فرحانه وتشع أنوار x هذا اليوم دنيانه
مولد خاتم اﻷطهار x  أبن الحسن موﻻنه❤️🌺🌹🍀🌸☘🌼💐🌷🥀🌿🌺
ياشيعه أنولد هاليوم x مفتاح الفرج للآل
حجه وطاهر ومعصوم x  بيده يغير اﻷحوال
باأنوار الهدى مختوم x بيه أنعگدت اﻵمال
عالم كاشف اﻷسرار x والقرآن برهانه
فرحانه وتشع أنوار x هذا اليوم دنيانه
مولد خاتم اﻷطهار x أبن الحسن موﻻنه❤️🌺🌹🍀🌸☘🌼💐🌷🥀🌿🌹
محمد وصف المولود x  يانعم الوصف منه
أمام وبالنصر موعود x يحيي أبطلعته السنه
بقرآن السمه محمود x حبه ياخلك جنه
يطلع ياخذ ألنه الثار x من فرعون وأعوانه
فرحانه وتشع أنوارx هذا اليوم دنيانه
مولد خاتم اﻷطهار x أبن الحسن موﻻنه❤️🌺🌹🍀🌸☘🌼💐🌿🥀🌷🌺
أمام وللعصر سلطان x  قسط وعدل قانونه
بيده يحرر اﻷوطان x  كلها أتعيش مأمونه
يكسر كل صنم وأوثان x للسامري وفرعونه
وسيفه عالعده بتار x صاحب ثار عنوانه
فرحانه وتشع أنوار x هذا اليوم دنيانه
مولد خاتم اﻷطهار x أبن الحسن موﻻنه❤️🌺🌹🍀🌸☘🌼💐🌷🥀🌺🌹
اﻷسرار المضت وعلوم x هالمولود حاويها
غايب ما يضل للدومx سنينه أبصبر طاويها
يظهر واﻷمر محتومx سيد الكون راويها
شجاع وبالحرب كرارx يرعب جمع عدوانه
فرحانه وتشع أنوارx هذا اليوم دنيانه
مولد خاتم اﻷطهارx أبن الحسن موﻻنه❤️🌺🌹🍀🌸☘🌼💐🌿🌿🌷🌺🌹
ندعي ونسأل الرحمن x بالمولود لمن هل
أبجاه العتره والقرآنx ثقلين النبي المرسل
يفرج كربة الحزنانx والمآلوم ومعلعل
ﻻ جور وظلم أشرار x ﻻ أقوام حزنانه
فرحانه وتشع أنوار x هذا اليوم دنيانه
مولد خاتم اﻷطهارx أبن الحسن موﻻنه❤️🌺🌹🍀🌸☘🌼💐🌷🥀🌿🌺🌺
الشاعر عبد الكريم سيد سعد

ليلة ١٥/شعبان /١٤٤٦ هجري
الجمعه 14 \2 \2025 ليلة
ولادة الأمام المهدي المنتظر
عجل الله تعالى فرجه الشريف
#قصائد1446هج

نــور الــحــجــه مــهــديــنـــه
❤️🌺🌹🍀🌸☘🌼🌼🌷🥀🌿🌹
     المهدي من يشع نوره
     تنور بيه المعموره
    وتزهي الرايه منصوره
     وسـيـفــه الــعــدل بـيـمــيـنـه
❤️🌺🌹🍀🌸☘🌼💐🌷🥀🌿🌹
     بنوره تنور الاكوان
    وتعله راية الرحمن
    الحجه للعدل عنوان
      وأحــنــه بــشــوك تانـيـــنــه
❤️🌺🌹🍀🌸☘🌼💐🥀🌺🌹🌿
      يجرد يمته بتاره
     وعالظالم يشن غاره
    وأحنه جنوده وأنصاره
      وياخــذ حــقـــنــه واليـــنــه
🌿🥀🌷🌺🌺🌹🍀🌸☘🌼💐🌹
      وياخذ حقه للمظلوم
       ويفرح الكل مهموم
     وبعده كل ظلم ميدوم
       ويــحــقـــق أمــا نــيـــنـــه
🌿🥀🌷❤️🌺🌹💋🍀🌸☘🌼💐
      المهدي خاتم العتره
      وأمه فاطمه الزهره
      ورب العرش الينصره
       يــنــصــره ويــنــصــر الــديــنــه
🌷🥀🌿🌺❤️🌹🍀🌸☘🌼💐🌺
       يعلي رايته للدين
     وياخذ ثار أبوه حسين
     ويطلب ثارها الجفين
      ويــدحــر كل أعــاديــنــه
🌿🥀🌷❤️🌺🌹🍀🌸☘🌼💐🌺
     ويبني دوله الاسلام
     وينشر للعدل أحكام
     ونرفع للنصر أعلام
      ومــن مـنـهـلـه يــرويــنــه
🌿🥀🌷❤️🌺🌹🍀🌸☘🌼💐
الشاعر ابو ادم الحلي

ليلة ١٥/شعبان /١٤٤٦ هجري
الجمعه 14 \2 \2025 ليلة
ولادة الأمام المهدي المنتظر
عجل الله تعالى فرجه الشريف
#قصائد1446هج

الله وياج  الله وياج  يا ام البنين الله وياج
ماننساج ما ننساج  نقسم قسم ما ننساج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
يا ام البنين الاربعه نقسم قسم خلينه
انجدد حزنه ابكل سنه وخدام الج سجلينه
ابدفتر خدمتج كل اسم مولاتي اتخلينه
والحاضر المجلس طلب وكل الطلب تكضينه

لو ينخاج لو ينخاج  منج طلب لو ينخاج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
كل حاجه اله كون الحضر  بالمجلس اتخلصيهه
انتي الكريمه وبالكرم  معروفه من تكضيهه
ام البنين ام الفضل  وكل الوفه بس ليهه
مكتوب الج هذه الشرف  وكل الشرف بس بيهه

من يمناج من يمناج  ردنه الكرم من يمناج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
مهموم اجيت وبالحزن  كلبي يون سمعيته
كتله واجينه اليوم الج  وصوبج تره وديته
ادري وفيه وبل وفه   وبيج الاصل عرفيته
البابج يضيف والكصد  وانتي الكصد مطيته

يا حياج يا حياج   يا ام الوفه يا حياج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
الله يعينج عل ولد  من ماحضر ونيتي
كلتي اريده الدفنتي   وعينج اله شبحيتي
ظنيتي يرجع بلعجل  بهذه الامل ظنيتي
ايسي وعله الله امجابرج  يا ام الصبر صبريتي

ماشالاج ما شالاج  ليش الولد ما شالاج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
ردتي يجي ابوكت الدفن  ليج الولد ويحضره
يشيل الجنازه وللكبر   وبيده الحد ويحفره
كل ظنتج يرجع بعد  ويمر الج لو مره
ما بطليتي من الامل   وهاي السنين اتنطره

خل ينعاج خل ينعاج  وين الحضر خل ينعاج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
سلمي الامر هذه الجره  من الله هذه الكتباه
تغمض عيونج والولد  يشيل النعش ماحضراه
امصابج ابد يا ام الوفه  لاوالله ابد ما ننساه
وافيتي بيهه الاربعه  وهذه الامر كل ذكراه

كل ذكراج كل ذكراج   من الوفه كل ذكراج
٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪٪
للشاعره العلويه ام جعفر

ليلة ١٣ /جمادي الآخره /١٤٤٦ هجري
الاحد 15 \12 \2024 ليلة
استشهاد مولاتي السيده ام
البنين عليها السلام
#قصائد1446هج

شكراً الج يأم عباس   
ربيتي ازلام حســـاس
تتبختر ابين النــاس
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
ربيتي لحسين ونطيتي اربـــع زلـــم كلهم كفو
وين السبع وين القيادي اليفدي دمه للاخــو
الدرسو ابتعبج شهامـه وكـــل نتايجهم عفــو
وبالمحنه احنــان كلش للشمس وزعو دفـــو

شكراً الج وانه أم عون
ضحيتي ونطيتي اعيون
ياسيدة هـذا الكـــون
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
موقفج واضح سفينه شالت احمال التعب
وللسبط وفيتي عهدج وامر من ربنه انكتب
جنج اويانـــه مشيتي ونظر عينج عن كثب
بــس الج أم الاماجد يحلى والله هل لقب

واصلتي بالطف اهواي
وصيتي عبـــاس الماي
وعبدالله ويـــاه سكاي
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
يأم البنين الوصيـــه امـــر بيهـــا وانعلن
الباذل النفس الامامه يداوي جرح أم الحسن
انتــي بفعالج عظيمه وثبـــت دورج بالمحن
نفتخر بيج ونباهـــي على مــر هذا الزمن

من مثلج انطت لحسين
اربـــع ولد ضـــي العين
مـــن القلب يأم البنين
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
ولدج ابطال واشاوس زرعــج اليثمر قيم
حراس ظعني هالغياره بجفهم انأمن الخيم
لجل الحسين وعياله تمشي بالــدم الشيم
اجبال متهزهم منيه اكبال كل صعبه قمم

موقف يضل للاجيال
عفيه يولدج الابطال
ام الوفه وام الافعال
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
بسلسلة نهجج كريمه وفعلج انطاهم امـر
بالوداع اشكد قويـــه وكلبج اتخطى الصبر
كل مره وعدها ولدها احنان يسوون العمر
الا انتي وامـــرج الهم ضحــو ماريدن عـــذر

ماريد واحد عطشان
عبدالله جعفر عثمان
وصيتي لبـــو الاحنان
شكراً الج _ شكراً الج
ــــــــــــــــــــــــــــــــــــــــــــــــــــــــــــــــ
الشاعـر فيصل عاشــور المنصوري

ليلة ١٣/جمادي الآخره /١٤٤٦ هجري
الأحد 15 \12 \2024 ليلة
استشهاد مولاتي السيده ام البنين
عليها السلام #قصائد1446هج

نخيت ام البنين وزامطت بيها
كل شدة التجي ام عباس تگضيها
✼ــــــــــــــــ꧁꧂ـــــــــــــــــ✼

ازامط بيج ياحره يبدويه
باسمج ماتضل لحاجه مكظيه
بحر المكرمه لماخلص جاريه

تكظيها الكلافه وماتخليها
نخيت ام البنين وزامطت بيها
✼ــــــــــــــــ꧁꧂ـــــــــــــــــ✼

ياچف الغزير الما خلص مايه
بالدلال الج مشدوده هالرايه
الكلفات تسهل يمج اهوايه

تنطيني گبل لا چلمتي احجيها
نخيت ام البنين وزامطت بيها
✼ــــــــــــــــ꧁꧂ـــــــــــــــــ✼

للكلفات انتي وللحوائج باب
اقراها الحمد بسمج يم الاطياب
اشمنها العطايه چن هواي الهاب

اعرف كل جروحي ماتخليها
نخيت ام البنين وزامطت بيها
✼ــــــــــــــــ꧁꧂ـــــــــــــــــ✼

اتوسل الج ولمدمع يلالي
يم عباس جاهج بالسمه عالي
بجاه الاربعه نظراتج الحالي

غيوم اعله الكلب بيدج تزيحيها
نخيت ام البنين وزامطت بيها
✼ـــــــــــــــ꧁꧂ـــــــــــــــــ✼

وحگ موسى الكليم ونجوته لربه
تگظيها الكلايف ماتضل صعبه
من كل صوب انتي للعرش قربه

بسم حسين ايدينج ترفعيها
نخيت ام البنين وزامطت بيها
✼ـــــــــــــــ꧁꧂ـــــــــــــــــ✼

الشاعره مريم العبوديه

ليلة ١٣/جمادي الآخره /١٤٤٦ هجري
الأحد 15 \12\2024 ليلة
استشهاد مولاتي السيده ام البنين
عليها السلام #قصائد1446هج

ابو اليمه قصد لمه | مسلم الوائلي

(﷽)
قصيدة: أبو اليمه كصد لمه
بصوت:مسلم الوائلي
الشاعر: الشيخ زمان الحسناوي
▪️▪️▪️▪️▪️
أبو اليمه گصد لمه ويهل عبره
يگلها ليش خدچ بي اثر سطره

ياهو اللي جسر يا يمه واتعده
دخبريني بجدي المصطفى وفگده
يا خيمة علي ويا درعه بالشده
دحاچيني وانه المظلوم ابو العتره

سالت دمعة الزهره الزچيه عليه
و گصدتله تشمه بنحره وتحاچيه
مد ايدك على خدي ودشوف شبيه
وانظر عيني من كثر الضرب حمره

مد ایده ابو اليمه على خدها
سد اعيونه لمن سطره شاهدها
وذب روحه عليها وگام ينشدها
حيدر والدي هم يدري باليجره

لا يوليدي عودك ما اظن يدري
ضميت الأثر عنه وخفيت أمري
وفدّيته يیمه بمحسن وعمري
وفديت الضلع للمرتضى وعمره

والآذاني موقف يا أبو اليمه
محسن من وگع وتگمط ابدمه
كل همه يضل وياك كل همه
ويموت وياك لمن تهوه عالغبره

محسن دم ضلوعي صار اله تغسيل
وانته تغسلك الحره بدموع الليل
محسن داسته الرجلين وانته الخيل
وانه ألطم عليكم يبني بالعشره 
▪️▪️▪️▪️▪️
#اللهم_عجل_لوليك_الفرج
ابو اليمه كصد لمه .. مكتوبة

للأستماع ?

https://t.me/gsssaads