ያለ ምክንያት ከጠሉህ
ምክንያት ስጣቸው ✨

አንተ እንደ Queen? ካየኸኝ
እኔ እንደ king? አይሀለው
አንተ እንደ game ?ካየኸኝ
አጨዋወቱን እኔ አሳይሀለው?
?*?***

​​​​┉┉✽‌»‌?✿?»‌✽‌┉┉┉┉✽‌»‌?✿?**»‌✽‌┉┉

ለምዶበት ነው እንጂ ጥርሴ የሚስቀው፡
የልቤን መከፋት እኔው ነኝ የማውቀው፡
የራሴን በሽታ ላስታም ብዬ ራሴ፡
ለሰው ሳላወጋው ሸሽጌው በጥርሴ፡

በሳቄ መለያ ስቃይ እያጫወትኩ፡
የውስጤን ጫጫታ ራሴው እያዳመጥኩ፡
አለሁኝ እስካሁን ለይምሰል እየሳኩ፡

የደበነው ውስጤ በበደል ያረረው፡
ጠባሳ የሞላው ጊዜ የማይሽረው፡
ያለኔ ማን አውቆት የልቤን ስብራት፡
ፈገግታዬ እንጂ ስሜቴ ማን ገብቶት፡

መደሰቴን እንጂ ማንባቴን ማን አይቶት፡
በይምሰል ፈገግታ ውስጤን እየደበኩ፡
አለሁኝ እስካሁን ለይምሰል እየሳኩ፡
በመሰለች ምድር ለምሳሌ እየኖርኩ፡
ስቄ ላልስቅበት ጥርሴንም እያስዋብኩ

ህ ህ ህ

ህህ ልበልና ፈገግታዬን ላሳይ፡
ደብቄው ነው እንጂ በዝቷል የኔ ስቃይ፡
ለምዶበት ነው እንጂ ጥርሴ አመል ሆኖት
ፈገግ ያስብለኛል ስቄ ላልስቅበት

?????
@rekyee?@rekyee?@rekyee?**

?​​ሄ ዋ ን?**

?እውነተኛና ልብ አንጠልጣይ የፍቅር ታሪክ በእኔ እና አንተ የ ቴሌግራም ገፅ ተዘጋጅቶ የቀረበ?

? ክፍል 12?

በሁለተኛው ቀን ለአዙ ደወልኩላት ባባቴና በሽፈራው መሀል ምንም አዲስ ነገር እንደሌለና ግን ሽፈራውን ለማግኘት አንድ ሴትዮ መጥተው እንደነበረና ስለኔ ስም ሲያነሱ ገና ሽፈራው አዙ እንድትሰማ ስላልፈለገ እንዳስወጣትና ብቻቸውን ለእረጅም ሰዓት አብረው እንደቆዩና እንደሄዱ እሷ ምንም መስማት እንዳልቻለች በር ላይ ሆነው ግን በቃ በዚህ ሁለት ቀን ውስጥ አሳውቅሀለሁ ሲሉት ብቻ እንደሰማች ነገረችኝ መቼ እንደነበር የተገናኙትና ደግመው መጥተው እንደሆነ ስጠይቃት ደግመው እንዳልመጡና እንዳሉትም ከሁለት ቀን በኃላ ሹፌሩ አንድ ትንሽ ፖስታ አምጥቶ ሲሰጠው እንዳየችው ሹፌሩን ስጠይቀው ከሁለት ቀን በፊት የመጡት ሴትዩ እንደሰጡት ነገረችኝ አዙ ሲዲው እንዳይሆን ታዲያ ያስቀመጠበትን ወይ ደሞ ምን እንዳረገው አላየሽም ስላት ምን አውቄ አለሜ ጋሽዬ ጥንቁቅ እንደሆኑ እያወቅሽ አለችኝ ስልኩን ከዘጋው በኃላ የናቴ ጓደኛና ሽፈራው ምን እያደረጉ ነው
ምኑንስ ነው በሁለት ቀን ውስጥ የሚያሳውቁት ስለምንስ ነው ረጅም ሰዓት ወስደው ሲያወሩ የነበሩት ሹፌሩስ ለሽፈራው ምንድነው አምጥቶ የሰጠው?
በነዚህ ሀሳቦች ተጠምጄ እያለሁ ድንገት ስልኬ ጠራ የእናቴ ጓደኛ ነበሩ ልቤ ሲመታ ይታወቀኛል ስልኩን እያየሁት ለማንሳት ጊዜ ወሰደብኝ ላንሳው አላንሳው በሚል ሀሳብ ተወጥሬ ስልኬን አይን አይኑን እያየሁት ስልኩ ዘጋ በድጋሚ ሲጠራ እንደምንም ራሴን ተቆጣጥሬ ሄ...ሄሎ አልኩኝ እየተንተባተብኩ ሄዋኔ እንዴት ዋልሽ አሉኝ ምላሽ አልነበረኝም ምን ሊሉኝ ነው ጥያቄ ውስጤ ተወጥሯል ሄሎ ሄዋኔ አሉኝ ደግመው አ....አቤት እማዋ አልኳቸው በተቆራረጠ ድምፅ ስንጠራቸው እማዋ እያልን ነው፡፡ ምነው ደህናም አደለሽ አሉኝ ...እንደምንም ራሴን ለማጠንከር እየሞከርኩ ደና ነኝ እማዋ እንዴት ነዎት አልኳቸው ምነው ጠፋሽ ባለፈው ከመጣሽ በኃላ ድምፅሽ ጠፋ እኔም እደውላለሁ እያልኩ ያው እንደምታውቂው የልጆች ነገር ከሰሞኑ ብደውልም ስልክሽ አይሰራም አሉኝ የማዋ ባለቤት የሞቱት ከናቴ ጋር በተቀራራቢ ወቅት ነበር እንደውም አስታውሳለሁ ያኔ የ9 አመት ልጅ ነበርኩ
የማዋ ባል ባልታወቀ ሰው ተገድሎ ነው የሞተው ያው ዱርዬዎች ለመዝረፍ ብለው ገድለውት ይሆናል በሚል ሰበብ ነገሩ ተረሳ እንጂ እናቴና እኔ ለቅሶ ቤት ደርሰን ስንመጣ አባቴ ከናቴ ጋር በጣም እንደተጣሉ አስታውሳለሁ ምክንያቱን እረስቼዋለሁ ኧረ እንደውም በግርግር አባቴ አንድ ጥፊ አቅምሶኛል ከዛ የማዋ ባል ከሞተ ሳምንት ሳይሞላው እናቴ በድንገት አረፈች፡፡ ይገባኛል እማዋ አይመችም አልኳቸው አዎ ልጄ አይመችም አሉ ስለኑሮ ምናምን ሲጠይቁኝ ቆይተው በመጨረሻም እናቴ ስላባቴ የነገረቻቸው ነገር ካለ ካስታወሱ እንዲደውሉልኝ እንደነገርኳቸውና ትዝ ያላቸው ነገር ስላለ ለዛም ሲሉ እንደወሉልኝ ነገሩኝ ስለሳቸው ምንም ያላወቀ በመምሰል ውይ እማዋዬ ምን አስታወሱ አልኳቸው ለመስማት የጓጓሁ እንዲመስል አድርጌ አይ ሄዋኔ በስልክ አይሆንም እንደው ከተመቸሽ ወደከሰዓት ብትመጪና ያቺ የምትወጃትን ሽሮ ስርቼልሽ ቡናም አብረን ጠጥተን ተጫውተሽ ትሄጃለሽ አሉኝ ምን አይነት ወጥመድ እንደተዘጋጀልኝ ባላውቅም ግን አንድ ነገር እንዳሰቡ ግልፅ ነው፡፡ ስልኩን ከዘጋው በኃላ ማክ ጋር ሄጄ ሁሉንም ነገር ነገርኩት ልትሄጂ አስበሽ እንዳይሆን ብቻ አለኝ...ማክዬ አላሰብኩም ግን ሹፌሩ ለአባትህ የሰጠው ሲዲው እንደሆነ እርግጠኛ ነኝ ስለዚህ ማግኘት አለብን አልኩት ማክ እንድረጋጋ እየለመነኝ እሱ በየትኛውም መንገድ ሲዲውን እንደሚያመጣውና እስከዛ ምንም እንዳላደርግ አስጠነቀቀኝ ማክን በደስታ አቅፌ ሳምኩት ከስራ ወጥተን ውጪ ትንሽ ዘና ብለን ወደቤት ከተመለስን በኃላ በሀሳብ ብወጠርም ደስ የሚል ቀን አሳለፍን፡፡ እማዋ ደጋግመው ደውለው ነበር እንደነቃውባቸው እንዳያውቁ ትንሽ ራሴን ስላመመኝ ሰሞኑን ከስራ መልስ እንደምመጣ አሳውቂያቸዋለሁ ማክ አንድ ሀሳብ እንደመጣለት ነገረኝ ምን ስለው ሁሉም የቤት ሰራተኞች በኛ ሳይድ ስለነበሩ በተለይ ላባቱ በጣም ቅርብ የሆነው ሹፌሩ ብር ሰጥቶ ፋይሉን እንዲሰርቅ ማድረግ ምክንያቱም እሱ ስለሆነ ካባቴ ጋር ብዙን ጊዜ የሚያሳልፈው ብዙ ነገር ያውቃል አለኝ
ማክ የፈለገ ቅርብ ቢሆን ትልቅ ሚስጥር ላያውቅ ይችላል አልኩት እኛ እንሞክር ካልሆነ ከወር በኃላ ወንድሜ ስለሚመጣ ሁሉንም ነገር ስለነገርኩት እሱ ይረዳናል አለኝ የወንድሙ ሀሳብ ጥሩ ቢሆንም ወር ሙሉ እሱ እስከሚመጣ የሚያቆይ ትግስት እንደማይኖረኝ ስለማውቅ በማክ በመጀመሪያ ሀሳብ ተስማምተን ማክ ላባቱ ሹፌር ደውሎለት በማግስቱ ለመገናኘት ቀጠሮ ያዙ......

✎ ክፍል አስራ ሶስት ከ100 Vote♥️ በኋላ ይቀጥላል...  ቶሎ እንዲቀጥል አንብበው ሲጨርሱ Like♥️ ማድረግ አይርሱ።
        ┄┄┉┉✽‌»‌?✿?»‌✽‌┉┉┄┄**@rekyee@rekyee@rekyee

*?​​ሄ ዋ ን?*

?እውነተኛና ልብ አንጠልጣይ የፍቅር ታሪክ በእኔ እና አንተ❤️የ ቴሌግራም ገፅ ተዘጋጅቶ የቀረበ?

? ክፍል 11?

ምንም ማስታወስ አልቻልኩም የማስታውሰውም ነገር የለም ምክንያቱም እኔ እንዳላጠፋሁት እርግጠኛ ስለሆንኩ
በዚህ ሀሳብ ላይ ሆኜ ማክ በር አንኳክቶ ገባ ማሬ ምን ሆነሽ ነው ሰላም አይደለሽ አለኝ አዙ የነገረችኝን ቴክስቱን ማን እንዳጠፋው ሳላውቅ ልነግረው አልፈለኩም እ..... ..ደና አይደለሁም ማክ ምን ብዬ እንደምነግርህ አላውቅም የደበቅኩህ ነገር ነበር አልኩ እየተንተባተብኩ ንገሪኝ ምን ደብቀሽኝ ነበር አለ በተጨነቀ አይነት ስሜት እያየኝ ማክዬ እንዳትቆጣኝ አልኩት አልቆጣም ንገሪኝ ምን ተፈጠረ ምንድነው የደበቅሽኝ
ማክ ከየት እንደምጀምርልህ አላውቅም ጥፋት ይሁን መልካም ላንተ ሳልነግርህ ከወራት በፊት የናቴ ጓደኛ ጋር ሄጄ ነገር
ብዬ ቀና ብዬ አየሁት ቀጥይ በሚል አስተያየት ሲመለከተኝ ከናቴ ጓደኛ ጋር እንዳወራንና በማግስቱ በማላውቀው ቁጥር ቴክስት እንደተላከልኝ አሁን    ቴክስቱን ላገኘው እንዳልቻልኩም ጭምር ነገርኩት ምንም ባለመገረም ስሜት ነበር የሚያዳምጠኝ ስጨርስ ምን እንደሚለኝ ለመስማት በጉጉት እጠብቀው ጀመር
ሄዊዬ ቆይ ይሄ ነገር ለምን አይቀርብሽም ለምን አዲስ ህይወት "ሀ" ብለን አንጀምርም? በርግጥ የእናትሽ ጓደኛ ጋር እንደሄድሽ አላውቅም ግን ሌላ ተጨማሪ ቴክስት ካንድ አይነት ቁጥር ተልኮልሽ ነበር አንቺ መታጠቢያ ቤት ውስጥ ነበርሽ በወቅቱ ከፍቼ ሳየው አባቴ አንቺን የሚያገኝበት አጋጣሚ እየፈለገ እንደሆነ ስለተረዳው አጠፋሁት ቁጥርሽን ከየት እንዳመጡ ልጠይቅሽ ነበር ግን የባስ እንዳላስጨንቅሽ ስላሰብኩ ተውኩት
አንቺም ከዛ በኋላ የረሳሽው መስሎኝ ነበር ስላልጠየቅሽ እና አሁን በምን በምን ትዝ አለሽ አለኝ በውስጤ ተመስገን ማክ ከኔ ጋር ነው ምንም አልዋሸኝም አልኩኝ ለደቂቃ ምንም ሳልናገር ቆየሁ በያ ንገሪኝ አለኝ ማክ ምንድን ነበር ሁለተኛው መልዕክት አልኩት "ይሄ የመጨረሻ እድልሽ ነው ያባትሽን ሚስጥር ማወቅ ከፈለግሽ በላክንልሽ አድራሻ ጠዋት 4 ሰዓት ነይ" ነበር የሚለው ይሄን መልዕክ ብታይ ኖሮ በርግጠኝነት ሄደሽ እራስሽን አባቴ መዳፍ ላይ ትጥይ ነበር አለኝ ማክ መሄድ ነበረብኝ ሁኔታው ከምታስበው በላይ አሳሳቢ ነው ዛሬ አዙ ጋር ደውዬ ሚስጥሩን የያዘው ፋይል ሲዲ እንደሆነ ነግራኛለች ይሄ ሲዲ ደግሞ እኔ እጅ ከገባ አባቴን እኔ ራሴ እንደሆንኩ የምበቀለው ሲያወሩ ሰምታለች፡፡ እኔ እዚህ ሲዲ ውስጥ ምን እንዳለ ሳላውቅ እንቅልፍ አይወስደኝም ምንድነው ሚስጥሩ እራሴ ሊፈነዳ ነው እባክህ አግዘኝ የኔ ፍቅር አልኩት ማክ ከተቀመጠበት ተነስቶ አቅፎ ያፅናናኝ ጀመር በቃ መፍትሄ አናጣም ትንሽ ብቻ ታገሺ እራስሽን ለማረጋጋት ሞክሪ ምን ይመስልሻል ትንሽ እንድትረጋጊ ሁኔታዎችንም ተረጋግተን ለማሰብ አንድ ሳምንት ወጣ ብለን ብንመጣ አለኝ ሀሳቡ ጥሩ መስሎ ታየኝ ወዴት እንሂድ አልኩት አሁንም ግራ እንደተጋባሁ ነኝ ዱባይ ደርሰን እንምጣ እስከዛ ነገሮችን በደንብ የምናስብበት ጊዜ ይኖረናል በዛውም ካለንበት ጭንቀት ትንሽ እናርፋለን አለኝ በሀሳቡ ተስማማሁ ከሳምንት በኃላ ዱባይ ሄደን በጣም አሪፍ የሚባል ጊዜ እያሳለፍን ነው ለጊዜውም ቢሆን ሁሉንም ነገር እረስቼዋለሁ ማክ ወደበፊቱ ማንነቴ በመመለሴ በጣም ደስተኛ ሆኗል ድንገት አየሽ አይደል ሁሉንም ነገር  ጥለን ወደ አውስትራሊያ ብንሄድ ሁሉን ነገር መርሳት እንደምንችል አለኝ ማክዬ ለጊዜው መርሳት ስለፈለኩና አንተም ማስከፋት ስላልፈለኩ እንጂ እስከመጨረሻው ማንነቴንና ያባቴን የተደበቀ ማንነት እረስቼ መኖር አልችልም
በተለይ ጉዳዩ ከኔ ጋር እንደሚያያዝ ካወቅኩ በኃላ ይበልጥ የማወቅ ፍላጎቴ ጨምሯል ይህን ጉዳይ እልባት ካገኘሁለት በኃላ የፈለክበት እንሄዳለን አልኩት ማክ ይሄን ሲሰማ ሀሳቤን እንደማልቀይር ስላወቀ በቃ እሺ እኔም ይሄ ነገር ሰላም እየነሳኝ ነው ስለዚህ ወደኢትዮጵያ ስንመለስ አብረን መፍትሄ እንፈልጋለን ግን አንድ ነገር ቃል ትገቢልኛለሽ አለኝ ምንድነው ማክ የፈለግከውን አልኩት በዚህ ጉዳይ ላይ አብሮኝ እንደሆነ ሲነግረኝ በመደሰት
ያባትሽ ሚስጥር ምንም ሆነ ምን ጠንካራ እንደምትሆኚና ምንም ለማድረግ እንደማትሞክሪ እንደዛ ሲለኝ ማክ የሆነ የምታውቀው ነገር እንዳለ ይሰማኛል አልኩት ሄዊዬ እንደዛ ማለቴ አይደለም ግን ያው ከሁኔታዎች አንፃር ጉዳዩ እንደሚከብድ በመጠርጠር ነው ብሎ አቅፎ ሳመኝ ነገሩ ባይዋጥልኝም ከማመን ውጪ አማራጭ አልነበረኝም
የዱባይ ቆይታችንን ጨርሰን እንደተመለስን.......

✎ ክፍል አስራ ሁለት ከ100 Vote♥️ በኋላ ይቀጥላል...  ቶሎ እንዲቀጥል አንብበው ሲጨርሱ Like♥️ ማድረግ አይርሱ።
        ┄┄┉┉✽‌»‌?✿?»‌✽‌┉┉┄┄**@rekyee@rekyee@rekyee

?​​ሄ ዋ ን?**

?እውነተኛና ልብ አንጠልጣይ የፍቅር ታሪክ በ እኔ እና አንተ የ ቴሌግራም ገፅ ተዘጋጅቶ የቀረበ?

? ክፍል 10?

አይ የለም ምን ይኖራል በቃ ይኼ ነገር ስለሰለቸኝ ነው አለኝ እኔ ግን ላምነው አልቻልኩም ምክንያቱም አባቱ ጋር ደርሶ ከመጣ በኃላ ወሬው ሁሉ ይችን አገር ለቀን እንውጣ ሆኗል እንዴት እንዳደኩና ማን ስለእናቴ የሚያውቀው ነገር ካለም በተደጋጋሚ እየጠየቀኝ ነው፡፡ ማክ አላመንኩም ባለፈው ከአባትህ ጋር ያወራችሁትን ንገረኝ ምንድነው ከእኔ የምትደብቀው ነገር አልኩት? ሄዊ እኔ ከአንቺ የምደብቀው ነገር የለም ምንም አልደበኩሽም አለኝ ባላምነውም እሺ በቃ ተወው አልኩት ግን ባባቴ እና ባባቱ መካከል ያለውን ሚስጥር እንድደርስበትና ሊነግረኝ እንደማይፈልግ ሁኔታው ያስታውቅ ነበር፡፡ እኔም ባባቴ ሚስጥርና በሁኔታቸው እዚህ መሆን ደስታ አጥቻለሁ ቀን ከሌሊት የማስበው ይኼ ሆኗል ማክ እኔ ወደቀድሞ ደስታዬና ማንነቴ እንድመለስ የማያደርገው ነገር የለም ከጎኔ በመሆኑ እድለኛ ነኝ ወደኋላ ተመልሼ አስተዳደጌንና አባቴ ለኔ የነበረው አመለካከት ማሰብ ጀመርኩ አባቴ ለኔ ግድ የለሽና በራሴ ጥረት ጎበዝ ተማሪ እንደነበርኩ ከማስታወስ ውጪ አዲስ ነገር ማስታወስ አልቻልኩም ከቤት ከወጣን ወራትን አሳልፈናል ማክም የራሱን ስራ እዚህ ጀምሯል እኔና ማክ አንድ ላይ ብንኖርም እስካሁን በመካከላችን የተፈጠረ አንድም ነገር የለም ግን አንዳችን በአንዳችን ደስተኞች ነን አንድ ቀን ማክ ሳላስበው የንጋባ ጥያቄ አቀረበልኝ ጥያቄው ቢያስደስትም ከአባቱ ጋር የፍቺ ውል አልፈፀምኩም እንዴት እንጋባለን የሚለው ነገር አስጨነቀኝ ማክ የፍቺ ጥያቄ እንዳቀርብ ነገረኝ እንደዚህ ካደረኩ አባቴን አቶ ሽፈራው እንደማይተው ለማክ ነገርኩት
መጀመሪያ ባባቴ ጉዳይ ላይ መፍትሄ ማግኘት እንዳለብን ስነግረው ሀሳቤን ባይወደውም ተስማማ የማክ በዚህ ጉዳይ ላይ ግድ የለሽ መሆን ይበልጥ የሚያውቀው ነገር እንዳለ እርግጠኛ ነኝ የአባቴ ሁኔታ አስጨንቆኛል እንዴት መፍትሄ እንደማገኝ አሰብኩኝ ቀናቶች ተቆጥረው ሳምንታትን ወለዱ አንድ ቀን ሰኞ ማክን ወደስራ ከሸኘሁ በኋላ ወደ አባቴ ሰፈር ሄጄ የእናቴን የቅርብ ጓደኛ አግኝቼ እናቴ ከመሞቷ በፊት ስለአባቴ ያጫወተቻቸው ነገር ካለ ጠየኳቸው
የናቴ ጓደኛ በጣም ነበር በጥያቄ የደነገጡት ምንም እንደማያውቁና በባሏና በሷ መካከል ያለ ሚስጥር ነግራቸው እንደማታውቅና ለምን እንደፈለኩት ጠየቀችኝ ዝም ብዬ ስለአባቴ ማወቅ ፈልጌ እንደሆነና ካስታወሱ እንዲደውሉልኝ ቁጥሬን ሰጥቻቸው ካለ ምንም መፍትሔ ወደቤቴ ተመለስኩ በማግስቱ ጠዋት በማላውቀው ቁጥር የአባትሽን ሚስጥር ከሆነ የምትፈልጊው በዚህ አድራሻ ነይና እንነግርሻለን የሚል የፅሑፍ መልዕክት ነበር ደጋግሜ ስልኩን ስሞክር አይነሳም ቴክስትም ባደርግ አይመልስም የማደርገው ነገር ጨነቀኝ ለማክ ብነግረው ለምን እንደዚህ አደረግሽ ብሎ ይጣላኛል ደሞ ብሄድ እራሴን አደጋ ላይ የምጥል ስለመሰለኝ ፈራሁ በዚህ ውጥረት መሀል እያለሁ የናቴ ጓደኛ ከዚህ ሚስጥር ጋ ምን እንደሚያያይዛቸውና ድንጋጥያቸው ትዝ አለኝ ደግሜ እንዳላገኛቸውም ፈራሁ በዚህ ሁኔታ እስከመቼ እንደምዘልቅ ሀሳብ ሆነብኝ የማክ ሁሉን እረስተን የንጋባ ጥያቄው አቶ ሽፈራው አባቴና የናቴ ጓደኛ ወይዘሮ እልፍነሽ ግንኙነት ሀሳብ ሆኖብኛል
ጠዋት ቁርስ እየበላን ማክ ዛሬ አባትህን ፊት ለፊት ማናገር ወስኛለሁ የመጣው ይምጣ መናገር አለብኝ ይሄ ህይወት ሰልችቶኛል አልኩት ማክ እንደማይሆንና እሱ በራሱ መንገድ አባቱ ጋር ያለውን ማስረጃ የሚያገኝበትን መንገድ እየፈለገ መሆኑንና ትንሽ ጊዜ እንድታገሰው ነግሮኝ ወደ ስራ ሄደ እኔ ግን ከዚህ ሚስጥር ጀርባ ያለውን ነገር ከዚህ በላይ ታግሶ የመጠበቅ ትግስቴ አልቋል እስከመቼ እንደምታገስ ባላውቅም ትንሽ ጊዜ እንድታገስ ለራሴ አሳመንኩት ስራ መስራት እንዳለብኝና ቤት መቀመጥ እንደሰለቸኝ ለማክ ነግሬው ከሱ ጋር ስራ ጀምሬአለሁ ትንሽ ቢሆንም ከቤት እየወጣው ስራ ላይ መዋሌ ጭንቀቴን ቀንሶልኛል ከማክ ጋር ያለን ፍቅር ከጊዜ ወደ ጊዜ እየጨመረና ተጋብተን እንደማንኛውም ጥንዶች ህይወትን የመኖር ፍላጎታችን እየጨመረ ነው፡፡
ማክና አባቱ ጭራሽ ተቆራርጠዋል አባቱም እኔን መፈለጉን አቁሞ አባቴ ተረኛ ፈላጊዬ ሆኗል ከስራ ስገባም ሆነ ስወጣ ከማክ ውጪ አልንቀሳቀስም የትም ስንሄድ አብረን ነው፡፡ አንዳንዴ አዙ ጋር እየደወልኩ ያለውን ሁኔታ እከታተላለው አባቴና አቶ ሽፈራው ሁሌም ይገናኛሉ ሁሌም ይጨቃጨቃሉ፡፡ አንድ ቀን ስደውልላት አባቴ እኔን አግቶ አሳምኖ ወደቤቴ ካልመለሰልኝ ሲዲውን ለኔ እንደሚሰጠኝና በኔ በልጁ እጅ እንደሚጠፋ እንደነገረው ነገረችኝ በጭንቀት ልፈነዳ ምንም አልቀረኝም እየሮጥኩ የማክ ቢሮ ሳላንኳኳ ዘልዬ ስገባ ስብሰባ ላይ ነበር ይቅርታ ጠይቄ ተመልሼ ስወጣ ማክ ተከትሎኝ ወጣና የሆንኩትን ጠየቀኝ ሲጨርስ ላገኘው እንደምፈልግና ማውራት እንዳለብን ነግሬው ወደ ቢሮዬ ተመለስኩ። ምንም መረጋጋት አልቻልኩም ነበር የማክ ይበልጥ ያባቴ ነገር እና ከኔ ጋር የሚያያይዘው ነገር ሰላም ነሳኝ ተረጋግቼ መቀመጥ አልቻልኩም ድንገት ከወራት በፊት የተላከልኝን ቴክስት አስታወስኩ ስልኬን አንስቼ ቁጥሩን መፈለግ ጀመርኩ መልዕክቱ ስልኬ ላይ የለም አጥፍቼው እንደሆነ ለማስታወስ ሞከርኩ ግን አላጠፋሁትም ማን ሊያጠፋው ይችላል?? ማክ እንኳን ስለዚህ የስልክ መልዕክት የሚያውቀው ነገር የለም እኔም እንዳላጠፋሁት እርግጠኛ ነኝ
ታዲያ ማን ሊያጠፋው ይችላል?.....

✎ ክፍል አስራ አንድ ከ130 Vote♥️ በኋላ ይቀጥላል...  ቶሎ እንዲቀጥል አንብበው ሲጨርሱ Like♥️ ማድረግ አይርሱ።
        ┄┄┉┉✽‌»‌?✿?»‌✽‌┉┉┄┄**@rekyee@rekyee@rekyee

*?​​ሄ ዋ ን?*

?እውነተኛና ልብ አንጠልጣይ የፍቅር ታሪክ በ እኔ እና አንተ የ ቴሌግራም ገፅ ተዘጋጅቶ የቀረበ?

? ክፍል 8?

እሱዋን አመስግኜ ዘግቼ ማክ ጋር በድጋሚ ስደውል አነሳ የኔ ፍቅር ይቅርታ አሁን ነው የጨረስኩት ልደውልልሽ እያሰብኩ በአጋጣሚ እህቶቼ ደውለው እያወራው ነበር አለኝ ፍፁም መረጋጋት አይታይበትም እሺ ግን ሰላም አልመሰለኝም ድምፅህ ምን ተፈጠረ ለመስማት እየጓጓው ማሬ እየደረስኩ ነው ስመጣ እነግርሻለው ግን አታስቢ ምንም አልተፈጠረም አለኝ እኔም እስከሚደርስ በጉጉት እንደምጠብቀው ነግሬው ምሳ ምን እንደተሠራ ላይ ወደ ኪችን ሄድኩኝ ማክ ሲመጣ ግን በጣም ተረጋግቶል ምሳ እየበላን ሄዋኔ ከእኔ ጋር የትም ለመሄድ ዝግጁ ነሽ አለኝ አዎ የኔ ማር እስከአለም ጥግ ድረስ አልኩት ተነስቶ እቅፍ አርጎ ሳመኝ በቃ ወደ አውስትራሊያ እንሂድ እዛ በሰላም እንኖራለን ሁሉንም ወደ ኃላ ትተሽ ከእኔ ጋር ተጋብተን አዲስ ህይወት እንኖራለን አንቺን የሚመስሉ ቆንጆ ልጆች ትወልጅልኛለሽ ከልጆቻችን ጋር ደስተኛ ቤተሰብ መስርተን በሰላም እንኖራለን አለኝ ምንም እንኳን በማክ ሀሳብ ብስማማና ብደሰትም ያለናት ብቻውን ያሳደገኝን አባቴን ለሽፈራው አሳልፌ ልሰጠው አልፈቀድኩም በርግጥ አባቴ ለኔ ጥሩ አልነበረም አባት እያለኝ አባት እየናፈቀኝ ነው ያደኩት እሱ ለኔ መጥፎ ቢሆንም ለኔ አባቴ ነውና ክፋቱን በክፋት ልመልስለት አልፈልግም ምን አልባት የሰራው ወንጀል እንደሽፈራው አባባል አባቴን ክፋ ችግር ላይ የሚጥለው ከሆነ ፀፀቱን አልችለውም
አይሆንም ማክዬ አባቴን ጥዬ መሄድ አልችልም አልኩት ልመና በተቀላቀለበት አንደበት ተነጋግረን ቃል ገብተሽልኛል
አሁን ለምን ሀሳብሽን ቀየርሽ አባትሽ ምንም አይሆንም ከዚህ አገር ከወጣን አባቢ እንደማያገኚሽ ስለሚረዳ ምንም እንኳን አባትሽ ላይ የሆነ ማስረጃ አለኝ ቢልም ምንም አያደርገውም አትጨነቂ
ሄዊ በቃ ወስኚ አይዞሽ እስከዛሬ ህይወትሽን ያለደስታ ኖረሻል አሁን ጥሩ ህይወትን የምትኖሪበት ጊዜ ነው ጠንካራ ሁኚ ወደኋላ አትመልከች አለኝ እኔ ያባቴ ነገር ምንም ሊሆንልኝ አልቻለም ጊዜ ወስጄ እንዳስብበት ለምኜው ዛሬ አባቱ ምን እንዳለው ጠየኩት ሄዊ የኔ ውድ በቃ ዛሬ ሁሉንም ነገር ለመስማት ሞክሪ
ምንም የተለየ ነገር አላወራንም ያው ሚስቱን ከቤት ይዤበት ስወጣ ምን ሊያስብና ሊናገር እንደሚችል መገመት አይከብድም በቃ ትንሽ ተጣላን መጣው አለኝና ርዕስ ማስቀየር ጀመረ ያባቴና የሽፈራው ሚስጥር አስጨንቆኛል በምን መንገድ ማወቅ እንደምችል እያሰብኩ ነው ማክን ላለማስጨነቅና እንዳይከፋው ለማድረግ ደስተኛ ለመሆን እየጣርኩ ነው፡፡ያባቴ የመጨረሻው ንግግርና የሽፈራሁ ጋር ሊኖረው የሚችለው ሚስጥር ሰላሜን ነስቶኛል ማክ አባቱ እያፈላለገኝ ስለሆነ ከቤት እንዳልወጣ አስጠንቅቆኛል ግን ያባቴን ሚስጥር የሚያውቅ ሌላ ተጨማሪ ሰው ማን ሊሆን እንደሚችል ማሰብ ጀመርኩ
ማወቅ አለብኝ ከዛ በኋላ አባቴን ከችግሩ የሚወጣበትን መንገድ አመቻችቼ ከማክ ጋር አዲስ ህይወት መስርቼ በሰላም መኖር ይሄን ካላደረኩ ግን ደስተኛ ሆኜ መኖር እንደማልችል አውቃለሁ አንድ ቀን ጠዋት አዙ ጋር ስደውል አባቴ ከሽፈራው ጋር ሲጨቃጨቁ ቆይተው አሁን እንደወጣ ነገረችኝ የተነጋገሩትን ነገር ሰምታ እንደሆነና እንዳልሆነ ስጠይቃት ሽፈራሁ በገዛ ልጅህ አማካኝነት ወቀመቅ እንድትወርድ ነው የማደርግህ ሲለው እንደነበርና አባቴ በጣም  ሲለምነው እንደነበር ነገረችኝ ሌላ ተጨማሪ ነገር ሰምታ እንደሆነ ስጠይቃት አይ ይኼን ብቻ ነው የሰማሁት አለችኝ ከኔ ጋር ሊያገናኘው የሚችለው ነገር ምንድነው ለምንስ በኔ ያስፈራራዋል በቃ በጭንቀት እራሴ ሊፈነዳ ደረሰ ለማክ ነገርኩት፡፡
ማክ ምንም አልተገረመም ነበር ምነው ማክ የምታውቀው ነገር አለ አልኩት በጥያቄ አስተያየት እያየሁት እ.....

✎ ክፍል ዘጠኝ ከ100 Vote♥️ በኋላ ይቀጥላል...  ቶሎ እንዲቀጥል አንብበው ሲጨርሱ Like♥️ ማድረግ አይርሱ።
        ┄┄┉┉✽‌»‌?✿?»‌✽‌┉┉┄┄**@rekyee@rekyee@rekyee

?​​ሄ ዋ ን? *?እውነተኛና ልብ አንጠልጣይ የፍቅር ታሪክ በ እኔ እና አንተ የ ቴሌግራም ገፅ ተዘጋጅቶ የቀረበ?*

? ክፍል 7?

ማክ በሩቅ ሁኔታዬን አይቶ ከመኪናው እየወረደ ምነው ፍቅር ምን ሆንሽ ተረጋጊ እንጂ ታውቆሻል እንዴት እንደሆንሽ ብሎ አቀፈኝ ማክ እባክህ አርቀህ ከዚህ ውሰደኝ አልኩት ምን እንደሚል ግራ ገብቶት ካስገባኝ በኃላ ወዴት እንደሚሄድ እንኳን ሳያውቅ ነዳው መንገድ ከጀመርን በኃላ ነበር ወዴት ልንዳው ብሎ ጠየቀኝ ደስ ወዳለህ ግን በቃ ፀጥ ያለ ቦታ አልኩት በሚያስገርም ፍጥነት ከከተማ የሚያስወጣውን መንገድ ያዘ፡፡ እኔ ዝም እንዳልኩኝ ነኝ ማክ አልፎ አልፎ ምን እንደሆንኩ እየጠየቀኝ ነው ማልቀስና ዝም ብቻ የሆነ ጭር ያለ ቦታ ላይ ስንደርስ አቆመ ምንድነው የኔ ቆንጆ በጭንቀት ልትገይኝ እኮ ነው አለኝ ማክ ሁሉም ነገር ተስፋ የለውም አልኩት እያለቀስኩ በጭንቀት እያየኝ የሆንኩትን ጠየቀኝ አባቴ ያለውን ስነግረው ለደቂቃዎች ዝም ብሎ ባባቢና ባባትሽ መካከል ያለው ሚስጥር ከባድ ነው ማለት ነው አለኝ አዎ በትክክል አልኩት
ስለዚህ አባትሽ ለሱ ሚስጥር ብሎ ለሚስጥሩ ከሸጠሽ አንቺ ለምን ተባባሪው ትሆኛለሽ ከኔ ጋር ነሽ በሀሳቤ ትስማሚያለሽ አለኝ በቆራጥነት የአባቴ የጭካኔ ፈተና ሁኔታው ታወሰኝ አዎ ማክ ከአንተ ጋር ነኝ አልኩት እንግዲያውስ ነይ ብሎ መኪናውን አዙሮ ተመለሠ ማክ ምን ሰልታደርግ ነው አልኩት አባቴን ላናግረው ነው እንደምንዋደድ ነግሬው ያመጣውን ያምጣ ካስፈለገውም ቤት ለቀን እንወጣለን አለኝ ማክና አባቱ በእኔ ምክንያት እንዲጣሉ አልፈልግም ማክን በስንት ልመና አባቱ የሰጠኝ ገደብ ስላለ እስከዛ ተረጋግተን መፍትሔ እንፈልጋለን አሳምኜ ሀሳቡን አስቀየርኩት ወደ ቤት ስንመጣ የማክ አባት ቤት አልነበረም እንደምንም ወደ በፊት ደስታችን ለመመለስ ሞከርን ምሳ እየተሳሳቅን በፍቅር በላን ትንሽም ቢሆን ካለንበት ሙድ ወጣን ማክ ሻወር እስከሚጨርስ ያባቴን ንግግር ማሰብ ጀመርኩ ምንድነው የአባቴ ከባድ ሚስጥር
ለምንስ እንደዛ ደነገጠ የኔ የልጁ ሚስጥሩን ማወቅ ቢረዳው እንጂ ምንድነው ጉዳቱ ይሄን እያብሰለሰልኩ ማክ በሩን ከፍቶ ወጣ ማክዬ ይሄን ደረት እንዴት እንደምወደው እኮ አልኩት ከንፈሩን እየሳምኩ አስቀናሽኝ እኔንስ አለ እየቀለደ አይ ....አይ አንተንኳን አይመስለኝም አልኩት በዚህ እየተቃለድን ቤቱን ስንዞረው አዙ ድንገት በሩን በርግዳ ገባች ጋሽዬ መጡላችሁ አለችን ማክም እኔም ወደየክፍላችን እሮጥን ይሄ የቃቃ ጨዋታ መቼ እንደሚያልቅ ጨነቀኝ
ያባቴ የክፋት ፊትና የሽፈራው ዛቻ ሳስበው እንባዬ ሳይታወቀኝ ሲወርድ ተሰማኝ አባቴ ለኔ ግድ የለውም ቢሆንም እኔ ግን አባቴ ነውና እወደዋለው፡፡ በዚህ አጭር ጊዜ ውስጥ የአባቴንም ሆነ የኔን ህልውና ልታደግ የምችልበት መፍተሄ እንዴት እንደማገኝ ማሰብ እንዳለብኝ ወሰንኩ ያባቴ ለኔ ያለው ጥላቻና ግዴለሽነቱ ምንነቱን በማላውቀው ሚስጥር ምክንያት እንዲጎዳው መፍቀድ እንደሌለብኝ ወሠንኩ፡፡ ያባቴ ሚስጥር ምንም ሆነ ምን አሳልፌ ልሰጠው አልፈቅድም፡፡ ምንም ቢሆን አባቴ ነዋ......!! ግን በዚህ ባንድ ሳምንት ውስጥ ምን አይነት ተአምር መፍጠር እና ከዚህ ችግር ማምለጥ ይቻላል ግራ ተጋብቻለሁ ይህን እያሰብኩ ሌሊቱን ያለ እንቅልፍ አሳለፍኩ ማክም እኔም በጭንቀት የማይገፋ ለሊት አሳለፍን
በማግስቱ ጠዋት ሁላችንም ለቁርስ ተሰብስበናል ድንገት የማክ አባት......

✎ ክፍል ስምንት ከ150 Vote♥️ በኋላ ይቀጥላል... ቶሎ እንዲቀጥል አንብበው ሲጨርሱ Like♥️ ማድረግ አይርሱ።

━━━━━━━✦✿✦━━━━━━━**@rekyee@rekyee@rekyee

?​​ሄ ዋ ን? *?እውነተኛና ልብ አንጠልጣይ የፍቅር ታሪክ በ እኔ እና አንተ የ ቴሌግራም ገፅ ተዘጋጅቶ የቀረበ?*

? ክፍል 6?

ምን እንደማደርግ ግራ ገባኝ አምላኬ ሆይ አንተ ትግስቱን ስጠኝ አልኩኝ በውስጤ ደስታዬ ላይ ውሀ ቸለሰበት ክፍሌን ዘግቼ ስቅስቅ ብዬ አለቀስኩ ምንድነው የማረገው አሁን ለማክ ልንገረው ወይስ ይቅር እያልኩ ሳስብ ማክ ደወለ ሄዋንዬ እስካሁን ተኝተሻል እንዴ አለኝ ገና መነሳቱ ነበር አይ ቆየው አልኩት ምን እንደሆንኩ ጠየቀኝ በስልክ አይሆንም ናና እናወራለን አልኩት ደቂቃ አልፈጀበትም ነበር አባቱ ያለውን ስነግረው በጣም ደነገጠ ምን ማድረግ እንዳለብን እያሰብን በቃ አይዞሽ አንቺ ብቻ አትከፊ መፍትሔ አናጣም አለኝ
ድንገት ለምን አባትሽ እና አባቴን የሚያስተሳስራቸውን ነገር አባትሽን አጠይቂውም ከዛ በምንችለው መንገድ ዶክሜንቱን መውሰድ ከዛ በኃላ ያለውን ነገር እንጋፈጣለን አለኝ አባቴ ለነገሮች ድብቅና ሀይለኛ እንደሆነ ባውቅም በማክ ሀሳብ ተስማማው ጥሩ በቃ ዛሬ ከአባቴ ጋር እናወራለን አልኩት ተነስቼ እንድተጣጠብና አባቴ ጋር አብረን እንደምንሄድ እሱ ውጪ እንደሚጠብቀኝ ተነጋግረን እሱም ወደ ክፍሉ ሄደ፡፡
በተባባልነው መሠረት ወደ አባቴ ጋር ለመሄድ ስንወጣ የማክ አባት ወዴት ነው አለን ከላይ መኝታ ቤቱ በረንዳ ላይ ቆሞ
እንዴ አባዬ አለህ እንዴ አለው ወደ አባቱ እየተመለከተ አዎ አለው ወዴት ነው አለ ደግሞ እየጠየቀ ምን ትላንት ለሰው መስጠት የነበረብኝ እቃ ነበር ቦታውን ስላላወኩት አሁን ሄዋንን አሳይኝ ብያት እሺ ብላኝ እየሄድን ነው እንዳለህ አላወኩም ነበር አለው ጥሩ ቶሎ ተመለሱ አለው ፊቱ ሳይፈታ ዋናው መፍቀዱ ነው አልኩ ተመለሽ የሚለኝ መስሎኝ በጣም ፈርቼ ነበር ከግቢ እንደወጣን ተረጋጊ የኔ ቆንጆ ብሎ ሳመኝ
ማክ ፈራሁ አልኩት እጁን አጥብቄ ይዤ
አትፍሪ ምንም አይመጣም መቼም አንለያይም ካልሆነ እንጠፋለን አለኝ ለመቀለድ እየሞከረ እስኪ አትቀልድ ለራሴ ጨንቆኛል አልኩት አይዞሽ የኔ ቆንጆ ሁሉም ይስተካከላል አለኝ አባቴ ቤት ደረስን አናግረሻቸው ነይ አለኝ ማክ እሱም ጨንቆታል አባቴ ቁጭ ብሎ ስልኩ ላይ ካርታ ይጫወታል አባዬ አልኩት እንዴ ሄዋኔ ምን እግር ጣለሽ ለምን መጣሽ አለኝ ቀና ብሎ እየሳመኝ እንዴ እንደዚህ ይባላል እንዴ አልናፍቅህም አልኩት አይ እንዴት ሳትነግሪኝ ብዬ ነው አለኝ ምንም ሳይመስለው አባቴ ለኔ ግድ የለውም ሁሌ ይገርመኛል እናቴ ከሞተች በኃላ ብቸኝነት እየተሰማኝ ነው ያደኩት
ፈልጌህ ነበር አባ አልኩት አሁንም ቀና ብሎ ሳያየኝ ምነው በሰላም አለኝ አዎ ምንድነው አቶ ሽፈራው አንተን የሚያስፈራራበት ሚስጥር ምንድነው አልኩት የሰማውን ማመን አልቻለም በጣም ደንግጦ ከተቀመጠበት ብድግ አለና አንቺ እንዴት አወቅሽ ሊመታኝ በሚመስል ሁኔታ አፍጥጦ እንዴ አባ የዚህን ያህል ከባድ ሚስጥር ነው እንዴ ለኔ ለልጅህ የማይነገር ?? አልኩት ልጅ ያሳጣሽ ዝም በይ ብሎ ጮኸብኝ ሁኔታው በጣም ነበር የሚያስፈራው ምንም ሳልተነፍስ ጥጌን ይዤ ቁጭ እንዳልኩ ነኝ አባቴ በንዴት ቤቱን እየዞረው ነው ድንገት ቆም ብሎ ቆይ አንቺ በመሀላችን ሚስጥር እንዳለ በምን አወቅሽ አለኝ ስሩ እስጊገተር እየጮኸ
እ ....ያው ሽፈራው ነው የነገረኝ አልኩት እየተንቀጠቀጥኩ እኮ እንዴት አለኝ አይኑን እንዳፈጠጠ እ ...አብረን መተኛት አለብን ነው የሚለው አልኩት ቃላቱን ለመጨረስ እየፈራው ያባቴ ንዴት ይባስ ጨመረ እና ለምን አተኝም ታዲያ ያገባሽ የቤቱ ጌጥ ሊያረግሽ ኖሯል አንቺን ቤቱ አስቀምጦ የሚቀልብበት ምንም እዳ የለውም ትሰሚኛለሽ ምንም ጊዜ ሳታባክኚ አሁኑኑ ሄደሽ ይቅርታ ጠይቀሽ የሚልሽን ካለምንም ድርድር ፈፅሚ አለኝ ቁርጥ ባለ ድምፅ ጌታዬ ሆይ መፍትሔ ፍለጋ መጥቼ ጭራሽ አጣብቂኝ ውስጥ ልግባ አልኩኝ ለራሴ፡፡ አሁን ማጉረምረሙን ትተሽ ዳይ ወደ ባልሽ ደሞ ከኔ ጋር እንዳወራንም ሆነ እንደመጣሽ እንዳትነግሪው አለኝ
ቦርሳዬን አንሴቼ ሳልሰናበተው እንኳን እየሮጥኩ ወጣሁ......

✎ ክፍል ሰባት ከ150 Vote♥️ በኋላ ይቀጥላል... ቶሎ እንዲቀጥል አንብበው ሲጨርሱ Like♥️ ማድረግ አይርሱ።

━━━━━━━✦✿✦━━━━━**@rekyee@rekyee@rekyee