2025 жылы 41 706 қазақстандық әскери қызметке шақырылады.

Науқан екі кезеңде - наурыз-маусым және қыркүйек-желтоқсан айлары аралығында жүзеге асырылады:

Қорғаныс министрлігінің қаулысы Ашық нормативтік құқықтық актілер порталында жарияланды. Жақында оған қол қойылады.

t.me/tengri_kz

Маңғыстау облысында магнитудасы 4,2 болатын жер сілкінісі тіркелді.

volcanodiscovery.com мәліметінше, жер сілкінісі сағат 14:48-де Ақтаудан 79 шақырым жерде 10 шақырым тереңдікте болған.

Жерасты дүмпулерін Түпқараған ауданы мен Шетпе ауылының тұрғындары сезді.

t.me/tengri_kz

Астанада 27-28 қараша күндері ҰҚШҰ Ұжымдық қауіпсіздік кеңесінің отырысы өтуіне байланысты кейбір студенттер онлайн оқу форматына көшеді.

🔘 4 жоғары оқу орны қашықтан оқу форматына көшеді;

🔘2 жоғары оқу орны сабақтардың бір бөлігін қашықтан өткізеді;

🔘2 жоғары оқу орны студенттерін демалысқа (1-триместр) жіберді;

🔘5 жоғары оқу орны дәстүрлі офлайн оқу форматын сақтап қалды.

Шешімдерді жоғары оқу орындары өздерінің академиялық саясатына сәйкес дербес қабылдайды.

t.me/tengri_kz

Алматыда автобус пен тепловоз соқтығысуы салдарынан зардап шеккендердің жағдайы айтылды.

Қоғамдық денсаулық сақтау басқармасының жауабына сүйенсек, жеті адам зардап шеккен.

Жапа шеккен 80 жастағы бір науқас оң жақ қабырғаларының сынығы, білек сүйегі сынығы диагнозымен қалалық жедел шұғыл көмек көрсету ауруханасына жатқызылды. Оның жағдайы ауыр, бірақ тұрақты деп бағаланады

t.me/tengri_kz

Мемлекет басшысы Құрлық әскерлерінің бас қолбасшысын ауыстырды.

Асан Жүсіпов Қазақстан Республикасының Қарулы Күштері Құрлық әскерлерінің бас қолбасшысы лауазымынан босатылды.

Оның орнына Мереке Көшекбаев тағайындалды.

t.me/tengri_kz

Семейде мектеп мұғалімі оқушыны зорлады деген күдікке ілінді.

Алғашқы әскери дайындық пәнінің ұстазы қамауға алынып, тергеу жүргізіліп жатыр. Оқиғаның мән-жайы әзірге белгісіз.

Білім бөлімінің мәліметінше, 32 жастағы педагог білім ошағында екі жылдан бері жұмыс істеген. Әріптестері мұғалімнің тек жақсы қырынан көрінгенін айтады. Тіпті, сабақтан тыс уақытта балалармен жиі түрлі шаралар өткізетін деп отыр. Оқушыларды қалалық жарыстарға қатыстырып, жүлделі орындарға ие болғанын да атап өтті.

Қазір мұғалім уақытша ұстау изоляторына орналастырылған.

Жәбірленуші қыз сегізінші сыныпта оқиды. Мамандардың айтуынша, ол қазір сабаққа келіп жүр.

t.me/tengri_kz

Павлодарда қылмыс әлемінің авторитеті ұсталды.

Павлодар облысы бойынша Экономикалық тергеп-тексеру департаменті ұсталғанның аты-жөнін атамады.

Ұсталған адам Павлодардың ірі өнеркәсіптік кәсіпорындарының бірін рейдерлік жолмен басып алды деген күдікке ілінді.

Келтірілген шығын көлемі бір миллиард теңгеден асады.

t.me/tengri_kz

Трамп жеңісінен кейін биткойн бағамы 40 миллион теңгеге шарықтады.

Тарихта алғаш рет биткойн құны 40 миллион теңгеден асты. Google компаниясына тиесілі қаржылық ақпарат провайдерінің графигіне сүйенсек, 11 қарашада биткойн бағамы 40 648 114 теңгені еңсерді. Бір күнде оның құны 1,99 пайызға, ал бір айда - 39,03 пайызға өскен.

t.me/tengri_kz