السَّلامُ عَلَيكَ يا نورَ الله الَّذي يَهتَدي
بِهِ المُهتَدونَ ويُفَرَّجُ بِهِ عَنِ المُؤمِنينَ

في الخامس عشرَ وِلادةُ عِطْرٍ
يَكفي لتَرْميمِ أرواحِ الوَرى كُلّها.

‏١١٩١ سَنة مِنَ الحُبّ وَالإنتِظار …

التفت وشتاگ لیهم  روحي تتحصر....
امنصیح الله واکبر اذکر الاکبر....
انشف مستحه گدام عین الناس
یذبل کلشي بیه اوروحي تتفطر...
منو ایعیش ابمکاني الخیل ولذباح
اوعسکر عل حرم یفتر....
منو ایعیش ابمکاني اسهام طعن ارماح
وصبح لل سحگ معبر.....
انه الکاتلني شوگي الگعدت العباس
عله افراگ ابوفاضل والله مااگدر....

اطیح او اصرخ ابصوتي.... یاخویه یا خویه
بفراگك دوا موتي...  يا خويه يا خويه
صار الكون تابوتي.... يا خويه يا خويه

(تعبوني الدللتهم)
__
بعدني اشتاگ وشتم عطر المغربین...
وتنفس هواهم واعتب اعله البین...
اخذ کلشي الاحبه اوکلشي یمه ارتاح
اول تالي امشي اوعثر ابچفین....
اول تالي ادور بل جثث یا ناس
وصیح بلکت ایگعدون عل میتین...
وگولن هسه یرجع کاشخ العریس
ولاکبر یمشي یمه اثنینهم عدلین....
ولتفت بس آنه واگف بین خیل اوناس
اوکلها اتصیح والله انرید راس احسین....

یخوتي او یا ربع گلبي.... یاخویه یا خویه
بعدکم ضیعت دربي.... یاخویه یا خویه
انه المدري شنو ذنبي.... یاخویه یا خویه

(تعبوني الدللتهم)
___
یربعي الدنیا صارت ضیجه اسندوني....
اما من ناصرن لو صیح ادرکوني....
آنه احسین صاحبکم  وحشمکم
یمن عدمن ابیا حاله عفتوني....
احس میت گبل لا یحظر الذباح
یمن بفراگکم والله ذبحتوني....
ارح اوگع وارید الیفزع ابلا راي
علیکم آنه کل ما طیح شیلوني....
بعد ما بیه حیل ارکض صدگ تعبان
احس برموشي والله امثگله اعیوني....

احشم گمت بل موته... یاخویه یا خویه
المثلي ما طلع صوته.... یاحویه با خویه
یحس الکون تابوته.... یاخویه یا خویه

(تعبوني الدللتهم)

____
الهوا یخنگني صایر ولحچي یذبح....
یل عباس ترضه احسین یتجرح....
وحگ طاریك يا خويه شبعت اسهام
الذباح جاي ابنحري یتفلح...
الرماح اطگني تطلع روحي ویاها
اباوع جسمي من کل ناحیه امشرح...
کلها اترید موتي او شایلین اسیوف
نهایت کلشي ذباح النحر یربح....
اخلص مستحه گدام عین الناس
حتی الموت یا عباس مایصلح....

الحگ طیحت الحدب... یا خویه یاخویه
اباوع عل خیم تلهب.... یا خویه یاخویه
اوترکض بل زلم زینب.... یا خویه یاخویه

(تعبوني الدللتهم)
____

الشاعر خالد السویطي

اخذني بأيدي يا أم الحُسين،
ضايع جيت و حزنچ وطن !
من كُل خُوف بهذا الزمن،
انتِ أُم لكُل الوجود،
انتِ مو بس ام الحسن !
امااه ?