مواليد شعبان

هله بشعبان... جاب الفرحه للساده
فرحان الوصي من صاروا اولاده

💥💥💥💥💥
فرحان الوصي الكرار والزهره
ميلاد السبط ووالد العتره
واملاك السمه والحور مبتشره
نزلت للارض تتهنه باعياده
💥💥💥💥💥
كلها ارض وسمه والدنيه فرحانه
بشعبان نولد للنبي الريحانه
خنودع الحزن نفرح بدنيانه
وعباس الكفل نورهه ميلاده
💥💥💥💥
بميلاد الكفل عباس ابو الغيره
رابع يوم طش الفرح بالديره
زينب شالته هاي اخته الجبيره
بوجه زينب تبسم نور زياده
💥💥💥💥
هوسه...

بميلاده.... زينب فرحانه

💥💥💥💥💥💥💥💥

خادمه الزهراء أم حسين الاسدي

https://t.me/omhusseinAlasde

لطميله للامام الكاظم ع
♕♕♕♕♕♕♕

على الكاظم اون والدمعه سجابه
مثل جده الحسن ويلي عله مصابه

♕♕♕♕♕

على الكاظم اون وحيل مابيه

اللطمن حيل واللطمه اشتراكيه

خلنه انعازي عمته المشت المسبيه

يحلاله البجي خل تنحب احبابه

بقلم المله والشاعره ام حمودي

♕♕♕♕♕

نبجي عله الامام او نجذب الونه

خلص بالسجن واهله ايست منه

هنياله ابمصابه الراح وتعنه

بناته اليوم كلها تصيح يا يابه

ام سجاد العسكري

♕♕♕♕♕

نون ونلطم عله الراس للكاظم

عل المسموم اونن والكللب هايم

انوح بهل مصيبه والدمع ساجم

احا ياحركه المسموم لهابه

ام كرار الزينبيه

♕♕♕♕♕

وي بنته نون واجب نواسيها

وبمصاب الابو كلنه نعزيها

رادت شوفته لكن كطع بيها

ياحيف وسف عنها يسد بابه

ام حسين الاسدي

♕♕♕♕♕

معصومه تون للحید المچنه

تنادي والدي هاليوم اودعنه

اتمنيته ولو ساعه اشوفنه

مالی حیل ابوي اتحمل اغیابه

✍ ام عدنان سیاحی

♕♕♕♕♕

عمت عيني عله اولاد الزجيه

ادكن عالصدر بثنين اديه

اضل انعاهم لحد المنيه

كلف ياحيف الكاظم تره مصابه

ام محمد البديري

♕♕♕♕♕

معصومه بجت والمدمع تصبه

ماتدري ببوها حالته صعبه

ابن شاهك نذل ماينكسر كلبه

لامن الله خاف ولا من كتابه
✍🏻ام مهند الشوكي

♕♕♕♕♕

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
🙏🏻🙏🏻نسالكم الدعاء🙏🏻🙏🏻https://t.me/omhusseinAlasde

قصيده لاستشهاد الاملم الكاظم عليه الصلاة والسلام

ابو طلبه گظه مسموم ياشيعه
خل نطلع عراضه اليوم تشييعه
🖤🖤🖤🖤
ابو طلبه گظه ياشيعه بالسم
لايمه ولد لا يمه ابن عم
وحشه جنازته امشونه نلتم

مخلينه .... مطروح شلون
🖤🖤🖤🖤
بلوعه انشيّعه ونعلي رايات
هذا ابن النبي ابن النجيبات
شلون اعلى الجسر جنازته اتبات

من امتونه ....ونفك الگيد

🖤🖤🖤🖤
خلص عمره سجين بلا جنايه
تالي بالتمر جته النهايه
هارون النذل تايه يرايه

يمحيها ...كل ظنه العتره
🖤🖤🖤🖤
رادوا تنمحي عتره محمد
وليوم الحشر اسمه يتردد
هذا ابو الرضا حزنه يتجدد
مشايه ...نتعنه لكبره
🖤🖤🖤🖤
مشايه اعتنينه ونلطم الراس
مواكب تنصب محزونه هالناس
يحضرله علي ويحضر له عباس

يشيعونه.... املاك وياه

🖤🖤🖤🖤🖤🖤
تمت بعون الله تعالى
خادمه الزهراء ام حسين الاسدي
2024/1/23
https://t.me/joinchat/AAAAAEtuhrzivPJP8XoyRg

قصيده لوفاه السيده سكينه عليها السلام

بت حسين تفجع والله قصتها
باللهم والحزن دنيتها كضتها
???
بت حسين سكنه هايمظلومه
ماهاد الكلب من العاشر ويومه
ماتت بالغرب ياويلي مالومه
وعله المظلوم مابطلت دمعتها
???
عاشت كل عمرها بالحزن والآه
الصار بكربله للموت ماتنساه
ماتهجع تنوح حسينها تنعاه
اجاها الموت والدمعه اعله وجنتها
???
وبليل الوداع نهظمت سكينه
ودعها ابوها ودمعته بعينه
مدنكه الرأس حست صارت يتيمه
مصدوعه كلب والونه علتها
???
الله يعينها تشوف الابو مذبوح
وعلي الأكبر اخوها موذر ومطروح
ونبله حرمله منها خذت كل روح
تمنت وي اهلها كون موتتها
???
تمنت وي ابوها الموت يلفيهه
ولاتمشي يسيره العدو يحديهه
طبت الشام ويلي حيل تأذيهه
ونظرات الشماته سهام صابتها
????

تمت بعون الله تعالى
✍خادمه الزهراء إم حسين الاسدي
القصائد والاطوار موجوده في القناة للاشتراك اضغط
https://t.me/omhusseinAlasde

#وفاة مولاتي سكينة بنت الإمام الحسين عليهم السلام .....

عاشت والگلب مذبوح من العاشر وضيمه
ينزف چم جرح بالروح ليل هدعش والهيمه
......................................

سكنه الدللاها حسين اسولف عن مآسيهه
ابدي بيا جرح يا آه بيوم العاشر ابديهه
من وادعها ابوها حسين دموع الفرگه تجريهه

رايح يانظر عيني
تيتمني و تخليني
اعداكم وليه توليني
من هسه الزلم والخيل تفتر داير الخيمة

✍? #أم محمد الحجاج العبادي
●=●=●=●=●●=●=●=●=●

ياهي الشاهدت مثلي مصايب ذبح اهاليها
بعيني شاهدت رضعان حيل العطش ماذيها
وشفت اخيمنه حرگوها والنسوان سابيها

ناديت البطل عباس
يعمي فرهدتنه الناس
بهل الحال ونظرت الراس
حزن خَيّم على گلبي وظلام أشبه مثل غيمه

✍? #علوية أم فاضل
●=●=●=●=●●=●=●=●=●

بتوديع الاهل وحسين ذابت منها حتى الروح
شلون تكله يابويه من هسه الكلب مجروح
تعمه العين من عندي ولاشوف النحر مذبوح

مانه عزيزتك تدري
بعدك ينهتك خدري
بويه اللوعه لبصدري
خل اشبع حضن منك باجر بتك يتيمه

✍? #أم حسين الاسدي
●=●=●=●=●●=●=●=●=●

جرّعها الزّمان اهوال وظلّت ناحبة كل يوم
جِفنّها ملازم الدّمعة و تذكر ذبحت المظلوم
ما تغمض عيون الشوق قلبها منفطر مهموم

يا طير اللي یروح اهناك
ريت اگدر اروح اوياك
وگله جيت. يبويه انعاك
تعال الساع يبو الأكبر عاشت ماتت اسقيمه

✍? #خادمة أبي الفضل
●=●=●=●=●●=●=●=●=●

عاشرها الحزن والنوح لمن فگدت الوالي
تنادي يالخذت روحي عگبك منشده بالي
أگعد عاين العدوان شوف اشعملو بحالي

ياليل اهدعش يحسين
نتلفت يسار ايمين
لا خيمة ودمع بالعين
حاطونة العده بكل صوب وماعدهم ولا شيمه

✍? #ولائـية_وافتـخر (دعاء العامري)
●=●=●=●=●●=●=●=●=●

بويه واكسر الخاطر ردت بموتتي تحضر
تقرالي العديله هناك وجفك يرفع المضطر
ريت بكربله گبري وبتراب اللحد تحفر

يبو اليمه غريبه هنا
وحدي والگلب ينعاه
لا والي اليشيل وياه
نعشي وبالغرب يبقى وحدي ولا أله قيمه

✍? #ام باقر الشويلي
●=●=●=●=●●=●=●=●=●https://t.me/omhusseinAlasde

#قصیده السکینه بنت الحسین (ع)

لسكينه نون وتسيل دمعتنه
ونت بالغرب و الونه اذتنه

〰️〰️⚜️✍?⚜️〰️〰️

ونت بالغرب يالوالي سكينه
وين اليوم ابوها خله ايجينه
بتکم ودعت گوم الحگ علینه
یخویه وجملت هایه مصیبتنه

✍ #علویـه ام فاضل

〰️〰️⚜️✍?⚜️〰️〰️

لسكينه نون وانعلي الونه
وينك يا بو فاضل ها يلمجنه
تعال ابساع لونكطع تره الظنه
نهل ادموعنه وتكتل يونته

ام زهراء الفاطميه

〰️〰️⚜️✍?⚜️〰️〰️

واسوني يشيعه او اسو الزهره
ناري ما طفت لسكينه متوجره
محتاجه الابوها اليوم واتنطره

لحد الموت ونت اهه يحسرتنه

ام عباس العامري

〰️〰️⚜️✍?⚜️〰️〰️

يريت وياك ميته وماشفت جثتك
يبويه وداعتك ضلت تون بنتك
شفنه الظيم بويه وانتضر جيتك

وضلت بالكلب حسرات كتلتنه

العلويه ام محمد الخطيب

〰️〰️⚜️✍?⚜️〰️〰️

نون اعليها والونات مخفيه
بكت متمرمره والروح مسبيه
نعزي المنتظر ونعزي الزجيه

ونعازي العقيله وبمصيبتنه

✍️المله والشاعره ام حمودي

〰️〰️⚜️✍?⚜️〰️〰️

لفاها الموت سكنه هنا يولياها
ماواحد حضر والسكنه دفناها
ونت كل عمرها النوح سلاها
وافتها المنيه اليوم فجعتنه

أم حسين الاسدي

〰️〰️⚜️✍?⚜️〰️〰️

تـــمـ بعون الله تعالى ـــت
باقـــ✍ـــلام خادمات اهل
البيت ع في رابطة دموع العقيله
لانجيز حذف الاسماء
????نسالكم الدعاء????
https://t.me/omhusseinAlasde

…قصيده للاربعين…

ردت كربله وكل حيل مابيهـه
مهظومه العقيله تريد واليهـه

❍°•┈┈••✵●☆●✵•┈┈•°❍

ردت كربلـه زينب المظلومــه
مشتاكه لوليهه وحيل مالومه
يـاحيف الهيابـه بالگبـر نومــه
ولاوحد گعد لاخته يحاجيهـه

❍°•┈┈••✵●☆●✵•┈┈•°❍

ردت كربلـه مكسـوره الخاطر
نحلانـه العقيلـه والفكر حايـر
وين حسين گبره بيا كتر صاير
شلون ينام واخته الضيم غاطيهه

❍°•┈┈••✵●☆●✵•┈┈•°❍

مشتـاگـه اجـت للـوالـي ملهوفـه
تـدور وجـه اخوهـه رايده تشوفـه
من وصلت تراهي وصلت بخوفه
وشتلكـه بعـد بعـد الجـره عليهـه

✍ام حسين الاسدي

❍°•┈┈••✵●☆●✵•┈┈•°❍

ردت بـأربعينـة حيـل منهظمـه
محتــارة بيتامـاكـم يبــو اليمــه
هظم الشام خله بالگلب لجمه
يضربهه العدو يم روس اهاليهه

❍°•┈┈••✵●☆●✵•┈┈•°❍

رجعت للطفوف الروس وياهه
رجعـت بالعلـم منهو يتلكاهــه
تريد الي يعازيهه اعلـى ولياهـه
شابت والـدمع للعيـن عاميهـه

✍️ خادمة المنبر الحسيني : ام ابيها

❍°•┈┈••✵●☆●✵•┈┈•°❍

تمت بعون الله تعالى

https://t.me/https://t.me/omhusseinAlasde

قصيده للاربعين

اليوم يوم اﻻربعين ..زينب تنادي بونين
جيت ليكم يااهلنه ...كوموا وتلكو ضعنه
⚡⚡⚡⚡⚡
جيت ياخوتي انه من بعد طول الغياب
هاي ليله الاربعين نومه انتوا عله التراب
اه ياعظم الرزيه وياعظم هذا المصاب
بكربله نومه عفتكم
جثث عل غبره شفتكم
ميسره غصبن عليه يحدي بضعني اللعين
⚡⚡⚡⚡⚡
رحنا ياخوتي يساره عله الهزل ركبونه
مجلس الطاغي دخلنه اكبالنه يشتمون ابونه
وراس الحسين بخشبته يزيد يكسر سنونه
صحنه كلنه الله واكبر
ياعلي ادخيل احضر
وينه عباس التكفل مايجي النه معين
⚡⚡⚡⚡⚡
وينه عباسي اصيحن دخيل خويه صد عليه
جيتك من اليسر خويه كم مصاب الصار بيه
اكعد احجيلك هظمنه انا زينب السبيه
خويه هاك وشوف متني من السياط اللوعتني
شلون نايم وانه ماغمضت لي عين
⚡⚡⚡⚡⚡
خويه اجيت لكربله مشتاكه اشوفك
ريت ميته يمك انه وﻻ اعوفك
جبت راسك يبن ابويه وجيت اطوفك
جبت رأسك للدفن
انظر عليه واوون
حيف طولك يندفن خويه الحنين
⚡⚡⚡⚡⚡
هاي سكنه جتي يمك تصيح ياعمي تكوم
اجينه مهظومين كلنه وعل الكبر كامت تحوم
كوم ردنه ﻻ رض جدنه عوف ياعمي النوم
راح نرجع للمدينه
هناك نلكه الحزينه
تنتظر وبلهفه جيتك فاطمه وام البنين
.........
تمت بعون الله وحمده
اهدي ثوابها الى والدي العزيز رحمه الله تعالى
بقلم خادمه الزهراء ام حسين الأسدي
القصائد واﻻطوار موجوده بالقناه
لﻻشتراك اضغط https://t.me/joiAAAAEtuhrzivPJP8XoyRg

قصيده للاربعين

على طور (يافاطمه يم الحسن)لعمار الكناني

ياسيدي ياباالحسن
والكربله طب الظعن
زينب اجت وي الحرم.. بدرب السبي شافن محن

⚡⚡⚡⚡⚡
ياابا الحسن زينب اجت..تبچي وتجر بضعونها
شبعت هظم ومن اليسر تغير شكلها ولونها
ياعلي من كثر البچي..جف الدمع بعيونها
مجتوفه بنتك بالحبل..ومورمات متونها

ياابا الحسن ...اه يالوصي
بت فاطمه... وجدهه النبي
ترضاهه بنتك تنضرب ،، ويحدي بضعنهه الاجنبي
⚡⚡⚡⚡⚡
رجعن بناتك ياعلي..من اليسر مهظومات
كوم وتلكه العايلة..يالتحضر انت الشدات
بالسبي اهواي اتعذبن.. ضاكن مراره ولوعات
من بعد كل ذاك الخدر..صارن تره مسبيات

ويلي على... ذاك الخدر
وكافلها طاح... اعله النهر
وهامته مطبوره الكفل
وتاليها يحديها الشمر
⚡⚡⚡⚡⚡
وصلن بناتك ياعلي..وايتامكم رجعوها
وظلت رقيه بالسبي..بديره غرب دفنوها
ماتت يويلي اعله النحر..براس الابو فجعوها
جابوه ياويلي بطشت..وازغيره مارحموها

ماتت غريبه بالسبي
احضرنا ياحيدر علي
بنت النبوه تنهظم ،، ومدفنها يم اﻻموي
⚡⚡⚡⚡⚡
يااباالحسن هاي الحرم..كل وحده تعنت يم گبر
زينب تكله ياعلي ...دليني ياعمه النهر
وسكنه تنادي وبالم .فگد الابو يحني الظهر
وهاي الرباب الفاكده.....
عبد الله مكطوع النحر

لو شاهدت حالتهن
من دم جرت دمعتهن
مثل الحمام المنجرح
اعله الكبر ونتهن

⚡⚡⚡⚡⚡
هاي الحرم لمن بچت..حتى الصخر ظل ينتحب
زينب تعاتب بالگمر..ترضه حرمكم تنسلب
وكلبي تره يم خيمتي..بيه الخدر ظل يلتهب
وهذا الشمر صار ازلمه..ورم متنه من الضرب

ترضاهه ياغيره علي
هايه الأميرة تنولي
تركب يويلي اعلة الهزل
وللشام تمشي بلا ولي
⚡⚡⚡⚡⚡
زينب اجت يم كل گبر..خلت الراس وعاتبت
اي يابني هاشم تره..زينب هواي تعذبت
لمن دروا محد الي..خيمكم تراهي تسلبت
ياخوتي وشاب الكلب لمن شمسكم غربت

من ظالم لظالم نروح
بكل بلده نطبهه ننوح
لكن وحگ راس الكفل
ما دكنت رغم الجروح
⚡⚡⚡⚡⚡
تمت بعون الله تعالى
✍خادمه الزهراء إم حسين الاسدي
القصائد والاطوار موجوده في القناه للاشتراك اضغط

https://t.me/https://t.me/omhusseinAlasde