ائے گؤزل! سن گؤرن اول عاشقِ نالان دئییلم،
او خومار گؤزلرہ بوندان سونرا حئیران دئییلم.

ایندے گئت حسرتینے باشقا بیر عاشیق چڪسین!
بیر دہ سئوسم سنے، سؤز وئرمیشم اینسان دئییلم.

گز، دولان، سئیر ائلہ اؤز سئودیگین عاشیقلر ایله،
اوره‌ییندن نہ ڪئچر، ائیلہ! پشیمان دئییلم.

سندہ بیر آزجا گؤزللیڪ، ایڪے قاش-گؤز واردیر،
بی‌وفاسان، دئمیشم عالمہ، قورخان دئییلم.

گؤزله‌مڪدن یولونو یاخشے قورتاردیم اؤزومو،
ایندے هئچ بیر گؤزل عشقیندہ نیگاران دئییلم.

ڪؤنلومو گوجلہ خیلاص ائیله‌میشم زولفوندن،
داها خاطیرجمعم، عشقیندہ پریشان دئییلم.

«واحید»ام، ایندے صداقتلے گؤزل‌لر سئویرم،
هر وفاسیز گؤزَلین حوسنونہ قوربان دئییلم.

✍علی‌آقا_واحید

𝕾𝖔𝖍𝖊𝖎𝖑
🎧 ⁱᶫᵒᵛᵉᵧₒᵤ
❁‌‎‌‌࿇༅═‎═‎═‎═‎═‎═‎┅─
‎  ‎  ‌‌‎‌‌‌ ‎‌‎‌‌‎‌‌‎‌‌‎‌‎‌‌‎‌‎‌‌‎‌‌‎‌‌‎‌‌‎‌‌‌@JanimAzar

جان ڪے عشقہ آلیشمادی
دیل ڪے شیرین دانیشمادی
بیر ڪۆسَن ڪے باریشمادی
بیر داش آلت‌دان بیر داش اۆست‌دن

دوست ڪے دۆیۆن آچانمادی
دوست یولون‌دا قاچانمادی
بیر قارتال ڪے اوُچانمادی
بیر داش آلت‌دان بیر داش اۆست‌دن

بیر سۆفرہ ڪے قوناغے یوخ
بیر خیرمان ڪے چاناغے یوخ
بیر گؤزل ڪے یاناغے یوخ
بیر داش آلت‌دان بیر داش اۆست‌دن

شاعیر سؤزۆن یازانماسا
فرهاد داغے قازانماسا
اوغول حالال قازانماسا
بیر داش آلت‌دان بیر داش اۆست‌دن

بیر سلام ڪے تخت‌دن اؤتۆر
بیر دوستلوق ڪے وخت‌دن اؤتۆر
بیر نامازڪے خالق‌دان اؤتۆر
بیر داش آلت‌دان بیر داش اۆست‌دن

"خسرو"خانے بیَنمَه‌سَن
گؤزللیغین گؤرَنمَه‌سَن
قیمتینے وئرَنمَه‌سَن
بیر داش آلت‌دان بیر داش اۆست‌دن

✍️ خسرو _سرتیپی

𝕾𝖔𝖍𝖊𝖎𝖑
🎧 ⁱᶫᵒᵛᵉᵧₒᵤ
❁‌‎‌‌࿇༅═‎═‎═‎═‎═‎═‎┅─
‎  ‎  ‌‌‎‌‌‌ ‎‌‎‌‌‎‌‌‎‌‌‎‌‎‌‌‎‌‎‌‌‎‌‌‎‌‌‎‌‌‎‌‌‌@JanimAzar

[ابوالفت علی یئو

مارال قاچار داغ اوسته ،
بولبول اوچار باغ اوسته
نیه مندن کوسورسن ،
داغ چکیرسن داغ اوسته

گئتمه گئتمه مارالیم ،
نه کی دردین وار آلیم
گؤزلرینه باخماسام ،
گؤزلریمدن سارالیم

سئو کی سئون مرد اولار
سئومه ین نامرد اولار
بولبول ده گول باغیندا
بیرجه گوله بند اولار

سئوگیلینی قئناما ،
اینانبرسان سئناما
دولانارام باشینا ،
گلین اولسان آناما

سنه کونول باغلادیم ،
چایلار کیمی چاغلادیم
من سنی بیر دویغو تک ،
اوره گیمده ساخلادیم

قوشا خالین زیل قارا ،
کیپریگینده میل قارا
اینانماسان عشقیمه ،
آند ایچره م ایلقارا](http://t.me/JanimAzar)

‌‌‌‎‌‌‎‌‌‌‎‌‌‌‌‎‌‌‌‎‌‌ ‌‌‌‌‌‌‌‌‌‌‌‌‌‌‌‌‌‌
[☆farnaz☆

⊰❀♥️☆ @janimAzar ☆♥️❀ ⊱
‎‌‌‌‌‌‌](http://t.me/JanimAzar)

**آغلادیم هئجروه نازیم گئجه گوندوز دلے تڪ

گوزلریمده قانا دوندو گوزلیم یاش بوگئجہ

نامازے ترڪ ائلدیم مسجدےمیخانہ گوزل

گله سن ساقے اولوب مے توڪسن ڪاش بو گئجه**

#گئجزخیر
??????
? ⁱᶫᵒᵛᵉᵧₒᵤ
❁‌‎‌‌࿇༅═‎═‎═‎═‎═‎═‎┅─
‎  ‎  ‌‌‎‌‌‌ ‎‌‎‌‌‎‌‌‎‌‌‎‌‎‌‌‎‌‎‌‌‎‌‌‎‌‌‎‌‌‎‌‌‌@JanimAzar