**علي يبني خِذت روحي مصابك زوّد اجروحي
السامره اعتنيتك دامعه العين
جبتلك ماي واتراب امن الحسين
يا علي الهادي يا علي الهادي
ــــــــــــــــــــــــــــــــــــــــــــــــــــــــــــــــــــــــــ

آنه الخلّص دمعها احسين انا المحّد بچه ابگدّي
اتوچه على اجروحي اجيت او دمعتي ابخدي
اجيتك يا علي الهادي او بيه اچم حزن يحدي
چبدك يمه سموها او يوجعني صبح چبدي

لگيتك ماي متبدّي يضلع انكسر من عندي
سامره اشعندها اوياك . شتريد ؟
اشو كلها علينه صارت ايزيد
يا علي الهادي يا علي الهادي
ــــــــــــــــــــــــــــــــــــــ

السامره اعتنيت ابليل مثل ليل السِده ابزينب
وحيده او امشي واتعثر گلبي امن الهظم شيب
وصلتك بس وصلتك چيف لگيتك يا علي امصوب
چبدك منمرد واحشاك نار او بيها تتلهب

ذابل منخطف لونك ابنص وادم يكرهونك
ما رحمو غربتك بني العباس
خلوك اتعذب لآخر انفاس
يا علي الهادي يا علي الهادي
ــــــــــــــــــــــــــــــــــــــ

ييمه شوغت روحي او عليه جددت حزني
لگيتك بل چفن ملفوف شفتك وارتفع وني
ذكرت احسين عل تربان نحره ابدمه متحني
ثلث تيام ما مدفون او محد يمه متدني

ثلث تيام ضل عاري ابلحيته يلعب الذاري
بس اوحوش يمه اتحوم واسباع
يل هادي او ضلوعه تارسه الگاع
يا علي الهادي يا علي الهادي
ــــــــــــــــــــــــــــــــــــــ

اگعد يا علي الهادي اسولفلك على اللوعه
احسين امن المهر من طاح كل اعضاه موجوعه
ما جابوله طاسة ماي.. لا لا سحگو اضلوعه
فوگه اتدابچ الفرسان عشر اخيول مجموعه

لحد ما فرفحت روحه او بعد ما تتحصي اجروحه
تولوه من بعيد احجار واسهام
او حز نحره الشمر جدام الايتام
يا علي الهادي يا علي الهادي
ــــــــــــــــــــــــــــــــــــــ

يل هادي دليلي اعليك يايمه اشتعل نيران
خفت من عگب ما سموك ليهجمون عل نسوان
مثل ما مرمرو زينب يوم العاشر العدوان
او خذوها اميسره للشام او طبوها على الديوان

خفت لا عندك ارقيه زغيره اتروح مسبيه
او ينجرن تراچيها امن الآذان
واتموت ابخرابه ابين عدوان
يا علي الهادي يا علي الهادي
ــــــــــــــــــــــــــــــــــــــ

ابنص تابوته چنه ايگول من طف كربلا ويلي
ييمه ابهيده من تنعين تراني منهدم حيلي.
سم العدا فت احشاي او سهرني الالم ليلي
واليموتني فوگ الموت دمعچ وانتي تقريلي

انا اشموتني غير الطف ؟ حزن وادموع ما تنشف
يا صوت اليتامه الرايده الماي
ما بارحني لحظه او عايش اوياي
يا علي الهادي يا علي الهادي
ــــــــــــــــــــــــــــــــــــــ

ابو فاطمة الطائي

قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4

نعي

لأستشهاد مولاتي زينب عليها السلام

وين الشــــيلون الجــــنازه
هاليوم عــازه شلـــون عازه
گلبي انكسر كــسرة جـزازه
ونعشي على اخواني توازه

بتابوتي حگي وتهمل العين
دفان زينب موش الحسيـن
عشت بمناحه وحال موزين
لــفگد اخــــوتي يراد گلبين

عندي رسالـه لذيچ اخـــوتي
بيها اكتب اهمومي وشكوتي
من اللــطم وگـــفت چــلوتي
واتلاحگــوني حان مــــــوتي

غرّبت زينب زرگـــه الجفــون
اخوان گلــبي بــيه يـــــدرون ؟
من الحزن ما ضل عليّ لـــون
بالشام اضل والـشـام ملعــون ؟

ليالي اجفاكم البالــــگلب--ويرن ( اوجرن)
چادني . واعيوني اهملن -- ويرن ( جرن)
يجوني ريت اخوتي اليوم -- ويرون
حالي البچّه حته اعداي اليه

عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

**الهادي انمرد جبـده
وشلّ الدمع خــــده
اتذكر جبـــــد جده     الذبيح
ــــــــــــــــــــ ــــــــــــــــــــ
اه اعله سادات الخــــلك   المحد عرف قدرهم
شي بالسم وشي بالذبح    گاضي بغدر عمرهم
مسموم جدهم من گضه    وتبعتها عصرة امهم
ماوصل عتبتهم فــــــرح     هد بالحزن دهرهم

يوميـــــــــه منفجعه
الزهره اعله ابن تنعه
وفجعوني متلوعــــه        تصيح
ــــــــــــــــــــ ــــــــــــــــــــ
دار الخدم بيها الوحي     واتفرّح الگصــــــدها
تحتــرك ليش بياذنب       وتخلص ذبح ولدها
عاشت النار بكل گلب       وبينه تشـــب بعدها
امن الباب للخيمه سرت    حد ماهـــوه عمدها

جم بيت الِ اتهدم
جم طفل الِ اتيتم
ظل الدمع والـــدم          يسيـــح
ــــــــــــــــــــ ــــــــــــــــــــ
ابن الجواد المنفجـــع       حمره اعله ابوه جمرته
مارحمو بحـــاله العده       ليش وطفــــو شمعته
خلوها تجري بكل وكت     مانشـــــــفو دمعتـــــه
نص عمره گضاه بالسجن    وتالي بغرب دفنتـــه

شاب وهظـم شيّب
صبح ومسه ينحب
وگلبه اعله المسلّب        جريــــح
ــــــــــــــــــــ ــــــــــــــــــــ
منغصب شال امن الوطن    وظل بالمدينه گلبـــه
ماينســـــــــأل عن الفرح      التخلص حياته غربه
حل الصعاب بيمنتــــــــه      وساعاته كلها صعبه
بالسم تگطِّع جبدتــــــــه       بيش العـــده تطلبه

صاح انفطر جبدي
ودمعاتي من خدي
اخذيها الگبر جدي        يريـــــح
ــــــــــــــــــــ ــــــــــــــــــــ
مثل الگضو گبله بغــــدر     الهادي انغــدر يوسفه
ومثل اهله ماناسي الجره    بجده ودمعتـه نزفه
مايوم مر ابلا عـــــــــزه     ولاجرحه ساعه يشفه
سهم المثلث والصــــدر      خيــــل العده تخسفه

مافارگن عينـــــه
واعليهن اونينـــه
من يذكر حسينه      يطيــــح
ــــــــــــــــــــ ــــــــــــــــــــ

اللهم عجل لوليك الفرج
ونسألكم الدعاء
علي محسن الزيادي

قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4

**ابگد مسافات اليسر حنينه
أنزور مرقد زينب اشتاگينه
...
چان مفتوح الطريق إبلا جهد
كل سنه انروحلهه زوار أو نرد
هالسنه أنزور العقيله امن البُعد
الحادي هذا العام ما مر بينه
...
كل سنه ابذاك الصحن نرفع علم
وندخل أمن الباب الاخضر يالخدم
نلطم اعله الراس حفاي الجدم
ذكريات المرقد اتبچينه
...
أمن العراق السوريه انصير ازدحام
امعاهدين ام عون منعوف المقام
صدگ ردت زينب الذاك الضلام
والضريح الناصبه امحوطينه
...
فاتحة زينب منو ايسويهه غاد
لاطبخ لاصوت ناعي بهالبلاد
نحترگ من حقنه وانصبح رماد
من نشوف المرقد امقفلينه
...
بت رسول الله محمدنه النبي
اجنبي ايشتمهه وايسبهه اجنبي
مرتين اشلون زينب تنسبي
مايمسوهه وحگ مهدينه
...
الشمر لو مد ايده نگطلعه الادين
واحنه شيعة علي واجنود الحسين
عالحدود اهناكه جيش امرابطين
وسيف ابوالحمله علي امحضرينه
...
لو نختنه وحيّهم الحوراء تصيح
عله الشام اسيوف بتاره نطيح
اويانه ابوفاضل حمايه اعله الضريح
والخزر مرقدهه نفگس عينه
...
خلو مرقد زينب ايعيش بأمان
احنه ميكظنه زمان ولا مكان
إن چان ياهالناس تنطونه ضمان
ابدينه موسه وعيسه يبقه ابدينه
....
محمد الجماسي
اللهم عجل لوليك الفرج

قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4

في منزلنا .. حيوان !!

بدأت تنتشر بعض الظواهر الغريبة في مجتمعنا، ومنها تربية الحيوانات (أجلّكم الله) في المنازل، ولدينا بعض التعليقات على هذه الظاهرة:

أولاً: هي ظاهرة مستوردة من المجتمعات الغربية ولم تكن موجودة في مجتمعاتنا ولا تناسبنا أبداً، لأنّ المجتمع الغربي بعد تفكك الأسرة لديه وعدم وجود ما يؤنس الفرد عندهم، خصوصاً عندما يتقدّم في العمر، فإنه يحاول أن يسد حاجته الفطرية للعائلة بتربية الكلاب وغيرها من الحيوانات، أما المجتمع المسلم الذي يهتم بكيان الأسرة وتماسكها فهو غني عن ذلك بفضل تعاليم الإسلام وأحكامه.

وثانياً : هي مُكلِفة من الناحية الاقتصادية، حيث تُشير عدّة تقارير إلى أنَّ مصاريف الإطعام والعناية الصحية والأكسسوارات اللازمة لتلك الحيوانات تتزايد لمبالغ ضخمة تُقَدَّر بعشرات مليارات الدولارات سنوياً، هذا عدا تكلفة شراء الحيوان نفسه، وما تسببه من أضرار بالممتلكات، وهذه مبالغ جنونية، بالمقابل يعاني ملايين البشر يومياً من ألم الجوع والمرض !!

وثالثاً: هناك إشكالات شرعية تترتّب عادةً على تواجد الحيوانات في البيوت:
منها: الكلب نجسٌ، وهذا عليه إجماع الفقهاء، ولا يَطْهُر حتى لو غُسِلَ بماء البحر سبعين مرة، وعليه فمجرد ملامسته للأشياء أو للإنسان برطوبة مُسرية فالنجاسة تنتقل لتلك المواضع.

ومنها: إنّ القطط وإن كانت طاهرة، ولكن إذا علق بملابس الإنسان أكثر من ثلاث شعرات منها فلا تَصُحُّ صلاته على الأحوط وجوباً.

وهناك عدّة أحاديث شريفة نهت عن تربية الكلاب في المنازل، فقد روي عن رسول الله (ص) أنَّه قال: (أنَّ جبرئيل عليه السلام أتاني فقال: إنَّا معاشر الملائكة لا ندخل بيتاً فيه كلبٌ ولا تمثالُ جسدٍ ولا إناءٌ يُبَالُ فيه).
[تهذيب الأحكام ج2 -ص377]
وكذلك روي عن الإمام الصادق (ع) أنَّه قال: (ما مِن أحدٍ يتَّخذ كلباً إلّا نقص في كلِّ يومٍ مِن عمل صاحبه قيراط).
[الكافي الشريف ج6 - ص552]

نعي

كأني بلسان الحال لمولاتي زينب
عليها السلام

ما حضرو هلي واچبيـره سالفتـي
ميته وانتضر صيحة الوين اخـتي

محد گالي شلونچ يخويه ام عون
متغيره وغريبه لوحـــدچ صــرتي

جنازه بلا اهل ما همه اليشيعـون
وين اليوگف وينحب بفاتحــــتي

شكد بيه تعب من اهد ذاك اللــيل
البيه لميت خدري وسولفت ونتي

بخاصرتي طبع لچفوف ادي لليوم
گدما حاطّه چفوفي اعله خاصرتي

راحو وادري ميردون بس اشتــاگ
ميته وانتضر صيحة الوين اختـي

عبد العليلـه
✍حيدر ابو كيان الفاطمي

قناة الرجوع الى الله    @h_ameer1
قصائد منبريه مكتوبه  @h_ameer2
ملا ابو امير الفاطمي   @h_ameer3
قصائد نسائية مكتوبه  @h_ameer4

السلام عليكم خدام ال محمد اطلب منكم الدعاء لقضاء حاجه مستعصيه

**(لحن رب العلا أختاره)

هالليله نحييهه   ونبعث تهانيهه

يالمصطفى بهذا الحفل نادينه
يافاطمه  يافاطمه
للزهره كلنه هالمسه لبينه
يافاطمه  يافاطمه
مولدهه عاد البهجه كلش بينه
يافاطمه  يافاطمه
فاطم وسيله من بعد هادينه
يافاطمه  يافاطمه

خن نهني مهديهه   ونبعث تهانيهه

نبعث تهانينه العلي مولانا
يافاطمه  يافاطمه
بسم الحبيبه عالي ظل الوانه
يافاطمه   يافاطمه
يوم القيامه ما أظن تنسانه
يافاطمه   يافاطمه
هيه ذخر أم الحسن ويانه
يافاطمه   يافاطمه

كلمتنه نحچيهه    ونبعث تهانيهه

زهرة محمد عالخلايق نوره
يافاطمه  يافاطمه
أية النور اتحدثت والسوره
يافاطمه   يافاطمه
روح الزچيه بكل فرض منشوره
يافاطمه  يافاطمه
الله أبتدع صورتهه أحسن صوره
يافاطمه   يافاطمه

هالنعمه نرويهه    ونبعث تهانيهه

يتمنى يالزهره المحب ابابچ
يافاطمه  يافاطمه
ويقبل ابهاي الليالي اعتابچ
يافاطمه يافاطمه
ركن الهدايه انتي صار احجابچ
يافاطمه يافاطمه
انه وهلي مولاتي فدوه اترابچ
يافاطمه يافاطمه

كل حاجه تگضيهه    نبعث تهانيهه#الشاعر_الميرزا_محمد_الساعدي قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4

فرحه وهيام مولدج مولاتي
اباب الغرام قدمت ابياتي

▫️▫️▫️▫️▫️▫️▫️

گلب الغرام بهالمسه ودگاته
الليله الموالي تستمع ضحكاته

سهرت فرح، گلبي نشرح

بماي الذهب صغت الچ چلماتي
فرحه وهيام مولدج مولاتي

▫️▫️▫️▫️▫️▫️▫️

فرحانه روحي والشمع ضويته
ومن خاطري كاتب شعر واهديته

يحله الشعر، لهل الشعر
فرحان گلبي وتستمع صفگاتي
فرحه وهيام مولدج مولاتي

▫️▫️▫️▫️▫️▫️▫️

سبحانه رب الصورج مولاتي
القلم محتار بنظم ابياتي

شكتب الج، شنوصفج
هذه الوجود ينتضر للأتي
فرحه وهيام مولدج مولاتي

▫️▫️▫️▫️▫️▫️▫️

املاك نزلوا للنبي يهنونه
بميلاد فاطم تقره فرحه عيونه

فرحه وسعد، كلشي سجد
سجدة شكر ساجد بدمعاتي
فرحة وهيام مولدج مولاتي

▫️▫️▫️▫️▫️▫️▫️

حته الطيور تغرد وفرحانه
المعموره كلها تبتهج ويانه

اسمج شرف ؛ بسمج هتف
انشوده كاتب من لحن ضحكاتي
فرحه وهيام مولدج مولاتي

....
علي محسن الفرطوسي
قناة الرجوع الى الله    @h_ameer1
قصائد منبريه مكتوبه  @h_ameer2
قصائد منبريه مكتوبه  @h_ameer3
قصائد نسائية مكتوبه  @h_ameer4

**موشح
مولاتي ام البنين روحي فداها

جينه ننشد عالمشه منها ولد
وضلت امتانيته لو ماتت بعد
ــــــــــــــــــــــــــــــــــــــ
ودوعوها وضلت ابحسرت خبر
مناطره اعله الباب والمدمع نهر
انشوف كلب الربت اعليه انكسر

يردلي شوفي لو قميصه اعليه رد
ــــــــــــــــــــــــــــــــــــــ
راح ذاك الشوف من شال الضعن
كلبي وعيوني اعله عطره اتسابكن
موش بس بيتي انطفه كل الوطن

مثل كلبي لا تضن كلب انمرد
ــــــــــــــــــــــــــــــــــــــ
كاعده واذكر حنانك يالرحت
خضر ابروحي القهر من حملت
شلون بالضلت تناطر ما كلت

ياهو الها الضلت ابلايه سند
ــــــــــــــــــــــــــــــــــــــ
حته لو احجي واون ياهو السمع
اذكرت ضعن الهوادج من طلع
خاله ابالي يرد بس ما رجع

من طلع لليوم كلبي ما برد
ــــــــــــــــــــــــــــــــــــــ
غاركه ابذكراه وعيوني تصب
يا طريق الشوك شو طال الدرب
كلمن يسد بابه والمغرب يطب

وانه ويه الحزن جددت العهد
ــــــــــــــــــــــــــــــــــــــ
غير شوفك لاتضن يترس العين
وانت اغله امن الهوه لام البنين
ماتهمني الولد بس همي الحسين

كاعده ابروحي انتضر طير السعد

بسام قابل الياسري

قناة الرجوع الى الله@h_ameer1 قصائد منبريه مكتوبه@h_ameer2 قصائد منبريه مكتوبه@h_ameer3 قصائد نسائية مكتوبه**@h_ameer4