БИЛДИРИШ!
2025 йил 1 февралдан ЎзДЖТУ халқаро журналистика факультети декани лавозимини топшираман. Мен факультетда 2018 йил 167 нафар талаба билан 0,5 иш ҳажмида иш бошлаганман. Ҳозирда талабалар салкам 1500 нафарга етди. 5 та кафедра очилди. Тугатилиш арафасида турган факультет қайта тикланди, оёққа турди ва рақобат шароитида дош бера олади. Ўтган давр мобайнида талабалар сони ошиб борди. Кундузги, кечки, сиртқи шаклда бакалавриатда янги таълим йўналишлари магистратурада халқаро журналистика, ахборот хизмати ва жамоатчилик билан алоқалар, маданиятлараро коммуникация мутахассисликлари очилди. Шу йиллари илмий салоҳиятни ошириш йўлида 7 нафар профессор-ўқитувчи – Ҳалим Саидов, Наргис Қосимова, Беруний Алимов, Дилноза Аминова, Амрулло Каримов, Ирода Исмаилова, Дилфуза Саидқодирова, Юлдуз Ортиқова (DsC) докторлик диссертациясини ҳимоя қилди. Юлдуз Зоҳидова, Азиза Халилова, Санобар Жуманова, Эргаш Боборажабов, Салим Дониёров, Мафтуна Маҳмудова, Мухайё Саидова, Наврўза Яхяева, Шаҳодат Усманова, Махфуза Артикова, Раъно Зарипова, Зуҳра Ҳазратова кабилар PhD диссертацияларини ҳимоя қилдилар. Хуршид Дўстмуҳаммад, Ҳалим Саидов, Ирода Исмаилова, Амрулло Каримов, Дилфуза Саидқодирова, Беруний Алимов кабилар професоор, доцент илмий унвонларини олишди. Университетда илмий салоҳият 30 фоизни ташкил этаётган бир пайтда, халқаро журналистика факультетида бу кўрсаткич салкам 40 фоиз ва бу рақам университет миқёсида энг юқори саналади. Мени қўллаб-қувватлаган барча устозларга, кафедра мудирларига, ҳамкасбларимга, иш берувчиларга, университет раҳбариятига, шогирдларимга, севимли талабаларимга, ёнимда турган кутубхоначи, хўжалик мудири, фаррош ва барча-барчага ўз миннатдорлигимни билдираман. Мен 7 йил маза қилиб ишладим. Факультет яна ўз биносига эга бўлди. Муқимий 104 дан Лутфий 8 гача бўлган давр менинг ёдимда умрбод қолади. Университетда бўлган аттестация жуда оғир бўлди ва у бизни, жумладан мени ҳам четлаб ўтмади. Баъзи домлалар бу синовдан сўнг бизни тарк этишди. Нима бўлганда ҳам ЎзДЖТУ халқаро журналистика факультети мен учун севимли даргоҳ бўлиб қолаверади. Халқаро журналистика факультети тараққиёти учун анча-мунча ҳаракат қилдик. Бошланган ишлар давомли бўлсин! Ҳаётимизнинг кейинги қисмини илмга бағишлаймиз.
Маълумот учун: ЭЛТУЗда чоп этилган материал ҳақиқатдан анча йироқ. Мен соғ-саломатман. “Юрак хуружи”, “ўлим ёқасида” каби гап-сўзлар нотўғри. Менга нисбатан босим бўлган эмас.
Ҳурмат билан Амрулло Каримов https://t.me/Amrullo_Karim

Кечаги суҳбатдан:
- Узр, устоз хонангизда синган стул борми?Уста келувди.
- Синган қалб бор. Тузата олармикин...

Ҳеч кимнинг қалби синмасин. Барчага Ватан ҳимоячилар куни муборак! https://t.me/Amrullo_Karim

Бугун тонгда ўқиган ҳикматлардан бири: Ўлимингдан кейин ҳам яшашни истасанг, шу икки нарсадан бирини бажар: ё тарихда қоладиган бирор асар ёз ёки тилларда достон бўлувчи бир яхшилик қил. https://t.me/Amrullo_Karim