**لسان حال السيدة رقية تخاطب السيد زينب عليهم السلام

ما مغمضه من نَهَد حرگ الخيام
عمة تعبانة و اريــــــد شوية انام
هيمة و الحر قاسي
و لا كو فيي عباسي
وين انـــــــام
ـــــــــــــــــــــــــــــــــــــــــ ـــــــ
عمه زينب/ هذا مــن يا دين حادينه الحدانه 
ما أضِّنه/ مُسـلم او لا عنـده ذرة امن الديانة
گلبه قاسي /و الكلام العيـــب ما فارگ لسانه 
ما رحمنه /و ماي مــن أول امـس مـا شَرِّبانه

فاطمة و حيدر شِتَم وگت الاذان
و من نصـلي يوگعلنه ابخيـــزران 
يعز عليَّ ســـب ناسي 
و لا كو فيي عبـاسـي
وين انـــــــام
ـــــــــــــــــــــــــــــــــــــــــ
موت اشوفه/ يحدي بينه و يحدي ويانه عذابه
گبل ساعة /طگني چفه و طيحـاني اعله الترابة
صلفة عينه /ذاگه شـــوفي الله لا يحفـظ شبابه
چفه يوجع /من ضربني خدي من الضربة عآبه

يباوع إلنه عمه لا عيــــــنچ تدير
لا يجينه و هم يطگ خدي الزغير
خايفة ياحســـاسي
و لا كو فيي عباسي
انام
ـــــــــــــــــــــــــــــــــــــــــ
مـــا درينه /ويـن ماشي و لا عـرفنه شضام لينه
مـو دربنه./ هــــذا ما يشبه درب ارض المدينة
رت اسأله /و عاينت سوط و بعد فد شي بادينه
خفت ازعجه /عمه و يگّطِع شكو بيـده علينه 

عمه زينب انتي اسألي من بعيد
و شوفي بله اشّــايلنه ابثاني ايد
شبعد راح انقـاسي
و لا كو فيي عباسي
وين انام
ـــــــــــــــــــــــــــــــــــــــ
بهالظهاري/ نِزِّلانة ابگـــاع خَــــضَّر شــوك بيها
و انه رجلي /حافيــة و اتـون عليَّه أمجــــرحيها
فكرة جتني /گلـت امدها اعبايتي و اغفه عليها
بس شفتها /رايحة و امن السيــــاط امشگگيها

انه لــو مــــا چفي لاويته الحبال
جان سويت الوسادة امن الرمال
زغيرة و بگد راسي 
و لا كـو فيي عباسي
وين انـــــــام
ـــــــــــــــــــــــــــــــــــــــــ
بلگت الله/ و انه مشدودة ابحبل فــوگ الهزيلة
بهــذا حالي/ ألتقي ابراس الكفــــلنه و اشتكيله
راح اطلبه/ يمدلي رمحه و اصعد لنحره دِخِيلة
و عمة اگله /يابو فاضل إلحـگ امتـون العقــيلة

عمتي خيمة و السبي يمطر شرار
يابو جــربة الذبحت احلام الزغار
ضعنه يـــا نوماسي
و لا كو فيي عباسي
وين انـــــــام
ـــــــــــــــــــــــــــــــــــــــ
الليل اجانه /و روحي تشبه ليلهم يا عمة ظلمة
و هسه گلبي/ حـن عليَّه و رايـــــد الوالد يشمه
فرصه جتني/ أعتنيله و للصُبــــح راح ابقه يَمَّه
أروي شوگي /و ما انام النـوم يـم الغالي زحمة

نحره دافي و انـه بس يَمَّه استراح
و ارد اگله بويـــــة خنگتني الرماح
بايگــــــات أنفاسي
و لا كو فيي عباسي
وين انــــــام
ـــــــــــــــــــــــــــــــــــــــ
الحمدلله#علي_حسين_الكناني كل ما يحتاجه خادم #الحسين ع في القناة
┏━ .♡. ━═══━┓ @almnshid313 ┗━═══━ .♡. ━┛**

**السيده زينب تخاطب اخاها محمد ابن الحنفيه

……………………………………………………………

يطارش و اگصد الساده  .  لخوي امحمد اتگله
اثلاثه اعل اختك امخيمات . سوط وحبل والهزله

……………………………………………………………

يطارش گل لبو جاسم . اخوك اعل الرمح راسه
ظل يلهج يريد الماي . حد ماگطعو انفاسه
اخوك اتساوه وي الكاع . حافر وبركض داسه
وليه وانت عنه ابعيد  . واعله النهر عباسه

عالتل وشفت منظر
ببن امي الشمر ينحر

يمحمد ومامش روح . ظلت روحي عل التله

……………………………………………………………

يمحمد مضيف حسين . سده وهم تسد داره
گله امعزبك ابلا راس . لو نشداك خطاره
گله الينگل الكم زاد .  الاكبر غابت انواره
والصب كهوه بالديوان . جاسم غمضت انظاره

واليستقبل ضيوفه
فوگ المشرعه اجفوفه

خلصو بس بقه السجاد . مريض وبي الف عله

…………………………………………………………… 

ما تعرفني يمحمد  . هسه ولو تصد ليّه
تغيّر اسمي عگب حسين . سبيه وموش علويه
طلعت وعمري بالخمسين . وهسه انه ابعمر ميه
عبايه ومثل جدمي ابلون .حمره ابشمس مچويه

اختك يا ابو الغيره
من ديره ولعد ديره

طولي الماتشوفه عيون . هسه آلاف تنظرله

……………………………………………………………

يمحمد هزيله النوگ . تحني الظهر مشيتها
جنت اصعد ابجف عباس .هسه ابسوط رچبتها
يمحمد وخشنه احبال . شدة موت شدتها
شبه سيل ونزل برمال . اديّه وحيل حفرتها

نفس الحبل بي كلنه
سويه اتصير طيحتنه

سوط وبي حقد سفيان . يهد المتن ويشله

……………………………………………………………

محمد طب سلف هاشم . كلمن سيد اتخبره
گلهم بتكم ابنص سوگ . فرّوها اثنعش فره
ناس اعليه ترمي احجار . وناس اتشتّم الزهره
يساده واصعب الديوان . زينب بتكم اطره

يزيد وهل شمت بيها
غريبه وماكو اهاليها

ثار ابدر من حسين . ذبحناه و سبينه اهله

……………………………………………………………

يتامه اخوانك ابلا لون . يمحمد حرت بيهم
صفره وجوهم من جوع . مثل العود واحدهم
يكعدوهم ابضربة سوط . و بصياح و يگوّموهم
شسكّت طفل لو طفلين . لو ذكروا اهاليهم

حميدها تريد مسلمها
ورقيه تريد ابو يمها

صاحوا عمنه يا عباس . حبل اجفوفنه اتحله

……………………………………………………………

يمحمد گبل هاليوم . ما ناديتك ابنخوه
لان جنت بحمه العباس . شمس منها الكمر يضوه
چلمه ايعيدها ابكل يوم . زينب انا الج فدوه
اثنين ابرمح مرفوعات . راس الخدر والخوه

يمحمد وحگ جدك
ظلت بس عظم اختك

روحي ابعين اخوي هناك . هم انطفت بالنبله

……………………………………………………………
✍️ ( سيد خضر الزاملي )**

كل ما يحتاجه خادم الحسين ع في القناة
┏━ .♡. ━═══━┓
@almnshid313
┗━═══━ .♡. ━┛

الامام زين العابدين السجاد (ع)
___
انه ابن ذاك الغريب المنذبح
بس سبي عماتي چان اكبر جرح
احنه اهل بيت النبي
وينه اوين السبي
اكبر جرح
____
انه ابن الذبيح الما تروه بماي
ابوي الضل ثلث اتيام دون افياي
الخيل ابصدر ابونه انشوف رايح جاي
كلها شواي بس سبي العقيله اهواي

حيف وي بيت النبي اندار الزمن
مو سهل نسوانه من ينسبن
ويحدي بيهن اجنبي
وينه اوين السبي
اكبر جرح
___
احنه اطهر نسب واشرف نبي عدنه
ليش الناس كلها اتحشدت ضدنه
بشنو يطلبون شمسوين وشعدنه
ابيش اتجازي هاي الناس واحدنه

ليش اليجازينه يضربنه بحجر
وليش يم اطفالنه انسد النهر
ها يشام اتادبي
وينه اوين السبي
اكبر جرح
___
ياناس الجره اعليه فلا صاير
لاخر لحضه بالي ابكربله امسافر
لساعة موتي واسمع صوت للحافر
واتذكر ابوي اشلون ضل حاير

والله ماناسي مصايب كربله
لهسه احس بگلبي نبلة حرمله
استمع ياناصبي
وينه اوين السبي
اكبر جرح
___
مطبوعه ابخيالي الصوره ليله
وعاشت كربله اكبر جرح بيه
مجلس للحسين نسوي يوميه
وتجي امنه الزچيه وهيه محنيه

اتموت من تسمع الناعي فاطمه
من يسولف عالحسين وعالضمه
وطاري تل الزينبي
وينه اوين السبي
اكبر جرح
___
انه اتمنيت ابوي بدفنتي الليله
يم راسي يجي وعن فرگته احچيله
يضل يبچي عليه واني ابچيله
واحضنه ومن جروحي اگعد اشكيله

حتى وبموتي تصب عيني دمع
سالمه اضلوعي وابوي ابلا ضلع
وخيم محترگه وعبي
وينه اوين السبي
اكبر جرح
___
✍️احمد علي البغدادي
محرم الحرام

كل ما يحتاجه خادم #الحسين ع في القناة
┏━  .♡.  ━═══━┓ @almnshid313 ┗━═══━  .♡.  ━┛**

(ليلة الوحشه)
يالفواطم .. هذا اجه وكت الظلام
يالفواطم .. وراح ادور عــالأمــام
اتــــأخــــرت لازم اروح
بلكي بحسين الگه روح
ويرجع اوياي
____
اللــيل ماعــولته يـنــزل لحـظه لحـظه انتــظره
رايــده للـحــومـــه امـشــي عــالأخــو مـتأخــره
ارد احط راسي اعله صدره وخاف الچم صدره
داســـته اخـيول ال امـيه وحاسبــتنهن عــشره

ابصدر الحسين .. كــون اني اســمع نفس
ابصدر الحسين .. وما كو أثــر حافر فرس
ارد اضــمد لـه الجروح
بلكي بحسين الگه روح
ويرجع اوياي
____
هــا يعــلويات ياهـي العدهــا ظــل بــوشــيه
ارد اضــمد بيــهـــا جثــتـه العـــثره مــرمـــيه
اجروحه الف وتسع ميه وعاد اشـد بس ميه
جـرح صـدره مـن اضمـده بلـكت ايحس بيه

خاف أذيه .. مـن اجـر سـهم الصدر
خاف آذيه .. ابصدره بـس لايـنكسر
والدمــه بــس لايفــوح
بلكي بحسين الگه روح
ويرجع اوياي
____
لاتطلــعن يالفــواطم يـمــه خـاف اتــأخر
رايده اويه حسين احچي وكون مـا يتأثر
والله لامـاراح اگــلـه امســــلبـات الـخــدر
راح اگله حسين خـويه منهـو حـز المـنحر

گلبه مجروح .. وخاف الچمه ابها الحچي
گلبه مجروح .. راح اخـلـصـهـــا بـــچـــي
يمــه راح اگظــيها نوح
بلكي بحسين الگه روح
ويرجع اوياي
____
رايحه يـم جسمه ابچـي بلـكي دمعي ايفيده
بلكـي يمـسح بـيده خـدي واكـو خـنصر بيده
ساعه اگول انه يردلي وساعه اگول ابعيده
والشـمر بعـيوني شــفـته لـَمن حــز اوريــده

شفته بالعين .. علـى صـــدره مــن گــعد
شفته بالعين .. وفصل راسه امن الجسد
اي نعـم شفته بوضوح
بلكي بحسين الگه روح
ويرجع اوياي
____
رايـحــه وارجـع تـــراني ان شـالله گــبل الـصبح
ارد اگــَظي الليــل يمه حسين اخـويـه المــنذبح
اشيـوجعك ارد انـه اسـئله گـلي بــالله يـاجـــرح
شلون يحچي اوياي اخويه وهوه راسه عـالرمح

انتظر صوت .. يـمــه اظـل امـحيره
انتظر صوت .. وكون يحچي منحره
وبالحچي لخـته يـبوح
بلكي بحسين الگه روح
ويرجع اوياي
____
تمت والحمد لله
حيدر تركي الكربلائي**
كل ما يحتاجه خادم الحسين ع في القناة

**كأني بمولاتي زينب وفي مثلَ هذا اليوم 

والله يـالـــــيل اهدعش
جرحك بگلــبي انفرش
وروحي لو ترهــم نعش
بيها الــم جسم حسين

----------

جسم روح الله وحبيبه اعله الرمل والرمل حار
وانته ياليل الهظمي تگصر وطال النهار
حسين سومر دمة شفته وَعطّش بروحي الخظار
وانه متعوبة وغريبة ولا أمر عندي وقرار

هسه لـو تاخـــذنـــي يمه
حتى جسـمه بروحي ألمه
لئــن مخـــنوگه أرد اشمه

شيبت حـتى الرمش
والله ياليل اهدعش

--------

من وصلت انه الجثثهم لنهه جثه  تگول هاي
زينب الكسرتلي گلبي شطلعج خويه تعاي
وانته ياليل ووحشتك جن رمح صوب گفاي
من سمعت كلمة أجرحتني خويه زينب بلكي ماي

وگلبــي ياليل أنكسر
مـن سمـع كلمة أنقهر
من حجه وياي النحر

حيل كاتلني العطش

والله ياليـل اهدعش

-------

نفسي يعثر گبل جدمي لئن ماضلالي حيل
وانتجي اعله الهوى ووگع موقفك أذه الدليل
ماشلت حسرات مني اشلون أعذرنك يليل
ماخذتهه انفاسي غفله الجثته المتروسه ويل

والله ياليـل الرزية
بـيك مانامت رقية
ردنه موتتنه سوية

أنخه من سوه العرش
والله يالـــيل اهدعش

--------

ألكتل بيك انته نايم والمفارگ يبقى گاعد
وانته لو تصبح مكاني لحظه ماتبقى انته صامد
لئن بل شايفته عيني يجوي بركان ومواگد
من بعد موتت اخوتي ليش صار الماي بارد

وانته ياليل أشدهتني
تـــعــبتــني وعــذبتني
والـمـصـــايب لو عتني

وحـيلي ياليل أنهش

والله ياليل اهدعش

-------

نعش كون اصير كلك تنحني الجسم الحسين
الرمل حار ويأذي شفته بجروح الحنين
وانه ياليل الهظمني بيك ممنوع الونين
طولل وراح انه اشوفك بل بجي ماخلي عين

شگد عتب عندي وحجي
وعالـجـفــن ضـل انتجي
والله مــامــــل الــــبجي

بيك يلل گلبي انخمش
والله يالــــيل أهدعش

------

خادم عزيز الله محمد البنداوي**كل ما يحتاجه خادم الحسين ع في القناة
┏━ .♡. ━═══━┓
@almnshid313
┗━═══━ .♡. ━┛

**حال السان السيده زينب ع
قصيده على الهلال

وخوي حسين نايم هل الهلال

:::::(1)

اليوم يمر سنه يبن الهواشم
وكله بصفي وتون الفواطم
صدك يا خوي بعدك هسه نايم
عمت عين لوكت ويانه ضالم

عليك تهل دمع وتون الدلال
وخوي حسين نايم هل الهلال

:::::(2)

حا يا كربله شسويتي بيه
اخذتي حسين وانه اصفج بديه
يخوي اشتاكلك وكت المسيه
لو بس بل حلم مرو عليه

اشوفنك يخويه ويهده هل بال
وخوي حسين نايم هل الهلال

:::::(3)

مشتاكه الحجيكم من تكعدون
هسه لوحدي وتهل العيون
يل عفتو اختكم وين تردون
بعد عباس اخيي لوني يا لون

بعده الهسه اثر كصات الحبال
وخوي حسين نايم هل الهلال

::::::(4)

لو بيدي اجيكم يمكم نوح
ونسولف سوالف تهدء الجروح
مشتاكه وتريد حبابهأ الروح
ومن عيني الدمع بركان ويفوح

وضيم المر عليه يهد الجبال
وخوي حسين نايم هل الهلال

::::::(5)

راح اعتب عليكم من يرد عتبي
اجيتك بربعينك وبمشيتي احبي
اطفالك خويه كله تريد من عندي
وفوكاهأ الشمر طكني ويسب جدي

المثلي هل كلام اشلون ينكال
وخوي حسين نايم هل الهلال

:::::(6)

ما بيه انه اكومن خويه بل كوه
وجابتني عليكم ريحت لخوه
افزع كون حي وتسمع النخوه
يا خويه الشمر بخيامنه شسوه

ونطيتو درس ويضل الاجيال
وخوي حسين نايم هل الهلال

::::::

الشاعر سعيد العكيلي

2022\7\17\
يوم الاحد**