Бу фотосурат 1905-йилда Ҳиндистоннинг Тамил-наду штатидаги Мадрас университетида олинган. Тасвирдаги ўқиётган ҳинд талабаси тунда ухлаб қолмаслик учун сочини девордаги михга илиб қўйган.

Ўрганишнинг бу анъанавий усули икки минг йиллардан бери мавжуд. Мисол учун, Хитойда ҳам милодий биринчи асрга мансуб Хан йилномасида у ҳақида қайд этилган.

Илм-фан ва тараққиётда бу икки мамлакатнинг ютуқлари таълимга бўлган муносабатдан бўлса ажаб эмас. Ривожланиш ҳақида орзу қилган билан ўзгариш бўлиб қолмайди, унга машаққатли илм эвазига эришилади.

Қишлоқнинг баҳори энг гўзал баҳор.

📍 Сўқоқ биосфераси.

12.04.2024 й.

Бугун соат 14.00 да Гидрометеорология илмий-тадқиқот институти 2—қават 91 хонада диссертация ҳимоям олди сўнгги асосий семинарим бўлиб ўтади.

Қоғозбозликлардан, югур-югурлардан сўнг шу босқичгача етиб келдим. Жуда ажойибу—ғаройиб тизим экан бу илмий унвон олиш жараёни. Кейинроқ бу ҳақида батафсил тўхталиб ўтаман. Бу тизимга реформа керак.

Қанақа ватанварпарсиз ўзи?

Ижтимоий тармоқларда Олий суд 1.5 мрд сўмга йўлтанламас бренд машиналар сотиб олгани ҳавида вазият кенг муҳокама қилинмоқда.

2015—2020 йиллар Наманган вилояти Гидрометеорология бошқармасида раҳбар лавозимида ишлаганимда хизмат машинасидан фойдаланишдан вос кечганман. Бошқарувни дастлабги йиларида Наманган шаҳрида жойлашган ишхонага Чустдаги уйимдан ҳар куни автобусда оддий камтарин аҳоли билан биргаликда қатнар эдим. Кейинроқ, Наманган шахридан ижарага уй олганда ҳам ишхонага "4-рақамли" маршрутдаги автобус ёки дамасда ишга қатнаганман.

Ишонинг, бу жуда завқли. Энг қизиғи, ҳар куни ҳар хил одамлар билан суҳбатлар кишига жуда ҳам яхши "атмосфера"ни туҳфа этарди. Жамиятнинг ўрта ва қуйи қатлам вакилларини шу ерда учратиш мумкин.

Жамоат транспортида йўловчилар ёки ҳайдовчиларнинг вилоятдаги мен каби бошқарма раҳбарларига бўлган эътирозларини жиим эшитиб кетар эдим. Жуда кўп танқидлар ва ичидан жўяли таклифлар ҳам чиқиб қолар эди. Қани эди ўша ҳамкасбларим ҳам шу автобусда юрса-ю, халқ фикрини инобатга олиб, тизимда ўзгартиришлар киритса дер эдим...

Ҳали ҳам ўша фикрдаман. Раҳбарлар жуда бренд автомобилда ишга бориб-келиши шарт эмас. Жамоат транспорти бу жуда жозибадор ҳисобланади. Жамоат транспорти ва оддий ҳаёт камида уларни ватанга муҳаббатини оширади. Ўйлаб кўринглар, ўртоқ раҳбарлар?!

Ҳай майли, тиғиз йиғилишлар ёки фавқулодда ҳолат режимлари учун раҳбарга оддий хизмат машинаси хизматда турса ёмон бўлмайди.

Шохдаги қуш унинг синишидан қўрқмайди. Чунки, у шохга эмас, қанотларига ишонади.

Марҳумларни қанчалар тез унитиб юборишларини англасанг, бошқаларни ҳайратланиб яшашни бас қиласан.

©Кристофер Уокен

Биз каби мошин минишга қизиқмайдиганлар орамизда кўп экан.

Телеграмдаги юрист кадр лойиҳаси муаллифининг ёзишича, "Нокамтарлик бўлса ҳам айтаман, мен машина ҳайдамайман ва келажакдаги орзуларим ичида ҳам машина сотиб олиш йўқ".

Ишонтириб айтаманки, бугунги кунда автомобилсиз яшаш қулайроқ. Айниқса, пойтахтда, - деган муаллиф.

P/S : Мошинсиз ҳаёт барибир бошқача. Масалан, пойтахтнинг гапирмайдиган, доим суқут сақлайдиган маданият тоифасига кирувчи жамоат транспорт тузилмасидаги омма ҳаракатларидан ҳам кўп нарсани уқиш мумкин. Улар нималарни ўйлаб кетяпти? Ичида қанақа муаммолари бор, бир кўришда тушиниб оласан. Мошин минганингда бу каби нарсалардан маҳрум бўлиб қолардинг.

Тасодифлар эса ҳамин қадар-ки, менинг дўстларим, яқин суҳбатдошларим орасида 90% га яқини мошин минмайдиганлар ҳиссасига тўғри келади. Қизиқ, аммо бу реал статистика...

Ҳақиқатни яшириш осон, аммо унинг оқибатларидан қочиб бўлмайди.

©Айн Ренд

Ўлим қўрқинчли, лекин ундан ҳам қўрқинчлироқ ҳис бор, бу — ҳеч қачон ўлмайдигандек яшаш...

©А.Чехов