ሰላም ለልባችሁ! 🙏🙏🙏
:
@Venuee13
@Venuee13

« ቆሞ ቀር ይሉኛል! ምን አደረግኳቸው? አልደረስኩባቸው! » የታፈነ የህመሟ ግለት በቃላቶቿ በኩል ይጋረፋል።
« ምነው ሀያዕ ያጡ ናቸው ደጄን ያንኳኩት። የንፁሁ አደራ መሆኔ ያልገባቸው ነበር የከጀሉኝ። ጌታዬን ሊያስረሳኝ የሚችልን አደብ ያየሁባቸውን ነበር እንቢ ያልኩት።
ምነው ምን አጠፋሁ? እድሜ ይሄዳል ተብሎ አላህን ለማማረር ከማይሆን ሰው ጋር ትዳርን ማርከስ ፅድቅ ነው እንዴ? »
እንባዋ ቃላቶቿን አጀባቸው። ትልቁን የክብር ጎጆን እንዳታረክስ ሰበብ የሚሆናትን እስክታገኝ መታገሷ ሲያዘልፋት ከልቧ የመነጨው እንባዋ ውስጤን አላወሰው።
« እስቲ ንገረኝ እኔ ቆሞ ቀር ነኝ? »
እናንተ መልሱላት! እሷ ቆሞ ቀር ነች? »
[ አብዱልሀኪም ሰፋ ]
:
@Venuee13
@Venuee13

« እስቲ የሆነ ነገር ሹክ ልበላችሁ። የሆነ ረዘም ያሉ ፅሁፎችን ለመፃፍ ስሞክር በጥቂት ገለፃ ውስጥ ብዙ ሊያሰላስል የሚችልን ነገር መግለፅ እመርጣለሁ። ምናልባት በጣም ረጅም የሚባል ፅሁፍ ላለመፃፍ ከሚያግዱኝ ነገሮች አንዱ ይህ ልምድ ይመስለኛል።
ፅሁፎቹ በጥድፍያ ለማንበብ ብዙ አመቺ የማይሆኑት አንድም ሰበቡ ይህ ይመስለኛል።
አያቴ ሲያወሩ ሳዳምጣቸው በጥቂት ገለፃ መዓት ነገር መግለፅ ይሆንላቸዋል። ከእሳቸው ከተማርኳቸው ውስጥ አንዱ ይህ ሳይሆን አይቀርም። የተናገሯቸውን ንግግሮች በኋላ ላይ በደንብ ሳሰላስላቸው ብዙ ነገራቶችን ለመረዳት ሰበብ ሆነውኛል። ለዚያም ይህን ነገር እናንተ ላይ ለማጋባት እሞክራለሁ።
ከዚህ በታች በጣም ጥቂት የተለያዩ ፅሁፎች ውስጥ የተጠቀምኳቸው አንዳንድ ገለፃዎች ናቸው። በደንብ በጥልቀት አስቡበት። በገለፃዎቹ ውስጥ የሆነ ነገርን ታገኛላችሁ!

« ለላቅስብህ መጣሁ አትሰለቸኝም አይደል? »

« የሚያለቅስ አይን በጥቆማ ይገኛል። የሚያለቅስ ልብ እንባውን እየሸሸገ ህይወት ይቀጥላል! »

« ከአላህ ርቆ የተሰቃየ ወደ አላህ ለመመለስ ሲወስን የሚደርስበትን ስቃይ መቋቋም አይሳነውም። »

« ተውበን የታየንሽ የአላህ የነውር አደባበቅ ረቂቅ ስለሆነ ነው። »

« ነፍስያን የመሸከም ያህል ከባድ ሸክም አላውቅም! »

« መሄዴ አይቀርም ነገር ግን አትቀሩም! »

« ቢከፋሽም ቢደላሽም "ሴትነት" ን ከገበያ እንዳትገዢ። " ሴት መሆን " የአምላክ ምስጢር መጠበቅ ነው። »

« ጊዜያዊ ክብር አልሰጠሁሽም በጊዜ ውስጥ የሚጠነክር እንጂ! »

« የእውነት መንገድ በሀሰተኞች የስልጣን ዘመን ከባድ ነው። »

« አይኑን የገለጠ ሁሉ አያይም፣ ጆሮውን የደቀነ ሁሉ አይሰማም። ከሰሚም አድማጭ፣ ከሚያይም በላይ ተመልካች ለመሆን ህሊናቹን ቀስቅሱት! »

« ይቺ እናቴ ቋጣሪ ናት። ሀዘኗን ለማንም አትሰጥም። »

« በዘምዘም እንዴት ታዝናለህ? …ጥላህን እንዴት ትቀየማለህ? »

« ጫማ ውስጥ የተሰነጣጠቀውን እግርሽን አይተው ሊዘልፉሽ ስለ ጫማሽ ውበት ያወራሉ። እግርሽ እንጂ ጫማሽ መች ይራመዳል። »

« ልቡ እናቱ ጋር አይጠወልግም! »

« My cruelty is enough for you! »

« ከእዝነቱ በላይ ሀዘን አሸከመሽ? »

« በልጆቻችን ላይ የንፁሁን መውደድ ማጋባትን ካልቻልን ምን ረባን? »

« ልብ ከዱንያም ይበልጥ ሰፊ ነው። »

« የዘነጋችሁትን ቻይ ተጠጋነውና አተረፍን። »

« ሰው ደግ ነው ካልከው ሰላም የምትሆንበት ፍጥረት ነው! »

« ባሏን የምትንቅ የማታለቅስ እናት አለችኝ! »

« የመረዳት አቅምህን እንደ ውቅያኖስ አድርገው። ጠብታ ሀሳቦች አያስቸግሩህም። »

ምን ለማለት ነው አንዳንዴ የአዕምሮ ባልተቤቶችን ላለማሰልቸትና እንዲያሰላስሉ ሲባል ከማንዛዛት መቆጠብ ምርጫ ይደረጋል። አሰላስለን የደረስንበት ነገር ሳናሰላስል እንድናውቀው ከተደረግነው ነገር የበለጠ እንረዳዋለን። »
[ አብዱልሀኪም ሰፋ ]
:
@Venuee13
@Venuee13

« እቴ ገላሽን የተፈቀደልሽ ዘንድ አድርገሽ ልብሽን የተከለከልሽው ዘንድ አትጣዪው! ገላ ብቻ አትሁኚ! እቴ የሚያስቅሽ ሁሉም አያስደስትሽም፣ መራር እውነትሽን የሚግትሽ ሁሉም አይጎዳሽም። ማየት የምትፈልጊውን ብቻም ሳይሆን መመልከት ያለብሽን ነገር ተመለከቺ።
ስለ ውበትሽ ሰርክ የሚያወሩት አንድ ቀን ይሰለቻሉ። የእርጅና በትር ሲመታሽ በነበር ከፈን ጠቅልለው ከንፈር ይመጡብሻል። መልካም ስነ ምግባር ካለሽ ግን በጥሩ መወሳትሽ ይቀጥላል። እርጅና ሊያጠፋው አይችልምና ስነ ምግባርሽን ለማስዋብ ሞክሪ!
እቴ ማንም እንዲቀበልሽ ለማሳመን ክብርሽን አትጣዪ! እቴ ትንሽነት ትልቅ ነኝ በማለት ይጀምራል። መተናነስ አይጥፋሽ። በድብቅ ሊያባልጉሽ ሞክረው ያልተቻላቸውም ስምሽን ሊያጠፉ ይችላሉና ለሁሉም ወቀሳዎች ጆሮ አትስጪ። ግና በሀቅ ስትመዘኚ የምትናገሪው ሀቅ ይኑርሽ። እቴ አጓጉል እንዳትወድቂ እራስሽን ጠብቂ! የምወድሽዋ ሰላም ለልብሽ! »
[ አብዱልሀኪም ሰፋ ]
:
@Venuee13
@Venuee13

« ልናለቅስላት ነበር የሄድነው። አጣናት፣ ተለየችን ብለን የማይጠቅማትን እንባ ልናነባላት ነበር የሄድነው። እርሷ ግን ዱንያንም ለቃ ለራሳችን እንድናለቅስ አደረገችን። መገን መታደሏ! ሙታን እንኳ አልተባለችም። »
[ አብዱልሀኪም ሰፋ ]
:
@Venuee13
@Venuee13

« አንዳንድ ስራዎች ከአላህ ሱብሀነሁ ወተዓላ መመረጥን እና በልቦና ላይ መልካም የሆነን እምነት መያዝን ይሻሉ። ሁሉም እውቀቶች የተቀደሱ ተግባራትን ለመከወን አያስችሉም። እኚህ ጠበብት ግን በእውቀታቸው እጅግ ያማረና የተቀደስ ተግባርን ለመፈፀም ታድለዋል።
እስቲ አንድ ጥያቄ ልጠይቃችሁ ውቡን የመከተል ሙሀረም ቅጥር ግቢ እና የመስጂደ ነበዊን ዙርያውን ስትመለከቱ በውበቱ ትገረማላችሁ አይደል? እንደዚህ ያማረ ውበት እንዲላበስ የመስጂዶቹን ዙርያ ንድፍ ዲዛይን የሰሩትን ሰው ታውቋቸዋላችሁ? እኒህን ትልቅ ሰው እስቲ በወፍ በረር ታሪካቸውን ላስቃኛችሁ!

እኒህ ጠበብት ሙሀመድ ከማል ኢስማኢል ይባላሉ። እንደ አውሮፓውያን የዘመን ቀመር በ1908 የተወለዱ ግብፃዊ አርክቴክት እና ኢንጅነር ናቸው። የተከበረውንና የተቀደሰውን የመከተል ሙሀረም በሚያምር መልኩ ንድፉን ያዋቀሩት ሰው ናቸው።
ዶክተር ሙሀመድ ከማል ኢስማኢል ለአላህ ያላቸው ፍራቻ እና እውቀታቸው እነዚየን የተዋቡት ቅዱስ ስፍራዎች የመከተል ሙሀረም እና የመስጂድ አል ነበዊ የሁለቱንም ንድፍ እንዲሰሩ አላህ አስችሏቸዋል።
በልጅነታቸው በግብፅ ኮሌጅ በከፍተኛ ማዕረግ የተመረቁና ትንሽ ልጅ ሆነውም በሮያል ኮሌጅ ኦፍ ኢንጅነሪንግ ትምህርታቸውን በማጠናቀቅ የተመረቁ ብቸኛ ሰው ናቸው። የዶክትሬት ዲግሪያቸውን ለመስራት ወደ አውሮፓ ሀገራት አቅንተው በኢስላሚክ አርክቴክቸር ላይ ለመስራት ችለዋል።

የተከበረውን የሀረም መስጂድ በአዲስ መልኩ ሲስፋፋ ባማረ መልኩ ንድፉን ለመስራት የታደሉ ሰው ናቸው። ዶክተር ሙሀመድ ከማል ኢስማኢል በእውቀት እና ልምዳቸው እጅግ የተካኑ ከመሆናቸው ጋር ስነ ምግባራቸውም ያማረና የተዋበ ነው። የተቀደሰውን ሀረም ንድፍ(ዲዛይን) ለሰሩበት አንዲትንም ሽራፊ ገንዘብ አልተቀበሉም። (አትገረሙም ዎይ?)
ነገሩ እንዲህ ነው!
የሳኡዲው ንጉስ የፈለጉትን ያህል ገንዘብ ጠይቀው እንዲወስዱ ሲነግራቸው እና ሲማፀናቸው እንዲህ ነበር ያሉት።
« አላህ ሱብሀነሁ ወተዓላ ይህን የተቀደሰ ተግባር መስራት እንድችል መርጦኝ ሳለ እንዴት ለዚህ ነገር ገንዘብ እቀበላለሁ? ገንዘብ ብቀበል ነገ የውመል ቂያማ አላህ ፊት ስቀርብ ምን ብዬ ለጌታዬ እመልስለታለሁ! » ሲሉ መለሱ።

ዶክተር ሙሀመድ ከማል እስማኤል ህይወታቸውን ሁሉ ከእስልምና እምነትና መርሆዎች ጋር አቆራኝተው የኖሩ ናቸው። በህይወታቸው ቅንጡ የህይወት ዘይቤን ሳይከተሉ ቀለል ያለ ህይወትን ምርጫቸው አድርገው አብዛኛውን ጊዜያቸውን አላህን በማምለክ የሚያሳልፉ ነበሩ።
የመስጂደል ሀረም ቅጥር ግቢን የማስፋፍያ ንድፍን ለመስራት ሲስማሙ እድሜያቸው ከሰማንያ አመት በላይ ተጠግቶ ነበር። ከዚያ በኋላ ቀሪውን ጊዜያቸውን ይህንን የተቀደሰ ተግባር በማከናወን ላይ ተግተው ከታይታ እና ከመገናኛ ብዙኃን አይን ተሸሽገው ሲሰሩ አሳለፉ።

የመስጂደል ሀረም እና የመስጂደ ነበዊ የመስጂዶቹ ንድፍ ወይም ዲዛይን ብቻ ሳይሆን የአገነባብ ሂደታቸውም ተዓምራዊ ነው።
ለግንባታ የተጠቀሙባቸው ግብዓቶች በሙሉ በዓለም ላይ የማይገኙና እጅግ ጥቂት ቦታ ላይ ብቻ የሚገኙ ናቸው። በዚያ ሀሩር እና እጅግ ከፍተኛ ሙቀት ባለበት ሰዓት የመስጂደል ሀረም እምነበረዶች ቀዝቃዛ ናቸው። ይህም መስጂደል ሀረም ላይ የተነጠፉት እምነበረዶች በግሪክ ብቻ የሚገኙት ነጭ እምነበረዶች ናቸው። ዶክተር ሙሀመድ ከማል ኢስማኢል እነዚህን እምነበረዶች ብቸኛ መገኛ ወደ ሆነው ግሪክ አቅንተው እነዚህን እምነበረዶች ገዝተው እንዲነጠፉ አደረጉ። እነዚህ እምነበረዶች ነጭ፣ አንፀባራቂና ሙቀትን መቋቋም የሚያስችል ተፈጥሮ የተላበሱ ናቸው። በተለይም ጠዋፍ የሚያደርጉ ምዕመናን ጠዋፍ በሚያደርጉበት ጊዜ እግሮቻቸው ሙቀቱ እንዳያቃጥላቸው እነዚህ እምነበረዶች በሙቀት ጊዜ ቀዝቅዘው የመቆየት ባህሪይ አላቸው።
እዚህ ጋር አንድ አስገራሚ ነገር አንስተን እናውጋ!
የመስጂደ ነበዊ የማስፋፊያ ንድፍ ተሰርቶለት መገንባት ሲጀምር የሳውዲው ንጉስ ለዶክተር ሙሀመድ ከማል ኢስማኢል መስጂደል ሀረም ላይ የተጠቀሙትን እምነበረድ እንዲጠቀሙ ይነግራቸዋል። ዶክተር ሙሀመድ ከማል ኢስማኢል ለመስጂደል ሀረም የተጠቀሙትን እምነበረድ ከገዙት አስራ አምስት ዓመታት አልፎት ነበር።
የዚን ጊዜ እምነበረዱን የገዙበት ድርጅት አሁንም እነዝያ እምነበረዶች እንዳሉት እርግጠኛ አልነበሩም። ግና በዚህ አላረፉም በቀጥታ እምነበረዱን ወደ ገዙበት ድርጅት አምርተው ከዚህ ቀደም በድርጅቱ የገዟቸውን እምነበረዶች ካሉ እንዲሸጡላቸው እና ለምን እንደፈለጓቸው ለድርጅቱ ኃላፊዎች ይነግሯቸዋል።
በድርጅቱ ውስጥ የነበሩት ሁሉም እምነበረዶች ተሽጠው አልቀው ነበር። ዶክተር ሙሀመድ ከማል ኢስማኢል ድርጅቱን ለቀው እየወጡ እያለ አንዳች ተስፋ ይኖራል በሚል ለፀሀፊዎቹ እነዚህን እምነበረዶች የገዛቸውን ሰው እንዲፈልጉላቸው ይጠይቃሉ።
ፀሀፊዋም ይህንን መፈለግ እጅግ ከባድ ነው። ከ15 ዓመት በፊት የተሸጡ መዝገቦችን መፈለግም አዳጋች ነው። ነገር ግን እርሶ ያሉትን ፈልጌ ማግኘት የምችል እንደሆነ አሳውቆታለሁ ቁጥርዎን ይተውልኝና ያገኘሁትን መረጃ አሳውቆታለሁ ትላቸዋለች። በነጋታው ይህቺው ፀሀፊ መረጃውን አግኝታ ለዶክተር ሙሀመድ ከማል ኢስማኢል ትደውልላቸዋለች። ከ15 ዓመት በፊት ቀሪዎቹን እምነበረዶች የገዛውን ሰው አድራሻ ፀሀፊዋ ልካላቸው እያንዳንዱን ነገር በጥልቀት ሲመለከቱት ዶክተር ሙሀመድ ከማል ኢስማኢል በእጅጉ ተገረሙ። (እንዴት አትሉም?)

ከ15 ዓመታት በፊት ቀሪዎቹን እምነበረዶች የገዛው ድርጅት መቀመጫው እዛው ሳውዲ አረብያ ነበር። ዶክተር ከማል ኢስማኢል ይህን ብስራት እንደሰሙ በቀጥታ የአየር ትኬታቸውን ቆርጠው ወደ ሳውዲ አረብያ ተመለሱ። ወደ ድርጅቱም አቅንተው ለድርጅቱ ባለቤት ታሪኩን ሁሉም ይነግሩታል። የድርጅቱ ባለቤትም ሰራተኞቹን ይህንን እምነበረድ የቱ ጋር እንደተጠቀሙት አፈላልገው እንዲነግሩት ይነግራቸዋል።
እጅግ የሚገርመው ነገር እነዚህ እምነበረዶች ተገዝተው እንደመጡ ለ15 ዓመታት ሳይጠቀሙባቸው በመጋዘን ውስጥ እንደተቀመጡ ነበር። ዶክተር ሙሀመድ ከማል ኢስማኢል ይህንን ሲመለከቱ በደስታ ብዛት አይናቸው በእንባ ተሞላ። የድርጅቱ ባለቤት የፈለገውን ገንዘብ ጠይቆ እንዲሸጥላቸው ባዶ ቼክ ሰጡት። የድርጅቱ ባለቤት ግን አንድ ሪያል እንኳ እንደማይቀበል ነገራቸው። እንዲህም አላቸው።
« ከ15 ዓመታት በፊት እነዚህን እምነበረዶች እንድገዛቸው አላህ አስቻለኝ። ከዚያም ገዝቻቸው መልሼ ረሳኋቸው። አሁን እነዚህን እምነበረዶች ለተከበረው መስጂደ ነበዊ ግልጋሎት እንዲውሉ ሲሆን እንዴት ብዬ ገንዘብ እጠይቃለሁ። አላህ ለዚህ ኸይር ስራ ሰበብ አድርጎኝ ሳለ ገንዘብ ብጠይቅ ነገ አላህ ፊት ምን ብዬ እመልሳለሁ። ውሰዱት ሁሉንም! » አላቸው።

ዶክተር ሙሀመድ ከማል ኢስማኢል መስጂደ ነበዊ ላይ እምነበረዶቹ እንዲነጠፉ አደረጉ። የመስጂደ ነበዊ ወለሎቹም በእምነበረዶቹ አሸበረቁ።
እኒህ ጠበብት ከታይታ ርቀው፣ በአምልኳቸው ፀንተው፣ የተከበሩት ቅዱሳን መስጂዶች በሆኑት መስጂደ ነበዊ እና መስጂደል ሀረም ላይ የማይነጥፍ አሻራቸውን አሳርፈው እንደ አውሮፓውያን ዘመን ቀመር በ2007 ከዚህ ዓለም በሞት ተለዩ። አላህ ሱብሀነሁ ወተዓላ መልካም ስራቸውን ተቀብሏቸው ባማረው ጀነት ላይ ይቀበላቸው። »
[ አብዱልሀኪም ሰፋ ]
:
@Venuee13
@Venuee13

« ስርዓተ አልባነት፣ ድንቁርና፣ አደብ የሌላቸውን ነገሮች ማድረግ ቀላል ነገሮች አይደሉም። ሀያዕን የሚያህል ውበት፣ ህሊናን የሚያህል ፍትህ፣ መተናነስን የሚያህል ክብር መስወዓት ማድረግን ይጠይቃል! ምናልባት አንዳንድ ሰዎች ስርዓት አልባ ያልሆንነው የመልካም ስነ ምግባርን አስፈላጊነት ስለተረዳን ብቻ ሳይሆን እነዚህን ውድ ነገሮች ለመሰዋት አቅም እስክናገኝ ይሆናል። ነገራቶችን ሩቅ አሻግራችሁ በጥልቀት ለመረዳት ሞክሩ። ያላችሁ በሚመስላችሁ መልካም ስነ ምግባርም አትታለሉ። »
[ አብዱልሀኪም ሰፋ ]
:
@Venuee13
@Venuee13

" ማስጠንቀቅያ ለባለቤቴ " 16
(አብዱልሀኪም ሰፋ)
:
ይድረስ ለውዷ፣ ለማላውቃት ለወደፊቷ ባለቤቴ! እንዴት ነሽልኝ? ( ስለ ደህንነትሽ ስለጠየቅኩ ግር እንዳይልሽ ወጉ እንዳይቀርብሽ ነው።) እኔ ምልሽ እትዬዪት
የሆነ ሌላ ማስጠንቀቅያ ልፅፍ ነበር። ነገር ግን በሰርግ ካልሆነ አላገባም እንዳልሽ መረጃው ደረሰኝና ያሰብኩትን ተውኩት።
ቆይ ምን አስበሽ ነው? እኔ ሰርግ እንደማልወድ አታውቂም? አስበሽዋል በዚህ ቅጥነቴ ሱፍ ለብሼ ስታይ? ደግሞ ለሰርግ ለምንድን ነው ሱፍ የምለብሰው? ( ቢጃማ ብለብስ ቅር ይልሻል? ያው……ኧረ አጓጉል ነገር አታስቢ! ጊዜን በአግባቡ ለመጠቀም ያህል ነው!)
በእርግጥ እኔን የመሰለ ሰው ስታገቢ ደስታሽን ለሁሉም ለማሳየት እንደሆነ አልጠፋኝም። ግን እረፊያ! እኔ ደግሞ ይኸው አቃጣዬን እዩልኝ ማለት አልፈልግም! (ኧረ በፍቅር ነው አትንጨርጨሪ!)

ስሚኝማ ያው በሆነ ያህል ግርግር አይመችሽም። እኔን ማግኘትሽ እንጂ ሰርጉ ቢቀርም የምትከፊ አይደለሽም። ግን ደግሞ አንቺ አጋሰስ መዓት ሰርግ ይሄኔ እየሄድሽ ይሆናል። ለቤተሰብም ብለሽም ይሆናል።
እና ሰርግ መሰረጋችን የማይቀር ከሆነ ለምን በሰርጋችን ቀን ብዙ ሰው እንዳይመጣ እንዴት ማድረግ እንችላለን የሚለውን አሰብኩ! (አንቺ እንደሆነ አታስቢ እኔ እያለሁልሽ!)
አንቺም በኋላ ላይ አቋምሽን ቀይረሽ ሙልጭልጭ እንዳትዪ ስለሰጋሁና በሰርግ ጉዳይ አቋምሽ ሊከብድ ስለሚችል የሰርጋችንን ቀን የምወስነው እኔ እሆናለሁ።( አታጉረምርሚ ለሁለታችንም አስቤ ነው!)
እንግዲህ ሰርጉ አይቀርም ብለሽ ካልሽ ከእነዚህ ከምዘረዝርልሽ ቀናቶች ውስጥ አንዱን ምረጪ። ያው መቼስ እኔ ላንቺ የማልሆነው የለም።

1ኛ) የኢድ ቀን ልክ ሰላት ተሰግዶ እንዳለቀ!(ማብራራት አያስፈልግም!)

2ኛ) ረመዳን ላይ ከኢሻ በፊት! ( ይሄ ህዝብ ተራውሂ ይሰግዳል ወይስ ለእኛ ሰርግ ይመጣል? አስበሽዋል ይሄ ህዝብ እኔን ለመበቀል ተራውሂ ትቶ ወደ ሰርጋችን ሲመጣ። ጀመዓው የቀነሰባቸው የመሰጂድ ኢማሞች እባካችሁ ከተራውሂ በፊት ሰርግ አትጥሩ! ልጆቻችሁን አርሙ ብለው ዳዕዋ ሲያደርጉ። ያው እኔና አንቺ መቼስ እዛው መስጂድ ሆነን ነው የምንሰማው ዳዕዋውን! ምን ሰርጉን እንጥራ እንጂ ተራውሂውን እንደሆነ አንተወው! እንደውም ሰላት ጥለው ወደ ሰርጋችን የሄዱት ሲያጡን በዛውም የሰርግን አላስፈላጊነትና የሰላትን በላጭነት ያውቃሉ! እኔኮ አላስብ! )

3ኛ) ረመዳን 27ኛው ለሊት ላይ! ( እስቲ ሰው ለይሉን በኢባዳ ያሳልፋል ወይስ የእኛን ሰርግ ይመጣል? እሱን እናያለን! አንቺ ግን ወጥሪ በዱዓ! )

4ኛ) ሰላማዊ ሰልፍ የሚጠራበትና ረብሻ አለ ተብሎ የሚሰጋበት ቀን! ( ካልሰረጋችሁ ብሎ ሲያስጨንቀን የነበረና ሰርጋችንን የናፈቀ እስቲ ሳይፈራ ይመጣ እንደሆነ እናያለን!)

5ኛ) ከጁመዓ ሰላት በፊት! ( ይሄ ቀን ያሰጋል በርግጥ ሰርጉን ልሂድና ዝሁር እሰግዳለሁ እንዳይሉ ብቻ!)

6ኛ) ምርጫ የሚመረጥበት ቀን! (ብዙ ሰዉ ከጌታው የበለጠ መንግስትን ይፈራ የለ! መንግስትን የራስህ ጉዳይ ብለው ይመጡ እንደሆነ እስቲ እናያለን!)

ሌሎች ቀናቶችንም ልጨምር ነበር ግን ቆይ ከዚህ ሁሉ ጭንቀት ሰርጉ ቢቀርስ? ምንድን ነው ይሄን ያህል! ሰርግ ተፈርቶ እስከመቼ ትዳር ይገፋል? (ደስ አይልም!)
ደግሞ ይሄ ሙሽራ ነኝ ብለሽ ፀጉርሽን ከፋፍተሽ ካንተ ጋር ፎቶ እነሳለሁ ብለሽ እንዳታስቢ!(እኔማ እስከዛሬ ያከበርሽውን ሂጃብ ሙሽራ ስትሆኚ እንድታዋርጂው አልፈቅድልሽም!)
እንደው ለአላህ ብለሽ የሜካፑን ነገር! ከቻልሽ ይቅርብሽ! (አሀ የሰርጋችን ቀን ያየሁት መልክሽ በነጋታው ባጣው አንቺ ላይ የወሰለትኩ እንዳይመስለኝ ነዋ! አጓጉል ሜካፕ ተጠቅመሽ ሜካፑ ሲጠፋ በድንጋጤ እንደ ወንድሜ ባይሽስ! ሆ ኧረ እንዳትፈትኚኝ!)
እንደው አላህ ቀልብ ይስጥሽ እኔን ባሌ ብለሽ ስትጠብቂ!
ለማንኛውም ሰርጋችንን ማሳመሩን ሳይሆን የትዳር ህይወታችንን እንዴት እናስውበው የሚለውን በደንብ አስቢበት። ሰርጋችን ትዳራችንን እንዲበልጠው አልፈልግም!
እኔን አላህ ይጠብቅልሽ! (እስቲ አሚን በይ!) ማስጠንቀቅያውን እያሰብሽበት!
:
@Venuee13
@Venuee13

አል ወዱድ ልባችሁን ሰላም ያድርገው። ሰላም ለልባችሁ! 🙏🙏🙏
:
@Venuee13
@Venuee13

« የምታማውን ሰው በነውር እንደምታንሰው በምን አረጋገጥክ? የምትፈርጂበትን ሰው መጨረሻ በምን አወቅሽ?
እረፉ በረቀቀ መንገድ የአላህን መብት ለራሳችሁ አትስጡ። ድኩማን እና አቅመ ቢስ ሆናችሁ ሳለ በስውር መንገድ እራሳችሁን እያመለካችሁ በአላህ ላይ አታጋሩ! በእርግጥ ይህን በጥልቀት ሊያስቡት ለፈቀዱት ካልሆነ በቀር የሚያስደነግጥ አይሆንም! »
[ አብዱልሀኪም ሰፋ ]
:
@Venuee13
@Venuee13