? "ڕوانگە" پێگەیەکی سەربەخۆیە بۆ بڵاوکردنەوەی ڕا و بۆچوونە کوردستانییەکان و تەنیا هێڵی سووری، بەرژەوەندییە نیشتمانی و کوردستانییەکانە.

? هەروەها "ڕوانگە" هەواڵە کوردستانییەکان، بەتایبەتی پێشێلکارییە مافی مرۆییەکانی ڕێژیمی ئێران لە کوردستان و خەباتە مەدەنییەکانی نێوخۆی ڕۆژهەڵاتی کوردستان ڕووماڵ دەکات.

? لەگەڵ "ڕوانگە" بن، پشتیوانی بن و بە هاوڕێیانتانی بناسێنن، تاکوو پەرە بە هزری کوردستانی بدەین:

? تێلێگرام:
? t.me/riwange_media

? ئینستاگرام:
? instagram.com/riwange_media

پیلانی نوێی ڕێژیمی ئێران و سپای تیرۆریستی پاسداران بۆ بەلاڕێدابردنی شۆڕشی ژینا

ڕەنگە هەندێک کەس پێی وابێت کە شۆڕشی ژینا کۆتایی پێ هاتووە، بەڵام نەتەنیا وا نییە، بەڵکوو ئەم دۆخەی ئێستاش قۆناغێکە لە شۆڕش. بۆ نموونە کوردستانییەکان هێڵی نێوان خۆیان و سەڵتەنەتچییەکانیان پڕڕەنگتر کردەوە، هەروەها ڕاپەڕینی بەلووچەکان لە هەینییەکان بەردەوامە و لەم چەند ڕۆژەدا شاهیدی ناڕەزایەتیی سێنفە جیاوازەکان بووین. ئەمڕۆش کە خانەنشینکراوان لە چەندین شاری ئێران و کوردستان ناڕەزایەتییان دەربڕی.

بۆیە ڕێژیمی ئێران هێشتا بە جیددییەتەوە هەست بە مەترسی دەکات و پیلانێکی نوێی دەست پێ کردووە تاکوو ئەم شۆڕشە بەلاڕێدا ببات و ڕای گشتی بۆ لای بابەتێکی تر ڕابکێشێت، ئەویش ژەهراویکردنی قوتابییانە لە شارە جیاجیاکانی ئێران و کوردستان.

بەدڵنیاییەوە ئەم کارە، یەکێکی تر لە کارە قێزەونەکانی ڕێژیمە و دەبێ خەڵکی کوردستان بەتایبەتی زۆر ئاگادار بن. وێڕای ئەوەی کە دەبێ ئاگایان لە منداڵەکانیان بێت، دەبێ ئاگایان لە شۆڕشەکەشیان بێت و ئەم پیلانەی ڕێژیمیش پووچەڵ بکەنەوە.

باشترین ڕێگاش بۆ پوچەڵکردنەوەی ئەم پیلانە، کۆبوونەوەی ناڕەزایەتیی بنەماڵەی قوتابییانە لە بەردەم ئیداراتی پەروەردە و بارهێنانی ڕێژیم لە شارە جیاجیاکانی کوردستان. بەدڵنیاییەوە شارەکانی دیکەی ئێرانیش وەک هەمیشە ئەم هەوڵەی خەڵکی کوردستان دەکەنە سەرباشقەی خۆیان.

✍ بێهزاد قادری

https://t.me/behzad_ghaderi95