"አንቀጽንራ(ቁርአንራ) በትነበበ ጊዚየ ኢማን ኢደቭ፡ርኖዋ" ኢንካ ቃር አጫምጩም ኦዢ! በኢማም አቡ መንሱር አል ማቱሪዲይ ኧቴፐ ማቱሪዲያህ ኢኒዳ ኧትብላሸ ዐቂዳህ(አመለካከት)፦ "ኢማን አይደቭ፡ርካ እና አይቀንስካ ቋሚን ባረ" ኢንካ አሣብ ትክክል አንኸነኸ ጌከረ ያቲሽ። እምነትዃ በአሏህ አንቀጽ(በቁርአን) ቲደቭ፡ር ያርካ ሙእሚን(አማኝ) አሏህ ዘንድ ኖኦር አይነት ደረጃ አነነ፦
8፥4 ሀሁኖዋ በእውነት አማኝ ሁኖዋ ብቻ ኖዋ፡፡ ኧሁኖዋ በጎይታሁኖዋ(በአሏህ) ዘንድ ደረጃ ምሕረት እና ኧከበረ ሲሳይ(ሪዝቅ) አነነዋ፡፡ أُولَـٰئِكَ هُمُ الْمُؤْمِنُونَ حَقًّا ۚ لَّهُمْ دَرَجَاتٌ عِندَ رَبِّهِمْ وَمَغْفِرَةٌ وَرِزْقٌ كَرِيمٌ

"ደረጃት" دَرَجَات ኢንካ ቃር "ደረጃህ" دَرَجَة ኢንካ ቃሪ ኖኦራ ቁጥር ያቲሽካአር ኸነታ አሏህ ዘንድ ጀናህ መቶ ጀረጃ አነውና፥ ተጀናህ ከፍ ኧቫ፡ረ(ኑኡየ) ደረጃ ሁዳ ፊርደውሥ ዩኒ፦
✍ሡነን ኢብኑ ማጃህ መጽሐፍ 37, ሐዲስ 4474
ሙዓዝ ኢብኑ ጀበል ኧአሏህ መልእክተኛ"ﷺ" ዋኸ ቲኑዋታ ሰምአሁ ባረ ኤኤደኸ፦ "ነብዩ ዋኸ ቧሩም፦ "ጀናህ መቶ ጀረጃ አነውና፥ ደረጃመሻ አነኖታ ኖኢነድ ልክ ኧሰማዪ ኧምድር(ኧአፈር) ኖኢነድ ያአህርካናአር። ኑዕየ ደረጃ ሁዳ ፊርደውሥ ዩኒ፥ أَنَّ مُعَاذَ بْنَ جَبَلٍ، قَالَ سَمِعْتُ رَسُولَ اللَّهِ ـ صلى الله عليه وسلم ـ يَقُولُ ‏ "‏ الْجَنَّةُ مِائَةُ دَرَجَةٍ كُلُّ دَرَجَةٍ مِنْهَا مَا بَيْنَ السَّمَاءِ وَالأَرْضِ وَإِنَّ أَعْلاَهَا الْفِرْدَوْسُ

አማኝ ኧሆኑዋ ሰቭ፡ በእምነት ኢንኤዳ ወሄ ሜና ቢንኤዳ ወሄ ሜና ልክ ኧትለያየ ደረጃ በጀነት ከስ ኢነሁኮ፦
20፥75 በጎ(ወሄ) ሜና በእርግጥ ኤፐ ምእመን(አማኝ) ኸነታ ኧቫ፡ኣ ሰቭ፡ ሀሁኖዋ ኧሁኖዋ ኑዕ ደረጃ አነነዋ፡፡ وَمَن يَأْتِهِ مُؤْمِنًا قَدْ عَمِلَ الصَّالِحَاتِ فَأُولَـٰئِكَ لَهُمُ الدَّرَجَاتُ الْعُلَىٰ
3፥163 ሀሁኖዋ አላህ ዘንድ ባለ ደረጃ ኖዋ፡፡ አላህ ሀ ኢንኤዳ ዘንጋ እንቭ፡ ያዥካናአር፡፡ هُمْ دَرَجَاتٌ عِندَ اللَّهِ ۗ وَاللَّهُ بَصِيرٌ بِمَا يَعْمَلُونَ
6፥132 እእንሞሀ ቴፐዊ ሜና ደረጃ አነነዋ፡፡ ጎይታማኸ ቲዬዊዳ እንቭ፡ ኢትረንሳኩዳአር አሀንዳ፡፡ وَلِكُلٍّ دَرَجَاتٌ مِّمَّا عَمِلُوا ۚ وَمَا رَبُّكَ بِغَافِلٍ عَمَّا يَعْمَلُونَ
46፥19 እእንሞሀ ቴፐዊ ሜና ደረጃ አነነዋ፡፡ ሜናመሁኖዋ ኢቬ፡ንአኖይ ዘንድ ቲን ዋዳ መነዳኖም(አቨ፡ኖም)፥ ሁኖም አይቦዶልታ፡፡ وَلِكُلٍّ دَرَجَاتٌ مِّمَّا عَمِلُوا ۖ وَلِيُوَفِّيَهُمْ أَعْمَالَهُمْ وَهُمْ لَا يُظْلَمُونَ

"ጀናህ" جَنَّة በ "ታ" ة መርቡጧህ በነጠላ ኸነታ አጠቃላይ ጀነት ኧኸነኸ ያቲሽ፥ በአጠቃላይ ጀነት ከስ ኢጎኦይ ቁልፉሀ "ላ ኢላሀ ኢለል ሏህ" ኸነታ በጀነት ከስ አነውዋታ ጀረጃ ከስ ኢጎኦዪ እና ኢትሞኖጆዪ(ኢቴቪ፡) ወሄ ሜና ይነቭ፡ርንሬ ያትሲኧንረ። በጀነት ከስ አነውዋታ መቶ ኧትለያዩዋ ደረጃ ሁኖዋ "ጀናት" جَنَّات‎ ቧሪዮም፥ "ጀናት" جَنَّات‎ በ "ታ" ت መፍቱሓህ ቲኸንካ ደሞ ኖኦራ ቁጥር ያቲሽ "ጀነት ሁኖዋ" "ገነት ሁኖዋ" ኧዋርትነኸ። ሀሁኖዋ ኧተለያየ ደረጃ ኧሆኑዋ ጀነት አሞሩምታ ወሄ ሜና ኤፐውዋ ሰቭ፡ ኢቴቭ፡ካ ምንዳ፣ ትሩፋት፣ ወሮታ፣ ስርጉት፣ ትርሲት(ጸጋ) አነኖዋ፦
31፥8 ሀሁኖዋ አአሞርዋ እና ታሀ ወሄ ኤፖውዋ ኧሁኖዋ ጸጋ "ገነት" አነውኖዋ፡፡ إِنَّ الَّذِينَ آمَنُوا وَعَمِلُوا الصَّالِحَاتِ لَهُمْ جَنَّاتُ النَّعِيمِ

በዋ አንቀጽ ፎር "ገነት ሁኖዋ" ኢንካ ቃር ኧገፓሁዳ ኖኦራ ቁጥር "ጀናት" جَنَّات‎ ያቲሽካአር ኧኸነኸ ልብ ኦንኦዋ! ኧአጃ አጃሁኖዋ ደረጃ "ጀነቱል ዐድን" جَنَّةُ العَدْن "ጀነቱ አን-ነዒም" جَنَّةُ النَّعِيمِ "ጀነቱል መእዋ" جَنَّةُ المَأْوَىٰ "ጀነቱል ፊርደውሥ" جَنَّةُ الفِرْدَوْسُ ቧርም ኢሆሮዮዋ። አምላክንራ አሏህ ኧኢማን(ኧእምነት) ደረግ ሀይተውዋ ወሄ ሜና ቴፐውዋ ሙእሚን(አማኝ) ኧንአንረ! አሚን።

ጉራጊኛ ትርጉሙ፦አልሀምዱ አወል(ኢብኑ አወል)
https://t.me/abunejashii

✍ከዐቃቢ ኢሥላም ወሒድ
https://t.me/Wahidcomguragiga

ወሠላሙ ዐለይኩም

✍በእነሞር ጉራጊኛ
ቁወቱል ኢማን(ኧኢማን ደረግ)

በአላህ ሹቭ፡ እጅግ ኑእ ሩህሩህ ኑእ አዛኝ(ያትቫ፡ጥጥካአር) በኸነ ሁዳ

92፥6 በወሄ እምነት(በኢስላም) አ'ረጋገጠ። وَصَدَّقَ بِالْحُسْنَىٰ

"ቁዋህ" قُوَّة ኢንካ ቃል "ቀዊየ" قَوِيَ ቲንካ ሥርወ ቃል ኧቫ፡አአር ኸነታ "ደረግ" ኧዋርትን፥ "ኢማን" إِيمَٰن ኢንካ ቃል "አሚነ" أَمِنَ ቲንካ ሥርወ ቃል ኧቫ፡ኣኣር ቲኸን "እምነት" ኧዋርትኖ። በሙርአሞሀ "ቁወቱል ኢማን" قُوَّة الإِيمَان ኧዋርት "ኧእምነት ደረግ" ኧዋርትነኸ። "ላ ኢላሀ ኢለል ሏህ" لَا إِلَـٰهَ إِلَّا اللَّه ኧዋርት ኑዕ ኧኸነ ኧኢማን ቅርንጫፍን፦
ኢማም ሙሥሊም መጽሐፍ 1, ሐዲስ 60
አቢ ሁረይራህ ኤኤደኸ፦ “ኧአሏህ መልእክተኛ”ﷺ” ዋኸ ቧሩም፦ ”ኢማን ተሰባ ወይም ተስልሳ በፎረ ቅርንጫፍ አነውነ፥ ኑዕ ቅርንጫፍ “ላ ኢላሀ ኢለሏህ” ኧዋርትን። ኢስኩየ ሁዳ ደግሞ ተቨ፡ያ አነዳ እንቁርፊት ኦንሸትን፥ ሐያእ ኧኢማን ቅርንጫፍን"። عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم ‏ “‏ الإِيمَانُ بِضْعٌ وَسَبْعُونَ أَوْ بِضْعٌ وَسِتُّونَ شُعْبَةً فَأَفْضَلُهَا قَوْلُ لاَ إِلَهَ إِلاَّ اللَّهُ وَأَدْنَاهَا إِمَاطَةُ الأَذَى عَنِ الطَّرِيقِ وَالْحَيَاءُ شُعْبَةٌ مِنَ الإِيمَانِ ‏

"ሐያእ" حَيَاء ኧዋርት "ኧቅወንጭት" "ጨዋ ኧሁንት" ኧዋርትን፥ ሐያእ ተኢማንን። ኢማን ደግሞ ወደ ጀነት ያጋኣ፦
ጃምዒ አት-ቲርሚዚይ መጽሐፍ 27, ሐዲስ 115
አቢ ሁረይራህ ኤኤደኸ፦ “ኧአላህ መልእክተኛ”ﷺ” ዋኸ ቧርም፦ "ሐያእ ተኢማንን፥ ኢማን ደግሞ ወደ ጀነት ያጋኣ። ባለጌነድ ኧትብላሽትነኸ፥ ኧትብላሽትነድ ደግጋ ወደ እሳድ ያጋኣ”። عَنْ أَبِي هُرَيْرَةَ، قَالَ قَالَ رَسُولُ اللَّهِ صلى الله عليه وسلم ‏ “‏ الْحَيَاءُ مِنَ الإِيمَانِ وَالإِيمَانُ فِي الْجَنَّةِ وَالْبَذَاءُ مِنَ الْجَفَاءِ وَالْجَفَاءُ فِي النَّارِ ‏

"በዛእ" بَذَاء ኧዋርት ደግሞ "ኤነደረእ" "ባለጌነድ" ኧዋርትነኸ፥ ባለጌነድ ኧትብላሽተኸ(ኩፍር) ቲኸን ኩፍር ደግሞ ወደ እሳድ ይመራል። "ላ ኢላሀ ኢለል ሏህ" ወሄ እምነት(ኧኢስም) እምነትን፦
92፥6 በወሄ እምነት(በኢስላም) "አ'ረጋገጠ። وَصَدَّقَ بِالْحُسْنَىٰ
92፥7 ኧቀላል ሜና ናዘጋጅኔ፡፡ فَسَنُيَسِّرُهُ لِلْيُسْرَىٰ

"ላ ኢላሀ ኢለል ሏህ" لَا إِلَـٰهَ إِلَّا اللَّه ቢዩኒዳ ወሄ እምነት አ'ረጋገጠ ሰቭ፡ አሏህ ወሄ ሜና ኢንአኸ ዬቭ፡ኩ፥ "ዩሥር" يُسْرَىٰ ኧዋርት "ቀላል" "ገር" "ወሄ" ኧዋርት ቲኸን ኢማን ወደ ጀነት ያጋአካ በወሄ ሜናን። "ላ ኢላሀ ኢለል ሏህ" لَا إِلَـٰهَ إِلَّا اللَّه ኢኒያዳ ወሄይየ እምነት ሰምአታ ኧካደ አሏህ ወሄ ሜና ያንረኧዝወ(ያከብድወ)፦
92፥9 በወሄይየ እምነት(በኢስላም) ኧቄቀ(አ'ስተባበለ)። وَكَذَّبَ بِالْحُسْنَىٰ
92፥10 ኧውንጥጥ ሜና ናዘጋጅኔ፡፡ فَسَنُيَسِّرُهُ لِلْعُسْرَىٰ

"ዑሥራ" عُسْرَىٰ ኧዋርት "ኢረኧንስካአር" "ሸካራ" "ሙጥጥ" "ያጀግርካአር"ኧዋርት ቲኸን ኩፍር ወደ እሳድ(ጀሀነም) ያጋአካ በሙጥጥ ሜናን። ኢማን ይደቭ፡ርካናአር እና ኢቀንስካምናአር፦
8፥2 ፍጹም አማኝ ኧዋርት ሀ ኧአሏህ ሹቭ፡ በኖሼ(በሆኔ) ጊዚየ በሂንሁኖዋ አላህ ኢፎርታአር፣ በሁኖም ፎር አንቀጽንራ(ቁርአን) ባኖቦቢ ጊዚየ ኢማን ኢደቭ፡ርኖታአር፣ በጎይታሁኖዋ(በአሏህ) ፎር ብቻ ኢትማሞንታ ሁኖተኖዋ፡ إِنَّمَا الْمُؤْمِنُونَ الَّذِينَ إِذَا ذُكِرَ اللَّهُ وَجِلَتْ قُلُوبُهُمْ وَإِذَا تُلِيَتْ عَلَيْهِمْ آيَاتُهُ زَادَتْهُمْ إِيمَانًا وَعَلَىٰ رَبِّهِمْ يَتَوَكَّلُونَ

ሙቀረቡን

በአሏህ ሽም አቸም ተጨር ሩኅሩህ አቸም ተጨር አዛኝ በኸረ ሁት፡፡

56፥11 ሀ ሀህኖ ባለሟልሎ፡፡ أُولَـٰئِكَ الْمُقَرَّبُونَ

"ሙቀረብ" مُقَرَّب ይብር ቃል "ቀሪበ" قَرِبَ በሮትም "ተቐነበ/ቀረበ" ቲብር ሥርወ ቃል የቸነ ቃር ቲኸር "ቀራቢ" "ባለሟል" በሮቱ።
"ሙቀረቡን" مُقَرَّبُون ዌም "ሙቀረቢን" مُقَرَّبِين ደሞ የሙቀረብ ብዘ ቁጥር ቲኸር "ይትቐነቦ/ቀራቢዎች" "ባለሟሎች" በሮቱ። ከአስሓቡል የሚን የበጎ ሜና ይበድሮ የኸሮዌም ሁና የጄነት ይበድሮ ቃር ቲኸሮ ህኖም በአሏሄንየ ወኸትም "ሙቀረቡንሎ" ፦

56፥11 ሀ ሀህኖ ባለሟልሎ፡፡ أُولَـٰئِكَ الْمُقَرَّبُونَ

የውረመነ ምእምናን መጻፍ በዒሊዮን ደን ቲኸር ህኖም "ሙቀረቡን" የኸሮ ቃሎ፦
83፥21 "ባለሟል ህኖም" ይትጓመዞዊ/ይጣዱታል፡፡ يَشْهَدُهُ الْمُقَرَّبُونَ
83፥28 "ባለሟል ህኖም" ተሁት ይሰጠቦለ የኸረ ምንጩ፡፡ عَيْنًا يَشْرَبُ بِهَا الْمُقَرَّبُونَ

አት አማኝ ባመረ አንቐ ይቾትን ወሄ ሜና የአላሄንየ ይትቐነብወ ቃር ቲኸር "ቁርባን" ይውሪ።
"ቁርባን" قُرْبَان በሮትት "ይትቐነብኰ/መቃረቢያ" በሮቱ፦
5፥35 አሁ ያመርሁ ሆይ! ያአሏህ ስረፈቦ! የሁትሜንየ ትትቐነቦኰ ቃር ወሄ ሜና ሳቦ፡፡ ትተርፎምም ኸማ በሁታ ኤማ ታገሎ፡፡ يَا أَيُّهَا الَّذِينَ آمَنُوا اتَّقُوا اللَّهَ وَابْتَغُوا إِلَيْهِ الْوَسِيلَةَ وَجَاهِدُوا فِي سَبِيلِهِ لَعَلَّكُمْ تُفْلِحُونَ
9፥99 ታአዕረብ ህኖም በአሏህም በመጨረሻ ከረ ያምር፣ ይውዮ ምጽዋት ህኖዌም የአሏሄንየ ወኸት ይትቐነብኯምም የናሁቸረነ ሁቴንየም ዱዓ ይሰረኰ ቃር አመነቦም ይጠብጥ ሰብ ነረ፡፡ ንቆ! ሁት በእርግጥ የህኖ ያትቐንብ የኸረ ቃሩ፥ አሏህ በችሮታታ ደን (በጄነተታ) በእርግጥ ያገባኖ፡፡ አሏህ ይመር አዛኝ የኸረ ቃሩ፡፡ وَمِنَ الْأَعْرَابِ مَن يُؤْمِنُ بِاللَّهِ وَالْيَوْمِ الْآخِرِ وَيَتَّخِذُ مَا يُنفِقُ قُرُبَاتٍ عِندَ اللَّهِ وَصَلَوَاتِ الرَّسُولِ ۚ أَلَا إِنَّهَا قُرْبَةٌ لَّهُمْ ۚ سَيُدْخِلُهُمُ اللَّهُ فِي رَحْمَتِهِ ۗ إِنَّ اللَّهَ غَفُورٌ رَّحِيمٌ

"አዕራብ" أَعْرَاب በሮት "ገጠሬ" በሮት ቲኸር ተዐረብ ገጠሬ ህኖ በአሏህም በመጨረሻዌም ከረ አመሮም ታነ ይውዮ ምጽዋትህኖዌም የአሏሄንየ ወኸት ይትቐነብኰ ቃር አመነቦም ይጠብጦ ሰብ ነረቦ። ስለዚ በአሏሄንየ ወኸት ተሰብም ደን ሙቀረቡን ነረቦ። በተመሳሴም መላእክትም የአሏህ ባለሟል የኸሮ የኸሬ "ሙቀረቢን" مُقَرَّبِين ቧርዮም፦
4፥172 አልመሢሕ ያአሏህ ባሪያ ተህሮት በምርም ኤትጠየፍ፡፡ "ይትቐነቦ/ቀራቢዎች" የኸረቦ መላእክትም ኤትጠየፎ፡፡ لَّن يَسْتَنكِفَ الْمَسِيحُ أَن يَكُونَ عَبْدًا لِّلَّهِ وَلَا الْمَلَائِكَةُ الْمُقَرَّبُونَ

መላእክት የማርያሜንየ ቸነቦም ታነ የማርያም የባሮያም "ባለሟል በኸረ ትከ" ቴኸር "ተባለሟል ህኖም / ከባለሟሎችም በኸረ ትከ" ይብር ቃሩ፦
3፥45 መላእክት የባረዊ አስታውስ፡- «ማርያም ሆይ! አሏህ ተሁታ በኸረ ቃል ሽመታ አልመሢሕ ዒሣ የመርየም ትከ በዝህ ዓለምም በመጨረሻዌምም ዓለም የትከበረ ተባለሟል ህኖም በኸረ ትከ ያበስርህይ»። إِذْ قَالَتِ الْمَلَائِكَةُ يَا مَرْيَمُ إِنَّ اللَّهَ يُبَشِّرُكِ بِكَلِمَةٍ مِّنْهُ اسْمُهُ الْمَسِيحُ عِيسَى ابْنُ مَرْيَمَ وَجِيهًا فِي الدُّنْيَا وَالْآخِرَةِ وَمِنَ الْمُقَرَّبِينَ

በዝ አንቀጽ ፉወር "አል ሙቀረቢን" الْمُقَرَّبِين የቧርዮ ተፉወሬ በትገለፀ ኤነት የአሏህ ባሬያህኖ ቲኸሮ ዝህ አንቀጽ ደሞ ጭራሽመታ ተሙቃሪቢን ደን አተታ ዒሣ ህሮተታ ቁልጭም ፍንትውም አመነም ያትየሽ የኸረ ቃሩ። "ዒሣ ብቻ "ባለሟሉ" ይብር ቃር ሽታመታ ቀቁርኣን ደን ኤነ ። አምላከንዳ አሏህ ሙቀረቡን ቲብኖ ባሬያታ ያሚንደ! አሚን።

📖 ጉራጊኛ ትርጉም ፦ በወንድም አቂል
👇👇👇👇👇
t.me/AkeelComparative

✍ከዐቃቢ ኢሥላም ወሒድ
https://t.me/Wahidcomguragiga

ወሠላሙ ዐለይኩም

ተዋሕዶ

በአላህ ሽም አቸም ተጨር ሩኅሩህ አቸም ተጨር አዛኝ በኸረ ሁት፡፡

5፥72
إِنَّهُ مَن يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ ۖ وَمَا لِلظَّالِمِينَ مِنْ أَنصَارٍ
" እነሆ በአላህ ያጋራ(ያትሻርክ) ሰብ አላህ በሁታ ᎈር ጄነት በእርግጥ የዳርየታ(እርም) አመነም፥ ይረብርወመታ እሳቱ። ይበድለቦ ህኖም ምርም ይረዶዮ ቃር ኤነቦዮ።"

አት አዶት ትከ ትትጨን "ምር ጨነችም" ባነም ትንትሰነ "ኧርች" ዌም "ገረድ" ትብነ፦ ኧርች ዌም ገረድ ምንነት (ምንነቱ)፥ "ፊሲስ" φύσις በሮት "ባሕርይ"nature" ወበር ቲኸር ኧርች ዌም ገረድ ምንነት የኸሬ ባሕርዩ፦
- ሮሜ 1፥26
" ግሬደህኖም የባህሪየሁና ይትገቧን ሜና የባህሪየሁና ቤትገቧን ቃር ሸከሮም። αἵ τε γὰρ θήλειαι αὐτῶν μετήλλαξαν τὴν φυσικὴν χρῆσιν εἰς τὴν παρὰ φύσιν,
- ሮሜ 1፥27
" ዝክም ደንጛመህኖ ደሞ የባህሪየሁና ቲትገቧን ግሬድ ወትራኸብ ታቦም ታነ ገግ በገገሁና በፍትወተሁና ነደዶም። ὁμοίως τε καὶ οἱ ἄρσενες ἀφέντες τὴν φυσικὴν χρῆσιν τῆς θηλείας ἐξεκαύθησαν ἐν τῇ ὀρέξει αὐτῶν εἰς ἀλλήλους,

በዝህ ጥቅስ ᎈር "ባሕርይ" በበሮት የገፓ ቃልም "ፊሲከን" φυσικὴν ቲኸር "ፊሲስ" φύσις ይብር ገላጭ ቅጽልም ቃሩ። ደንጝነትምም ግሬድነትም ሁዌት የትልያዮ ባሕርሪይ ቲኸሮ #በትግናዘቦት (በመገናዘብ)፣ #በትጬፖት (በተዐቅቦ)፣ #በትቃሮት (በመጠባበቅ) አት ይኸሮ፦
- ማቴዎስ 19፥5
"ስለዚ ሰብ አባታም አዶተታም ይችቴ፥ ተምሽትመታ ጋᎀ ይትባበርቴ። ኌችም አት በሰር ይኸሮቴ" ይብር ቃል አናነበብሁዌ?" ባረም። καὶ εἶπεν Ἕνεκα τούτου καταλείψει ἄνθρωπος τὸν πατέρα καὶ τὴν μητέρα καὶ κολληθήσεται τῇ γυναικὶ αὐτοῦ, καὶ ἔσονται οἱ δύο εἰς σάρκα μίαν;

በዝህ አንቀጽ ᎈር "አት" በበሮት የገፓ ቃል "ሚአን" μίαν ቲኸር "ሚአ" μία ይብር የኸረ ገላጭ ቅጽልም ቃሩ፥ ምስ(ባል) የርችነት ባሕርየታ ቴገፍር የዝክም ኸማ ደሞ ምሽትም ይሽትነተⷕታ ባሕሪ ታትገፍር ባትቅራቀሮትም ባትድባለቆትም አት በሰር በህሮተሁና ይትግናዘቦ፦
- 1ኛ ቆሮንቶስ 7፥4
" ምሽት በገዛ በሰረⷕታ ሥልጣን ኤነና፥ ሥልጣን የምሰⷕታው ባኸሬ። የዝም ኸማ ደሞ ምስም በገዛ በሰረታ ሥልጣን ኤነን፥ ሥልጣን የምሽተታ ቃሩ ባኸሬ ። ἡ γυνὴ τοῦ ἰδίου σώματος οὐκ ἐξουσιάζει ἀλλὰ ὁ ἀνήρ· ὁμοίως δὲ καὶ ὁ ἀνὴρ τοῦ ἰδίου σώματος οὐκ ἐξουσιάζει ἀλλὰ ἡ γυνή.

ግን ዝኸታ ያት ባሕርይ ትምርት ምሳሌ ወህር ኤችል። ምክንያትመታ ኧርች ገረድ ገረድም ኧርች አኸረ ፥ ገረድ ኧርች አትኸር የዝም ኸማ ደሞ ኧርችም ገረድ ኤኸር። ገረድም ኧርችም አት በኸረቦ አንⷀ ኌት አካላትምም"person" ኌት ባሕርያትም ባኸሬ አት አካል አት ባሕርይ አንኸሮ፥ ስለዚ በባይብል ደን ያነ "ሚአ ፊሲስ" μία φύσις የተዋሕዶ እሳቤ ናሙና ህሮት ኤችል።

በ451 ድኅረ ልደት በኬልቄዶን የትወገዘዌ የእስክንድርያው ኤጲስ ቆጶስ የዲዮስቆርዮስ እሳቤ "ሚአ ፊሲስ" μία φύσις ቲᎅሪ ትርጉመታም "አት ባሕርይ" ወበሩ።
" #ተዋሕዶ " ይብር የግዕዝ ቃል "አት" ወበሩ ባኸሬ "ቱሳሔ" በሮትም "ቅራቅሮት(ቅልቅል)" "ድባልቆት(ድብልቅ)" "ወትዋኸድ(ውሕደት)" በሮት አኸረ። ትስብእትምም መለኮትም በትግናዘቦት፣ በትጬፖት፣ በትቃሮት አት ባሕርይ ይውሪ ያነም ትምርት "ተዋሕዶ" በበሮት ይጠሬ።

- "ትስብእት" ይብር የግዕዝ ቃል "ተሰብአ" ቲብር ሥርወ-ቃል የቸነ ቲኸር "ሰውነት" በሮቱ፥ የሽም መደበታ ደግሞ "ሰብእ" በሮትም "ሰቡ"።
- "መለኮት" ይብር የግዕዝ ቃል "መለከ" ቲብር ሥርወ-ቃል የቸነ ቲኸር "አምላክነት" በሮቱ፥ የሽም መደበታ ደሞ "አምላኩ"።

፠ የተዋሕዶ አሳበታ ፦
✅መለኮት በትስብእት ፍጡር፣ ሰብ፣ አምላኪ ኸረም፥
✅ትስብእት በመለኮት ፈጣሪ፣ አምላክ፣ ተመላኪ ኸረም" ይብር ቃሩ፦
- ሃይማኖተ አበው ተምራፍ 78 ተቁጥር 31
" ዳግመነመታ የጔታንዳ የክርስቶስ በሰር አምላክ የኸረ ኸማ ንዝረⷍነ"።
- ሃይማኖተ አበው ተምራፍ 112 ተቁጥር 31
"ፈጣሪ ቲና ባህሪ ተትረከበች የውረም ድንግል ተኸረች ተማርያም ፍጡር ኸረም"
- ሃይማኖተ አበው ተምራፍ 61 ተቁጥር 23
"ሰብ አምላክ ኸረም"
- ዮሐንስ 2፥14
"...፦ አምላክ ሰብ ኸረም፥ ሰብ አምላክ ኸረም" በበሮት ታንጠምም ዓረገምም ቲብሮ ዩዶ።

"በሰር አምላክ የኸረ ኸማ" "ፈጣሪ ፍጡር ኸረም" "አምላክ ሰብ ኸረም" "ሰብ አምላክ ኸረም" የዋርዮ ቃላት የትሰመርቦ!
የመለኮት ገንዘብ የትስብእት የትስብእትም ገንዘብ ለመለኮት ዩጂ ቢብር ፈሊጥ "መለኮት በትስብእት ፍጡር፣ ሰው፣ አምላኪ ቃሩ፥ ትስብእት በመለኮት ፈጣሪ፣ አምላክ፣ ተመላኪ ቃሩ" ይብር ዝህ የዲዮስቆርዮስ ስብጥር ትምርት ያራምደቦ የኸረቦ ጽብሓውያን ክርስቲያንም"oriental Christian" የግብፅ፣ የአርመንያ፣ የሕንድ፣ የኢትዮጵያ አብያተ ክርስቲያሎ።

፨ ፈጣሪ የᎉጡር አምላክነተታምም አምልኮተታም ባጋራ፦ ዝህ ዘንጋ ንቅ ሽርኩ የኸሬ ገግመታ አሻራኪው ወበሩ፣
፨ ፈጣሪ ተᎉጡር ጋᎀ አቱ' ምም አት ኸረምም፤ ᎉጡር ተፈጣሪ ጋᎀ አቱ' ምም አት ኸረምም፦ ወበር ንቅ ሽርኩ።
፨ ᎉጡር ተፈጣሪ ጋᎀ ⷅጥየውም የትቁራኘም ቃሩ፥ ፈጣሪ ተᎉጡር ጋᎀ ⷅጥየውም የትቁራኘም ቃሩ፦ ወበር ንቅ ሽርኩ።

የውረሙ! "ፈጣሪ ᎉጡሩ፥ ᎉጡር ፈጣሪው" የባር በእርግጥ ኸዶም፥ መሢሑ ኢየሱስ ያስተሟረን፡- «የእስራኤል ደንጞ ሆይ! ጔታናም ጔታሁም አሏህ አምልኮ» ይብር ቃሩ፦

5፥72
لَقَدْ كَفَرَ الَّذِينَ قَالُوا إِنَّ اللَّهَ هُوَ الْمَسِيحُ ابْنُ مَرْيَمَ ۖ وَقَالَ الْمَسِيحُ يَا بَنِي إِسْرَائِيلَ اعْبُدُوا اللَّهَ رَبِّي وَرَبَّكُمْ ۖ إِنَّهُ مَن يُشْرِكْ بِاللَّهِ فَقَدْ حَرَّمَ اللَّهُ عَلَيْهِ الْجَنَّةَ وَمَأْوَاهُ النَّارُ ۖ وَمَا لِلظَّالِمِينَ مِنْ أَنصَارٍ
" ሀህኖ << አሏህ ሁት የማርያም ትከ አል መሢሁ>> የባሮ በርግጥ ኸዶም። አል መሢህም ባረም፦ "'የእስራኤል ደንጞ ሆይ! ጔታናም ጔታሁም አላህዌ አምልኮ።" እነሆ! በአላህ ያጋራ ሰብ አላህ በሁት ᎉር ጄነት በርግጥ የዳርየታ (እርም) አᎀነንም። ይረብርወታም እሳቱ። ይበድለቦ ህኖም ምርም ይረዶዮ ቃር ኤነቦዮ።>>

ሙሽሪክ ይረብርወታም እሳቱ፥ የአላህም የአምልኮ ገንዘብ የᎉጡር አጋሮት ባአላህ ሐቅ ᎉር ይትፈጸም ንቅ በደል የኸሬ ይበድለቦም ህኖ ትእሳት ቅጣት ያተርፍኖ የኸሮ ምርም ረዳት ኤነቦዮ፡፡ አምላከንዳ አላህ ሂዳያህ ያብሁ! ይናም ጽናተታ ያብንደ! አሚን።

ትርጉም ፦ በወንድም አቂል t.me//AkeelComparative

✍ከዐቃቢ ኢሥላም ወሒድ
t.me/Wahidcomguragiga

ወሠላሙ ዐለይኩም

ብርሃን ሟኑ?

በአላህ ሽም አቸም ተጨር ሩኅሩህ አቸም ተጨር አዛኝ በኸረ ሁት፡፡

5፥15 ታአላሄንየም ወኸት ብርሃንምም ገላጭምም መጻፍ በእርግጥ ቸነሁም፡፡ قَدْ جَاءَكُم مِّنَ اللَّهِ نُورٌ وَكِتَابٌ مُّبِينٌ

ፈጣሪ ብርሃኑ፥ የሁቴ ብርሃንነት ይቁወርሽኩወም ይትረሸኩወም (መነሻ እና ጅማሬ) ዬኔነ የኸረ ይበድርምም መጨረሻታ ፍጻሜ ዬነን ደሓራዩ፦
-1ኛ ዮዋንስ 1፥5
" ተሁትም የሰማኔ ቃር ያሁም ኑድኔኩ ያነ የኸረ መርኸትም፦ "አምላክ ብርሃኑ፥ ጠነማም በሁቴንየ ወኸት ስርም ኤነ" ይብርዌም ዛታው። Καὶ ἔστιν αὕτη ἡ ἀγγελία ἣν ἀκηκόαμεν ἀπ’ αὐτοῦ καὶ ἀναγγέλλομεν ὑμῖν, ὅτι ὁ Θεὸς φῶς ἐστιν καὶ σκοτία ἐν αὐτῷ οὐκ ἔστιν οὐδεμία.

ዮዋንስ ትእየሱስ የሰሟን መርኸት፦ "አምላክ ብርሃኑ፥ ጠነማም በሁቴንየ ወኸት ስርም ኤነ" ይብርዌም ዛታው፥ "አምላክ ብርሃኑ፥ ጠነማም በሁቴንየ ወኸት ስርም ኤነ" ይብርዌ መርኸት በአርበችሞ ወንጌልዌ ህኖ ደን ባትመደር ኤነ። ኢየሱስ ያአምላክ ናሁቸረነ ቲኸር ዮዋንስ ደሞ ተሁት የሰሟን ዝህ መርኸት ያአርበችም ወንጌልዌ ያንትⷐተሮ የወንጌል ክፍል ህኖም "አግራፎን" ይውርዮ።
"አግራፎን" ἄγραφον ወበር "በቃል የትላለፈ መርኸት" ወበሩ።
እማት የኸረ አምላክም ይእየሱስ ብርሃን ዬፑወን የኸሬ ኢየሱስ ብርሃንነተታ ይቁወርሽኩወም ይትረሸኩወም( መነሻ እና ጅማሬ) ዘንጋ ያነን ቃሩ፦
-ኢሳይያስ 42፥6
" ያአሕዛብ ብርሃን አሚትሁ ኤብኸቴ (አድርጌ እሰጥሀለሁ)። καὶ ἔδωκά σε εἰς διαθήκην γένους, εἰς φῶς ἐθνῶν
-ኢሳይያስ 49፥6
" ያአሕዛብም ብርሃን አመነሁም አብከም(አድርጌ ሰጥቼሀለሁ)። ἰδοὺ δέδωκά σε εἰς διαθήκην γένους, εἰς φῶς ἐθνῶν τοῦ εἶναί σε εἰς.

" #አመነሁም " ይብር ኃይለ-ቃል የትሰመርወ!
ብርሃን ያሜም ያነ እማት የኸረ አምላክም ቲኸር ብርሃን ይኸር ደሞ ኢየሱሱ በሮቱ። የዝመታሙ ኢየሱስም ፦ "እያ ያዓለም ብርሃንሁ" ቲብር ይዝረⷍም ያነ፦
-ዮዋንስ 8፥12
" እያ ያዓለም ብርሃንሁ። Ἐγώ εἰμι τὸ φῶς τοῦ κόσμου·

- ቢኢሳይያስ 49፥6 ᎈወር "ያአሕዛብም ብርሃን አመነሁም አብከም" ይብር አንቀጽዌም የድረ አብ ህኖ/አበው ይእየሱስ ቢጠቀመዊም ሐዋርያት የሁና ዮጂ ትንቢት የኸረ ኸማ አⷕታተሮም ተⷕታተሮም ዝረከቦዊም፦
-የሐዋርያት ሜና 13፥47
" የዝም ኸማ ጔታ፦ "የምድር ዳርቻም ዳር ያትርፎት/ታተርፌ ትኸር ኸማ "ያአሕዛብ ብርሃን ኤፐከም" ባረም አዘዘም የኸሬ" ባሮም።

"አሕዛብ" የሕዝብ ብዘ ቁጥር ቲኸር "ሕዝቦች" ወበሩ። ይእየሱስም ኸረም የሐዋርያት ብርሃን ያመነ እማት የኸረ አምላክዌም ቲኸር ኢየሱስ በመዠመርያ መደብ ገግመታ፦ "እያ ያዓለም ብርሃንሁ" በባረወ አᎉወታም ያንⷅንየ ቴብርም የሐዋርያት ህኖም በሁዌተነ መደብ፦ "አሁ ያዓለም ብርሃንሁ" ባረኖም፦
-ማቴዎስ 5፥14
"አሁ ያዓለም ብርሃንሁ። Ὑμεῖς ἐστε τὸ φῶς τοῦ κόσμου.

ኢየሱስም ኸረም ሐዋርያት "ብርሃን" የቧርዮኩዌም የገፓ ቃል "ፎስ" φῶς ወህረታ ልብ ናሚነ!
ስለዚ "አምላክ ብርሃኑ" ቧሪም የኸሬ ኢየሱስም ደሞ "እያ ያዓለም ብርሃንሁ" የባረ የኸሬ "ኢየሱስ አምላኩ" ትብሮ በኸረ እንግዲያውስ የሐዋርያትም "አሁ ያዓለም ብርሃንሁ" ቧርዮም የኸሬ "ሐዋርያትም አምላክሎ" በሮም ቶሮ። ቅለታምም ጥቅለታምም ግን አምላክ ብርሃኑ የቧርኩወምም ኢየሱስም ብርሃን የቧርኩወ ዘንጋ በይዘትም ኸረም ቤነት፥ በመንስኤም ኸረም በውጤት ይትለያይ።

በቁርኣን የትረመዶ የኸሮ የነቢየንዳም"ﷺ" ብርሃን ቧርዮም፥ የዘንጋታ ግን የህኖዌ ብርሃንነትዌም ባአምሮተሁና ቃር የትመሠረተ ቃሩ፦
5፥15 ታአላሄንየም ወኸት ብርሃንምም ገላጭምም መጻፍ በእርግጥ ቸነሁም፡፡ قَدْ جَاءَكُم مِّنَ اللَّهِ نُورٌ وَكِتَابٌ مُّبِينٌ
33፥46 ያአላሄንየም በፈቃደታ ይጠራ፣ ያበራ ብርሃንም ኤፐነም ናህኔከም፡፡ وَدَاعِيًا إِلَى اللَّهِ بِإِذْنِهِ وَسِرَاجًا مُّنِيرًا

ተᎉወሬ ያነ ሙግት በዝህ ኤነትም በዝህ ልክም ተረዶት ይቻል። አሏህ ሂዳያህ ያብሁ! ይናም ጽናተታ ያብንደ! አሚን።

ትርጉም በወንድም አቂል 👉 t.me//AkeelComparative

✍ከዐቃቤ እሥልምና ወሒድ
t.me/Wahidcomguragiga

ወሠላሙ ዐለይኩም

ፋኑኤል
(በጉመር እና ጌቶ ጉራጊኛ)

በአላህ ሽም አቸም ተጨር ሩኅሩህ አቸም ተጨር አዛኝ በኸረ ሁት።

22፥75 አሏህ ተመላእክት ደንም ናሁቸረነ ይመርጥ ፥ የዝም ኸማ ተሰብም ደሞ ይመርጥ። አሏህ ይሰማም ያዥም ቃሩ፡፡ اللَّهُ يَصْطَفِي مِنَ الْمَلَائِكَةِ رُسُلًا وَمِنَ النَّاسِ ۚ إِنَّ اللَّهَ سَمِيعٌ بَصِيرٌ

"መለክ" مَلَك ዌም "መልአክ" مَلْأَك ይብር ቃል "ለአከ" لَأَكَ በሮትም "ናኸም" ቲብር ሥርወ ቃል የቸነ ቃር ቲኸር "ይትረረህ" ቃር በሮቱ፥ የመለክ ብዘ ቁጥር ደሞ "መላኢክ" مَلَائِك‎ ዌም "መላኢካህ" مَلَائِكَة‎ ይውሪ። መላኢካህ የሰሜ ፍጥረታት ቲኸሮ ሀህኖም ያአሏህ ትዛዝ ያስፈፅሞዌ የሰብ ትኬንየ ወኸት ይረሆኤ ይᎀወርጭዮ የኸሮ መላእክት ነረቦ፦
22፥75 አሏህ ተመላእክት ደንም ናሁቸረነ ይመርጥ፥ የዝም ኸማ ደሞ ተሰብም ይመርጥ። አሏህ ይሰማም ያዥም ቃሩ፡፡ اللَّهُ يَصْطَفِي مِنَ الْمَلَائِكَةِ رُسُلًا وَمِنَ النَّاسِ ۚ إِنَّ اللَّهَ سَمِيعٌ بَصِيرٌ

በቁርኣነታ ዛህሬ ዳር ስለ መላእክት በግርድፍ ባሸነ አንⷀ በባይብል ደሞ ስለ መልአክዌ ፋኑኤልም አዳህር ቃር ንዥነ!
"ፐኑኤል" פְנוּאֵל በሮት "የአምላክ እፍት" ቲኸር በገነንዳ ቋንቋ "ፋኑኤል" ይብረዊ። ፋኑኤል ተሰባት ሊቃነ መላእክት ህኖም አተታው፦
-ዳንኤል 10፥13
" ዋና ተኸሮ አለቃ ህኖም አተታ ሚካኤል ያግዜዬ ቸነም። וְהִנֵּ֣ה מִֽיכָאֵ֗ל אַחַ֛ד הַשָּׂרִ֥ים הָרִאשֹׁנִ֖ים בָּ֣א לְעָזְרֵ֑נִי
-ጦቢት 12፥15
"ተትከበሮ ሰባት አለቃ ህኖም አት አለቃዌ እያ ሩፋኤልንሁ " ባረኖም።
-ሄኖክ 10፥15
" አርበተነ የዘለዓለም ሒወትም ቢወርሶ ሰብም ተስፋ በንስሓ ᎈወርም "ፋኑኤሉ" የትሾመ።

ሰባትም ሊቃነ መላእክት ህኖም ሚካኤል፣ ገብርኤል፣ ሩፋኤል፣ ራጉኤል፣ ዑራኤል፣ ፋኑኤል፣ ሳቁኤል ዛህኖሎ። "የአምላክ እፍት" ይብር ትርጉም ያነን መልአክ "ፋኑኤል" ያዕቆብ ቲታገል የረፐረ መልአኩ፦
-ዘፍጥረት 32፥24
"ያዕቆብ ግን ይማተታ ተነፈም፤ አት "ሰብም" ጋተᎀ ዳር ይታጐልን ባነ። וַיִּוָּתֵ֥ר יַעֲקֹ֖ב לְבַדֹּ֑ו וַיֵּאָבֵ֥ק אִישׁ֙ עִמֹּ֔ו עַ֖ד עֲלֹ֥ות הַשָּֽׁחַר׃

በዝ አንቀጽ ᎈወር "ሰብ" የበሮት የገፓ ቃል "ኢሽ" אִישׁ ቲኸር በነጠላ "ሰብ" የቧሪም ሁት መልአክ ሁት የኸረ ኸማ ቅቡል ቃሩ ፦
- ሆሴዕ 12፥3
"በማፀን ደን ጒፔመታ ጄፈታ/ተረከዙ ጠወጠንም፥ በደጝነትመታ ግዝየ "ታ-"አምላክ ጋᎀ ታገለም"።
-ሆሴዕ 12፥4
"ተ-"መልአክ" ጋᎀ ታገለምታ ⷀመም፤ በⷈም ጨቘሰንም። በቤቴልም ነከᎄንም፥ ተህማንⷄ "ቲና ጋᎀ ተዝራⷈም"።

"ቲና ጋᎀ ተዝራⷈም" ይብር ኃይለ ቃል የትሠመርወ! "ይና" ቢብር ይናነት ደን "አናሺም" אֲנָשִׁ֖ים የቧርዮ የመላእክት ያካትት ቃሩ፦
- ዘፍጥረት 32፥28
"ታአምላክምም "ተ-"ሰብዌም" ጋᎀ ታገልኸም ⷀምኸም የኸሬ። אֱלֹהִ֛ים וְעִם־אֲנָשִׁ֖ים וַתּוּכָֽל׃

በዝህ አንቀጽ ᎈወር "አናሺም" אֲנָשִׁ֖ים ይብር ቃል የኢሽ ብዘ ቁጥር ቲኸር በብዜት "ሰብዌም/ሰዎች" ወበሩ፥ በግሪክ ሰፕቱአጀንት ᎈወር "አንትሮፖን" ἀνθρώπων በሮት "ሰብዌም/ሰዎች" ወበሩ። በዝህ አንቀጽ ᎈወር "ሰብዌም" የቧርዮ በዐውደ ንባብ ሁት ᎈወርም የአምላክ መላእክትሎ፦
- ዘፍጥረት 32፥1-2
" ያዕቆብም ኤማታ ወረም፥ የአምላክ መላእክትዌም ተራከበዊም። ያዕቆብም ባሸኖ ጋᎀ፦ “ዛሁና የአምላክ ሠራዊትሎ፡” ባረም፤ የህም መደር ሽም መሃናይም ባረም ጠናንም።

"የአምላክ መላእክት" "የአምላክ ሠራዊት" ይብርዌ የትሠመርወ! ተሀንⷀም ያዕቆብ ዝካ ባረም፦
- ዘፍጥረት 32፥30
" ያዕቆብም፦ “ያምላክም እፍት እፍት አሸሁም፥ ምስየናም ድና ተነፈም” ቲብር የህም መደር ሽም "ፐኑኤል" ባረም ጠናንም። וַיִּקְרָ֧א יַעֲקֹ֛ב שֵׁ֥ם הַמָּקֹ֖ום פְּנִיאֵ֑ל כִּֽי־רָאִ֤יתִי אֱלֹהִים֙ פָּנִ֣ים אֶל־פָּנִ֔ים וַתִּנָּצֵ֖ל נַפְשִֽׁי׃

"ፐኑኤል" פְנוּאֵל በሮት "የአምላክ እፍት" ወበር ቲኸር ያዕቆብ መልአክዌ ያሸወም መደር "ፐኑኤል" ወበረታዌም በራሰታ የታሸን መልአክም "አምላክ" የቧሪዬው፥ "አምላክም ይፍት እፍት አሸሁም" ቲብር እፍት እፍት ያሸንም ያአምላክ እፍት የቧሪ ሁትም ፋኑኤሉ። መላእክት "አምላክ" ይውርዮ ኸማ እሙንም ቅቡልሙ፦
-መዝሙር 138፥1
"በአማልክትም" እፍቴ ኧዘምር። אֹודְךָ֥ בְכָל־לִבִּ֑י נֶ֖גֶד אֱלֹהִ֣ים אֲזַמְּרֶֽךָּ׃
-መዝሙር 8፥5
"ተአማልክትም" አቸም ብርስየታ አትየነስሁወንም"። וַתְּחַסְּרֵ֣הוּ מְּ֭עַט מֵאֱלֹהִ֑ים

በዕብራይስጥ "ኤሎሃ" אלוהּ በሮት "አምላክ" ወበሩ፥ የኤሎሃ ብዜት ደሞ "ኤሎሂም" אלהים ቲኸር "አማልክት" ወበርሙ። መላእክት ናሁቸረነ ቲኸሮ በመላክትም የአምላክ ወታዥ "አስተርዮተ አምላክ"theophany" የኸሬ ሰብዌም የያህዌን መልአክ ቲያዞ "አምላክም አሸነም" ይብሮ ባነ፦
-መሣፍንት 13፥21
"ሀ ጋᎀም ማኑሄ "የያህዌህ መልአክ" ህሮተታ ሀረም። אָ֚ז יָדַ֣ע מָנֹ֔וחַ כִּֽי־מַלְאַ֥ךְ יְהוָ֖ה הֽוּא׃
-መሣፍንት 13፥22
"ማኑሄም የምሽተታ፦ "አምላክም አሸነም የኸሬ ሞት ንᎀትነቴ" ባረናም። וַיֹּ֧אמֶר מָנֹ֛וחַ אֶל־אִשְׁתֹּ֖ו מֹ֣ות נָמ֑וּת כִּ֥י אֱלֹהִ֖ים רָאִֽינוּ׃

መላእክት ተጠሪነተሁና የአምላክ የኸሬም የአምላክም ቃል አቀባይ፣ አፈቀላጤ፣ እደራሴ፣ ልኡክ የኸሮሜ "አምላክ" የቧርዮ ያነም ግብራዊ ስያሜ"functional term" ባኸሬ ባሕሪያዊ ስያሜ"ontological term" አኸረ። ባሕሪያዊ ስያሜ ያነን ይማት አምላክዌም እፍት ሰብ ኧዞት ኤቻልን፦
-ዘጸአት 33፥20
"ደግም፦ "ሰብ ኧዥቴ ኤተርፍ የኸሬ እፍተና ኧዞት ኤትቻልኸ" ባረም።

ፋኑኤል ይᎅሪዌ መልአክም "ማላኽ ሀ ፐኒም" מלאך הפנים‎ ይውሪ፥ "ማላኽ ሀ ፐኒም" מלאך הפנים‎ ወበር "ይፍተታ መልአክ" "መልአከ ገጸታ" በሮቱ፦
-ኢሳይያስ 63፥9
"በጭንቀሁና እንም ሁት ተጨነቀም፥ "ይፍትመታ መልአክ" አተነፈኖም። בְּֽכָל־צָרָתָ֣ם ׀ [לֹא כ] (לֹ֣ו ק) צָ֗ר וּמַלְאַ֤ךְ פָּנָיו֙ הֹֽושִׁיעָ֔ם

ዝህ መልአክ አምላክ ይታሽወ የኸሬ "የአምላክ እፍት" "ይፍተታ መልአክ" ቧሪም። በኩፋሌ ᎈወር በእስራኤል ሠራዊት እፍቴ ያር ይፍተታ መልአክ "አምላከንዳ እግዘር ይና ዝካ ባረንደም" ወበረታ በራሰታ ሩፋኤል ፍጡር መልአክ ወህረታም በቂ ማሳያው፦
-ኩፋሌ 2፥1
"ብእስራኤል ሠራዊት እፍቴ ያር "ይፍተታ መልአክ" የዘበር አከፋፈልም የትጻፈወ ጽላት ጠበጠም።
-ኩፋሌ 10፥13
" አምላከንዳ እግዘር ይና ዝካ ባረንደም፥

በተረፈ ያዕቆብ ቲታገል የረፐረዌም የአምላክ መልአክ "ኢየሱስ" ወህረታ ምርም ኤነት የዐውደ ንባብ፣ የትዛመተ ጥቅስ፣ የአይሁድ ትውፊት ማስረጃ ኤነ።
አሏህ ሂዳያህ ያብሁ! ይናም ጽናተታ ያብንደ! አሚን።

ጉራጊኛ ትርጉም በወንድም #አቂል @AkeelComparative

✍ከዐቃቢ ኢሥላም ወሒድ
t.me/Wahidcomguragiga

ወሠላሙ ዐለይኩም

ሚሽነሪ(ከሀዲ ኪሸረኘ) "ዙፋኑሀ ተዕሀ በፎረ ባንደ" ኢንካ ሁዳ ተበጩምታ በቁርኣን እና በሐዲስ ቲዶእታ እና ቲቆልጁዋታ ቲያዢዳ ይገርም፥ ቢኸን ተኤን(ጠዞ) ኧቴረከ ጦር(ኤን) ጋሻ አይጠጪዳ ዋዳ ያቲሽካ ሁዳ ኧገግመሁነዋይ መጽሐፍ ገኪተዋ አናረበቡዋታ። በመጽሐፍ ቅዱስ በግልጽ "ሰአት ሰማያት" ኢንካአር ባይነውር አርዳ ሰማይ አነኸ ኢኢትካአር አነ፦
1ኛ ነገሥት 8፥27 ስር ሰማይ እና ከሰማያት በፎረ አነ ሰማይ ይጠቅርሄ ደረግ ኤነነዳ።
הִ֠נֵּה הַשָּׁמַ֜יִם וּשְׁמֵ֤י הַשָּׁמַ֙יִם֙ לֹ֣א יְכַלְכְּל֔וּךָ
ዘዳግም 10፥14 ስር ሰማይ፣ ሰማየ ሰማያት፣ ምድር፣ በሂዳው ከስ አነዳ ሁድንው ኧጎይታኸ የያህዌህ ንአር።
הֵ֚ן לַיהוָ֣ה אֱלֹהֶ֔יךָ הַשָּׁמַ֖יִם וּשְׁמֵ֣י הַשָּׁמָ֑יִם הָאָ֖רֶץ וְכָל־אֲשֶׁר־בָּֽהּ׃
ነህምያ 9፥6 አኸ ብቻ ያህዌህ(ጎይታንኸ፤ ሳማዩን፣ ኧሳማያት ሰማይን፣ ሜነኘዃ እንው፣ ምድር ሁዳ በፎርሞሀ አኖውትንው፣ ባህር እሀ ዪ በከሱሀ አነዳ ሉህ ነፍሥ እንው ፈጠርኸ።

'ሰማይ" ቲኒዳ እማትን፣ "ሰማያት" ተኖኦራ ሰማያት በፎረ አነደ "ሰማይ" በዌንዘርነ ቢኢንሡኪየዃ አምስት ሰማያት አነውዋ፥ "ሰማየ ሰማያት" ወይይ "የሰማያት ሰማይ" ኧዋርት "ከሰማያት በላይ ያለው ሰማይ" ኧዋርትን። ሀ ተሳማይ በፎረ አነዳ ሳማይ እሀን፦
መዝሙር 148፥4 ሰማየ ሰማያት፥ ሽኩር አዊ የሰማያት በፎረው ውኃ።
הַֽ֭לְלוּהוּ שְׁמֵ֣י הַשָּׁמָ֑יִם וְ֝הַמַּ֗יִם אֲשֶׁ֤ר ׀ מֵעַ֬ל הַשָּׁמָֽיִם׃
ሄኖክ 14፥32 እሀ ሁኖዋ(ውኃዎች) እንው "ከሰማያት በፎረ ታኖውታ እሀ" ይደፐር።
ሄኖክ 14፥31 "ከሰማያት በፎረ ኧእሀ ምንጭ እነው፥ ከሰማያት በታአቸ፥ ከምድር በፎረ አኖታ ምንጮችም ይትኮፈጁዋ።
ሄኖክ 14፥33 "ከሰማያት በፎረ አነ እሀ ግን ኧችን፥ ከምድር በታአቸ አነ እሀ ደሞ ገረድን።

"ውኆች" የውኃ ኖኦራ ቁጥርን። "ጽርሐ አርያም" ኧዋርት ሰማየ ሰማያት ወይ ከሰማያት እንው በፎረ አነ ሰማይን፦
ኢዮብ 16፥19 ዋአካ አትው ምስክርኛ በሰማይ አነ፥ ኢምሠክርኒዳ በአርያም ን። גַּם־עַ֭תָּה הִנֵּה־בַשָּׁמַ֣יִם עֵדִ֑י וְ֝שָׂהֲדִ֗י בַּמְּרֹומִֽים
ኢሳይያስ 33፥5 ያህዌህ በአርያም ቸና እሼ፥ ትንው በፎረ ኸነ።
נִשְׂגָּ֣ב יְהוָ֔ה כִּ֥י שֹׁכֵ֖ן מָרֹ֑ום

"በአርያም ቸና" ኢንካ ቃር አጫምጩም ቡርኤ! "አርያም" ኧዋርት "ፎረኒነ" ኧዋርት ቲኸን "ጽርሕ" ኧዋርት "ስገነት" "እልፍኝ" "አዳራሽ" "ሳሎን" ኧዋርትን፥ ፈጣሪ ሀ ጽርሐ አርያም ኤፐን በእሀን፦
አሞጽ 9፥6 አዳራሹን በሰማይ ኤፐ፥ הַבֹּונֶ֤ה בַשָּׁמַ֙יִם֙ [מַעֲלֹותֹו כ] (מַעֲלֹותָ֔יו

መዝሙር 104፥3 እልፍኙን በእሀ ኤፐ፥ הַ֥מְקָרֶֽה בַמַּ֗יִם עֲ‍ֽלִיֹּ֫ותָ֥יו

ጽርሐ አርያም በዕሀ ኤፔነኸ ትታዥዋታ ጭን ባይተሁዋታ ታቲሂርም ኧከፈትኺ አንቃሁዋ ዝጌተሁዋ ትቾኖታ ይትረከዌ። ጽርሐ አርያም በዕሀ ኧቴፐኸ ባሸነ አይወኧር ሀ ከሰማያት በፎረ ባነዳ እሀ ዙፋኑሀ ኤፐ፦
መዝሙር 103፥19 ያህዌህ ዙፋኑሀ በሰማይ ኤፐ።
יְֽהוָ֗ה בַּ֭שָּׁמַיִם הֵכִ֣ין כִּסְאֹ֑ו
ኢሳይያስ 66፥1 ያህዌህ ዋኸ ይን፦ ሰማይ ዙፋነኛ።
כֹּ֚ה אָמַ֣ר יְהוָ֔ה הַשָּׁמַ֣יִם כִּסְאִ֔י

ከሰማያት በፎረ አነ ሰማይ እሀ ኧኸነኸ እና ሀ ሰማይ ዙፋኑሀ ኧኸነኸ ባሸነ አይወኧር አሹወፊ እና አላጋጭ ኸንኹምታ "ዙፋኑሀ በእሀ በፎረ ባንደ" ኢንካ ኧትከበረ ኧአሏህ ቃር ኧዳዕት እና አሹፍት ኧገጊ ታይሂሪ ኧሰው ኧዥትን ትሟገቱ ጉራ እና ቀነ ኧዥዋ መሠረት አነነ ሙግት ተሟገቱ ባሀኔ አንትራኧ እና አንጥነከረ ትርኪ መርኪአይረባ ሙግት አትሟገቱ! መጀመሪያ ሀሩዋ፤ አንብቡዋ።

አሏህ ሂዳያህ አውሁዋ! ኢና ጽናቱን(ደረግ) አወንረ! አሚን።

✍ከዐቃቢ ኢሥላም ወሒድ
https://t.me/wahidcomguragiga

ትርጉም በወንድም Alhamdu Awol

ወሠላሙ ዐለይኩም

የአሏህ ዙፋን (አርሽ) ኧአሏህ ወንበር

በእነሞር ጉራጊኛ

በአሏህ ሹው በጣም ኑኢየ ሩህሩህ በጣም ኑኢየ አዛኝ በኸነ ሁዳ።

11፥7 አሏህ ጎይታንራ ሳማይዊ አርዳ(አፈር) በስድስት ቀነ ኧፈጠረዳናአር፤ወንበርዃ ትዕሀ በፎረ ባንደ።
وَهُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ وَكَانَ عَرْشُهُ عَلَى الْمَاءِ

"ከሩቢይ" كَرُوبِيّ ኧዋርት "ኧትባረካአር" ኧዋርትን፥ "ከሩቢዩን" كَرُوبِيُّون ኧዋርት ደግሞ የከሩቢይ አርዳ ቁጥር ኸነታ "ቡሩካን" ኧዋርትን። የግዕዙ "ኪሩብ" ኧዋርት የግዕዙ ቃር እና "ክሩቭ" כְּרוּב ኧዕብራይስጥ ቃር "ባሩኽ" בָּרוּךְ ቲይንካ አት ቃር ኧወሰጂ ቲኸን "ቡሩክ" ኧዋርትን፥ ኧኤርሚያስ ጎበዝ ጸሀፊ "ባሮክ" ሹውሀ ኧወሠጂ "ባሩኽ" בָּרוּךְ ቲይንካ ቃርን። የአሏህን ዙፋን (ወንበር) ኢፌንክታ መላእክት ኪሩቤል ለአሏህ ቅርብ ኧሆኑዋ መላእክት ኖዋ፦
4፥172 አል መሢሕ(ኧመርየም ኧች) ለአሏህ ባሪያ ተሁንት ፈጽሞ አይቅወኝችካ፡፡ ቅርብ ኧሆኑዋ መላእክትም አይቅወኝችታ፡፡
لَّن يَسْتَنكِفَ الْمَسِيحُ أَن يَكُونَ عَبْدًا لِّلَّهِ وَلَا الْمَلَائِكَةُ الْمُقَرَّبُونَ
40፥7 ሀሁኖዋ "ዙፋኑሀ ኢፌኑክታይ ሀሁኖዋ በዙሪያዃ አኖውታ ምስጋና ያወድሹዋ፡፡ በሁዳ በአሏህ ያአውሩዋ፡፡
الَّذِينَ يَحْمِلُونَ الْعَرْشَ وَمَنْ حَوْلَهُ يُسَبِّحُونَ بِحَمْدِ رَبِّهِمْ وَيُؤْمِنُونَ بِهِ
ሡነን አቢ ዳውድ መጽሐፍ 42, ሐዲስ 132
ጃቢር ኢብኑ ዐብደሏህ ኧዝሬከኸ፦ "ነቢዩም"ﷺ" ዋኸ ቧርም፦ "ዙፋኑን(ወንበርዃ ቲፌኑክታ ከአሏህ መላእክት ስለ አት መልአክ ኧዝሬንኪ ጎይታ ፈቀደኒ፥ ሁዳ ባቴ በእንዝዃዪ በአጋዱሀ ግት አነዳ ኖኢነድሀ የሰባት መቶ ዓመት መያ ኢኸን"።
عَنْ جَابِرِ بْنِ عَبْدِ اللَّهِ، عَنِ النَّبِيِّ صلى الله عليه وسلم قَالَ ‏ "‏ أُذِنَ لِي أَنْ أُحَدِّثَ عَنْ مَلَكٍ مِنْ مَلاَئِكَةِ اللَّهِ مِنْ حَمَلَةِ الْعَرْشِ إِنَّ مَا بَيْنَ شَحْمَةِ أُذُنِهِ إِلَى عَاتِقِهِ مَسِيرَةُ سَبْعِمِائَةِ عَامٍ ‏"‏ ‏.‏

"ዐርሽ" عَرْش ኢንካ ቃር "ዐረሸ" عَرَشَ ኧዋርት "ጥቅ ኤፐ ጠበጠ" ቲዪንካ ቡር ቃር ኧዋአአር ቲኸን "ኢጠጪዳአር" "ዙፋን" (ወንበር)ኧዋርትን፥ ዙፋን(ወንበር) ኧራሱሀ ኧቻለ እና ኑእነድ ኧጠበጣአር አትው ኧኑጉስነድ ምልክት እና ኢወስርካናአር ፤ያቲሽካናአር

27፥23 ኢያ "ትገዛኮታ ህዝብ አኖውናዳ" ኧኸነች ገረድ ትእንው ዘንጋ ኧቴወናአር አሸሁ፥ ኧሂዳ ኑዕ ወንበር አነና።
إِنِّى وَجَدتُّ ٱمْرَأَةًۭ تَمْلِكُهُمْ وَأُوتِيَتْ مِن كُلِّ شَىْءٍۢ وَلَهَا عَرْشٌ عَظِيمٌۭ

"ትገዛካአር" ቧሩም ኧሆኔ ቃር "ተምሊኩ" تَمْلِكُ ቲኸን ዙፋን ንግሥና ምልክት እና ያቲሽካአር ኧኸነኸ ጌከረ ያቲሽካናአር። "መሊክ" مَلِيك ኧዋርት "ንጉሥ" ኧዋርት ቲኸን አምላክንራ አሏህ እውነተኛ ንጉሥ ኧኸኔ ኧንጉስነድ ምልክት ያዝወኝካ ዙፋን(ወንበር) አነነ፦
23፥116 እውነተኛው ንጉሥ አሏህ እንው በፎረ ኧሁንት  ተዌን፡፡ ተሁዳ ኤኛ ጎይታ(አምላክ ኤነዳ። አሏህ ሀ ያዝወኝካ“ዙፋን” ጎይታን፡፡
فَتَعَٰلَى ٱللَّهُ ٱلْمَلِكُ ٱلْحَقُّ ۖ لَآ إِلَٰهَ إِلَّا هُوَ رَبُّ ٱلْعَرْشِ ٱلْكَرِيمِ

ጎይታንራ አሏህ በተከበረ ቃርዃ አትው ኢትሮሞችታ ነቢንራ"ﷺ" በነቢየኸ ቃርሁኖዋ የአሏህ ዐርሽ ትዕሀ በፎረ ኧነፐረኸ ኤኤጁም፦
11፥7 (አሏህ) ሰማያትንና ምድርን በስድስት ቀነ ኧፈጠረ ሁተን፤ ዙፋኑሀ ትዕሀ በፎረ ባንደ"።
وَهُوَ الَّذِي خَلَقَ السَّمَاوَاتِ وَالْأَرْضَ فِي سِتَّةِ أَيَّامٍ وَكَانَ عَرْشُهُ عَلَى الْمَاءِ
ኢማም ቡኻሪይ መጽሐፍ 59, ሐዲስ 2
ዒምራም ኢብኑ ሑሰይን አስተላለፈኸ፦ "ነቢዩም"ﷺ" ወኸ ቧርም፦ "አታአር ታይነውር ኢፍቲ አሏህ ባንደ፥ታሀ ዙፋኑሀ ተዕሀ በፎረ ባንደ"።
عَنْ عِمْرَانَ بْنِ حُصَيْنٍ، قَالَ إِنِّي عِنْدَ النَّبِيِّ صلى الله عليه وسلم كَانَ اللَّهُ وَلَمْ يَكُنْ شَىْءٌ غَيْرُهُ، وَكَانَ عَرْشُهُ عَلَى الْمَاءِ،

ኢየሱስ የባሕርይ ልጅ አይደለም! በሚል ክፍል አንድ ትምህርት ተለቋል። ያድምጡና ያስደምጡ፦ https://youtu.be/uMWBkbcbR64?si=GdAwgw3qxfr7OZfA

ሌሎቻችሁ ሼር አርጉት!

እግዘር አብ

በአላህ ሽም አቸም ተጨር ሩኅሩህ አቸም ተጨር አዛኝ በኸረ ሁት፡፡

6፥98 ሁትም ሀ ትማት ነብስ ያትሬከበናሁው፡፡ وَهُوَ الَّذِي أَنشَأَكُم مِّن نَّفْسٍ

በዕብራይስጥ ይማትዌ አምላክ "አብ" אָ֑ב በሮት "ያትሬከበ" "ምንጭ" ወበሩ ፥ እማትም አምላክ የሰብ ጭቃራ አመነም የቾቴ "አብ" אָ֑ב ቧሪም፦
- ኢሳይያስ 64፥8
" ያህዌህ ሆይ! አኸ አባንዳንኸ፤ ይና ጭቃራንደ፥ አኸም የቾትኸንደኸ፥ ይናም እንመንዳ የጃኸ ሜናንደ። יְהוָ֖ה אָבִ֣ינוּ אָ֑תָּה אֲנַ֤חְנוּ הַחֹ֙מֶר֙ וְאַתָּ֣ה יֹצְרֵ֔נוּ וּמַעֲשֵׂ֥ה יָדְךָ֖ כֻּלָּֽנוּ׃
በዝህ አንቀጽ ፉወር ይማትዌ አምላክ "አብ" אָ֑ב ቲᎄሪ የሰብ "ጭቃራ" ቧሪም፥ ጭቃራም ሁት የጀታ ሜና ቲኸር "አብ/አባት" ይብር ሁት "የቾተ/ይቾት/ሰሪ" ወበር የኸሬ "አባንዳ" ይብር ሁት "የቾትኸንደ" ቢብር ተልዋዋጭ ቃር ቸነም።
"ይንመንዳ እማት አባ ያነንደ ቃር አንኸረዌ? ቲብርም "ይንመንዳ እማት የቾተ/ይቾት/ሰሪ " ያነ ኸማ ያትየሽ ቃሩ፦
- ሚልክያስ 2፥10
" ይንመንዳ እማት አባ ያነንደ ቃር አንኸረዌ? የፈጠረንደህ አት አምላክ አንኸረዌ? הֲלֹ֨וא אָ֤ב אֶחָד֙ לְכֻלָּ֔נוּ הֲלֹ֛וא אֵ֥ל אֶֽחָ֖ד בְּרָאָ֑נוּ
-ዮሐንስ 8፥41
" እማት አባ ነረንደ፥ ሁትም አመላኩ። ἕνα Πατέρα ἔχομεν τὸν Θεόν.
-ኤፌሶን 4፥6
" አት አምላክ ይንመታ አባ ነረ። εἷς Θεὸς καὶ Πατὴρ πάντων,

"አባ" ያት አምላክ ሁት ቲትቀጸል ራሰታ "ያትረክብ" ወበሩ ባኸሬ "የባሕርይ አባ" በሮት አንኸረ።
"ሆ ቴዎስ ሆ ፓትሮስ" Ο Θεός ο Πατρὸς ወበር "እግዘር አብ"God the Father" በሮት ቲኸር 13 ግዝየ ጠቘሺም። ነዝህ አንቅጽ ኧዞዮ፦
ዮሐንስ 6፥27 ገላትያ 1፥1 ኤፌሶን 6፥23 ፊልጵስዩስ 2፥11 ቆላስይስ 3፥17 1ኛ ተሰሎንቄ 1፥1 2ተኛ ጢሞቴዎስ 1፥2 ቲቶ1፥4 1ኛ ጴጥሮስ 1፥1 2ኛ የጴጥሮስ 1፥17 2ኛ ዮሐንስ 1፥3 ያዕቆብ 1፥27 ይሁዳ 1፥1

እየሱስ እግዘር ኤኸርወ ያነ አብ ያንኸረ የኸሬው፥ ምክንያትመታ "አብ" ዌም "አባንዳ" ይብር ማዕረግ ያነን ይማት እግዘር ሁት ብቻው፦
- 2ኛ ጢሞቴዎስ 1፥2
" ትእግዘር አብም ተጔታንዳም ተክርስቶስ ኢየሱስ ጸጋም ምረትም ሰላምም የህር። ἔλεος, εἰρήνη ἀπὸ Θεοῦ Πατρὸς καὶ Χριστοῦ Ἰησοῦ τοῦ Κυρίου ἡμῶν.
- 1ኛ ጢሞቴዎስ 1፥2
" ትእግዘር አባንዳምም ተክርስቶስ ኢየሱስም ተጔታንዳ ጸጋም ምረትም ሰላምም የህር። χάρις, ἔλεος, εἰρήνη ἀπὸ Θεοῦ πατρὸς καὶ Χριστοῦ Ἰησοῦ τοῦ κυρίου ἡμῶν.

"እግዘር አብ" ይብር ሁት "እግዘር አባንዳ" ቢብር ተልዋዋጭ ቃር በቸነ እግዘርም እየሱስም የትቤተሮ የኸሮ ሁዌት ምር ህሮትም ሟን ወህርም የኸረቦ ቃሎ። እግዘር "አብ" የቧሪ ያነ "አባንዳ" የቧሪዬው፥ እየሱስ ግን "አብ" ዌም "አባንዳ" የቧርኵወ እማትም ጥቅስ ኤነ።

"ሆ ቴዎስ ሆ ሁዮስ" Ο Θεός ο γιος ወበር "እግዘር ወልድ"God the Son" በሮት ቲኸር ዝህ ሽም የትሰየመ በ325 ድኅረ ልደት በኒቂያ ጉባኤው።
"ሆ ቴዎስ ሆ ኑማ ቶ ሐጊዎን" Ο Θεός ο Πνεῦμα τὸ Ἅγιον ወበር "እግዘር መንፈስ ቅዱስ"God the Holy Spirit" በሮት ቲኸር ዝህ ሽም ደሞ የትሰየመ በቆስጠንጢኖስ ጉባኤ በ381 ድኅረ ልደት ጋᎀወ።
ስለዚ "አብ" ይᎄሪ ሁት ይየሱስ ያትረከᎄን የኸረ "እግዘር ሁቱ"፦
- ቆላስይስ 1፥3
" የጔታንዳ ይየሱስ ክርስቶስዌ አባ ይእግዘር እንም ጋᎀ ናሸኩርኔ። Εὐχαριστοῦμεν τῷ Θεῷ Πατρὶ τοῦ Κυρίου ἡμῶν Ἰησοῦ Χριστοῦ.
በተጨማሪም ይየሱስ ክርስቶስ አባም እግዘር የኸረ ኸማ ነዝህ አናቅጽ ኧዥኖ፦ ዮሐንስ 5፥18 ሮሜ 15፥6 1ኛ ቆሮንቶስ 15፥24

" እግዘር እማቱ ፤ ትእግዘር ውጤ "አብ" ኤነ፥ ታአብ ውጤ "እግዘር" ኤነ፦
->ሃይማኖተ አበው ምዕራፍ 79 ተቁጥር 21
"ትእግዘር እንጉወድ አባና ይᎇን ያነ የሟኑ?
->መጽሐፈ ምሥጢር ምዕራፍ 29 ቁጥር 53
"አብ" ተዘላለም እስተ ዘላለም "እግዘር" ይᎄሪቴ፥ ያአብ ትእግዘር ውጤ ቡችር ሽም አነከብኔለ"
->ሥርዓተ ቅዳሴ ምዕራፍ 5 ቁጥር 36
"የየሱስ ክርስቶስ አባ እግዘር እማቱ"
->ሥርዓተ ቅዳሴ ምዕራፍ 5 ቁጥር 33
" የየሱስ ክርስቶስ አባ በኸረዌም ፍጥረተታ እንም በፈጠረም አት አምላክ ናምነ"

"ሆ ሁዮስ ቱ ቴዉ" ὁ υἱός τοῦ Θεοῦ, ወበር "ይእግዘር ትከ" The Son of God" በሮቱ፥ እግዘር "የእየሱስ አባ" የቧሪ ኸማ እንም እየሱስም ደሞ "የእግዘር ትከ" ቧሪም። እየሱስ እግዘር የኸረ ቃር ተኸረም አብ "ይእግዘር አባው" ይብር ቃር ይኸዊ ባነ።
የክርስታን ህኖ "ይእየሱስ አባ ሟኑ? ትብኔዮ "እግዘሩ" ይብሮንደ። ኢየሱስ ገግ በገገታ አብ ባኸረ ፥ አባታምም እግዘር በኸረ! እየሱስ ደሞ እግዘር አኸረ ወበሩ።

ያአምላከንዳ አሏህ በቁርኣን የጠቘሽዮ ዘጠናም ዠጠ ባሕርየታ ይገልፆ የኸሮ ወሄ ሽም ነረበዊ። ተዝም ሽም ህኖ አተታ "አል-ባሪእ" ይውሪ።
"አል-ባሪእ" الْبَارِئ ይብር ቃል "በረአ" بَرَأَ‎ በሮትም "ተረከበም" ቲብር ሥርወ ቃል የቸነ ቲኸር "ያትረክብ" ወበሩ፦
59፥24 ሁት አሏህ ይፈጥረታው፣ "ያትረክበታው"፣ ቅርጽም ይⷘⷍረታው፡፡ የሁትም ወሄየ ሽም ነረበዊ፡፡ هُوَ اللَّهُ الْخَالِقُ الْبَارِئُ الْمُصَوِّرُ ۖ لَهُ الْأَسْمَاءُ الْحُسْنَىٰ

በዝህ አንቀጽ ᎈር "ያትረክበታው" የበሮት የገፓ ቃል "አል ባሪእ"ው الْبَارِئ ፥ አምላከንዳ አሏህ ሰብ እንም ባትረህቦተታ ይንመንዳ ያትረከበው።
6፥98 ሁትም ሀ ትማት ነብስ ያትረከበናሁው፡፡ وَهُوَ الَّذِي أَنشَأَكُم مِّن نَّفْسٍ

"አብ" ይብር ማዕረግ ሁት "ያትረክብ" ይብር ባሕርይ ይቀፅሌ በቸነ እንግዲያው ሙሥሊም የኸነ ይና "አብ" ቤትነ ታንቀፅልነ ቁርኣንም ሐዲስም በግልጽ ቦሰፈወ ወስፍ "አል ባሪእ" الْبَارِئ ባነም ታ እማት የኸረ አምላከንዳ አሏህ ንጠራኔ። አሏህ ሂዳያህ ያብሁ! ይናም ጽናተታ ያብንደ! አሚን።

✍ከዐቃቢ ኢሥላም ወሒድ
https://t.me/Wahidcom

በእነሞርኛ የጉራጊኛ ቋንቋ ተርጉሞ ለመስራት ፈቃደኛ የሆነ ሰው ካለ ለአድሚኖች አናግሩን
@Akel1941
@SeuweSe
@Nesriyaaa

ወሠላሙ ዐለይኩም