Ҳарбий шаҳарчада учрашув

Куни кеча, 24 сентябрь куни Поп туманида жойлашган ҳарбий шаҳарчада Наманган ҳарбий прокуратураси, Фавқулодда вазиятлар бошқармаси ҳамда дахлдор ташкилотлар ходимлари томонидан шаҳарчада яшаш келаётган ҳарбийлар оиласи ва муддатли ҳарбий хизматдаги аскарлар билан куз-қиш мавсумида содир бўлиши мумкин бўлган ёнғин, чақнаш, ис газидан заҳарланиш ва бошқа фавқулодда вазиятларни олдини олиш юзасидан профилактик тадбир ўтказилди.

Дастлаб, тадбирда куз-қиш мавсумида хонадонларда газ-электр ускуналаридан фойдаланишда қоида талабларга риоя қилиниши, ёш болаларни назоратсиз қолдирмаслик ва бошқа фавқулодда вазиятларни олдини олиш юзасидан тушунтирилди ҳамда аскарларга ёнғин ўчириш автомашинаси, ундаги ёнғин қутқарув асбоб-анжомлари яқиндан таништирилди.

Шунингдек, яшаш хонадонларни ёнғинга қарши ҳолати ва марказий иситиш қозонхоналари ҳам кўздан кечирилиб амалга оширилиши лозим бўлган керакли тавсиялар берилди ва ёнғин хавфсизлиги қоидаларига риоя қилиш мазмундаги эслатмалар кўп қаватли уйларни кириш йўлагининг кўринарли жойларига ўрнатилди.

Куннинг иккинчи ярмида Қўшминор махалла ҳудудида жойлашган Ҳарбий шаҳарчада юқоридаги каби тадбирлар ўтказилиб, шу ҳудудга ўрнатилган қуёш панеллари ўрганилиб, электр тежамкорлиги бўйича амалга оширилган ишлар юзасидан суҳбат ўтказилди.

Наманган ФВБ Ахборот хизмати.

t.me/@fvbnamangan

Наманган вилояти Поп туманидаги ёшлар “Фавқулодда вазиятлар волонтёри” сайтига аъзо бўлди.

Бугун, 18-сентябрь куни Поп туманида “Бино ва иншоотларининг зилзила бардошлигини ошириш ҳамда сейсмик хавфни мониторинг қилиш фаолиятини такомиллаштириш чора-тадбирлари тўғрисидаги 2024 йил 17-апрель кунидаги ПҚ-161-сонли Ўзбекистон Республикаси Президент қарорининг 14-банди талабларига асосан 2024 йил 12-август кунидаги Ўз.Р.ФВВ, Ёшлар ишлари агентлиги ва Ўзбекистон волонтёрлари ассоциацияси билан қўшма қарор ижросини таъминлаш мақсадида семинар ташкил этилди.

Дастлаб семинарда Наманган вилоят Фавқулодда вазиятлар бошқармаси бошлиғи полковник Бунёд Эгамназаров томонидан ушбу қарор талабларига асосан республика, вилоятлар, шаҳар ва туманлар ҳудудида йирик кўламли табиий ва техноген хусусиятли фавқулодда вазиятларда аҳолини қутқариш ишларига жалб этиш учун волонтёрлик гуруҳлари шакллантирилиши ҳамда волонтёр қутқарувчиларни зилзила билан боғлиқ фавқулодда вазиятлар содир бўлганда фуқароларга ёрдам кўрсатиш ишларига кенг жалб этиш мақсадида волонтёр қутқарувчиларни қўллаб қувватлашни мумкин бўлган шакллари ва волонтёр дастурига қуйидаги тартибда таълим муассасалари, олий ўқув муассасалари талабалари, маҳалла ёшлари, иш билан банд бўлмаган аҳолини ҳамда 18-50 ёшгача бўлган фуқаролар аъзо бўлиши ва www.volontyor.uz сайтида “Фавқулодда вазиятлар волонтёри” лойиҳасида рўйхатдан ўтилиши ва бунда аъзо бўлган волонтёр қўл телефони орқали уланганда, СМС хабар келади, хабарда “Сиз волонтёрлик гуруҳига аъзо бўлдингиз” деган хабар келишини ҳамда фаол иштирок этган волонтёр рағбатлантирилишини таъкидлаб ўтди.

Шунингдек, тадбирда фавқулодда вазиятлар қутқарувчилари томонидан волонтёрларга қутқарув асбоб-анжомларини амалда фойдаланиш, жабрланганларни қутқариш, биринчи ёрдам кўрсатиш, дала шароитида тикилган чодирларда тез тиббий ёрдам ходимларига билан биргаликда жабрланганларга тиббий ёрдамлар беришни амалда кўрдилар.

Наманган ФВБ Ахборот хизмати.

t.me/@fvbnamangan