Re'een tun funyoo isa kamiin hidhamte? Namni deebii sirrii deebise badhaasa qaba.

Miidiyaalee haawaasummaa jiran keessaa kan caalatti sinitti tolu isa kamidha?

Yaadota

Seenaawwan gaggabaaboo nama barsiisan, nama bashannansiisanii fi barumsa guddaa namaaf laatan Fuula Yaadota jedhu irraa sirritti argattu! Maatii keenya yoo taatan ni buufattu malee hin kasaartan.

Anaa Dhufu!

Namoota Instagram fayyadamtaniif carraa gaarii! Keessattuu dubbattoota Afaan Oromoo hundaaf carraawwan hojii yeroo dhiyootti dhufan, gaaffiiwwaan badhaasa argamsiisan fi bohaartii garaa garaaf Instagram irratti iddoo guddaan tokko qophaa'aa jira.

Link isaa 👇👇👇👇👇
https://www.instagram.com/kaachuu_yw

Harmee koo
Si haa barbaadan dhufanii
Gaafan dubbiif shakkame
Gartokkee keeti ani
Dhiiga keerraan argame!
Hiika onnee namummaa
Harmee kiyya yaa deessee
Maqaa koo dha'iin namni
Maqaa kee achi fageessee!
Safara lapheefi ribuu
Gaarummaa kee sanaafi
Si cinaatti waamamuun
Ulfinadha anaafi!
- -
Otuu dafqi kee cobuu
Jirbii rakkinaa footee
Ana bixxillee xiqqoo
Guddistee nama goote
Dhala koo - cuucee koo jettee
Afaan nadhii dubbatta
Furrii fi xurii koo wajjin
Arraabdee na dhungatta!
Sin jaalladha yoon jedhe
Kan kee hin baasu gatii
Naaf jiraadhu harmee koo
Eenyummaa koodha ati!

#Share
@Waloo_Leta

Ani Obboleessi Kee

Ani obboleessi kee
Lataa ilmi Qana'ii
Gadi qabeen sitti hima
Gadi qabii dhaga'i...
"Hin ta'u" jedhii didi
Afaan qabi gomattuu
Tokkummaa kee kaleessaa
Hin sharafiin homattuu!

Kaleessa:
Waan akka dhagaa jabaatu
Sukkuumtee daakuu hin goonee?
Harka kee qullaa baatee
Taankiifi rasaasa hin moonee?
Tulluu sobaan dhaabbate
Buqqiftee hin gangalchinee
Warra iddoottin si galcha jedhe
Ati iddootti hin galchinee?

Har'a:
Walirra faffagaachuuf
Maaf uuruu dheerafatta?
Dhiiga kee gedderta moo
Hidda kee kuttee gatta?
Utuma ooltee hin buliin
Galmee seenaa awwaaltee?
Tokkummaan kee diigamnaan
Akka cabdu wallaaltee?
Lakkii adda hin faca'iin
Akka ilmoolee bofaa
Waaqaa gaditti kan si kabachiisu
Tokko ta'uu kee qofa!

#Share
@Waloo_Leta

Barri ni sokka - barri ni dhufa
Aangoon lafarraa hunduu ni kufa
Aangoo bor darbuuf dhugaa kan haaltu
Madaa uummataa gubaa kan faaltu
Dhiiga qulqulluun dachee kan gooltu
Dabaree eegda atis hin ooltu!

@Waloo_Leta

Yoom akka deemnu hin beeknu.
Haga lubbuun jirrutti gaarii haa hojjennu!

Abdii kuti,
Eyyee abdii kuti!

Muka guddaa hin taatu
Xaxamtuun coqorsaa
Abdii hin kutiin jedhee
Maalittan si gorsaa?
Ol joortee - gad joortee
Of hin dhorkiin fayyaa
Abdii kutii dhiisi
Abdii kutuu wayyaa!

Waan bu’aa sii hin taanetti
Maal gochuuf dadhabdaa?
Jibbaafi inaaffaarraa
Abdii kutuu qabda!
Abdii kuti maaloo
Of hin cabsiin ceekuu
Jaalala lagatee namni jibba abdate
Galma ga’ee hin beeku!

Lataa Qana'ii
@Waloo_Leta

Galatoomi goomattuu!

Akkanni na waraanuuf
Gobaan ati naaf keesse
Riqicha gaarii ta'ee
Gara kaayyoo na geesse!

Yommuu ati bitaan cuftu
An karaa mirgaan ba'e
Yommuu ati handaaqqoo taatu
Animmoo risaan ta'e

Gaafa hojii na waamtee
Gaafa bu'aa na footee
Gubdee, gubdee guggubdee
Booddee warqee na goote!

Utuma gad na qabuuf
Dhoksaatti funyoo martuu
Ol qabdee na guddifte
Galatoomi goomattuu!
Tuu..

#Share
@Waloo_Leta