لأول مرة في حياتي يستوقفني قول الله تعالی:
{حَتَّى إِذَا ضَاقَتْ عَلَيْهِمُ الأَرْضُ بِمَا رَحُبَتْ}

الأرض كلها رغم كبرها وإتساعها
كأنها ضاقت فعلاً علينا. ثم اقرأ قوله تعالی:

{وَضَاقَتْ عَلَيْهِمْ أَنْفُسُهُمْ}

نعم ضاقت علينا أنفسنا. ثم أقرأ قوله:

{وَظَنُّوا أَنْ لا مَلْجَأَ مِنَ اللَّهِ إِلا إِلَيْهِ ثُمَّ تَابَ عَلَيْهِمْ لِيَتُوبُوا ۚ إِنَّ اللَّهَ هُوَ التَّوَّابُ الرَّحِيمُ}

هذا هو علاجُنا.. العودة إلى اللَّه مع التوبة النصوح ، بالأمس الإختلاط هو الغاية واليوم الإفتراق هو الوقاية...

"نشكو المنع، ونحن غارقون في العطاء."

الضيق اللي في صدرك، والهموم اللي بتمر بيها، سببها قلة تعلقك باللَّهِ، وشدة تعلقك بالناس!

إوعى تظن إن فيه حد بإيده إنه ينفعك
أو يضرك.. لا!
كل حاجة بإيد ربنا سبحانه وتعالى.

ما تعلقش قلبك بأشخاص لا حول ليهم ولا قوة..
علَّق قلبك باللي خلقك، لو رفعت إيدك ليه بس، ودعيته؛ أجابك. ?

قال الحافظ ابن رجب رحمه الله:

‏تعرضوا لنفحات ربكم، ومن أعظم نفحاته مصادفة ساعة إجابة يسأل العبد فيها الجنة والنجاة من النار، فيجاب ..
‏فيفوز بسعادة الأبد.

ساعة_إجابة?

لو علم المؤمنون فضل الصلاة على النبي لما كفَّت ألسنتهم عنها كل حين.

ـ عمر بن الخطاب.

السلام عليكم ورحمة الله ♥

- انت دلوقتي نفسك في زوجه صالحه صح؟ والعكس برضه

- طيب اي معاير الزوجه الصالحه عندك؟

- هتقولي طبعاً تكون بتصلي، بتحافظ علي بيتها، مهتمه بيك لأقصي الحدود، بتسمع الكلام، بتتقي الله في كل شئ... صح كده؟

- صح

- ولكن يا صديقي ويا اختي لازم تفهمي ان كل الصفات الجميله دي مش هتمنع من ظهور نقصك كأنسان وهنا مربط الفرس!

- قبل ما تهاجمني... افهمني

- انا اقصد يعني ببساطه مش عشان فيها كل الصفات دي يبقي مش هتزعلك ولا يزعلك

- طبيعي شريك الحياه يطلع منه نقص في المعامله، يحصل عنده فتور، يتعصب علي حاجه معينه... هل ده معناه انه مش كويس... طبعا لا!

- اختار شريك حياتك وتقبل ما فيه من نقص وابعد عن المثاليه لان مفيش انسان في الدنيا معندوش نقص في جوانب حياته.

- انا مش بقولك اختار السباب اللعان... لكن بقول اختار الي لما يغلط يعتذر بلطف.

#إبراهيم_وليد

#نصيحة

استمتع فقط وابشر ❤‍??

د/أحمَد عبد المُنعم في إحدىٰ مجالِس سورة الكَهف قال:

"اهدىٰ على نفسك وأنتَ بتاخُد أي قرار في حياتك إلا في أي قرار فيه عبادة والتزام و طاعة لربنا..
دي قرارات مَتقعدش تفكر فيها كِثير لأنك لو فكرت فيه كِثير مش هتاخدها.

اقتحم ومتفكَرش، عاوز تلتزم يبقى مَتقعدش تحسبها ابدأ وتوكل على اللّه، كُل الشواهد القرءانِية في أمر الدين عبارة عن "سابقوا.. سارعوا..فليتنافس"

لأن الإنسان بيعتريه الكسل ودي صفة مُتأصلة فيه فلو مش هتقتَحم وتبدَأ في حَاجة ابتغاء مرضاة اللّه، الشيطان هيقعد يختلق لك مُبررات وعواقِب تبعدك عن الخطوة.

اللي نفسُه يقَرب مِن ربنا ولو خَطوة يبدأ مُباشرة وبَلاش تَسويف.

الاختلاط وسنينه!

الشرع لما حط حدود بين الستات والرجالة في الكلام مكنش الهدف منه حفظ الفروج فقط إنما كان الهدف منه حفظ النفوس كمان!

لما تقعد في الشغل 8 أو 9 ساعات مع زميلتك تخلص فيهم كل الكلام اللي في الدنيا فترجع البيت صامت مش طايق حد يكلمك كلمة!

لما تتخيلي إن أيمن زميلك لو كان جوزك كان خلالك الشقة ورد تبقي هبلة! تفتكري ما زرعش ليه لمراته ورد هل لانهم زارعين خيار أو جزر!

لما أسماء تقولك لو كنت جوزي كنت عملتلك فطار خمس مرات وهي أصلًا جوزها جاله تلبك معوي من الدليفري!

لما يقولك شايف حزن في عينيكي وعين مراته وارمه من آخر علقة خدتها!

وهيا بتحللك مشاكلك مع مراتك وتقولك إزاي الست لازم تحتوي جوزها وهي وجوزها كل خميس في محكمة الأسرة!

جماعة دي فتنة وفتنة في إن كل طرف بيظهر للتاني أحسن ما فيه فينكد عليه ويغضب على رزقه وشريك حياته!

الإنسان خُلق ضعيفًا وطبيعي الشخص اللي بتقضي معاه يومك كله بره وحكاويك معاه لو مكنتش محافظ على نفسك وقلبك أكيد تقع!

ونقول تاني "خيركم خيركم لأهله" لأهل بيته اللي بيشوفوا منه كل جوانبه السيئة وصابرين عليه مش لزميلتك اللي بتقولك انت إزاي كده؟ ده اللي زيك خلصوا من زمان!

#الاختلاط_والشغل

معلومة ممكن البعض منكم ميعرفهاش

أوقات كتير وأنا رايح أصلي في المسجد واقيمت الصلاة أو الراكعة الأولي صلوها أو الثانية بلاقي بعض الناس بتمد أو بتجري عشان تلحق الراكعة من أولها
أو قبل نصف التشهد وحبيت انقل الحديث ده

" قال رسول الله صل الله عليه وسلم : إذا أقيمَتِ الصَّلاةُ ، فلا تَأتوها وأنتُمْ تَسعونَ ، ولَكِن ائتوها وأنتُمْ تمشونَ ، وعليكُمُ السَّكينةَ فما أدرَكْتُمْ فصلُّوا ، وما فاتَكُم فأتمُّوا "

يعني لو الركعة هتفوتك خير لك من أنك تجري
أو تمد في المشي يعني هتؤجر فوق أجر الصلاة
أجر أتباع أمر الرسول صل الله عليه وسلم
وعدم مخالفته .

اللهم ارزقنا أجر العمل والتبليغ وإياكم ..?
منقول.

ورد عن السيدة هاجر أنها كانت تُحب الأُنس

فاختبرها الله بأن تركها وابنها في صحراءٍ جرداءٍ لا بشر فيها ولا ماء!

فلما وجدها آمنة مطمئنة أن الله لن يضيعها أرسل لها جبريل عليه السلام فقال لها: لا تخافي الضيعة، إن الله لا يضيع أهله.

وضرب بجناحه الأرض فخرج الماء، وساق الله لها بلدًا كاملة بهلاكها وتشتيتها، فخرجت قبيلة جرهم من سبأ هائمة حتى وصلت إليها وجاوروها فآنسوها واستأنسوا بها!

العبرة كلها في اليقين، الله عز وجل يختبر المرء في أشد ما يحبه، فإذا رضيَ وسلم، سخر الله له الكون كله لينام قرير العين، سبحانه ما أعظمه!