ኡምራ ለምን አትሄዱም?

ፈገግታ መጅሊስ የረቢዐል አወል 12 መሰናዶ!

ተከታተሉት!
.
@Fuadmu

የዱንያ ምርጧ ለሊት ... የፍጥረተ አለሙ ምርጥ ክስተት!
.
@Fuadmu

ፈገግታ መጅሊስ!

ከምሽቱ 3:00 ጀምሮ!

ስለ ውዱ ነብይ [ሰዐወ] እናወጋለን!

3:00 ሲል እንገናኝ!
.
@Fuadmu

بلغ العُلا
(ፉአድ ሙና)
.
ሰውነት ፋይዳ ያገኘው በእርስዎ ነው። የእርስዎ መገኘት ባልተፈጠረ የመኖር ትርጉም ጣዕም አልባ ነው። ስምዎን ስንሰማ የሚታገለን ሳግ ባልኖረ ለህይወት መጓጓት ምንም ነው።

እስልምናን ታግለን ያገኘን አይደለንም። ስለእምነትዎ እርስዎ እንደተወገሩት የሚወግረንን ችለን የተቀበልነው እምነት አይደለም። በአላህ ችሮታ ደም ሳይፈሰን በተፈጥሮ እምነታችን ላይ ቀጥለናል። ምናልባት የእኛንም መወገር ስለተወገሩት ይሆናል። መሰደብን ሁሉ እርስዎ ላይ ስላዘነቡም....

እንደ ሰልማን [ረዐ] ትክክለኛውን እምነት ፍለጋ አስር ጊዜ በባርነት አልተሸጥንም። እንደ አብዱላህ ዙል ቢጃደይን [ረዐ] ስለ እስልምና ሀብታችንን ተቀምተን በጆንያ አልተጠቀለልንም። እንደ አባታችን እንደ ቢላል [ረዐ] የባላባት አለንጋ እየሞሸለቀን አሀድ አሀድ አላልንም። እንደ ሰውባን [ረዐ] ከአይናችን ሲጠፉ ናፍቆትዎ በሽተኛ አላስመሰለንም። ግን ናፍቆትዎን እንናፍቃለን። በስምዎ ሀሴት እናደርጋለን።

ይህ ሁሉ የኢስላም ስኬት ከስምዎ ጋር የተቀራኘ ነው። አላህ ወዶ አስወደደዎ! የኛ ላኢላሀኢለሏህ የእርስዎ ድንጋይ ማሰር ውጤት ነው። ለእኛ እምነት የእርስዎ ጥርስ መሰበር ክፍያ ነው። ሚስኪኑ ነብይ!
እንደው ደግነትዎ ግዘፍ ቢነሳበት ሰብዓዊነትዎ ቢያስደንቀው ይመስለኛል ገጣሚው የእርስዎን ጉዳይ እንዲህ ሲል የገለጠው: ‐
‏بلغ العُلا بكمالـــــــهِ
كشف الدُجى بجمالـهِ
حَسُنت جميعُ خصالهِ
صَلُّوا عليه و آلــــــهِ
በምሉዕነት
ላይ የታከከው፣
ውበቱ ፅልመት
የገሸለጠው፣
ያማረችለት
ሙሉ ተፈጥሮው
ይውረድ ሰለዋት
በርሱም በአህሉ!

ቢፅፍዎት ቢያወድስዎት ህመም መቀስቀስ እንጂ ከልብ እንኳን አያደርስም! የካዝናው ባልተቤት ምንዳዎን አብዝቶ ይክፈልልን! አንቱ የጀነት ጌጥ!
.
@Fuadmu

መገናኛ መፅሀፍ አልቋል ተብላችሁ የነበራችሁ አሁን ስላስገባን መውሰድ ትችላላችሁ።
.
@Fuadmu

ቅናሽ ለሁሉም!

የኢፋዳ ጥቂት የቀሩ መፅሀፍትን ለኢፋዳ የሀድራ ትስስር አባላት ቅናሽ አድርገን ነበር። ሆኖም በርካቶች ለእናንተም ይደረግ ዘንድ ስለጠየቃችሁን ከአሁን ጀምሮ ማንኛውም መግዛት የፈለገ ሰው @ifadasales ላይ በ50% ቅናሽ 250ብር ብቻ መሸመት ይችላል።

ቅናሹ ካለን ኮፒ አንፃር እጅግ ለአጭር ጊዜ ይቆያል። የፈጠነ ይቅደም።

መልካም ሸመታ!

ተወለደ!
(ፉአድ ሙና)
.
ተወለደ ... የህይወት ቅመም... የናፍቆት ጌታ... የመወደድ ፅንፍ ... የአለማት እዝነት ... የጀነቴ ሸምጋይ ... ተወለደ!!!

አላህ ልቅናውን ሊያሳየን ሰላምታውን ከራሱ ጀመረ። በመላዕክቶቹ አስቀጠለ። በእኛም ላይ ትዕዛዝን አወረደ።

إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ ۚ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيمًا

አላህና መላእክቱ በነቢዩ ላይ የአክብሮት እዝነትን ያወርዳሉ፡፡ እናንተ ያመናችሁ ሆይ! በእርሱ ላይ የአክብሮት እዝነትን አውርዱ፡፡ የማክበርንም ሰላምታ ሰላም በሉ፡፡ (አህዛብ፣56)

ተወለደ ... የከውኑ ሰበብ ... የፅልመት ጎህ ... የፍትህ ጀምበር ... የደካማዎች ብርታት ... የኸዲጃ ፍቅር ... የአዒሻ ቅናት ... የቢላል ሞገስ ... ተወለደ!!

የተወለደው ነብይ የአለም ፅልመት ኑር ነበር። ከአሚናት ማህፀን የፈነጠቀ የፍቅር ብርሀን! ድባቴና ፅልመት የወረሰውን አለም በብርሀኑ ያበሰ ... ያፈካ ነብይ ነበር። ጌታው የወደደውን መልዕክተኛውን ብርሀን ሲል ገለፀው።

قَدْ جَاءَكُم مِّنَ اللَّهِ نُورٌ وَكِتَابٌ مُّبِينٌ

ከአላህ ዘንድ ብርሃንና ገላጭ መጽሐፍ በእርግጥ መጣላችሁ፡፡ (ማኢዳ፣ 15)

የተወለደው ነብይ ... እዝነት ነው። የአለማት ጋሻ! ኡመቴን ኡመቴን የሚል አልቃሻ! እንደው መንሰቅሰቁ ቢከፋበት ጌታው «ሙሀመድ ሆይ! በህዝቦችህ ጉዳይ አናሳዝንህም! (እናስደስትሀለን)» ብሎ ያባበለው ነብይ ነው። የኛ ሙሀመድ [ሰዐወ] .... አልቃሻው ነብይ!

ተወለደ ... የነብዩሏሂ ሙሳ [ዐሰ] እንባ ... የነብያት ኢማም ... በእርሱ ጋሻ ስር አለማትን ያስጠለለው ነብይ ... የእዝነት ምንጭ... የርህራሄ ጀሰድ... ተወለደ!

ጌታው ደረጃውን ሲነግረው ... «ሙሀመድ ... አንተ ደጉ ሰው... ባንተ ውስጥ እኮ የፍጥረተ ዓለሙ እዝነት አለ።» አለው።

وَمَا أَرْسَلْنَاكَ إِلَّا رَحْمَةً لِّلْعَالَمِينَ

(ሙሐመድ ሆይ!) ለዓለማትም እዝነት አድርገን እንጅ አልላክንህም፡፡ (አንቢያ፣ 107)

ተወለደ ... የናፍቆት ሩህ... ለበዳዮቹ የሚያነባው ነብይ... የፍቅር አይነ ውሀ ... የሀውድ አለቃ... የጀነት ጥፍጥና... ተወለደ!

አላህ ደረጃውን ቢያልቀው ... የነካው ሁሉ እንዲባረክ... የወደደው ሁሉ እንዲወደደ ሆነ። የአላህ መውደድ ጅምላ አከፋፋይ አደረገው። የአላህ ፍቅር ማግኛ መንገድ ሆነ።

قُلْ إِن كُنتُمْ تُحِبُّونَ اللَّهَ فَاتَّبِعُونِي يُحْبِبْكُمُ اللَّهُ وَيَغْفِرْ لَكُمْ ذُنُوبَكُمْ ۗ وَاللَّهُ غَفُورٌ رَّحِيمٌ

በላቸው፡- «አላህን የምትወዱ እንደኾናችሁ ተከተሉኝ፤ አላህ ይወዳችኋልና፡፡ ኀጢኣቶቻችሁንም ለናንተ ይምራልና፡፡ አላህም መሓሪ አዛኝ ነው፡፡» (ኢምራን፣ 31)

ተወለደ ... የአረቢያን ምድር አሸዋ እየጫረ ... ሰውነቱ በእንባ ሳግ እየተቆረሰ ... «ወንድሞቼ ናፈቁኝ» ... ያለልን ነብይ... ተወለደ!

ሳያዩኝ ያመኑብኝ ወንድሞቼ ናፈቁኝ ያለላቸው ህዝቦቹ ሆድ እንዳይብሳቸው፤ በእርግጥ የምስራች ተበሰረ። ነብያቸው የሞት ግርዶ እንዳይሸፍነው ሆኖ ላቀ።

وَاعْلَمُوا أَنَّ فِيكُمْ رَسُولَ اللَّهِ ۚ
በውስጣችሁም የአላህ መልክተኛ መኖሩን ዕወቁ፡፡ (ሁጁራት፣7)

ኸበሩ በሌላም አንቀፅ ቀጠለ።

وَمَا كَانَ اللَّهُ لِيُعَذِّبَهُمْ وَأَنتَ فِيهِمْ ۚ وَمَا كَانَ اللَّهُ مُعَذِّبَهُمْ وَهُمْ يَسْتَغْفِرُونَ

አላህም አንተ በውስጣቸው እያለህ (ድንጋይ በማዝነብና ባሳማሚ ቅጣት) የሚቀጣቸው አይደለም፡፡ አላህም እነሱ ምህረትን የሚለምኑ ሲኾኑ የሚቀጣቸው አይደለም፡፡ (አንፋል፣ 33)

ጀሰዱ ብትለየንም ... ናፍቆታችን ሁሌም በቀብሩ ውስጥ ህያው ነው! ለዚያም ሲባል በመስጂዱ ዙሪያ አሁንም በህይወት እያለ እንደታዘዝነው ድምፃችንን ዝቅ እናደርጋለን።

አንዱ አዕራቢይ ጀነት ውስጥ ምን አለ ሲባል «የአላህ መልዕክተኛ» እንዳለው ... በእርሷ ውስጥ አንቱ ያሉባትን ጀነት እንመኛለን።

ተወለደ!!!!!
.
@Fuadmu

አይጠሩንም ወይ?
(ፉአድ ሙና)
.
አሰላሙ አለይክ
የኔ ተናናሽ፣ የኔ በሻሻ፣
አይጠሩንም ወይ
ባልጠና ኢማን፣ መምጣት ብንሻ?
አላህ ሲፈጥርዎ
ሁቦን ለኢማን፣ ከትቦታልና፣
የጀነት መንገድ
ያለርስዎ ፍቅር፣ ማልዶ ቢጠና፣
አይጠሩንም ወይ
ልባችን ቢያስብ፣ ከና`ዳፋችን፣
እርስዎን ዘይረን
ብትነሳልን፣ ሙቷ ቀልባችን።

አሰላሙ አለይክ
የተሸሁድ በር፣ የኛ ልቅና፣
በሰላምታዎ
ወንጀል አሰራይ፣ ጭንቅ አባ ከና!
የጠይባ ሩኋ
መግለፅ ያቃተው፣ የሸውቅ ስሙ፣
እርስዎን መናፈቅ
ሽተናል እኛም፣ አርሒብ ታተሙ።
ግቡባት ልቤን
እንደው ቢያሰራት፣ ናፍቆትዎ ደጉ፣
እንደ አፍቃሪዎ
እንደው ብትበጅ፣ ለኸይር ጉጉ።

አሰላሙ አለይክ
ጦይባ ተቀምጦ፣ ልብ ኮርኳሪ፣
በሰለዋቱ
ልቅና አልባሽ፣ ፅዱ ሰው ሰሪ።
አባ አይጠየፍ
የአረብ የአጀሙ፣ የደሀው ጌታ፣
ሰው አስተካካይ
ሁሉን አቅራቢ፣ በአንድ ገበታ፣
የዱንያ ምክንያት
ስስተ ሰሀባ፣ የጌታው ውዱ፣
አይጠሩንም ወይ
ሊያቋድሱን፣ ከኢማን ማዕዱ።

አሰላሙ አለይክ
ንጉስ ሲጠፋ፣ ባለንግስና፣
በዚህም በዚያም
የእፎይታ ምንጭ፣ የደስታ ዋና።
ማፍቀርን ስተን
ከሁብዎ ከስተን፣ ብንወላውልም፣
እግራችን ቢሳብ
መንገድዎን ይዞ፣ እንደው ቢዝልም፣
እንደ አፍቃሪዎ
በሁብ መክነፍ፣ እኛም ናፍቀናል፣
እኛ ዝግጁ
እርስዎ መች አሉ? መች ይጠሩናል?
ናፍቆት ናፍቆናል!

ጀንበር በነጋች፣ ጠሀይ በወጣች፣ ጥንካሬዋ በተለዋወጠ፣ ባዘቀዘቀች፣ ጨረቃ በወጣች፣ በጎደለችም በሞላች፣ ኮከቦች ባበሩ፣ ከዋክብት በተወረወሩ፣ ሰማይም በጠራች፣ ከጀንበር በተገናኘች ጊዜ ሁሉ የአላህ ሰላትና ሰላም በአለማት እዝነት ላይ ይውረድ።
.
@Fuadmu

ፈገግታ መጅሊስ

ዛሬ ከምሽቱ 3:00 ጀምሮ እንገናኝ!

ስለ ውዱ ነብይ [ሰዐወ] ተዘጋጅታችሁ ኑ!

የስነ ፅሁፍ ስራዎች ቅድሚያ ይሰጣቸዋል።
.
@Fuadmu

ብስራት! ሁላችሁም አንብቡት! የአላህ ፈቃድ ሆኖ የኢፋዳ መፅሀፍን ወደናንተ ማድረስ ከጀመርንበት ጊዜ ጀምሮ መፅሀፉን ያነበበው አብዛኛው ቤተሰብ ጥያቄ «ይህን መፅሀፍ አንብበን ብቻ የምንተወው ነው ወይ?» የሚል ነበር። የተፃፈው ነገር በሂደት ወደ መሬት መውረድ የሚጀምርበት መንገድ እንዲመቻች ስትወተውቱ ቆይታችኋል። ይህን ከግምት ውስጥ በማስገባት በርካቶች ከመንፈሳዊነት ጋር እንዲቀራረቡ እድል የፈጠረውን…