ماهو سجانك يصيح الليله
الكاظم أعله الجسر ياهو يشيله

#####
كوم يالمهدي وخذ ثار السجين
وخذ ثار الزهره وثار الحسين
كلبي عالكاظم اليوم اصبح حزين
جينه مشايه لامام المتقين
        هذه باب الخير حك نبجيله
#####
خلي ننصب فاتحه ونبجي بدمع
وكلبي مالومه عليكم ينصدع
نبجي عالمسموع وي كسر الضلع
نور وجهك خله بالضلمه يشع
   انته قرأان وصعب ترتيله
#####
انته قرأان وصعب تفسيره
نعشك اعله الجسر وحنه بحيره
اليوم حزنانه هلي والديره
كسر هجرك بس صعب تجبيره
      وبو صالح بالفرج ندعيله

#####
شلنه نعشك وصل لحدود السمه
وبكلب كل شيعي ننصب مأتمه
ماكو واحد حته يخبر فاطمه
تحشم العباس ويجر صارمه
  السمم الكاظم تلبسه الشيله
#####
عالجسر شيعنه نعشك ياغريب
وزاد بينه الحزن ويزود النحيب
كلبي شيهوده وكثر بيه الثغيب
ياحبيب الزهره والكلبي حبيب
      الدمع يفرح لو عليك نسيله
#####
اليوم ناصب فاتحه وناصب حداد
الرضا يبجي عليك وي ابنه الجواد
الدنيه صارت مضلمه وعم السواد
عله باب الحاجه ومخلص الشداد
     الراد منك حاجته توديله
#####
اجت ناس هوايه من كتر السماء
وكل ملائك الله تجهش بالبكاء
جبنه طاري حسين وشتد العزاء
وجه ادم يمشي وي الانبياء
      وكلهة كالت للصحن نمشيله
#####

لتمت الشيعه ويدفنونك سواه
والمكان الكاظميه الملتقاه
دفن كل احلامه مولانه الرضاه
انته دفنوك وابو اليمه بقاه
       لثاره ندعي المهدي وبتعجيله
#####
ضلمه صار السجن وبعز النهار
مكيد وعدوانه حل بيهم حصار
منهد حرب الجمل تطلبكم بثار
   شيعتك بين عليهة الانكسار
                 فاتحه بكد السمه نسويله
#####

كرار السعيدي

كوم يا سلمان وتلكاهم
ولطم اعله الكاظم انته وياهم
@@@@@@@@@@@@@@
@@@@@@@@@@@@@@
كوم ياسلمان نطلبكم ابدين
من المدينه وجاك امير المؤمنين
كوم شيع الكاظم بدمعه ونين
                 مصاب يوجع بالكلب بجاهم
@@@@@@@@@@@
@@@@@@@@@@@
كوم اجتك هاي انصار الحسين
جون وي عابس وجعفر وي جوين
قيس وي هاني العشك وبنه رزين
                 بلا نصير الدهر شو خلاهم
@@@@@@@@@@@@
@@@@@@@@@@@@
واجه شيح انصارنه وعينه تدير
وجو كردوس ويه شوذب وي زهير
تعنتك مسلم يبو الغره وبرير
                    شوكهم ليك وعلي وداهم
@@@@@@@@@@@@
@@@@@@@@@@@@
اجت انصار السبط وي عمرو اجاك
وسيف والحارث انس لا ما جفاك
هذه انيس وزاهر تناطر ضواك
             لا تضن يوم الخطر كضاهم
@@@@@@@@@@@@
@@@@@@@@@@@@
القاسم وعثمان وي عون الكلف
ورايت العباس اجت فوكك ترف
وي علي الاكبر ونافعنه التجف
                    ما تهاب الموت ما رداهم
@@@@@@@@@@@@@
@@@@@@@@@@@@@
حنضله نتوح وينوح ويا سويد
وجابر الحجاج والادهم تريد
يا جناده ويا شبيب ويا سعيد
              البجي اعله المسموم شو سلاهم
@@@@@@@@@@@
@@@@@@@@@@@
انصارك الضرغام اجو لبن الذبيح
ويه اسلم والدمع منهم يطيح
واجو انصارك يمنجح مو شحيح
                سيدي ومولاي لا تنساهم    
@@@@@@@@@@@@@
@@@@@@@@@@@@@
هاذه ابن عوسجه وعبدلله الرضيع
والمثنى وحر  حزن ليكم تشيع
وجت انصارك وهب لبن الشفيع
                  ناس دوم اعله الحزن تلكاهم
@@@@@@@@@@@@@
@@@@@@@@@@@@@

كرار السعيدي

وين اخوتي اتعطلوا كبري انحـفر
رايده يشيعوني لو موتي حضر
ـــــــــــــــــــــــــــــــــ
هواي كالوا محد لزينب اجــــــه
لا كبل لا هسه كاتلها الرجــــــــه
تموت زينب بالغرب محد بجـــه
لهاي يخواني ترة كلبي انكسر
ـــــــــــــــــــــــــــــــــ
ارد اسولف جلجل بگلبي الحزن
وريت بيدك يا بو فاضل اندفن
وتلطم علراس وبدمعك تــــون
يا هضيمه علنهر طايح گمر
ـــــــــــــــــــــــــــــــ
زينب بغربة يخو زينب تون
ريت واحد يحضر يزيل الحزن
وين هاشم غربة شو حدري المتن
واليشيل بنعشي مو حب أنأجر
ـــــــــــــــــــــــــــــــــ
خوية جندوب الصبر مل الصبر
شلون لو هالوا ترابات الكبر
وماكو فوكي جفافي لسادة الخضر
حال بيني وبينهم لجمة قدر
ـــــــــــــــــــــــــــــــــ
احجي والعبرات بيه مكســــــــره
شلون توصل نعشي خويه وتحضره
عين مامش والجفوف مبـــــــــتره
وشوفه رايح من عمت عين النضر
ـــــــــــــــــــــــــــــــــ
وعيني ضلت علدرب بلكت تجون
تطيب روحي وتنضرلكم هل عيون
وينرفع نعشي بديكم علمــــــتون
والله من طاريك دلالي نفطر
ــــــــــــــــــــــــــــــ
اه يحسين وحنانك خويه ويــــن
ردت ترجع من بعد هاي سنيــــن
تشيل نعشي خويه وبمدمع العين
بس عله التربان شو صاير وذر
ـــــــــــــــــــــــــــــ
ومتت من حزني علخيي علثره
وبيوم ماجاه الشمر حز منحره
وياهضيمه منيده كطعو خنصره
ويا دهر وبزينب شسوه الدهر
ــــــــــــــــــــــــــــــــ

#حسن_الحجامي

قصيدة ـ السفير الحسين
قيس بن مسهر الصــيداوي الاسدي
ــــــــــ

حيو سفير حسين. ـــ حيو سفير حسين

@@@@@@@@

قيس ونعم رجال ـ طب ع الزلم زلزال
بالكوفه سوه فعال ــ شردت زلم منه

طر الكتايب طر ـ لاوى الكفـــــر والشر
اروع صور سطر ـ قيس ونعــــــــم منه

مسهر يمخلف حيد ـ عنده المعارك عيد
ـ الحومة منه تريد ــ وصـــيد الزلم فنه

حيو سفير حسين ــ حيو سفير حسين
@@@@@@
زلمة كلف معروف ـ مامر عليه الخوف
وبزغره لعب سيوف ـ ومكمط بسيفه

حيو سفير حسين ـ بالكوفه طر صوبين
يجادح العينين ـ منهم اخذ حيفــه

بالكوفه انطى اعلان ـ كلكم انس نسوان
ماعارك الغـــــــــــــمان ــ معروفه تعريفه

حيو سفير حسين ــ حيو سفير حسين
@@@@@@@
وده الرساله ورد ـ وبيده الرسايل عد
وحسين له يشهد ـ زلمة وكفو ونعمين

بالقادسيه هناك ــ بالصحرى سوه فلاك
لولى العطش بي راك ـ متجتف الجفين

على المنبر ينادي ـ جاكم ضعن حادي
شبل النبي الهادي ـ شيخ العشيره حسين

حيو سفير حسين ـ حيو سفير حسين
@@@@@@@
رجع ذكر مسهر ــ وي حيدره من يكر
بسيفه من يشطر ــ مسهر ومخلف قيس

صفين وخيبر هاي ـ بالكوفه صار اعياي
قيس العليهم جاي ـ بهاي المعارك قيس

ويجندل الشجعان ـ وعلى الحرب ولهان
ولكابلك خسران ـ حجم الضحايه تقيس

حيو سفير حسين ــ حيو سفير حسين
@@@@@@
طف كربله يناديك ـ اسم الله يقيس عليك
من جتفو جفيك ــ وسفه السبع ينكاد

ماخفت من عدوان ـ جان المحتم جان
تفضح فسق مروان ـ وتفشل ابن زياد

وتسلم على حسين ـ يانشمي لا متلين
ويصبن العينين ــ جيفن عليك بعاد

حيو سفير حسين ــ حيو سفير حسين
@@@@@@@
علي حسن الموسوي ـ ابا الحسن ـ

كوم يالحــــــجاج واذن اللقتال

خل تطب انصارنا تهوى النزال

@@@@@
كوم يالحجـــــــاج وذن اللحرب
هذا عابــــس راد اللحومة يطب
وشوذب يحشـــــم ينادي ياوهب

وجابر ينـــادي حيـــــــهم يارجال
@@@@@@
طبها كــــــــردوس وشبيب النهشلي
طب زهيـــــــــر وياابن عمه البجلي
هــــد جناده الحومة صاحت ياعلي

وصاحها الضـــــرغام هدو يابطال
@@@@@
الكوفه كبل الكون تبدي الملحمة
قيس طبها على الزلم جن حاطمة
وابن يقـــــــــطر وصل صوته اللسمة

وهاني حشم خل نيتم هل عيال
@@@@@@
فـــــــزع عبد الأعلى وي. عمارها
هلــــهلت طـــــوعه وفزع خطارها
مســــــلم ستبـــــشر وســــل بتارها

يالله هدو يابطال على الرجال
@@@@@
الكــــربله رد الخــــبر طبهــا سويد
انس طبها وطبها عبـــــاس العجيد
جون صاح ابصوت اشيخا ع العبيد

مانعوف حسين ابدا لا محال
@@@@@@
جبلة دلهــــــم صـاح حي الله برير
واســـــــلم الـــــسواها ابدا مايصير
طبها نافع والزلم كـــــــامت تـــحير

هــزو الوديــــان ويـــاها الجـــبال
@@@@@
طب حبيب الاسدي وشد العزم
طبها يحيى والزلـــم صارت ردم
لن جـــوين يصيح منكم والنـعم

وحنظله السواها ماصاير محال
@@@@@@@
ولن فزع عمـــــار وشتــــد الحرب
وهد سعيد بسيفه سواهم حطب
الحارث يحشم افــــــــزعو ياعرب

سيف والهفهاف دكوها الجبال
@@@@@@
شــد كنانه وزاهر وجندب سوه
ع المعسكر كطعو الليله الهوه
طبها الادهم منجح بيده الوه

لن بشير بصدره يتلكه النبال
@@@@@@@
اليوم فرسان الوغى ليث العرين
مالك ومســــــلم وعمرو هاديــــــن
وصوت من البصره ناده بن رزين

لان الانصاري يحشم حر تعال
@@@@@@@@
ياهلا بآسمك انيس الاصبحي
دور بيها الحرب دور الرحـــي
ولن عباد الجهني جر الحـــي

قارب الدائلي جن ماي الزلال
@@@@@@@
قاسط التغلبي شد على الزلم
عمرو الانصاري شد بيه العـــزم
حي سوار الهمدانـــي والــــنـــعم

واضح التركي فزع دك الرجال
@@@@@@@
والغفاري قرة متحزم فــــــزع
ابن عروة الغفاري من سمـــــع
هد على الضلام يرعد من طلع

والحسين تنومس بهاي الابطال
@@@@@@@
طلب رخصـــه من بوه ورف لواه
اول الــــــــساده فزع كلها بحماه
علي الاكبر سيد الســـــاده برجاه

هذا حمزه لو علي وهذا محال
@@@@@@@
دخل نص الحومة عثمان البطل
ولن اخوه عبدالله حشم يافحل
وجعفر يحشـــــمهم وصار الوجل

عون طبها الحومة وشتد النزال
@@@@@@@
الهواشـــــــم فزعت وصار نقلاب
محمد الاصغر فزع صار الحساب
القاسم يحشم تـــــــعالو ياذناب

احمد وعبدالله فزعو ع القتال
@@@@@@@@
جعفر ينادي وندب بويـــــه علي
وحشم اخته بصوت كومي هلهلي
الهواشم حنى والـــــوالــــد ولي

عاد خيبر وي احد وي الجمال
@@@@@@
هــــذا جعـــــــــفر صاح انه عقيل
وموسى حشم والزلم كامت تميل
الهواشـــــــم بردو كلب الخليــــــل

شدو على الجيش وشتد القتال
@@@@@@@@@@
علي حسن الموسوي ـ ابـا الحسـن ـ

ياريح سلمني على اخوي وهواي
گليله زينب مو بحال الماي
يا ريح گليله انه اخته
من زغره عنده وما مفارگته
يا ريح گليله الهجر بهداي

★★★★★★★★★★★

گليله ما ضل هرش ما گطعه فراگه فرت گطش شوفتك فريت مشتاگه ماادري ذيب السبي وياي يتلاگه چتفني بسنسله ويعتني للناگه

يا ريح گليله يعبرني
الشمر يم جثتك مرني
گليله لا شافتك عيناي

★★★★★★★★★★★

ياريح صوت العده وانعدمن عيوني
لن صار لون الأرض من الهظم لوني
على الصاح لا يا نفس بعد الأخو هوني
من فدوة روحي تروح اله وتروحله متوني

ياريح گليله هضموها
شافوك مو يمها ضربوها
وبهاي تشگف تحس بهاي

★★★★★★★★★★★

يا ريح گليله گليله تصفن حلم تذكر مناغاك
تبتسم تنسى السبي ما چن تعيش جفاك
بالحلم عدها جنح والطير هيه وياك
تفز لنها فوگ الهزل تلتفت ما تلگاك
يتسالن ردن دموعي

ثاري صدگ حن دموعي
الروحة ولن بعد ما جاي

★★★★★★★★★★★

كليله ما حسبت ما ترجع وياها
للوطن يالواعدت لخيالها حماها
معلوم من ربتك ما ناكر رباها
لكن حياتي شنو بلياك معناها

يا ريح گليله يرهمني
يدعيلي اموت ولا يگرمني
بفراگه وفراگه اجازي وياي

★★★★★★★★★★★

دلالي جمرة غضى بفگدك يهفيله
خوية غدت يمنتي ما توصل الشيله
عباس حگه الجسم يتبره من حيله
لو ميته ويضل عدل ياريح گليله

گليله ميته ولا اشوفة
معتازتة ومگطعه چفوفة
وبالوكت عود يعيني بلواي

★★★★★★★★★★★

هذا نعش امك يعباس الحنين
گوم شيعها وحيـــده ام البنين
----------------------------------------
گوم ياشيخ الزلم لأم الزلـــــــــم
اليوم بيت المرتضى بكبره انهدم
گوم ديــــــــر انگاب لمك ياشهم
عليـــك تتلفت يمگطوع اليميـن
-----------------------------------------
هذا نعش امك يبو فاضل وحيد
والنعش جناز مـــــن بيتـــه يريد
شلون عـن امك يروح امك بعيد
مـن الأبن محلاه لو صار الونين
------------------------------------------
شلون ماجيتـو يبـو فاضل شلون
عنها ماضـــــــــن يألگمر تتعطلون
گوم حشم اخوانك وخلهم يجون
وبالچفافي الخضر كون محزمين
------------------------------------------
اليوم يومك يالچفيـــــل وساعتك
اليـــــــــوم نعش ام البنين بعازتك
طيحت امــك مثل طيحت رايتك
لچمه وتضل بالگلب طول السنين
-------------------------------------------
گومــــــــو لمكم يالنشامه الأربعه
هـــل نعش رايــــــد متون تشيعه
وين صرتو وين عـن هـــل فاجعه
اليوم هاشـــــم بالمصاب مكدرين
--------------------------------------------
مصطفئ الصالحي

شلون حال الاربعه بهل الليله
كلها موته النعش ياهو يشيله

شلون حال الكمر عن امه بعيد
يا عجيد الكوم افزع يا عجيد
للنعش شيال هـاي امــك تريد
النعش وحده ويا متون تشيله
ــــــــــــــــــــــــــــــــــــــــــــــــــــــــ،
راحت ام عباس وام گلب الحنين
كلها ماتت ولـدج لخاطر حسين
اخ ياشلعان گلبج و تعب السنين
بين غـربـه و مـحـد التشگيله
ــــــــــــــــــــــــــــــــــــــــــــــــــــــــــــــــ
كلها ضجت حتى املاك السمه
لأجل موتج يالعزيزه فاطمه
الـيـوم كـل انصارنه متحزمه
نشيع أم عباس هاي الليله
ـــــــــــــــــــــــــــــــــــــــــــــــــــــــــــــــــ
وحده السجاد والمدمع يسيل
شال بيده النعش للدرب الطويل
راحت ام عباس مالها مثيل
عينه تبجي والتراب يهيله
ـــــــــــــــــــــــــــــــــــــــــــــــــــــــــــــــــــــ
صار گبرج بين غربه و الغرب
نكسر كلبي عليج ياكسر الگلب
يابعيد الدرب يابعده الدرب
كون عندج صحن هم نمشيله
ــــــــــــــــــــــــــــــــــــــــــــ
سجاد جواد الغانمي

مـاتـت ام عبـاس هـاي اللـيلـه
يـاهـو اليـشـيعهـا موته العيلـه
ـــــــــــــــــــــــــــــــــــــــــــــــــــــــ
مـحد يشـيعهـا وسـفـه ام البـنين
لا بـقـه عبـاس عدهـا ولا حـسين
وابـو فـاضل لا يـسـار ولا يـميـن
والنعـش مامـش اديـن تـشـيلـه
ــــــــــــــــــــــــــــــــــــــــــــــــــــــــ
وسـفـه مـاتت فـاطمه مضلومـه
ماتت وعالـطـف بقت مهضومـه
عله حـسـين ام الـوفـه ملچومه
وماكو واحد عدها ضل تشكيله
ـــــــــــــــــــــــــــــــــــــــــــــــــــــــــ
حـيل وفت وانطت ازلام اربعـه
انطت العباس حامـي المشرعـه
وجـعفـر وعـثمان سوو فاجعـه
وعـبد مـا خـلـه الـزلـم تـدنيلـه
ــــــــــــــــــــــــــــــــــــــــــــــــــــــــ
ونـعم ما قـصرت وي آل الـرسـول
ضـحت بـعبـاس ابن فحل الفحول
تـصـيح كـلـهم فـدوه لبناء البـتول
لـو يــريـد الـروح هــــم افـديلـه
ــــــــــــــــــــــــــــــــــــــــــــــــــــــــ
راحــت ام عـبـاس مكـســورة گـلب
وعـلــه زيـنب بـقـه مدمـعـهـا يصب
تصـيـح وسـفه زيـنـب بديرة غـرب
خلاف اخوها تمشي مسبية العقيله
ــــــــــــــــــــــــــــــــــــــــــــــــــــــــ
سيد_منتظر_الهاشمي
ــــــــــــــــــــــــــــــــــــــــــــــــــــــــ

ياريح سلمني على اخوي وهواي
گليله زينب مو بحال الماي
يا ريح گليله انه اخته
من زغره عنده وما مفارگته
يا ريح گليله الهجر بهداي

★★★★★★★★★★★

گليله ما ضل هرش ما گطعه فراگه فرت گطش شوفتك فريت مشتاگه ماادري ذيب السبي وياي يتلاگه چتفني بسنسله ويعتني للناگه

يا ريح گليله يعبرني
الشمر يم جثتك مرني
گليله لا شافتك عيناي

★★★★★★★★★★★

ياريح صوت العده وانعدمن عيوني
لن صار لون الأرض من الهظم لوني
على الصاح لا يا نفس بعد الأخو هوني
من فدوة روحي تروح اله وتروحله متوني

ياريح گليله هضموها
شافوك مو يمها ضربوها
وبهاي تشگف تحس بهاي

★★★★★★★★★★★

يا ريح گليله گليله تصفن حلم تذكر مناغاك
تبتسم تنسى السبي ما چن تعيش جفاك
بالحلم عدها جنح والطير هيه وياك
تفز لنها فوگ الهزل تلتفت ما تلگاك
يتسالن ردن دموعي

ثاري صدگ حن دموعي
الروحة ولن بعد ما جاي

★★★★★★★★★★★

كليله ما حسبت ما ترجع وياها
للوطن يالواعدت لخيالها حماها
معلوم من ربتك ما ناكر رباها
لكن حياتي شنو بلياك معناها

يا ريح گليله يرهمني
يدعيلي اموت ولا يگرمني
بفراگه وفراگه اجازي وياي

★★★★★★★★★★★

دلالي جمرة غضى بفگدك يهفيله
خوية غدت يمنتي ما توصل الشيله
عباس حگه الجسم يتبره من حيله
لو ميته ويضل عدل ياريح گليله

گليله ميته ولا اشوفة
معتازتة ومگطعه چفوفة
وبالوكت عود يعيني بلواي