على وضح النقا عشنا ولانحسب وش المردود
وعلى كف القدر نمشي ولا ندري عن الـعـوده

عطينـا من سنيــن اعمـارنا نتبع طريق العود
وصرفنا من حزام الظهر في وقفات مشهوده

طوينا العمر لاح الشيب والاعمال نقص وفود
عسـى الاعمـال عنــد الله مقبـوله ومحموده

#ك/ الشيخ علوي الباشاء بن زبع

ما نفرط في الواجب ولا في الخوي
يشهـد الله عليـنا مانقضـنا العهود

كـم صبـرنا واتحّـدنا وكم توطتنا السنين
مااضـنـك يارفيـقي اليـوم صـايـبك العما

حنا ندّور في بعض الاحيان للعذر السمين
لكـن لازاد الـتـعـذر مايـعـديـك الـضـمـا

الشاص نرغبه والمـقـلـم نذخره
لانوينا ديرهةً دونها الذيب يعوي

احـب الرفيق اللي وقـت الشدايد يبان
رفيق الرفـيـق ورفـقـتـه ما يـخـلـيـهـاء

يبقى الـرفـيـق الكفو شيك مجير
سواء من الاصحاب والا الاجانيب

راكب اللي ما بعد دوجوبه في الحراج
غلوي فـي مقامه وفـي السعر اغلوي

مايحبونه اهل التمشيه واهل المداج
اكثـر اللـي يرغـبـونـه مهرب وبـدوي

#ك/سعود عقاب ال سويدان

للقـوم شيـخ ولـصـعـاب حلاحيـل
والحمول الكايده لها من يرتكي لها.