**Убаастабыллаах ис дьыала уорганнарын үлэһиттэрэ, бэтэрээннэрэ!

Нам улууһун дьаһалтатын уонна тус бэйэм ааппыттан идэлээх бырааһынньыккытынан - РФ ис дьыалатын уорганнарын күнүнэн - итиитик-истиҥник ис сүрэхпиттэн эҕэрдэлиибин!

Ис дьыала уорганнарыгар сулууспалааһын хайа да кэмҥэ олус үрдүктүк сыаналанара, бирисээгэҕэ, Ийэ дойдуга бэриниилээх, дьоҥҥо-сэргэҕэ ханнык баҕарар уустук, ыарахан түгэҥҥэ көмөҕө кэлии, дойду интэриэһин бастакы уочарат көмүскээһин чаҕылхай холобурунан буолар.

Эһиги дьон-сэргэ нус-хас эйэлээх, куттала суох олоҕун араҥаччылыыр, чэпчэкитэ суох үлэҕэ олохторун анаабыт, хорсун санаалаах, дойдубутугар дьиҥ бэриниилээх өйдөөх-санаалааах дьонунан буолаҕыт. Эһигини идэлээх күҥҥүтүнэн өссө төгүл эҕэрдэлээн туран, Нам улууһун социальнай-экономическай сайдыытыгар кылааккыт иһин дириҥ махталбын тиэрдэбин.

Улууспут полициятын бары үлэһиттэригэр, араас сылларга үлэлээбит ветераннарга хас биирдиигитигэр уонна дьиэ кэргэҥҥитигэр чэгиэн, этэҥҥэ буолууну, ситиһиилээх үлэни, дьолу-соргуну баҕарабын.**
https://t.me/uriysleptsov

**Убаастабыллаах Нам улууһун дьоно-сэргэтэ!

Россия сүрүн бырааһынньыгынан – Норуот сомоҕолоһуутун күнүнэн ис сүрэхпиттэн эҕэрдэлиибин!

Элбэх омуктаах Саха сирэ модун Россия быстыбат сорҕото буолар. Түөрт үйэ тухары биһиги бырааттыы уонна доҕордуу сыһыаммытын харыстаан, биир санаанан уонна биир эрэлинэн олорон кэллибит.

Норуот сомоҕолоһуутун күнүн биһиги улууспут түмсүүлээхтик уонна элбэх ситиһиилэрдээх көрсөр. Ол курдук, саҥа суоллар тутуллаллар, дьон олоҕо, доруобуйата, уйгута тупсарыгар туһуламмыт саҥа объектар үлэҕэ киирэллэр, нэһилиэктэрбит тупсарыллаллар, хаарбах дьиэлэртэн көһөрүү программатынан үлэ салҕанар.

Билиҥҥи уустук кэмнэргэ бары бииргэ буолан, анал байыаннай дьайыыга Ийэ дойдубутун көмүскүү сылдьар буойуттарбытыгар уонна кинилэр дьиэ кэргэттэригэр оҥоһуллар көмөҕө кыттыыгыт иһин улахан махталбын тиэрдэбин. Инникитин даҕаны дойдубут сайдыытын, кэскилбит туһугар түмсүүлээхтик үлэлии-хамсыы, айа-тута туруоҕуҥ!

Эйэлээх халлааны, этэҥҥэ буолууну, ситиһиилэри баҕарабын!**
https://t.me/uriysleptsov

**Убаастабыллаах Нам улууһун тренердэрэ, ветеран тренердэр!

Нам улууһун дьаһалтатын уонна тус бэйэм ааппыттан оҕолорбут, бар дьоммут эт-хаан өттүнэн сайдалларыгар улахан кылааты уурар бары тренердэрбитин идэлээх күҥҥүтүнэн итиитик-истиҥник эҕэрдэлиибин!

Эһиги олоххутун, туох баар күүскүтүн-уоххутун аныыр сыралаах үлэҕит Нам улууһун республикаҕа, бүтүн аан дойдуга ааттатар, суон сураҕырдар.

Оҕо-ыччат атаҕар туруутугар, саҥаттан саҥа чыпчаалларга тахсарыгар тренер ийэлии, аҕалыы сыһыаннаһан спорка тапталы күүһүрдэр, үрдүк ситиһиилэргэ сирдиир.

Ытыктабыллаах тренердэрбит! 2024 сыл Наммыт улууһугар Оҕо спордун сылынан биллэриллэн, үүнэр көлүөнэбит Ийэ дойдутун таптыыр, эт-хаан өттүнэн сайдыылаах, чэгиэн доруобуйалаах, киэҥ билиилээх-көрүүлээх, кэрэҕэ-сырдыкка тардыһыылаах, кыайыыга дьулуурдаах киһи буола улаатарыгар бары биир сомоҕо буолан үлэлии сылдьарбытыгар махталбын тиэрдэбин.

Инникитин даҕаны иитиллээччилэргит үрдүктэн үрдүк ситиһиилэри аҕала турдуннар. Тус бэйэҕитигэр кытаанах доруобуйаны, дьоллоох-соргулаах олоҕу баҕарабын.**
https://t.me/uriysleptsov

Эһиги көлүөнэ тутааччылар баай уопуккутугар, билиигитигэр тирэҕирэн тутуу комплексын үлэһиттэрэ тапталлаах улууспут, республикабыт сайдыытыгар үлэлииллэр.
Улууспутугар тутуу үлэтэ тэтимнээхтик бара турар.
2024 сыл 8 ыйын түмүгүнэн Нам улууһугар «Хаарбах уонна саахалланар туруктаах дьиэттэн дьону көһөрүү» программанан 3,744 тыһ. кв.м иэннээх саҥа 2 таас, толору хааччыллыылаах дьиэ үлэҕэ киирдэ, 77 киһи хаарбах туруктаах дьиэттэн көстө.
791 кв.м. иэннээх 2 социальнай эбийиэк үлэҕэ киирдэ. Улуус үрдүнэн билигин 7 социальнай эбийиэк тутулла турар.
РФ Президенэ Владимир Путин көҕүлээбит национальай бырайыагынан, хаарбах дьиэлэртэн дьону көһөрүү бырагырааманан уонна толору хааччыллыылаах тупсаҕай олорор дьиэни тутууга биһиги иннибитигэр өссө улахан соруктар тураллар.
Нам улууһун нэһилиэктэригэр саҥа олорор дьиэлэри сэргэ аныгы ирдэбиллэргэ сөп түбэһэр оҕо уһуйааннара, оскуолалар, доруобуйа, култуура уонна спорт, эргиэн эбийиэктэрэ элбии тураллар. Бу кэрэ көстүүлээх тутуулар Нам улууһун олохтоохторун хас даҕаны көлүөнэлэригэр туһалыаҕа.
Биһиги эһигини кытта сорукпут биир – улууспут олохтоохторун олоҕун тупсарыы, тутуу хаачыстыбатын үрдэтии.
Быйылгы сааскы халаан уутун содулун туоратыыга Өрөспүүбүлүкэбит Ил Дархана, Бырабыытылыстыбата, улуус уонна халаантан эмсэҕэлээбит нэһилиэктэр дьаһалталара биир ситиминэн дойду Бырабыытылыстыбатын уонна тутуутун комплексын кытта федеральнай таһымҥа кичэллээх үлэлэрин түмүгэр, улууспутугар чөлүгэр түһэрии тутуу, өрөмүөн үлэлэрэ ыытыллаллар уонна ыытыллыахтара.
Ханнык да ыарахаттар баалларын үрдүнэн инникибитин эрэллээхтик көрсөбүт. Тапталлаах улууспут, өрөспүүбүлүкэбит салгыы чэчирии сайдарын туһугар бары бииргэ түмсэн салгыы үлэлиэхпит диэн бигэ эрэллээхпит.

Күндү доҕоттор!
Барыгытыгар үрдүк ситиһиилэри, кытаанах доруобуйаны, эйэни, уһун дьоллоох олоҕу баҕарабын.

Күндү оҕолор, төрөппүттэр!

Эһигини Аан дойдутааҕы оҕо көмүскэлин күнүнэн итиитик-истиҥник эҕэрдэлиибин!
Оҕо көмүскэлин күнэ биһиги хас биирдиибит оҕо аймахха сөптөөх усулуобуйаны тэрийиэхтээхпитин, кинилэри кытта тиһигин быспакка дьарыктаныахтаахпытын санатар аналлаах.

Биһиги улууспутугар оҕону иитиигэ, сайыннарыыга, талааннаах ыччаты өйөөһүҥҥэ, саҥа оскуолалары, уһуйааннары, социальнай эбийиэктэри тутууга улахан болҕомто ууруллар.
2024 сыл улууспутугар Оҕо спордун сылынан биллэриллэн, оҕо спордун эйгэтигэр киэҥ өрүттээх үлэ ыытыллар. Биһиги сүрүн сыалбытынан оҕону кыра сааһыттан спордунан дьарыктаан, үрдүк көрдөрүүнү ситиһэригэр усулуобуйа олохтооһуна буолар. Ону тэҥэ үүнэр көлүөнэбит маассабай спордунан олохтоохтук ылсан дьарыктанарын ситиһиэхтээхпит.
Оҕолорбут аан дойду, Россия, Республика күрэхтэһиилэригэр ситиһиилээхтик кыттан үөрдэллэр. Эдэр спортсменнарбыт бу сайын “Спортивные Якутяне” өрөспүүбүлүкэ оскуолаларын үөрэнээччилэрин спартакиадаларыгар, аан дойдутааҕы Азия оҕолорун оонньууларыгар үрдүк ситиһиилэниэхтэрэ диэн эрэнэбит.

Улууспут сайдыытыгар сүрүн тирэхпитинэн оҕолорбут буолаллар. Биһиги оҕолорбут сарсыҥҥылара сырдык, кэрэ буоларын туһугар туох кыалларын барытын оҥорорго кыһаллыахпыт.
Күндү оҕолор! Бу сырдык кэрэ бырааһынньыгынан эһиэхэ дьолу-соргуну, саҕалаабыккыт барыта сатанарыгар, үтүө баҕа санааларгыт туолалларыгар баҕарабын! Хас биирдии дьиэ кэргэҥҥэ уйгулаах олох уонна өйдөһүү өрөгөйдөөтүн!