, Mahmudxo‘ja Behbudiy nomidagi stipendiya tashkil etilishi ham yurtimiz yoshlari qalbida yuksak bilim va ma’rifatlik, vatanparvarlik tuyg‘ulari jo‘sh urib turishi hamda faxr va iftixor tuyishiga sabab bo‘ladi.
Undan so‘ng “Xalq so‘zi” gazetasi muxbiri Dilshod Karimov bugungi kun ilmiy-ijodiy jarayonlar haqida to‘xtalib, O‘zbekistonda xizmat ko‘rsatgan jurnalist O‘tkir Rahmatovning “Xalq so‘zi” gazetasida e’lon qilingan maqolasida ko‘tarilgan masalalar yuzasidan keltirilgan iqtiboslar borasidagi fikrlari bilan o‘rtoqlashdi.
Ma’ruza davomida O‘zbekiston davlat san’at va madaniyat instituti Iqtidorli talabalarning ilmiy-tadqiqot faoliyatini tashkil etish bo‘limi boshlig‘i Doniyor Tuyg‘unov so‘zga chiqib,bir qator yoshlarni qiziqtirgan savollar berish bilan birga bugungi tadbir juda samimiy va ilmiy-ijodiy jihatdan ishtirokchilar, xususan jadidlik harakati faoliyatiga, tarixga qiziqqan yoshlar uchun har tomonlama foydali bo‘ldi, ulug‘ bobolarimizning xayrli ishlaridan o‘rnak olib, kelajakdagi ilmiy-ijodiy, dramatik, teatr san’ati, adabiy yo‘limizda bugungi tadbirning ahamiyati katta bo‘ldi, avvalo, muhtaram ustoz Oqil Umurzoqovich, Sizga rahmat, mana shunday ko‘plab tadbirlarning tashkil qilinishda bosh-qosh bo‘lib turganingiz uchun, taniqli shoirimiz G‘ayrat Majid va ajoyib jurnalistimiz Dilshod Karimovga bugungi chiqishlari uchun tashakkur dedi.
Shuningdek, hududlardagi oliy ta’lim muassasalari tegishli yo‘nalishlari bo‘yicha professor-o‘qituvchilari, tyutorlari va iqtidorli talabalari ZOOM platformasi orqali studiyalardan ishtirok etishdi.
.
.
https://t.me/Doniyor_MIRZO_shoir

O'zbekiston davlat san'at va madaniyat instituti O'quv teatrida bo'lib o'tgan Xalq ijodiyoti fakulteti "Cholg'u ijrochiligi" kafedrasining "Sozlar navosi" deb nomlangan hisobot konsertidan videolavha

Шогирдлар ижодидан.