бұл арна медиадағы мәтіндер жайында жазғанымен,

одан да маңызды нәрсе бар екенін біледі, ештеңе көрмегендей болып отырмайды!

qaznews24-тегі әріптестерімді, Әсем Жәпішеваны, тәуелсіз медиа атаулының бәрін қолдаймын.

сөз еркіндігі шектелмесін!

"Қолымызда тәттi латтемен Серуендеп түнгi Алматымен Сенiң caлғaн әнiңдi ұнаттым мен". (с) Raim, Artur. Латте қолымызда болса, оған көмектес септік жалғауы қажет пе?! "Түнгі Алматымен серуендеу" "түнгі самалмен" деген сияқты контекст шығар, сонда да біртүрлі.…

Қазақ тілінің элементтерін қолданып орысша сөйлеу мен орысша жазу туралы әңгіме

🙂‍↕️зымыран және дронмен соққы берді

😍зымыранмен және дронмен соққы берді

бірыңғай мүшелер мен "жәненің" қарым-қатынасы сондай қиын өзі)

"айыпПЕН/пікірМЕН/үкімМЕН келіскен жоқ" дейін бе, "айыпҚА/пікірГЕ/үкімГЕ келіскен жоқ" дейін бе деп бас қатырғанда,

былай істеуге болады: зат есімнің орнына заттанатын етістікті — тұйық етістікті қойып көріңіз, айталық, "бірдеңе істеу";

"бірдеңе істеуМЕН келісесіз" бе, "бірдеңе істеуГЕ келісесіз" бе — сонда түсінікті болады-ау деймін.

"біреумен келісу" (келісімге келу) деген мысалда оның мағына жағынан айырмасы барын да осы жерде ескере кету керек.

күдікке ілінбеді
тіркелмеді
қорғалмады
айтпады
қонбады
ештеңе жазбады
фильм түсірмеді
түсініктеме бермеді
анықталмады
қарамады
Жаңалық мәтіндерінде осылай жиі жазылып кетті. Баяғыда Назгүл айтып еді соны. Бір ауық... бір ауық жедел өткен шақ етістігінің болымсыз түрінің бұдан басқа, негізгі формасын (-ған/-ген жоқ, -қан/-кен жоқ) қолданайық.

"наразылық жалғасуда" деп жазған адам

"наразылық жалғасу деген нәрсенің үстінде я ішінде" деп нақтылай жазса,

ол адамға, бәлкім, грамматика жағынан еш әңгіме айтпас та едік).