بسم الله الرحمن الرحيم
سيتم نشر قصائد خروج الضعن من المدينه وبدايه الثوره الحسينية على الرابط التالي
https://t.me/alnasherfalahhasnn
يرجى نشر الرابط ليصل الى الخدام

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع تم نشر اكثر من 400 من القصايد الخاصه بهذه الذكرى على الرابط التالي

https://t.me/+-3msO083Nvg1MTMx

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع سيتم نشر القصايد الخاصه بهذه الذكرى على الرابط التالي

https://t.me/+-3msO083Nvg1MTMx

-{موشح}-
ياشهر عاشور ما ننسه النحر 
ـــــــــــــــــــــــــــــــــــــــــــــ
ياشهر عاشور ما ننسه النحر === شافته الحره إبجراحات النظر
ـــــــــــــــــــــــــــــــــــــــــــــ
ياشهر عاشــــور من نــــار الحــزن == روح أبو الزهره النبي الهادي تون
ننســـــــــه آلام العقيلـــه لا تظــــن == من تركها إحسين وإختار السفر
ـــــــــــــــــــــــــــــــــــــــــــــ
ياشهر عاشور هليت إو إجيـــــت == وإحنه بالآلام من يوم المشيت
ما نسينه إحسين وإنت المانسيت == ما يزول الحب أبد طول الدهر
ـــــــــــــــــــــــــــــــــــــــــــــ
ياشهر عاشور ما ننسه العلــــم == من ثبت باﻠﮔـاع بدموع الألم
ما مشه العباس وإيخط القلم == غيرتـه الماتنتهي مثل النهر
ـــــــــــــــــــــــــــــــــــــــــــــ
ياشهر عاشور ما ننسه الرضيــــع == من ﺳﮔـاه إبنبلته الباغي الوضيع
منحره الفياض بالحب والربيـــــــع == ظل يبث الصوت وإيناغي الظفر
ـــــــــــــــــــــــــــــــــــــــــــــ
ياشهر عاشور ما ننسه الشبـــاب == كوكب الأكبر مضه إو راد الغياب
خيم إعلى إحسين بغيابه الضباب == وأمــه بالحسرات والهم والخطر
ـــــــــــــــــــــــــــــــــــــــــــــ
ياشهر عاشور ما ننسه الغريب == من إجــاه القاسم إبنار اللهيب
نادي ياعمي يبو اليمه الحبيـب == رايد أفديها النفس آني إبفخر
ـــــــــــــــــــــــــــــــــــــــــــــ
ياشهر عاشور ما ننسه حبيــب == من هتف لبيك يحسين المهيب
قائد الأنصار للخير الرحيـــــــــب == زوده بالحومه على الدنيه إنتشر
ـــــــــــــــــــــــــــــــــــــــــــــ
ياشهر عاشور ما ننسه السفير == مسلم الواجه أميه إو كل حقير
أول الثـــوار قدوتهــــــم يصيـــــر == فاز أبو الهدات باﻠﺤﮓ وإنتصر
ـــــــــــــــــــــــــــــــــــــــــــــ
ياشهر عاشور ما ننسه الخيول == داسـت المذبوح وإحتار الرسول
ﻠﭽمت الكرار والزهره البتول == وإﻨﻠﭽـم ﮔلب العقيله وإنفطر
ـــــــــــــــــــــــــــــــــــــــــــــ
ياشهر عاشور ما ننسه العليـــل == بالمآسي إو يشكر الباري الجليل
من مصايب كربله إبهمه الثجيــــل == ذايبه الروح إو مشه إعليها الكدر
ـــــــــــــــــــــــــــــــــــــــــــــ
ياشهر عاشور ما ننسه السبي == من خـذوا للشام حرمات النبي
والضعن يحديه ظالم ناصبـــي == والولي السجاد راضي بالقدر
ـــــــــــــــــــــــــــــــــــــــــــــ
ياشهر عاشور جيت إو بالجروح == مبتلي هذا الوطن ﻳﺑﭽـي إو ينوح
والسبي عادوه وإنعاد النزوح == والخـوارج شرهم إعلينه ظهر
ـــــــــــــــــــــــــــــــــــــــــــــ
ياشهر عاشور جيت إو بالبلاد == عاثــــوا الأشرار وإنهان العباد
والمراجع أفتوا إو نادوا جهاد == وإحنه لبينــــــه النداء المنتظر
ـــــــــــــــــــــــــــــــــــــــــــــ
ياشهر عاشور ننتظره الأمـــــام == قايم العتره الولي المهدي الهمام
من يجي نرفعها رايات الســــــلام == ينتشر خيره إو يفيض إعلى البشر
ـــــــــــــــــــــــــــــــــــــــــــــ

الشاعر الحسيني 
جابر النجفي

#مُحرّم_١٤٤٦
#نبكيكَ_دَهرًا
#مولانا_الحُسين

هلّتِ الأشجانُ في الشّهرِ الحرام
فارتَدوا أثوابَ حُزنٍ يا كرام
إن بكَينا طولَ دهرٍ لا نُلام
في هَوى السِّبطِ الذّبيحِ القلبُ هام
يا حبيبي يا حُسين
نورُ عيني يا حُسين
?????

ذا هِلالٌ قد أتانا بالعَزاء
ناشِرًا طيفَ قميصٍ في السّماء
فكسا الأفلاكَ فيضٌ من دِماء
عادَ فينا بالأسى رُزءُ الإمام
يا حبيبي يا حُسين
نورُ عيني يا حُسين
?????

يا عُيونَ الدّهرِ فابكي للمُصاب
ذاقَتِ الحوراءُ فَيضًا مِن عَذاب
وتَلَت في عاشِرٍ آيَ الكتاب
بينَ أيتامٍ وحَرقٍ للخِيام
يا حبيبي يا حُسين
نورُ عيني يا حُسين
?????

إِخوَتي ما إِن شرِبتُم فاذكُروهُ
ظامِئًا مَولايَ يَهوي وبَنوهُ
في وَريدٍ فالعِدى قد نحَروهُ
لهفَ قلبي صابَني حَرُّ السِّهام
يا حبيبي يا حُسين
نور عيني يا حُسين
?????

زينب الموسوي
#بنت_الزهراء

استقبال محرم

القصيدة : كل محرم من يجي

▫️▪️▫️▪️▫️▪️

كل محرم من يجــي ياخذنه لدموع وبجي
ويســـولف الصــــــــــــار
ايذكرنه بيام العطش ويزتنه يم ليل اهدعش
والحــــــره تحتــــــــــــار
ــــــــــــــــــــــــــــــــــــــــــــــــــــــــــــــــ
كـــل محـــرم يبتدي لـــو بالعطش لو بوداع
وتتسلسل احداثه بصبر والعايش بكلبه شراع
كلما يمر بينه الشهر والحزن من عنده وشاع
انسب النهر لانه العطش كلما نشوفه على الكاع

كون للسنــه هاي مايعطشونــه حسين
يشربـــه هالماي ونشوفه مرتاح وزين

كلما يمر طاري النهر الورد يذبل بالقهر
ويمــــــوت الاخضـــــــار
ياخذنه من نعش النعش ويزتنه يم ليل اهدعش
والحــــــره تحتــــــــــــار
ــــــــــــــــــــــــــــــــــــــــــــــــــــــــــــــــ
كون اللسنه من يبتدي حسين ماهو بعطشان
ونشوفه كاعد يبتسم ويسولف وماكو احزان
ياريته ينقل هالسنه من الشمس مو تعبان
والجاسم ايصبح عرس ونشوفه كلش فرحان

وتفرحله العيـــون وعرسه يتم هاليله
ويجري النهر كون بين الخيم للعيله

والفرحه تمت بالخيم ويبقى شيال العلم
وتختفـــــــــي النـــــــــار
الكلب ونحسه ارتعش ويزتنه يم ليل اهدعش
والحــــــره تحتــــــــــــار
ــــــــــــــــــــــــــــــــــــــــــــــــــــــــــــــــ
ياريت من قلب الخيم يطلع كمر بالرايه
ونشوف عبدالله كبر ويشبك حسين هوايه
وزينب تضل امخدره والجود يمها ابمايه
وماكو دخان الخيم وماموجوده المسنايه

ونوم الهنا ايصير ومايصير الاوداع
وظعنهم مأيحير ولا تلجمه هالكاع

ماكو ليل الكل حزن ولادمـــع محـــد يون
وتــــــروح الاخطـــــــــار
ولا عالارض جسم انفرش ويزتنه يم ليل اهدعش
والحــــــره تحتــــــــــــار
ــــــــــــــــــــــــــــــــــــــــــــــــــــــــــــــــ
كل محـــرم من يجي شايل سيوف ويه ارماح
واحد بقى ابلايه اخو والثاني من جرحه وطاح
وهاي الخيم هم تحترك واطفال تركض بصياح
كلشي ينقل عالجرح والحزن باقي ولا راح

وحده بقى حسين والتموا اعليه كل صوب
وعالهزله ماشين ظعنه وصبح هل متعوب

الغربه هالمره ابتدت ايتام بيها اشكد بجت
والزمــــــــــــن بيهم دار
الهظم بيهم هالغبش ويزتنه يم ليل اهدعش
والحــــــره تحتــــــــــــار
ــــــــــــــــــــــــــــــــــــــــــــــــــــــــــــــــ

الشاعـر : فيصل عاشــور المنصوري

(ومضه لاستقبال شهر محرم)
~
المآذن كبرت وارتفعت الرايات
والوادم مشت صوب الحسينيه
أظنْ زلزال صار وصلّـــو الآيات
وشفت الناس تبچي بعبره مخفيه
ومشاعر للحزن بالروح والاحساس
ونبضات الگلب دگات لطمية
گالو هل علينه اهلال شهر حسين
شهر اُم الخدر زينب المسبيه
و الخادم غداً يتحزم حزامين
ويدور وين مجلس وين تعّزيه
هدوم السود خلِ نبدل باليوم
ونلطم عل الحسين بكل صدق نيه
للموكب اروح وماخذ  آنه وياي
زنجيلي اوشوف اشبيه ما بيه
واوگف بالوسط شادود مو لطام
وثلث دگات أدگ من یون ناعیه
شهر البي حُسين انذبح عالتربان
وجثته بالشمس ياويلي مرميه
وراسه اعله الرمح ويرتل الايات
قره القرآن ويفَسّر معانيه
شهر عباس بي چفینه مگطوعات
والهام ابعمد والعين مطفيه
الگمر ينزف وفائه مثل نهر الماي
َوحزنانه عليه الكره الارضيه
اوعلي الأكبر شبابه وطوله رفعت راس
والشافه يشوف النبي هاديه
القاسم والعرس والزفة والچكليت
شخلّي الحنّه لو دم ابصوانيه
لا تشعل بخور تعطر انته الناس
ابدخان الخيم مختنگه علويه
أنام اعله النواعي وگعد اعله الآه
وواسي فاطمه الراضيه المرضيه
~

حيدر بشار الدراجي

[ نعي الليه الأولى ]

ــــــــــــــــ

يهل عاشورك أومدري اشيهل بيّه
يچنك هيچ أمس ميت يبو ارقيّه
إلك بالروح باني اشچم حسينيّه
ومحرم چن صلاة الليل . ليليـّه

ــــــــــــــــ

ترد الروح يــوم اسمــع محــرم رد
شكراً يابو عبـد الله . لِبَسْتْ أســود
الله اليدري بيه الحرگه هسه اشگد
يـ فاتحــلك جـرح بالروح ما ينسد

ــــــــــــــــ

أشيلن هم محرم مــن قبــل فتـــره
شغل ماعــندي رايد بس رضا الزهره
وين اتذبني كيــفك مو شــرط أقره
أعيش ابخير اذا تنطيني بس نظره

ــــــــــــــــ

مهدي التقي

هلال الايام فرح ... هلالك انت شبي حزن
يا شهر ليش دمع .. مالي نضرات الجفن

يا .. محرم .... يا .. محرم

————————————
لبستك دون الشهور .. اسود محرم
والحزن طبعك يظل .. وايامك الهم
حتى گبل الطف جنت .. مكدر واظلم
يا محرم مو شهر .. جن طعمك السم

الدمع بيك انولد ... كلشي بأيامك يون
هلال الايام فرح ... هلالك انت شبي حزن

يا .. محرم .... يا .. محرم

————————————
تصبح وتمسي بدمع .. مابيك ضحكه
ولا اثر حنه عله چف .. بايامك الگه
يا شهر اه وسبي .. وهموم فرگه
حته دلال الطفل .. شبعته حرگه

نار راويته وسبي .. وبالغرب صار الدفن
هلال الايام فرح .. هلالك انت شبي حزن

يا .. محرم .... يا .. محرم
————————————
حمره خليت السمه .. خيم حزنها
والعرش آن ويون .. اذيت اهلها
والاملاك البلسمه .. شاغلها ونها
كسرت صم الصخر .. وجريت دمها

صارت ايامك دمه .. وللضحك لا ما تحن
هلال الايام فرح .. هلالك انت شبي حزن

يا .. محرم .... يا .. محرم
————————————
هلالك يهل بذبح .. سبي ويتامه
وطفله مدميت اذن .. اه وندامه
تبجي دم وي الدمع .. كثر الملامه
حلم ما سمعت نفس .. بنتي السلامه

ليلك وطعم الصبح .. بالالم نفس الوزن
هلال الايام فرح .. هلالك انت شبي حزن

يا .. محرم .... يا .. محرم
————————————
ماي شحيت وخيم .. عن بيت الاكرام
وشيخت ارذل بشر .. وبأرذل ايام
لأقدس ايات السمه .. يسبوها للشام
موقف يصدع الصخر .. ويشيب الاحلام

انت سويته صدگ .. لا حمه بيه وامن
هلال الايام فرح .. هلالك انت شبي حزن

يا .. محرم .... يا .. محرم
————————————

حيدر عيسى البديري

يحسين يحسين
:؛:؛::؛::::
هلال محرم الليله شفته ودمعت عيوني
حسين الغالي عندي اهواي منه ماتمنعوني
اهواي العالم التحجي كلشي مايهموني
دكات الكلب هوه لومو شما تلوموني

يحسين يحسين
؛:؛:؛:؛؛:
موشح بالسواد اليوم وجهي ابحرگه الطمنه
حسين من الزغير ياناس عشكي وحيل احبنه
يوم العاشر بروحي هيهات ابتعد عنه
يالعطرك عطر جنه لا ما ينشبع منه

يحسين يحسين
؛؛:؛:::؛::::::::::::
كل هذا اللطم يحسين قطره يم دمع سكنه
من سحكت عليك الخيل سمعت منك الونه
بناتك من اجت يمك وجهك كوه عرفنه
طاحن عالنحر مولاي يبجن حيل شمنه

يحسين يحسين
؛؛:؛:؛:؛؛:؛::::::
جبيره جروحك وطفك يكبر بينه مايزغر
نكسرلك يكون ظلوع فدوه لضلعك مكسر
بمحرم كل سنه يحسين هايه بعيده نتعذر
شباب وشيبه الك عام منها الهامه تتطبر

يحسين يحسين
:؛:؛:؛:؛؛:؛::؛:؛:؛؛
نشب ونطفي بالنار بينه حرگه لخيامك
نبجي من الصبح لليل نسمع ونت ايتامك
بصدرنه كون اجت كلها بينه طاحت اسهامك
محرم چن هوه بريه نعيش بجيت ايامك

يحسين يحسين
؛:؛:؛:؛:؛:؛:؛:؛:؛؛؛
هاشم الدراجي
اهدي هذه القصيدة الى روح والدتي