" اليوم الثامن في المسابقة" تحت شعار (بصمة في رمضان)

⛔️ يمنع استخدام جوجل أو الاستعانة بأي شخص ما

والسؤال هو:

قال رسول الله صلى الله عليه وسلم: (مَن صَلَّى البَرْدَيْنِ دَخَلَ الجَنَّةَ)، ما هما البردين؟

تم وضع السؤال بواسطة ادمن مريم محمد+ تصميم ادمن ريهام محمد

□ أول شخص هيجاوب صح بإذن الله له شهادة

■ وفضلًا "أنا لي حاجة عند ربّي، فضمّوا اسمِي في دعائكم، وسلوه أن يلبيها لِي"

♧ منى محمد
#تيم_زغلولة_هتعلمك

" اليوم السابع في المسابقة" تحت شعار (بصمة في رمضان)

⛔️ يمنع استخدام جوجل أو الاستعانة بأي شخص ما

والسؤال هو:

من الصحابي الذي دخل الجنة ولم يسجد لله سجدة واحدة؟

تم وضع السؤال بواسطة ادمن مريم محمد+ تصميم ادمن ريهام محمد

□ أول شخص هيجاوب صح بإذن الله له شهادة

■ وفضلًا "أنا لي حاجة عند ربّي، فضمّوا اسمِي في دعائكم، وسلوه أن يلبيها لِي"

♧ منى محمد
#تيم_زغلولة_هتعلمك

" اليوم السادس في المسابقة" تحت شعار (بصمة في رمضان)

⛔️ يمنع استخدام جوجل أو الاستعانة بأي شخص ما

والسؤال هو:

قال رسول الله صلى الله عليه وسلم:
(إنما الأعمال بالنيات، وإنما لكل امرئ مانوى، فمن كانت هجرته إلى الله ورسوله فهجرته إلى الله ورسوله، ومن كانت هجرته لدنيا يصيبها......) أكمل الحديث

تم وضع السؤال بواسطة ادمن مريم محمد+ تصميم ادمن ريهام محمد

□ أول شخص هيجاوب صح بإذن الله له شهادة

■ وفضلًا "أنا لي حاجة عند ربّي، فضمّوا اسمِي في دعائكم، وسلوه أن يلبيها لِي"

♧ منى محمد
#تيم_زغلولة_هتعلمك

طالما رضيت بقضاء الله وتيقنت أن ما يأتي به الله خير؛ فسيراضيك الله دومًا.

وطالما صبرت على الابتلاء والحزن والضيق؛
فسيراضيك الله.

وطالما آمنت بعوض الله مهما كانت الطرق مغلقة في وجهك؛ فسيراضيك الله.

ربنا سبحانه وتعالى يقول: "أنا عند ظن عبدي بي"

ونحن والله نحسن الظن ونؤمن بأن كل ما عند الله خير.

- رحاب خميس
#تيم_زغلولة_هتعلمك

وأنا شبر ونص لما كنت بشوف حد أكبر مني وقتها بقول ياه دول كبار أنا نفسي أبقى زيهم??

أكيد دول مستريحين ومفيش حاجة تضغط عليهم دلوقتي كبرت وبقول ياريتني فضلت صغيرة واكتشفت إن كل ما بتكبر كل ما مشاكلك وهمومك ومسئولياتك والضغط عليك بيكتر مش العكس خالص.

ودلوقتي جاية أقولك الزتونة: كدة كدة هتكبر وعمرك هيعدي وبسرعة أكبر مما تتخيل فاجتهد إنك تستغله عشان متندمش إنك ضيعته لما تكبر وتقول ياريتني صدقني وقتها مش هينفع وهيضيع عمرك وأنت بتدور على الراحة اللي مش موجودة في الدنيا يا صديقي فخلي بالك??

- منى محمد
#تيم_زغلولة_هتعلمك

زوجوه عشان يعقل❎️
عقَّلوه وبعدين زوجوه✅️

المرأة ليست حقل تجارب ولا مركز إصلاح وتهذيب.. والجواز مش مصحة نفسية ولا بيعالج سلوك أخلاقية..

الزواج مقام بناء أسرة، وليس محلاً للتجارب.

- رحاب حسن
#تيم زغلولة هتعلمك

دول 10 حجات الناس بتقعد عُمر كامل عشان تتعلمهم

1- متشاركش كل تفاصيل حياتك حتى مع أهلك وأصحابك.. ومتسألنيش ليه

2- الوظيفة مش هتغير حياتك دي يا دوب هتخليك بس مستمر

3- على قد ما تقدر تجنب نصائح المجتمع لإن معظم الناس تايهين ومش عارفين هم بيعملوا إيه أصلاً

4- انتظار اللحظة المناسبة هيضيع حياتك.. ابدأ دلوقتي

5- شريك حياتك هو أهم قرار ممكن تاخده في حياتك.. لو اختارت غلط هتعاني طول حياتك

6- اوعى تتوقع الصدق من واحد بيكذب على نفسه

7- اعرف إنك هتخسر غالبية صحابك لما تبدأ تطور من نفسك

8- أحياناً لما بتسمح للي قدامك يفوز عليك في النقاش بتحافظ على سلامك النفسي

9- ضيفها انت من خلال خبرتك في الحياة

10- ضيفها برضه من خلال خبرتك في الحياة

- رحاب حسن
#تيم_زغلولة_هتعلمك

السلام عليكم ورحمة الله وبركاته ?

حياكم الله جميعا طمنوني عليكم أولا ربنا يعين الجميع على الدراسة أو حياته عموما

نتكلم علي كام نقطة جميلة إن شاء الله وتبقي يسيرة مع زنقة الامتحانات اللي ربنا ييسرها لنا برحمته(قولوا امين يعيال ادعولي)

إن شاء الله باقي شهر واحد وتخلص ٢٠٢٤ وتبدأ سنة جديدة كل سنة بنبقي نفسنا نحقق أهداف أو حاجه معينه لكن لسبب ما مش بنبدأ ولا بنعمل كدا ف ايه رأيكم نبدأ من دلوقتي وأسأل نفسك ليه لا؟

1) غير عادة فيك مش بتحبها أو سيئة زي انك بتاكل ضوافرك (هي حرام خدوا بالكم ربنا يعفو عنا جميعا) أو انك عصبي زياده ع اللازم ع كل حاجه تغضب (دمك حامي شطة مولع ومتحبش اللي بيدلع?)

ف ابدا من دلوقتي حاسب نفسك انا لية بتعصب وع ايه ؟ ليه مش طايق لحد كلمة بالوقت المحاولات دي غير الآجر بتصبح عادة هتشكر نفسك عليها بعدين?

2) أبدا اتحرك حرك نفسك حتي لو هتمشي كل يوم نص ساعة مش لازم جيم ولا اي حاجه ومش لازم بره البيت ع السطح ف الشقة عادي المهم اتحرك نص ساعه من غير ما تقف

3) ايه رأيكم نأخد بالنا من اكلنا؟ الشتاء جاي والهدوم كتير بتداري ونتفاجئ بشكلنا ف الصيف طب ليه ؟ الشتاء مبيحبش الاكل ولا حاجه انت عشان قاعد لا بتعمل حاجه ولا بتتحرك طول الوقت جعان

اليوم قصير (صوموا تصحوا) اتنين وخميس شغال كل ١٣و١٤و١٥ من الشهر العربي معاهم خميس ولا اتنين جه بالصدفة وكله اجر اجر مضاعف بإذن الله لبدنك عليك حق وسنه عن النبي ?

4) تصدقوا يخواتي، بجد بجد اجر الصدقه رائع خصوصا لو دي اخر جنيه ف جيبك هتصدق وتروح مشي تصدقوا بجد مش لازم فلوس كتير جنيه كل يوم وآخر الشهر شوف حد يستحق كلنا عندنا صحاب في صناع حياة كن ذا اثر الحاجات الروعة دي اللي بتروح لناس متعففة ربنا يرزقهم ويرزقنا من فضله الواسع?

5) فكر نفسك ديما أن مجهود النهاردة هتشوفه بكرة لا مفر اصل هيروح فين ؟ وفكر نفسك انك بشر تخطئ وتصيب عادي تحاول ومتنفعش، عادي تجرب والدنيا تبوظ عادي
المهم انك تكمل محاوله?

وبس كدا?

(هكون ممتنة لأي حد يدعيلي فتره الامتحانات القديمه و الضغط دا ربنا يهونها برحمته وفضله لعل دعوة أحدكم هي اللي تبقي المنجية (متنسوش ربنا كريم مجيب) الملائكه هتقول لكم ولكم المثل ف ايه بقى خلوا الملائكة تدعوا لكم??)

نيرا_أبوشعيشع
#تيم_زغلولة_هتعلمك

أنت محتاج تعفو عن نفسك عشان تقدر تكمل في طريقك ، تقتنع إن مفيش حاجة بإيدك مهما سعيت وحاولت تخلي كل حاجة مظبوطة ..

مفيش حاجة هتمشي صح غير لما ربنا يأذن .. مهما تعبت وصدقت نيتك وعملك في النهاية كل شيء بأمر الله.

مفيش حاجة متأخرة ولا حاجة حصلت كان المفروض ماتحصلش ولا في حاجة فاتتك ، ومفيش حاجة لو كنت جريت أسرع كنت هتاخدها وهى مش بتاعتك ولا حد مشي كان مفروض يكمل ، كل شيء له وقت وميعاد ربنا كاتبه

أنت عليك السعي والنتيجة علي الله.

- إسراء خميس
#تيم_زغلولة_هتعلمك

كثيرًا ما يشدني هذا الجزء من دعاء النبي ﷺ: ‏"اللَّهُمَّ إنِّي أعُوذُ بكَ مِنَ (العَجْزِ) و(الكَسَلِ)"

‏لماذا العجز والكسل بالذات؟!
‏ثم تأملت في أسباب الفشل كلها؛ فوجدتها لا تخرج عن أمرين:

‏- إما رغبة في العمل بدون قدرة «العجز»
‏- أو قدرة على العمل بدون رغبة «الكسل»

- رحاب حسن
#تيم_زغلولة_هتعلمك