"Hadii la xisaabiyo nicmooyinka Eebe lama soo koobi karo الحمدلله"
وَإِن تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَّحِيمٌ

Howsha dhaqida ama Sifaynta Kelyaha (Dialysis) kolka qofka lagu samaynayo waxaa la galiyaa laba Tuubo oo mataano ah oo mid isku ah ah oo mid waliba howl gaar ah qabanayso, ayadoo la galinayo Xididka Arooraha ah (vein) ee qoorta, laabta ama bowdada midkood iyada oo la isticmaalayo suuxdinta gaarka ah (local anesthesia) inta lagu gudo jiro sifeynta Kilyaha.

Dhiiga ayaa waxa uu ka soo baxayaa jirka isaga oo soo raacaya Tuubada cas, wuxuu dhex maraa aaladda sifeynta, waxa uuna ku soo noqdaa tuubada Buluugga, xaaladaas ayuu qofka ku sugnaanayaan ilaa 4 saacadood isaga oo saaran sariir dusheeda oo waliba bilaa dhaqdhaqaaq ah.

Qofka ayaa loo sameeyaa howsha Sifeynta Kelyaha Todobaadkii Sadex jeer, taasoo noqonaysa Bishiiba 12 Mar, hadii Saacad ahaana loo xisaabiyo waxay noqonaysaa wadarta guud 48 saacadood Bil kasta.

Waxaa intaas ka sii daran waxaa baxaya kharash badan oo Boqolaal Doolar ah Bishii taasoo aysan ka bixi Karin dadka dhaqaalahoodu hooseeya. Adiga, aniga iyo guud ahaan dadka caafimaadka qaba ee aan qabin cudurka kidney failure (Kilyaha oo howlgab noqda) ma Qiyaasi kartaa inta jeer ee Kelyahaada ay isa sifeeyaan?

Qiyaasii Lixdan jeer ayay maalintii Kelyahaada si Automatic ah isu meyraan, sida dhaqaaqiirta ay sheegaan. Howshaas ayaa waxay dhacdaa innaga oo aanan dareemin wax dhibaato ah ama xanuun ah oo waliba cidna meel na seexin, Tubooyina nagu xirin, mana jirto kharash nooga baxa howshaas wayn oo la’aanteed qofka uusan noolaan Karin.

Waxaan haysanaa Nicmooyin badan oo aan la tirin Karin, lana koobi karin . الحمدلله
وَإِن تَعُدُّوا نِعْمَةَ اللَّهِ لَا تُحْصُوهَا ۗ إِنَّ اللَّهَ لَغَفُورٌ رَّحِيمٌ (18) سورة النحل

@Mucjisoyinka_Quraanka

السلام عليكم ورحمة الله وبركاته
mid kamida mucjisaadka quraanka ee la falgalka jidhka

Maalin ayaa mid kamida dadka gaalada ah (unbelievers) oo ahaa dhakhtar ku takhasusay wadnaha "cardiologists " ayaa wuxuu go'aansadey inuu ogaado oo cilmi baadhis kusameeyo marka uu ugu hooseeyo garaaca wadnaha iyo waxyaabaha saamaynta aadka usareysa kuyeesha , ninkaa doctor ahi wuxuu soo qaadey dhamaan canjaladihii ay ku duubnaayeen codadka kala duwan ee heesaha iyo Musical ah sidoo kale wuxuu soo qaadey gabayo qiiro xanbaarsan
Waxaa uuna dhex maray wadada isaga oo dadka codadkaa ushidaaya kadibna marka uu qofku dhagaysto waxaa uu saarayaa qalab uu kucabiro garaaca wadnaha "heart beat measurements" ninkan diktoorka ahi waxa uu tijaabadan wadey mudo hal usbuuc ah , balse ma uusan gaadhin ujeedkiisii ahaa inuu helo codadka ugu saamaynta badan wadnaha , maalin maalmaha kamida isaga oo meel maraaya oo tijaabadiisii ku guda jira ayaa waxa uu wadada kula kulmay nin muslim ah oo Pakistani ah waxaana uu ku yiri "tijaabadan ayaan mudo wadey balse wali ma aanan gaadhin dantaydii "
Ninkii muslimka ahaa ayaa udhiibay canjalad uu quraan ku duuban yahay waxaana uu kuyiri soo tijaabi , ninkii gaalka ahaa waxa uu canjaladii kuriday isaga oo aan wax wayn u arkayn , maalinkii xigay isaga oo tijaabadii ku guda jira ayuu xasuustay canjaladii uu udhiibay ninka muslimka ahi
Inta uu soo saarey ayuu dadkii ku tijaabiyey waxaana dhacay wax aanu filanayn , dhamaan dadkii uu ku tijaabiyey ayaa garaacii wadnuhu hoos udhigmay ilaa uu kabaqay inuu wadnuhu shaqada joojiyo oo uu kolba bakhtiiyo, waxaana uu halkaasi ku ogaadey xaqiiqada quraanka halkii ayaanu ku islaamay
وصدق الله
" والذين آمنوا وتطمئن قلوبهم بذكر الله ألا بذكر الله تطمئن القلوب "
Wabillahi tawfiiq mahadsanidiin

?@mucjisoyinka_quraanka

Culumada Falaka iyo kuwa Fiiskisku waxay maanta isla qaateen Fikradan o dhanaysa in Koonku ku bilaabmay Qaraxaas wayn Bigbang, laakiin Anaka hadii aanu nahay Muslimiin waxaan leenahay: Meesha qarax kamuu dhicin sababtoo ah Qaraxu malaha Nidaam iyo Tartiib uu raaco, waxaynaan ognahay in Koonku maanta leeyahay Qaanuun iyo Nidaam cajiiba oo uu raaco. Sidaa darteed Ilaahay muu odhanin Waan kala qarxinay Samada iyo Dhulka ee wuxuu dhahay waanu kala fujinay taas oo macnaheedu tahay kala fujintaa waxa la socotay Nidaamayn iyo kala hagid cajiiba oo Allah u qorsheeyey in Koonkani maro.

Waxa hadab is waydiin leh Yaa uga warramay NAbi Muxamed (N.N.K.H) arrimahan Basharku dhowaan daahafureen, waxaan leenahay cida uga warrantay waa Allah oo cilmi u leh wixii jiray iyo waxa jiri doonaba. Ilaahay ayaa xumaan iyo nuqsaanba ka dheer oo ka hufan waxaana amaan mudan Nabigeena Muxamed (N.N.K.H) oo ahaa Raxmadii iyo Naxariistii Caalamiinta.

Magaca Allah ayaan ku bilaabaynaa, waxaanan ku sallinaynaa Nabigeenii Muxamed oo ahaa Naxariistii Caalamiinta, waxaanan Ilaahay ka baryeynaa inuu Naxariis iyo Nabadgalyo korkiisa yeelo isaga, ehelkiisii, saxaabadiisii iyo dhammaan muslimiinta raacday jidkiisa toosan.

Waxaan hore uga soo tilmaamnay in Koonkan uu korayo ama uu waasacmayo, arrintaas oo Dadku ogaadeen ama la daahfuray qarnigii ina soo dhaafay, halka Kitaabka Quraanku uu kawarramay 1400 oo sano kahor. Wuxuu Allah ku leeyahay Suurada 51 aad ee Quraanka Suurada Daariyaat, aayada 47 aad.

[وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ ﴿٤٧]

[(47) Samada anakaa ku dhisnay awood (xoog) waanan waasicinaynaa]

Sidaa darteed Bani-aadamku markay ogaadeen in Koonkani waasacmayo ayaa waxay is waydiiyeen Koonkani ma bar bilo ayuu leeyahay? Sababtoo ah wax haduu koro ama uu waasacmo waxa la garan karaa in hadii waqtiga dib loogu noqdo ay walaxdaasi ahayd wax yar oo bar bilow ay ka bilaabmatay leh.Sanadku markuu ahaa 1927 ayaa ninka la dhaho Georges Lemai’tre oo kasoo jeeda wadanka Belgium ayaa markii ugu horeysay qeexay in Koonku ahaa walax qiiqaysa oo gubanaysa, heerkulkeeduna ahaa mid aad u sarreeya, kadibna uu dhacay Qarax wayn oo ay u bixiyeen Culumada Falaku Bigbang Theory.

Ugu horeyn in koonku aha Walax yar oo qiiqaysa waxaa inooga warramay Allah (S.W.T) mudo kabadan 1400 oo sano kahor oo wuxuu Allah ku leeyahay Suurada 41 aad ee Quraanka Suurada Fussilat, aayada 11 aad:-

[ثُمَّ اسْتَوَىٰ إِلَى السَّمَاءِ وَهِيَ دُخَانٌ فَقَالَ لَهَا وَلِلْأَرْضِ ائْتِيَا طَوْعًا أَوْ كَرْهًا قَالَتَا أَتَيْنَا طَائِعِينَ ﴿١١]

[(11) Markaasuu Allah u istiwooday Cirka oo qiiq ah kuna dhahay Cirka iyo Dhulkaba kaalaya idinkoo adeecsan ama idinkoo laydin karhi (qasab) waxay dhaheen waxaan nimid anagoo adeecsan.]

Aayadan waxay inoo tilmaantay in Cirka iyo Dhulkuba ahaayeen Qiiq kolkaasna Rabbigeen ku dhahay: Cirka iyo Dhulkoow kaalaya idnkoo adeecaya ama laydinku qasbayo awaamiirta Allah, waxayna dhaheen: Ilaahayoow, waxaan nimid anagoo adeecsan awaamirtaada. Aayadan mucjida ku jirtaa waxay tahay in Koonku ahaa qiiq, qiiqaasna waa maadadii laga abuuray Koonka xitaa hadda Rabbigeen wuxuu Xidigaha ka abuuraa Qiiqa.

Ta labaad waxay tahay wuxuu Allah sidoo kale inoo tilmaamay in Koonkan ahaa walax yar oo isku taala, kadibna lakala fujiyey oo lakala kaxeeyey. Allah wuxuu ku leeyahay Suurada 21 aad ee Al-anbiyaa aayada 30 11d:

[أَوَلَمْ يَرَ الَّذِينَ كَفَرُوا أَنَّ السَّمَاوَاتِ وَالْأَرْضَ كَانَتَا رَتْقًا فَفَتَقْنَاهُمَا ۖ وَجَعَلْنَا مِنَ الْمَاءِ كُلَّ شَيْءٍ حَيٍّ ۖ أَفَلَا يُؤْمِنُونَ ﴿٣٠]

[(30) miyeyna arkayn kuwii Gaaloobay in Samooyinka iyo dhulku ahaayeen kuwo isku dhaggan oona kala Bixinay, kana yeelay Biyaha wax kasta oo Nool ee miyeyna Rumaynayn.]

Allah wuxuu tilmaamay in Koonku ahaa Walax yar oo isku dhagan kadibna lakala fujiyey, waxaynu fiirinaynaa sida ay Culumada Muslimiintu u fasireen aayadan, oo aynu ka faa’idaysanayo in Culamadeenu ahaayeen Dadkii ugu garaadka badnaa Caalamka.

Ibnu Kathiir ( Dhulka iyo cirkuba waxay ahaayeen kuwo isku dhagan ama isku daboolan kadibna Eebe ayaa kala furay, markaasu ka yeelay todobada cir iyo todobada dhulba)

Dabari (isku dhagan waxa loola jeedaa wax dalool ah maysan lahayn oo waxay ahaayeen walxo isku yaal/dhagan, kadibna Eebe ayaa kala qarxiyey oo kala kaxeeyey)

Qurdubi (Samada iyo Dhulku waxay ahaayeen isku hal shay, manaysan jirin samooyin todoba ah iyo dhul todoba ah ee waxa ahaayeen hal mid oo kaliya, lamana odhan way isku dhagdhagsanaayeen ee waxa uu Eebe yidhi way isku dhagsanaayeen, taas macanaheedu yahay waxay ahaayeen isku hal walax oo kaliya, markaasuu Eebe kala kaxeeyey kala durkiyey waxaanu u dhaxaysiiyey hawo)

✅Koonku miyuu koraa ama uu waasacsamaa?

?Magaca Allah ayaan ku bilaabaynaa, mahaduna waxay usuganatahy Allah (S.W.T) waxaan kaloo ku sallinaynaa Nabigeena Muxamed (N.N.K.H). Hadda kahor waxaynu sharraxnay mucjisooyinka sayniska ah ee lagu xusay Quraanka iyo Sunnada Nabiga (N.N.K.H).

Kumanaankun oo sano ayey culumada Astronomer (cir bixiyeenadu) ay ku hawlanaayeen inay ka jawaabaan su’aalaha asalka u ah Koonka iyo meesha uu kayimid? miyuu Koonkani waligii sii jirayaa mise wuu baaba’ayaa? Koonku miyuu waligiiba jiray? Mise Koonka wuxuu lahaa bar bilow? Dabcan waydiimahan dadka aqoonta leh way isku dayeen inay ka jawaabaan laakiin nasiib xumo maysan lahayn aqoon diini ah ama iimaan ay ku rumeeyaan dacwada Nabiyada! Su’aalahaas oo aasaas u ah nolosha bani-aadamka waxa haboon in ay ka jawaabto cidda uga cilmiga badan oo ah Rabbigii abuuray Koonka iyo waxa ku guud nool.

Mudo badan culumada Falaka iyo cirbixiyeenadu maysan rumaysnayn in ay jirto Xidig-uruyo (galaxies) ka baxsan kan aynu ku noolnahay ee la yidhaahdo Milk way (Wado-Caaneed), manaysan ka haysan wax fikrad ah in Koonkan uu waynaado oo waasac noqdo.

Si kastaba ha ahaatee sanadku markuu ahaa 1929 kii ayaa nin cirbixiyeen ahaa oo la dhaho Edwin Hubble, uu markii ugu horeysay daaha ka qaaday arrin xaqiiqo cilmi ah noqotay, wuxuu ogaaday in ay jiraan malaayiin iyo malaayiin xidig ururyood oo ka baxsan xidig ururkeena Milk way. Kadibna wuxuu ogaaday in Koonkan uu waynaado oo dhankasta ama jaho kastab u fido.

☑️Sidee lagu ogaaday in Koonku uu koro ama uu waasacmo?

?Marka koowaad waxaynu ognahay in Ilayska Qorraxdu ay ka koobantahay 7 midab oo kala duwan. Waxa looga jeedaa ilayska Qorraxda ee ina soo gaadha hadii uu ka dhex baxo quraarad sadex geesood waxa ka dhalanaya todoba midab oo ay ugu horeyso midka casaanka kuna dhamaanaya midabka buluug maareega (violet). Midabka casaanka ah waa midab mowjadiisu dheertahay halka midabka buluug-maareegana mowjadiisu ay gaabantahay.

Haddaba hadii aynu haysano Telekoobyo waaweyn oo aynu fiirino xidigaha Samada korkooda ah oo aynu cilmi baadhis ku samayno iftiinka xidigaas (Jeegaanta) waxaynu helaynaa sadex mid un.

Hadii xidigaas fogaanshaha uu inoo jiro ay tahay mid sugan oo aan is badalayn waxaynu helaynaa in iftiinka jeegaantoodu ay la mid tahay jeegaanta caadiga ah.
Hadii xidigaas uu inagu soo dhowaanayo waxaynu arkaynaa in midabka jeegaanta u janjeedho midabka Buluuga ah, waxaanad moodaa in mowjadaha midabyadaaaas ay is cidhiidhinayaan.
Hadii xidigaas uu inaga fogaanayo waxa midabyada jeegaantaasi u janjeedhaan midabka Casaanka ah, waxaanad moodaa in mowjadaha midabayadaas ay kala tagayaan ama kala baxayaan.
Natiijada ay Culumada Falaku ay gaadheen waxay tahay in badi xidigaha iyo xidig-ururada inaga fog ay u ordayaan ayagoo fogaanaya xawaare aad u sarreeyana socodkooduna laga yaabo inay gaadho kumanaankun oo kilmitir ilbidhiqsigiiba. Sidaa darteed ayaa xidigaha badankoodu inoogu muuqdaan midabka Casaanka ah/guduudka ah.

Kadib markii ay horumartay aaladaha wax lagu qiyaaso iyo kuwa wax lagu baadho ee la adeegsaday teleskoobyo waaweyn iyo kubaacooyin soo dhoweynaya walxo inbadan inaga fog ayaa la ogaaday in Koonkan uu waasacmayo. [Expanding Universe]

?Arrintan la daahfuray dhowaan ayaa lagu sheegay kitaabka Quraanka 1400 oo sano kahor. Wuuxu Allahu ku leeyahay Suurada 51 aad ee Daariyaat aayada 47 aad.

Tusmo [Iga qari Qoraalka]

[وَالسَّمَاءَ بَنَيْنَاهَا بِأَيْدٍ وَإِنَّا لَمُوسِعُونَ]
[Samada annakaa u dhisnay si xoog ah, waanan waasicinaynaa] [51:47]

SubxaanaAllah, Ilaahay wuxuu yidhi: Samada ama Koonka waan waasicinaynaa. Culumada Falaga iyo cirbixyeenada waxay ku qaadatay inay ogaadaan arrintan Cilmiga ah 1400 oo sanadood. Waxaana run sheegay Allah oo yidhi:

[سَنُرِيهِمْ آيَاتِنَا فِي الْآفَاقِ وَفِي أَنفُسِهِمْ حَتَّىٰ يَتَبَيَّنَ لَهُمْ أَنَّهُ الْحَقُّ ۗ أَوَلَمْ يَكْفِ بِرَبِّكَ أَنَّهُ عَلَىٰ كُلِّ شَيْءٍ شَهِيدٌ]

[Waxaan aayaadkayaga ka tusaynaa Jahooyinka iyo Nafahooda illamaayo ay u cadaanayso inuu xaq yahay (Quraanku), Miyeyna Rabigaa ku filnayn inuu wax kasta marag ka yahay] [Fussilat: 53]

Sidoo kale Carabtu way ka arradanaayeen aqoontii iyo xadaaradihii kale ee Dunida xilligaa ka jiray sida xadaaradii Faarisiyiinta iyo xadaaradii Roomaanka ama xadaaradii Masaarida. Waxaas oo dhan waxay ina tusayaan in deegaanka uu Nabigu (N.N.K.H) uu kasoo baxay aanay ka suurtoobaynin Cilmi iyo xadaarad toona. Hase ahaatee Rabbiga wayn ee falkiisu aqoon iyo xikmada ku fadhido ayaa ka dhex doortay Basharka Nabi Muxamed (N.N.K.H) oo isagu shakhsi ahaan aan waxna qorin waxna akhriyin, sidoo kalena waligii aan hor fadhiisan Macallin iyo ruux waxbara toona, deegaanka uu ku noolaana kamaysan suurtoobayn inuu aqoon helo hadaba Su’aashu waxay tahay; Ma kula tahay in Ruux bani-aadam ah oo noolaa xilligaas kuna noolaa deegaankaas inuu Cilmi helo ama aqoon u yeesho Sayniska iyo Culuumta kale ee Basharku u baahanyahay????

Qofkasta oo caqli leh kolka la dhaho deegaankii Carabtu daganayd iyo xilligaa ay noolaayeen marka la fiiriyo xaalada iyo duruufta ma ka suurtowdaa Cilmiga Saynisku? Wuxuu kuugu jawaabayaa; Maya, ee Abidkeed kama suurtoobayso in Qof xilligaa noolaa uu wax ka ogaan karo cilmiga Saynisku maanta uu daah furay.

Hadii aynu isla ogolnahay inaan cidna ogaan karaynin Culuumta maanta Basharku gaadhay, ma kula tahay in Quraanka oo cimrigiisu yahay 1400 oo sano uu ka warrami karo Cilmigaas? Muslimku wuxuu odhanayaa; Haa, sababtoo ah Quraanku waa hadalkii Ilaahay (S.W.T), hadalka Ilaahayna waa Cilmiga Allah, cilmigiisuna isma badalo mana koro sidoo kalena ma nuqsaamo oo ma yaraado.

Laakiin ruuxa aan Muslimka ahayn waxay ku noqonaysaa Af kala qaad sideebuu Ruux noolaa Kun iyo Afar Boqol oo sano kahor oo ku noolaa Saxaraha Jaziirada Carbeed uu uga warramay ama uga faalooday Cilmiga Sayniska ee dhowaan un dadku ay daah fureen!!

Barnaamijkan waxaynu kusoo qaadanaynaa Mucjisooyinkaas Sayniska ee kusoo arooray Kitaabka Quraanka iyo Sunnada Nabiga (N.N.K.H). Mucjisooyinkaasina waxay ruuxa Muslimka ah u tahay iimaankiisa oo u kora iyo cibaadada Allah oo ku dedaalo halka gaalka ama ruuxa aan muslimka ahayna ay u tahay xujo iyo daliil cad oo loo qabsandoono maalinta Qayaame hadii aanu is dabo qaban.

*✅*Buugii aad wada sugayseen

?Kani waa buug kaa caawinaya sidii aad u ilaalin lahayd caafimaadkaaga misna kaaga digaya waxayaabaha dhaawici kara caafimaadkaaga.

waxa uuna ku siinayaa Talooyin qiimo badan oo aad ku ilaalin karto caafimaadkaaga, waxaana qoray caalimkii waynaa ee ibnu Qayyim RX.

Waxa aan jeclaystay in aan ku turjumo afkeena hooyo.
?Akhri oo caafimaadkaaga ilaasho!

━━━━| ???? ?????? |━━━━
???g??:  ➠ 50 Talooyin caafimaad ah
???aa:     ➠ Abdullahi Abdirahman Ali
?????:  ➠ PDF
?????:    ➠ 1.0 MB
?????:  ➠ 19
??????:  ➠ #3aad ━| @Mucjisoyinka_Quraanka|━**