**Қайси маълумот тўғри?

Фирибгарлик ва пора беришда гумонланиб, унга нисбатан жиноят иши қўзгатилди дейилган Савдо-саноат палатаси Навоий вилояти бошқармаси бошлиғи ёлғон хабар тарқатганларни судга бермоқчи.**
Kun.uz сайти томонидан бир ой бўлган лавозимга тайинланган Мерей Омонбоева фирибгарлик ва пора беришда гумонланиб, унга нисбатан жиноят иши қўзғатилгани айтилган эди.

Хабарда у Навоий шаҳар ҳокими орқали ер майдони олиб беришни ваъда қилиб, қурувчи тадбиркордан катта миқдорда пул олган дейилади.

Сайтда айтилаётган маълумотда Бош прокурор матбуот котиби ҳам ҳолат юзасидан Жиноят кодексининг 168 (фирибгарлик) ва 28,211-моддалари (пора бериш) билан жиноят иши қўзғатилгани маълум қилинган.

Мерей Омонбоеванинг ўзи Фейсбук саҳифасида бир соат олдин хабар жойлади. Унда "Ижтимоий тармоққа чиқаришдан олдин суҳбат қилинг. Асоссиз чиқарманг. Судлашиб юрмайлик" дейилади.

ROST24.uz | Telegram | Facebook | Instagram | YouTube

Коррупция ҳақида хабар берганлар ҳимоя қилинади – қонун лойиҳасиНорматив-ҳуқуқий ҳужжатлар лойиҳалари муҳокамаси порталига “Коррупцияга оид ҳуқуқбузарлик ҳақида хабар берган шахсларни ҳимоя қилиш тўғрисида”ги қонун лойиҳаси жойлаштирилди.

Мазкур қонун лойиҳасининг 5-моддасига кўра, хабар берувчиларга қуйидагилар кафолатланади:

*хабар берувчининг ҳаёти, соғлиғи, шахсий ва ишчанлик обрўси ҳамда мол-мулкининг ҳимоя қилиниши;

хабар берувчининг шахсига оид маълумотлар ёки бошқа сир тутилиши зарур бўлган маълумотларнинг учинчи шахсларга ошкор қилинмаслиги;

зарур ҳуқуқий ёрдам билан таъминланиши;

хабар берувчидан қасд олишга қаратилган ҳаракатлар, шу жумладан уни ноқонуний таъқиб қилиш ва жазолашга йўл қўймаслик;

хабар берганлиги туфайли ишдан бўшатиш, лавозимини пасайтириш, камситиш, босим ўтказиш ва бошқа шаклларда таъқиб қилинишига йўл қўйилмаслигининг таъминлашиши, меҳнат қонунчилигида белгиланган ҳолатлар бундан мустасно.

Хабар берувчи қонунчилик ҳужжатларида белгиланган тартибда ва миқдорда рағбатлантирилади.

Хабар берувчи рағбатлантиришдан воз кечишга ҳақли.

Мазкур модданинг биринчи ва иккинчи қисмида назарда тутилган кафолатлар хабар берувчининг яқин қариндошларига нисбатан ҳам татбиқ этилиши мумкин.*

ROST24.uz | Telegram | Facebook | Instagram | YouTube

#СЎРОВНОМА
Ишлатилмайдиган лифт ва эскалаторлар ким учун қурилган?
Икки ой олдин Сенат раиси Танзила Норбоева Тошкент шаҳрининг кўчаларида пиёдалар учун қурилган кўприкларда лифт ва эскалаторлар ишламаётганини таъкидлаган эди.

Айни кунда лифт ва эскалаторлар мунтазам ишлаяптими?
Шу ердан доимий қатнайдиган аҳоли қуйидагича жавоб берди:

БАТАФСИЛ: rost24.uz/uz/news/1805

Ютубда: youtu.be/hJCEs6kJKg4

ROST24.uz | Telegram | Facebook | YouTube

#Рост_ҳикматлар

✅️Ақл ва донолик бизга зарур бўлмаган ёшда насиб этади.

✍️ Габриэл Гарсиа Маркес

❄️Кунингиз файзли ўтсин!
ROST24.uz | Telegram | YouTube

Меҳнатга лаёқатсизлик варақаларини бериш тартиби онлайн шаклга ўтказилди

2024 йил 1 январдан республиканинг барча ҳудудларида меҳнатга лаёқатсизлик варақалари ва маълумотномаларини фақат электрон шаклда расмийлаштириш белгиланди.

Касаллик варақаларини шакллантиришда 2 та роль белгиланган:

Яратувчи (меҳнатга лаёқатсизлик варақаларини юритишга масъул тиббий ходимлар: IT-оператор ҳамшира, бош ҳамшира ёки бошқа тиббий ходим);
Тасдиқловчи (бош шифокор, унинг ўринбосари, мудир).

Шунингдек, ҳозирда республика ташкилотлари, хусусий клиникалар, Соғлиқни сақлаш вазирлиги тизимида бўлмаган бошқа вазирлик ва идоралар тиббий қисмларининг расмий мурожаати бўйича уларга тасдиқлаш роллари берилаётгани маълум қилинди.

Тизимга киритилган меҳнатга лаёқатсизлик варақалари тўғрисидаги маълумотлар Иқтисодиёт ва молия вазирлигининг “Ижтимоий ҳимоя ягона реестри” (my.gov.uz) ахборот тизими ҳамда “UZASBO” дастурий таъминотига электрон шаклда юборилади.

Хусусий ташкилотлар ходимининг меҳнатга лаёқатсизлик варақалари тўғрисидаги маълумотларини олиш учун Mehnat.uz ахборот тизими ҳамда “UZASBO” дастурий таъминотига интеграция қилинган бўлиши лозим.

ROST24.uz | Telegram | YouTube

#Рост_ҳикматлар

✅️Иш кўплиги-ю, вақт йўқлигидан нолиманг. Вақт кўплиги-ю, иш йўқлигидан қўрқинг. Одамни абгор қиладиган нарса – бекорчилик.
✍️Ўткир Ҳошимов

❄️Кунингиз файзли ўтсин!
ROST24.uz | Telegram | YouTube