ရက္ခိုင်ပြည် ဘူးသီးတောင်၊ မောင်တောဒေသမှာ စစ်ခွေးတွေရဲ့ယုတ်မာမှု ဝန်ခံထွက်ဆိုချက်

ဒေါပုံမြို့နယ်၊ ဝါဆိုရပ်ကွက်နှင့် အောင်ချမ်းသာရပ်ကွက်တွင် အမျိုးသမီး စစ်မှု ထမ်းစာရင်း ကောက်ယူရာတွင် အိမ်ထောင်သည် ကိုယ်ဝန်ဆောင် အမည်များကိုပါ ထည့်သွင်း၊ အမျိုးသားလူငယ် ၆၀ ကို စစ်မှုထမ်းရန် ဆင့်ခေါ်

ရန်ကုန်၊ ဇန်နဝါရီ ၂၈

ရန်ကုန်မြို့၊ ဒေါပုံမြို့နယ်၊ ဝါဆိုရပ်ကွက်နှင့် အောင်ချမ်းသာရပ်ကွက်မှ လူငယ် ၆၀ ဦးကို အုပ်ချုပ်ရေးမှူးများက စစ်မှုထမ်း ဆင့် ခေါ်စာများ ပေးပို့ခဲ့ပြီး အမျိုးသမီး စစ်မှုထမ်းစာရင်းတွင် ကိုယ်ဝန်ဆောင်သည်များ၏ အမည်စာရင်းပါ ပါဝင်ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

ဇန်နဝါရီလ ၂၇ ရက်နေ့ ဒေါပုံမြို့နယ် ဝါဆိုရပ်ကွက် အုပ်ချုပ်ရေးမှူး ညီညီထွေးနှင့် အောင်ချမ်းသာရပ်ကွက် အုပ်ချုပ်ရေးမှူးတို့ ပူးပေါင်းပြီး လူငယ်များကို စစ်မှုထမ်းရန် ဆင့်ခေါ်စာများ လိုက်လံပို့ဆောင်ခဲ့ပြီး ၂ ရပ်ကွက်ပေါင်း လူငယ် ၆၀ ဦးကို ဆင့်ခေါ်စာပေးပို့ခဲ့ကြောင်း သိရသည်။

ထို့ပြင် အမျိုးသမီး စစ်မှုထမ်း စာရင်းတွင် ကိုယ်ဝန်ဆောင် အမျိုးသမီးများ ပါရှိသောကြောင့် အုပ်ချုပ်ရေးမှူး ညီညီထွေးကို သွားရောက် ပြောဆိုရာတွင် အထက်အမိန့်အရ လုပ်ဆောင်ရခြင်းဖြစ်သည်ဟု ပြန်လည် ပြောဆိုခဲ့ကြောင်း၊ ထို့ပြင် နေအိမ် တစ်အိမ်ထဲမှ အမျိုးသမီး ၃ ဦးလုံးလည်း စစ်မှုထမ်း စာရင်းတွင် ပါဝင်ခဲ့သောကြောင့် အုပ်ချုပ်ရေးမှူးကို ပြန်လည် ပြောဆိုခဲ့သော်လည်း စစ်မှုမထမ်းလျှင် နေအိမ်နှင့် ဆိုင်များကို သိမ်းဆည်းမည်ဟု ခြိမ်းခြောက်ပြောဆိုခဲ့ကြောင်း သိရှိရသည်။

အဆိုပါ ဆင့်ခေါ်စာ ပို့ခံရသူများနှင့် စစ်မှုထမ်း အမည်စာရင်း ပါဝင်သူများကို ဖေဖော်ဝါရီလ ၂၇ ရက်နေ့တွင် လာရောက်ခေါ်ဆောင်မည်ဖြစ်ကြောင်း၊ ဆင့်ခေါ်စာ ပေးပို့ခံရသူများနှင့် စစ်မှုထမ်း အမည်စာရင်းတွင် ပါဝင်သူများကို အုပ်ချုပ်ရေးမှူးများက စိတ်ကြိုက် လိုက်လံခေါ်ယူခဲ့ခြင်းဖြစ်ပြီး ၎င်းတို့၏ သား၊ သမီးများနှင့် ဆွေမျိုးများ စစ်မှုထမ်း စာရင်းတွင် မပါဝင်ကြောင်း သိရသည်။

" ဒေါပုံမြို့နယ် ဝါဆို ရပ်ကွက်နဲ့ အောင်ချမ်းသာ ရပ်ကွက်က အုပ်ချုပ်ရေးမှူးတွေပေါင်းပြီး လူငယ်တွေကို စစ်မှုထမ်းဖို့ မတရား ဖမ်းဆီးဆင့်ခေါ်စာတွေ ပို့နေပါတယ်။ ၂ ရပ်ကွက်လုံးပေါင်းလိုက်ရင် ခုအပတ်စဉ်မှာတင် လူငယ်ပေါင်း ၆၀ လောက်ရှိတယ်။ တစ်အိမ်ထဲမှာတင် မိန်းကလေး ၃ ဦးလုံးပါတာပါ။ အငယ်လေးက ၁၈ နှစ်ပြည့်ခါစ ကျောင်းသူပါဆိုတာတောင် မရပါဘူးတဲ့ စစ်မှုမထမ်းရင် အကုန်အိမ်တွေ ဆိုင်တွေသိမ်းမယ်ဆိုလို့ မိဘတွေ ငိုယိုနေရပါတယ်။ တစ်ရပ်ကွက်လုံး စိတ်ဆင်းရဲ ကိုယ်ဆင်းရဲဖြစ်နေကြပါတယ်။ သူတို့ သား၊သမီးတွေ ကြတော့မထည့်ဘူး။ သူများ သား၊ သမီးတွေကို လိုက်ဒုက္ခပေးနေတာပါ။ ၂ လပိုင်း ၂၇ ရက်နေ့မှာ အခု အမည်ပါတဲ့ သူတွေ ဆင့်ခေါ်စာပို့ခံရတဲ့သူတွေကို လာခေါ်မယ်လို့ သိရပါတယ်။ စစ်မှုထမ်းထဲမှာ အမျိုး သမီး ဗိုက်ကြီးသည်က အစပါလို့ အုပ်ချုပ်ရေးမှူး ညီညီထွေးကိုပြောတော့ သူလုပ်တာမဟုတ်ဘူး။ အထက်ကလုပ်တာ အထက်အမိန့်ဘာမှ မတက်နိုင်ဘူးဆိုပြီး ပြောလွှတ်တယ်" ဟု ဒေသပြည်သူ တစ်ဦးက ပြောဆိုသည်။

စစ်ကောင်စီ၏ ပြဋ္ဌာန်းထားသော ပြည်သူ့စစ်မှုထမ်းဥပဒေအရ အသက် ၁၈ နှစ်မှ အသက် ၂၇ နှစ်အတွင်း အမျိုးသမီးများ စစ် မှုထမ်းရမည်ဖြစ်သော်လည်း အိမ်ထောင်သည်နှင့် သားသမီးရှိသော မိခင်များ စစ်မှုကင်းလွတ်ခွင့်ပြုကြောင်း သိရှိရသည်။

အမျိုးသမီး စစ်မှုထမ်း သင်တန်း အပတ်စဉ် ၁ ဖွင့်လှစ်ရန်အတွက် အမျိုးသမီးစာရင်း ကောက်ယူရန် စစ်ကောင်စီက တရားဝင် ညွှန်ကြား၊ ၂၀၂၄ ခုနှစ် ဖေဖော်ဝါရီ ၁၁ ရက်နေ့မတိုင်မီ အသက် ၁၈ နှစ်မှ အသက် ၂၇ နှစ်အတွင်းရှိ အမျိုးသမီးများအားလုံး စစ်မှုထမ်းရန် အကျုံးဝင်

ရန်ကုန်၊ ဇန်နဝါရီ ၂၈

အကြမ်းဖက် စစ်ကောင်စီက အမျိုးသမီး စစ်မှုထမ်း အပတ်စဉ် ၁ ကို ဖွင့်လှစ်ရန်အတွက် စစ်မှုထမ်းဥပေဒအရ အကျုံးဝင်သည့် အမျိုးသမီးများ စာရင်းကို ကောက်ယူရန် စစ်ကောင်စီ၏ စစ်မှုထမ်းဆင့်ခေါ်ရေးအဖွဲ့ ဗဟိုက ညွှန်ကြားချက် ထုတ်ပြန်လိုက်ကြောင်း နေပြည်တော် တပ်သတင်းရင်းမြစ်က ပြောဆိုသည်။

ဇန်နဝါရီလ ၁ ရက်နေ့မှစတင်၍ ယင်းကဲ့သို့ နိုင်ငံတစ်ဝန်းရှိ စစ်မှုထမ်းရန် အကျုံးဝင်သည့် အမျိုးသမီးများစာရင်းကို စစ်ကောင်စီ၏ စစ်မှုထမ်း ဆင့်ခေါ်ရေး ဗဟိုအဖွဲ့က ညွှန်ကြားလိုက်ခြင်းဖြစ်ပြီး အမျိုးသမီး စစ်မှုထမ်း အပတ်စဉ် ၁ ကို မကြာမီဖွင့်လှစ်သွားရန်ရှိကြောင်း သိရှိရသည်။

လတ်တလော  ခေါ်ယူမည့် အမျိုးသမီး စစ်မှုထမ်း အပတ်စဉ် ၁ အတွက်  အသက် ၂၅ နှစ်မှ  အသက် ၂၇ နှစ်ပြည့်ခါနီး အမျိုး သမီးများကို ပထမ ဦးစားပေးခေါ်ယူသွားမည်ဖြစ်ပြီး  စစ်မှုထမ်းဥပဒေပါ  အသက်အရွယ်တွင် ရှိသော်လည်း အိမ်ထောင်သည်အမျိုးသမီးများ ၊အိမ်ထောင်ပျက်သော်လည်း သားသမီးရှိသူ အမျိုးသမီးများမှာမူ ကင်းလွတ်ခွင့်ရရှိမည်ဖြစ်ကြောင်း သိရှိရသည်။

"အခုတော့ ဖေဖော်ဝါရီထဲမှာ အမျိုးသမီး စစ်မှုထမ်း အပတ်စဉ် ၁ စတင်မယ်လို့ သိထားပေမယ့် တရားဝင်တော့ ညွှန်ကြား ချက်တော့ မတွေ့ရသေးဘူး။ ၂၀၂၄ ခုနှစ် ဖေဖော်ဝါရီ ၁၁ ရက်နေ့မတိုင်မီ အသက် ၁၈ နှစ် အသက် ၂၇ နှစ်အတွင်းရှိတဲ့ အမျိုးသမီးစာရင်းကိုတော့ စတင်ပြုစုခိုင်းနေပါတယ်။ အမျိုးသမီး စစ်မှုထမ်းကတော့ ခေါ်ဖို့ကတော့ သေချာသလောက် ရှိနေပြီလို့ သိထားပါတယ်" ဟု နေပြည်တော် တပ်သတင်းရင်းမြစ်က ရှင်းပြသည်။

လက်ရှိ ရန်ကုန်တိုင်းအတွင်းတွင်လည်း စစ်မှုထမ်းရန် အကျုံးဝင်သည့် အမျိုးသမီးများစာရင်းကို အမြန်ကောက်ခံခိုင်းနေကြောင်း သိရှိရသည်။

"ရန်ကုန်က မြို့နယ်ရပ်ကွက်တွေမှာ အမျိုးသမီး စစ်မှုထမ်းစာရင်းကော အမျိုးသား စစ်မှုထမ်း စာရင်းကော ကောက်ခိုင်းနေပြီ  အမျိုးသမီးကတော့ အသက် ၂၇ နှစ်ပြည့်ခါနီး တွေကို ဦးစားပေး စာရင်းတင်ခိုင်းနေတယ်" ဟု ရန်ကုန်တိုင်း ထွေ/အုပ်သတင်းရင်းမြစ်က ရှင်းပြသည်။

ဇန်နဝါရီလ ၂၃ ရက်နေ့တွင် အကြမ်းဖက် စစ်ကောင်စီ၏ ကာကွယ်ရေးဝန်ကြီးဌာနက  ပြည်သူ့စစ်မှုထမ်းနည်းဥပဒေကို ထုတ်ပြန် ပြဋ္ဌာန်းလိုက်ခြင်းဖြစ်ပြီး အဆိုပါဥပဒေအရ စစ်မှုထမ်းရမည့် အမျိုးသမီးများ၊ အမျိုးသားများ ပြည်ပထွက်ခွင့် ပိတ်ပင်ခြင်း  အပါအဝင် အသေးစိတ်အချက်အလက်များကို ပြဋ္ဌာန်းထားသည်။

ဓာတ်ပုံ- စစ်မှုထမ်းရန် အမျိုးသမီးစာရင်း ကောက်ယူရာတွင် ၂၀၂၄ ခုနှစ် ဖေဖော်ဝါရီလ ၁၁ ရက်နေ့ မတိုင်မီ အသက် ၁၈ နှစ်မှ အသက် ၂၇ နှစ်အတွင်းရှိ စစ်မှုထမ်းရမည့် အမျိုးသမီးစာရင်းကို အဓိက ဦးစားပေးကောက်ယူခိုင်းနေသည့် စာရင်းစာရွက်။

အကြမ်းဖက်စစ်တပ်က ကော့ကရိတ်၊ ကြာအင်းဆိပ်ကြီးနှင့် ဘားအံမြို့နယ်တို့တွင် လေယာဉ်ဖြင့် ဗုံးကျဲမှု အမျိုးသမီး ၁ ဦးသေဆုံးပြီး  နေအိမ်များနှင့် စာသင်ကျောင်းပျက်စီး

ရန်ကုန်၊ ဇန်နဝါရီ ၂၃

ကရင်ပြည်နယ်၊ ကော့ကရိတ်မြို့နယ်၊ ကျိုက်ဒုံမြို့၊ ကြာအင်းဆိပ်ကြီးမြို့နယ်နှင့် ဘားအံမြို့နယ်တို့တွင် စစ်တပ်က လေယာဉ်ဖြင့် ဗုံးကျဲမှု အမျိုးသမီး ၁ ဦးသေဆုံးပြီး နေအိမ်များနှင့် စာသင်ကျောင်းပျက်စီးကြောင်း KNU ဗဟိုက သတင်းထုတ်ပြန် သည်။

ယမန်နေ့ ဇန်နဝါရီလ ၂၂ ရက်နေ့ နံနက် ၇ နာရီ ၃၀ မိနစ်အချိန် စစ်တပ်က ကော့ကရိတ် မြို့နယ်၊ ကျိုက်ဒုံမြို့သို့  စစ်လေယာဉ်ဖြင့် ဗုံးကျဲချခဲ့ကြောင်း၊ ထိုသို့ လေကြောင်း ပစ်ခတ်မှုကြောင့် ကျိုက်ဒုံမြို့ရှိ မီးသတ်ရုံးအနီး ရော်ဘာခြံအတွင်းသို့ ကျရောက် ပေါက်ကွဲ၍ ရော်ဘာခြစ်ပြီး ပြန်လာသော အမျိုးသမီး ၁ ဦး သေဆုံးကြောင်း၊ သေဆုံးသူမှာ  ကျိုက်ဒုံမြို့၊ အမှတ် ၃ ရပ်ကွက်၊ ချောင်းဝပိုင်းတွင် နေထိုင်သော အသက် ၅၁  နှစ်အရွယ် ဒေါ်ဒဝယ်မ (ခေါ်) ဒေါ်ညိုညိုဝင်းဖြစ်ကြောင်း၊  ပြည်သူ့နေအိမ်များလည်း ပျက်စီးကြောင်း သိရှိရသည်။

အလားတူ ဇန်နဝါရီလ ၁၁ ရက်နေံ နံနက် ၁ နာရီ ၄၀ မိနစ်အချိန် စစ်တပ်က တိုက်ပွဲဖြစ်ပွားခြင်းမရှိဘဲ ကြာအင်းဆိပ်ကြီးမြို့ နယ် ၊ ယော့ကဒေါ ကျေးရွာသို့ လာရောက်ဗုံးကြဲပစ်ခတ်ခဲ့ပြီး အဆိုပါ ဗုံးကြဲပစ်ခတ်မှု ကြောင့် ယော့ကဒေါ ကျေးရွာ စာသင် ကျောင်း  ထိမှန်ပျက်စီးခဲ့ရကြောင်း သိရှိရသည်။

ထို့ပြင်  ဇန်နဝါရီလ ၂၁ ရက်နေ့ မွန်းလွဲ ၂ နာရီ ၄၀ မိနစ်အချိန် ကရင်ပြည်နယ်၊ ဘားအံမြို့နယ်တွင်  အာဏာသိမ်း စစ်ကောင်စီတပ်က ဂျက်ဖိုက်တာဖြင့် ပေါင် ၅၀၀ ဗုံးသီး ၂ လုံး ကျဲချမှုကြောင့် ကျုံစိန်ကျေးရွာနေ နော်မအိုစာ၏ ရာဘာ(ခြစ်ပင်) အပင်ရေ ၃၀၀ ခန့် ပျက်စီးခဲ့ရကြောင်း သိရှိရသည်။

စစ်တပ်က  လေကြောင်းဖြင့် သော်လည်းကောင်း၊ မြေပြင်မှ လက်နက်ကြီးများဖြင့် သော်လည်းကောင်း အရပ်သားများနေထိုင်ရာ ကျေးရွာများသို့ ရည်ရွယ်ချက်ရှိရှိ ဗုံးကျဲပစ်ခတ်ပြီး လူ့အခွင့်အရေးနှင့် စစ်ရာဇဝတ်မှု ဆိုင်ရာများကိုနေ့စဉ် ကျူးလွန်လျက်ရှိကြောင်း KNU က အသိပေးထုတ်ပြန်ထားသည်။

တိုက်ပွဲများကြောင့်  ဧည့်သည်မရှိတော့ချိန် ချောင်းသာကမ်းခြေမှ  ဟိုတယ်၊ တည်းခိုခန်းနှင့် ဆိုင်ခန်းများ ဖွင့်လှစ်ခြင်းမရှိဘဲ ပိတ်ထားလျှင် နိုင်ငံပိုင် အဖြစ်ချိတ်ပိတ်သိမ်းမည်ဟု စစ်တပ်က ခြိမ်းခြောက်

ရန်ကုန်၊ ဇန်နဝါရီ ၂၃

ဧရာဝတီတိုင်း၊  တိုက်ပွဲများကြောင့် ဧည့်သည်မရှိတော့ချိန် ချောင်းသာကမ်း ခြေ နှင့်မြို့ပေါ်မှ ဟိုတယ်၊ တည်းခိုခန်းနှင့် ဆိုင်ခန်းများ ဖွင့်လှစ်ခြင်းမရှိဘဲ ပိတ်ထားပါက နိုင်ငံပိုင် အဖြစ်ချိတ်ပိတ်သိမ်းဆည်းမည်ဟု အကြမ်းဖက် စစ်တပ်က လိုက်လံ ခြိမ်းခြောက်နေကြောင်း ပုသိမ် သတင်းအထူးတပ်ဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် သတင်းဌာနထံသို့ ပြောဆိုသည်။

ပုသိမ်မြို့နယ်၊ ရွှေသောင်ယံမြို့အနီး တိုက်ပွဲများ ရောက်ရှိလာသဖြင့် ချောင်းသာကမ်းခြေသို့ လာရောက်သူ နည်းပါးလာကြောင်း၊ ယမန်နေ့ ဇန်နဝါရီလ ၂၂ ရက်နေ့ ဟိုတယ်နှင့်တည်းခိုခန်း၊ ဆိုင်ခန်းများ ယာယီပိတ်သိမ်းကြကြောင်း၊ ထို့ကြောင့်  ချောင်းသာမြို့ရှိ ဟိုတယ်၊ တည်းခိုခန်းနှင့် ဆိုင်ခန်းများ ပြန်လည် ဖွင့်လှစ်ရန်  အကြမ်းဖက် စစ်တပ်နှင့် ချောင်းသာမြို့ ရပ်ကွက်အုပ်မှူး တင်ငြိမ်း၊ မြင့်ကြိုင်နှင့် ကိုကိုဦး (ခ) အာနိူး တို့က လိုက်လံ ပြောဆိုကြောင်း၊ ဟိုတယ်၊ တည်းခိုခန်းနှင့် ဆိုင်ခန်းများ မဖွင့်ပါက နိုင်ငံပိုင် သိမ်းဆည်းချိတ်ပိတ်မည်ဟု ဖိအားပေး ခြိမ်းခြောက်နေကြောင်း သိရှိရသည်။

အကြမ်းဖက် စစ်ကောင်စီ၏ အုပ်ချုပ်ရေးပိုင်းက ချောင်းသာ မြို့ကို ပုံမှန် ပြန်လည်ပတ်နိုင်ရန် အတင်းအဓမ္မ ဖိအားပေး လုပ်ဆောင်နေသော်လည်း လက်ရှိချိန်တွင် ချောင်းသာမြို့၌ ဒေသပြည်သူ အနည်းစုသာ ကျန်ရှိတော့ကြောင်း၊ ထို့ပြင် ခရီးသွား ဧည့်သည်များလည်း လျော့နည်းသွားပြီး ကမ်းခြေတွင် ဒေသ ဈေးသည်များ ဈေးရောင်းချခြင်းမရှိဘဲ ခြောက်ကပ်နေကြောင်း သိရှိရသည်။

ဇန်နဝါရီလပိုင်းမှ စ၍ ပုသိမ်မြို့နယ်၊ ရွှေသောင်ယံမြို့အနီးရှိ ရက္ခိုင့်တပ်တော်နှင့် အကြမ်းဖက် စစ်တပ်တို့ တိုက်ပွဲများပြင်းထန်လာပြီး စစ်တပ်စခန်းများ တိုက်ခိုက်သိမ်းပိုက်ခံရပြီးနောက် ချောင်းသာမြို့ရှိ ဟိုတယ်လုပ်ငန်းရှင်များကလည်း စိုးရိမ်စိတ်ဖြစ်ကာ ဟိုတယ်များကို ပိတ်သိမ်းပြီး ရွှေ့ပြောင်းနေခြင်းဖြစ်ကြောင်း သိရသည်။

ထို့ပြင် ရွှေသောင်ယံမြို့အတွင်း တိုက်ပွဲများသည်လည်း ဆက်လက် ပြင်းထန်နေဆဲဖြစ်ကာ အကြမ်းဖက် စစ်တပ်က လက် နက်ကြီးများဖြင့် ရမ်းသမ်း ပစ်ခတ်ခြင်းများ ဆက်လက် ပြုလုပ်နေကြောင်း၊ အကြမ်းဖက် စစ်တပ်သည် မြေပြင်တွင်လည်း ချောင်းသာကမ်းခြေ အနီးအနားရှိ ကျေးရွာများထိ ခံစစ်ပြင်ဆင်မှုများ ပြုလုပ်နေပြီး ရွှေသောင်းယံ တိုက်ပွဲအတွင်း ထိခိုက်ဒဏ်ရာရရှိသော စစ်သား အများအပြားကို ချောင်းသာကမ်းခြေဘက်မှ သယ်ယူနေခြင်းဖြစ်ကြောင်း သိရှိရသည်။

ဓာတ်ပုံ - လူသူကင်းမဲ့ပြီး ဆိုင်ဖွင့်သူပါ မရှိတော့သည့် ချောင်းသာကမ်းခြေ၏ ယခု ဇန်နဝါရီလ မြင်ကွင်း။

မြန်မာနိုင်ငံ၏ လူဦးရေ ၅၂ သန်းဝန်းကျင်တွင် လူဦးရေ အနည်းငယ်သာ စစ်သားဖြစ်ခွင့်ရပြီး မွန်မြတ် မြင့်မြတ်၍ ဂုဏ်ယူတတ်ကြရန်  စစ်ခေါင်းဆောင် မင်းအောင်လှိုင် ပြော၊ လက်တွေ့တွင် စစ်သားမရှိ၍ တစ်နိုင်ငံလုံး လူငယ်များကို ပေါ်တာဆွဲ ဖမ်းနေ

ရန်ကုန်၊ ဇန်နဝါရီ ၂၃

မြန်မာနိုင်ငံ၏ လူဦးရေ ၅၂ သန်းဝန်းကျင်တွင် လူဦးရေ အနည်းငယ်သာ စစ်သားဖြစ်ခွင့်ရပြီး မွန်မြတ်၊ မြင့်မြတ်လှသည့်တာဝန်များကို ထမ်းဆောင်ရသဖြင့် ဂုဏ်ယူတတ်ကြရန်  စစ်ခေါင်းဆောင် မင်းအောင်လှိုင်က ပြောဆိုလိုက်သည်။

အကြမ်းဖက်စစ်ခေါင်းဆောင် မင်းအောင်လှိုင်က ယမန်နေ့ နေပြည်တော်၊တောင်ညို တပ်နယ်သို့ သွားရောက်ပြီး ထိုသို့ ပြော ဆို လိုက်ခြင်းဖြစ်သည်။

လက်ရှိ မြန်မာနိုင်ငံတွင် လူဦးရေ ၅၂ သန်းခန့်ရှိပြီး အမျိုးသား ၄၇ ရာခိုင်နှုန်းနှင့် အမျိုးသမီး ၅၃ ရာခိုင်နှုန်းခန့်ရှိကြောင်း၊ `၎င်းအနက်မှ လူဦးရေ အနည်းယ်သာ တပ်မတော်သားဘ၀ကို ခံယူ၍ မွန်မြတ်လှသည့် ၊ မြင့်မြတ်လှသည့် တာဝန်များကို ထမ်းဆောင်ရကြောင်း၊ တပ်မတော်သားများ၏ဘ၀ကို ဂုဏ်ယူတတ်ရန်နှင့် ပေးအပ်လာသည့်တာဝန်များကို ကျေပွန်စွာ ထမ်းဆောင်ကြရန် မင်းအောင်လှိုင်က အမိန့်ပေး ညွှန်ကြားသည်။

အကြမ်းဖက်စစ်ခေါင်းဆောင်က ထိုသို့ ပြောဆိုသော်လည်း လက်တွေ့တွင် စစ်တပ်တွင် သေဆုံးမှုများပြားပြီး တိုက်ခိုက်သူ မရှိ၍ စစ်မှုထမ်း ဥပဒေကို ၂၀၂၄ ခုနှစ် ဖေဖော်ဝါရီလ ၁၀ ရက်နေ့ အသက်သွင်းခဲ့ကြောင်း၊ ယမန်နှစ် မေလမှစတင်၍ စစ် မှုထမ်း သင်တန်းများဖွင့်လှစ်ခဲ့ကာ ယခုအခါ တပ်သားသစ် အရေအတွက် လုံလောက်စွာမရ၍ နိုင်ငံတစ်ဝန်းတွင် စစ်တပ်က လူငယ်များကို ပေါ်တာဆွဲ ဖမ်းဆီးမှုများ လုပ်ဆောင်လျက်ရှိကြောင်း သိရှိရသည်။

ယနေ့ ဇန်နဝါရီလ ၂၃ ရက်နေ့ မော်လမြိုင်မြို့နယ်တွင် စစ်တပ်က ပေါ်တာဆွဲ ဖမ်းဆီးမှုများ လုပ်ဆောင်ခဲ့ပြီး လူငယ်တချို့ ဖမ်းဆီးခံရကြောင်း ဒေသပြည်သူများက ရန်ကုန်ခေတ်သစ်သတင်းဌာနထံသို့ ပြောဆိုသည်။

"​မော်လမြိုင်မြို့စွန်ဘက်မှာ ဒီမနက်အ​စောပိုင်းက အိမ်ထဲထိဝင်ပြီး လူငယ်တွေကို ဖမ်းဆီးပါတယ်။ အဲဒီမှာ အသက် ၂၀ ဝန်း ကျင်ရှိတဲ့ လူငယ် ၂ ဦးကို ဖမ်းဆီးသွားပါတယ်။ မိသားစုကို တစ်ဦးကို ၁၀ သိန်းနှုန်းနဲ့ သိန်း ၂၀ ပေးသွားပါတယ်။ စစ် မှုထမ်းဖို့အတွက် လျှော်ကြေးပေးတာလို့ပြောပါတယ်။  အသာတကြည်လိုက်ရင် မိသားစုအတွက် ​ငွေချန်ခဲ့မယ်။ မလိုက် ရင်​ငွေ​တောင်ရမှာမဟုတ်ဘူးဆိုပြီး​ ဆွဲခေါ်သွားကြပါတယ်" ဟု မော်လမြိုင်မြို့မှ ဒေသသတင်းရင်းမြစ်က ဆိုသည်။

အလားတူ ပဲခူးတိုင်း၊ မိုးညိုမြို့နယ်၊ လက်ပံခုံကျေးရွာတွင် အုပ်ချုပ်ရေးမှူး နှင့်စစ်တပ်က လူယ်များကို ပေါ်တာဆွဲ ဖမ်းဆီးမှုများ လုပ်ဆောင်ခဲ့ပြီး ပြည်သူများထံမှလည်း စစ်မှုထမ်းငွေကြေးများ ကောက်ခံလျက်ရှိကြောင်း သိရှိရသည်။

ထို့အတူ ဇန်နဝါရီလ ၁၅ ရက်နေ့မှစတင်၍ မကွေးတိုင်း၊ မင်းဘူးမြို့နယ်၊ စကုမြို့ပေါ်တွင် စစ်တပ်နှင့် မင်းဘူးမြို့နယ်စီမံအုပ်ချုပ်ရေးအဖွဲ့မှ  အုပ်ချုပ်ရေးမှူး အောင်မြင်တို့က အိမ်စီးကား ၂ စီးဖြင့် လူငယ်များကို လိုက်လံ ဖမ်းဆီးကြောင်း၊ အဓိက အားဖြင့် စစ်မှုထမ်းမည့် တပ်သားအရေအတွက် မပြည့်မီ၍ ပေါ်တာဆွဲ ဖမ်းဆီးမှုများ လုပ်ဆောင်ခြင်းဖြစ်ကြောင်း သိရှိရသည်။

"ဇန်နဝါရီလ ၁၅ ရက်နေ့ မနက်ပိုင်းကစပြီး စကုမြို့ပေါ်မှာ အိမ်စီးကား ၂ စီးနဲ့ လူငယ်တွေတွေ ပေါ်တာဆွဲ ဖမ်းဆီးနေတာ ဒီနေ့အထိပါပဲ။ မင်းဘူးမြို့နယ်အုပ်ချုပ်ရေးမှူး ဦးအောင်မြင် ကိုယ်တိုင်ဦးစီးပြီး တွေ့တဲ့လူငယ်တွေကို လမ်းပေါ်၊ အလုပ်ရုံတွေထဲအထိ လက်ထိပ်ခတ်ဖမ်းဆီး တပ်ထဲပို့ပါတယ်။ ဇန်နဝါရီလ ၁၄ ရက်နေ့  စကုနယ်မြေရဲစခန်းရှေ့က ဆိုင်ကယ်ဝပ်ရှော့မှာ အလုပ် လုပ်နေတဲ့  လူငယ် ၁ ဦးကို စစ်မှုထမ်းဖို့ ဖမ်းဆီးသွားပါတယ်။ ဆိုင်ရှေ့ကို ကားမောင်းသူ  ၁ ဦးတည်းပါတဲ့ အနေ အထားနဲ့ မောင်းလာပြီး ဆိုင်ရှေ့ရောက်မှ ဟွန်းတီးပါတယ်။ နောက်ခန်းနဲ့ ထိုင်ခုံတွေမှာ စစ်သားတွေကို လူမမြင်အောင် လုပ်ပြီး ဟွန်းသံကြားလို့ ထွက်လာမှ ဆင်းဖမ်းတာပါ" ဟု ဒေသပြည်သူတစ်ဦးက ရှင်းလင်းပြောဆိုသည်။

အကြမ်းဖက်စစ်ကောင်စီက အသက် ၁၈ နှစ်မှ အသက် ၃၅ နှစ်အတွင်း လူငယ်များကို လစဉ် စစ်မှုထမ်း တပ်သားသစ်များအဖြစ်  လူဦးရေ ၅၀၀၀ ခေါ်ယူမည်ဖြစ်​ကြောင်း ထုတ်ပြန်ပြောဆိုထားသည်။

ဒေါ်နယ်ထရမ့် ဦးဆောင် အနိုင်ရခြင်းဟာ သမိုင်းဝင်ဖြစ်ရပ်ဖြစ်သလို အင်အားကောင်းတဲ့ အစ္စရေးအမေရိက မဟာမိတ်ကို ပြန်လည် ကတိကဝတ်ပေးစွမ်းတဲ့ ကြီးမားသည့်အောင်မြင်မှုဟု အစ္စရေးဝန်ကြီးချူပ် နေတန်ညာဟု က နှုတ်ခွန်းဆက် စကား ဖော်ပြထားသည်

ကျွန်တော်နိုင်စေချင်သူက ရှုံးဖို့ သေချာသွားပြီ?

ခွေးမြီးတို၏ တရုတ်ခရီးစဉ်သည် တရုတ်-မြန်မာဆက်ဆံရေးကြားကို အဖုအထစ် ပိုဖြစ်လာ မည်ကို စိုးရိမ်ရကြောင်း အမျိုးသားညီညွတ်ရေးအစိုးရ(NUG)၊ နိုင်ငံခြားရေးဝန်ကြီး ဒေါ်ဇင်မာအောင်က ပြောသည်။

" ဒီလိုမျိုးဖိတ်ကြားမှု၊ ဒီခရီးစဉ်ဟာ တရုတ်နဲ့ မြန်မာပြည်သူလူထုကြား၊ တရုတ်-မြန်မာဆက်ဆံရေးကို အထောက်အကူ ဖြစ်ဖို့ထက် အဖုအထစ်ဖြစ်သွားနိုင်တဲ့ စစ်ကောင်စီကိုပဲ မျက်နှာမူတဲ့ ဆက်ဆံရေးမျိုး ဖြစ်နေတာကို စိုးရိမ်မှုရှိတယ် " ဟု  ဆိုသည်။

ယမန်နေ့ကပြုလုပ်သော NUG နှင့် မိတ်ဖက် လက်နက်ကိုင် ၃ ဖွဲ့၏ ပူးတွဲသတင်းစာရှင်းလင်းပွဲတွင် ထိုကဲ့သို့ ပြောခဲ့ခြင်းဖြစ်သည်။

တရုတ်နိုင်ငံ၏ ပိုးလမ်းမစီမံကိန်း (BRI) ၏ အစိတ်အပိုင်းတစ်ခုဖြစ်သော တရုတ်-မြန်မာစီးပွားရေး စင်္ကြံ (CMEC)စီမံကိန်းများသည် စစ်အာဏာသိမ်းမှုနောက်ပိုင်း နှောင့်နှေးသွားခဲ့သည်၊ ရှမ်းပြည်နယ် မြောက်ပိုင်း နှင့် ရခိုင်ပြည်နယ်အတွင်းတိုက်ပွဲများပြင်းထန်ခဲ့သော ၁၀၂၇ စစ်ဆင်ရေးတွင်မူ ထိုစီမံကိန်းများ အကောင်အထည်ဖော်ရန် ခက်ခဲသွားသည်။ 

CMEC စီမံကိန်းများသည် တရုတ်၏ ကုန်းတွင်းပိတ် ယူနန်ပြည်နယ်အတွက် နိုင်ငံတကာ ကုန်သွယ်မှု ပင်လယ်ထွက်ပေါက် ရရှိစေမည်ဖြစ်ပြီး ထိုစီမံကိန်းများထဲတွင် ရခိုင်ပြည်နယ် ကျောက်ဖြူ အထူးစီးပွားရေးဇုန် ၊ ရေနက်ဆိပ်ကမ်းတို့နှင့် ချိတ်ဆက်မည့် ယူနန်-မြန်မာ နယ်စပ်ရှိ မူဆယ်မြို့မှ ရခိုင်ပြည်နယ် ကျောက်ဖြူ မီးရထားလမ်းစီမံကိန်း နှင့် နယ်စပ်စီးပွားရေးဇုန်းစီမံကိန်းများ ပါဝင်နေ သည်။ 

ထိုစီမံကိန်းများ အကောင်အထည်ဖော်ရမည့် လမ်းပိုင်းတစ်လျှောက်နယ်မြေများ နှင့်  တရုတ်-မြန်မာ နယ်စပ်ကုန်သွယ်ရေးစခန်းအများစုကို စစ်ကောင်စီက ၁၀၂၇ စစ်ဆင်ရေးတွင် လက်လွှတ်ထားရပြီး တိုင်းရင်းသားလက်နက်ကိုင်တပ်ဖွဲ့များက ထိန်းချုပ်ထားလျက်ရှိသည်။ 

အမျိုးသားညီညွတ်ရေးအစိုးရ (NUG) ၏ ပြည်သူ့ကာကွယ်ရေးတပ်မတော်-မန္တလေး (MDY-PDF) သည် မန္တလေးတိုင်း၊ ပုသိမ်ကြီးမြို့နယ်အတွင်းရှိ တရုတ်ရင်းနှီးမြှုပ်နှံမှုဖြစ်သော အယ်လ်ဖာဘိလပ်မြေ စက်ရုံရှိ စစ်ကောင်စီတပ်စခန်းကို တိုက်ခိုက်သိမ်းပိုက်ပြီး စက်ရုံတွင် တပ်စွဲထားသည်။

ထို့ပြင် မန္တလေးတိုင်း သပိတ်ကျင်းနှင့် စစ်ကိုင်းတိုင်း ထီးချိုင့်တွင် အမေရိကန်ဒေါ်လာ သန်း ၈၅၀ ကျော် ရင်းနှီးမြှုပ်နှံထားသည့် တရုတ်စီမံကိန်းတစ်ခုဖြစ်သည့် တကောင်းနီကယ်စက်ရုံကိုလည်း NUG လက်အောက်ခံ ပြည်သူကာကွယ်ရေးတပ်များက ဇူလိုင်လကုန်တွင် တိုက်ခိုက်သိမ်းပိုက်ထားသည်။

နပခ