❗️2025 йилда бензин ва дизель ёқилғисига акциз солиғи ставкалари ошади

Келгуси йилнинг апрель ойидан бошлаб ставкалар ўртача 10 фоизга оширилади.

2025 йил учун давлат бюджети тўғрисидаги қонун қабул қилиниши муносабати билан Солиқ кодексига киритилган тузатишлардан келиб чиқиб, келгуси йилда ёқилғи маҳсулотларига акциз солиғи ставкалари ўзгартирилади.
2025 йил 1 апрелдан бошлаб бензин, дизель ёқилғиси, газ ва бошқа нефть маҳсулотларига акциз ставкалари ўртача 10 фоизга оширилади. Аввалги индексация жорий йилнинг апрель ойида бўлиб ўтган: ставкалар ўртача 12 фоизга ошган.
Ҳужжатга кўра, 1 январдан бошлаб табиий газ учун акциз солиғи ставкаси 20 фоиздан 12 фоизгача пасайтирилади.
1 апрелдан якуний истеъмолчилар учун барча турдаги бензин учун акциз солиғи оширилади.
Аввалроқ алкоголь ва тамаки маҳсулотларига акциз солиғи ставкаларининг ўзгариши ҳақида хабар берган эдик.

Каналга уланинг:👉
😀 https://t.me/Batafsilinfouz

*❗️Ичимлик ва оқова сув хизматлари тўловлари энди фақат электрон шаклда қабул* қилинади

Аҳолини тоза ичимлик суви билан таъминлаш ва оқова сув хизмати қамровини янада кенгайтириш борасида давлатимиз раҳбари бошчилигида катта ҳажмдаги самарали ишлар амалга оширилмоқда.
Айниқса, тўлов жараёнларини рақамлаштириш орқали истеъмолчиларга қулайлик яратиш ва тизимда коррупцион ҳолатларга йўл қўймасликка жиддий эътибор қаратиб келинмоқда.

Соҳада шаффофликни таъминлаш ҳамда коррупцион ҳолатларга барҳам бериш мақсадида жорий йилнинг 1 декабридан республика миқёсида ичимлик ва оқова сув хизматлари учун тўловларни фақат электрон шаклда қабул қилиш тизимига ўтилади.

Назоратчи ва сув таъминоти ходимларига тўловларни нақд пул кўринишида амалга ошириш тўхтатилади.

Каналга уланинг:?
? https://t.me/Batafsilinfouz

​Пропан нархини сунъий ошириш билан боғлиқ ўйинлар давом этмоқда

Антимонополия органи эса ҳеч нарса бўлмагандай, ўзбекистонликларни талаш бўйича бу жирканч ҳаракатлар уларга алоқадор эмасдек, сукут сақлашни маъқул деб билмоқда.

Нархлар сунъий равишда, келишилган ва тил бириктирилган ҳолда оширилаётганини кўришингиз учун, ўтган ҳафтада қанақа манипуляциялар амалга оширилганини қисқа тушунтирамиз.

22 октябрь куни биржага 892 тонна, яъни аввалги кундан 561 тонна кам пропан чиқарилган. Натижада ўртача нархлар 430.3 минг сўмга ирғиган.

Эртаси ва индинига биржага чиқарилган пропан ҳажми бироз оширилган ва нархлар гўёки барқарорлашгандек бўлган.

Лекин жума куни яна биржага чиқарилган ҳажм 145 тоннага қисқартирилган ва нархлар яна сакраган ва тоннасига 9 362,8 минг сўмга чиққан. Бу шонли энергетиклар қаноти остидаги бир тўп олигархлар томонидан пропан ўйинлари бошлангандан бери янги абсолют рекорд нарх.
Сиз ўйлашингиз мумкин, фақат ўтган ҳафта шундай бўлгандир деб. Ҳар ҳафта шундай методичка қўлланилади. Ҳажм кескин қисқартирилади, нарх оширилади. Бир икки кун ҳажм оширилади ва нарх туширилиб. барқарорлаштирилгандек алдамчи картина ҳосил қилинади. Лекин нарх оширилиши бўйича умумий мақсадли тенденция ўзгармайди. Масалан, ўтган ҳафта тушиш ва чиқишлар билан пропан нархи 7%га ёки 610,5 минг сўмга қимматлаган.

Бу шохобчаларда яқин кунларда пропан яна 400-500 сўмга, 8 000 сўмгача қимматлайди дегани. Советча ОБХСС ролига кирганлар, аслида олигархларнинг шериклари тепадаги қароқчи муттаҳамлар қолиб, яна шохобчаларда тадбирлар бошлаб қолишса, ҳайрон бўлмайсиз.

Каналга уланинг:?
? https://t.me/Batafsilinfouz

Тошкентда Telegram "Кошелёк" бўлимида крипто активларини сотган шахс қамалди

Ашёвий далил сифатида олинган 1 дона iPhone 7 plus телефони қонунчиликда белгиланган тартибда йўқ қилинди.

Жорий йилнинг 23 октябрь куни Тошкент шаҳар жиноят ишлари бўйича Чилонзор туман судида МЖтКнинг 155-4-моддаси 1-қисмида назарда тутилган ҳуқуқбузарликни содир этганликда гумонланган Х.С.га оид иш кўриб чиқилди.
Аниқланишича, 2024 йил 10 октябрь куни ИИББ АТСЖҚКБ ходимлари томонидан ўтказилган тезкор тадбирда фуқаро Х.С. Telegram платформасида "Кошелёк" бўлимида iPhone 7 plus телефон аппаратидан фойдаланиб ноқонуний равишда крипто-активлар айланмасини амалга оширгани маълум бўлган.
Ҳуқуқбузар Х.С. суд мажлисида, ўзининг юқорида кўрсатиб ўтилган ҳолатдаги ҳуқуқбузарлик ҳаракатига иқрорлигини, ҳозирда содир этган қилмишидан пушаймонлигини, бошқа бу каби ҳаракатларни содир этмаслигини, содир этган қилмишининг оқибатини тўлиқ тушуниб етганлигини, крипто-активлар айланмасини қонунчиликда белгиланган тартибда олди-сотди қилиш кераклигидан хабари йўқлигини инобатга олиб, суддан унга жазо тайинлашда енгиллик беришни сўради.
Ашёвий далил сифатида олинган 1 дона iPhone 7 plus русумли телефон аппаратини қонунчиликда белгиланган тартибда йўқ қилишни лозим топилди.
Суд ҳукмига кўра, Х.С. МЖтКнинг 155-4-моддаси 1-қисмида назарда тутилган ҳуқуқбузарликни содир қилган деб топилди ва унга шу модда билан 10 сутка маъмурий қамоқ жазоси тайинланди.

Манба

Каналга уланинг:?
? https://t.me/Batafsilinfouz

“Hamster Kombat” ўйини крипто-активми? Уни қачон қонуний сотиш мумкин?
Истиқболли лойиҳалар миллий агентлиги “Hamster Kombat” ўйини ҳақида келиб тушаётган бир қатор саволларга жавоб берди.

Истиқболли лойиҳалар миллий агентлигининг хабарқилишича, агентликка “Hamster Kombat” ўйини билан боғлиқ кўплаб саволлар келиб тушмоқда. Хусусан, ўзбекистонликлар бундай ўйин ҳисоб бирликларини қонуний равишда харид қилишлари ёки сотишлари мумкинми, Ўзбекистонда “Play-to-earn” тамойили бўйича ташкил этилган ўйинлар фаолияти қонунийми, “Hamster Kombat” ўйинида тўпланган ҳисоб бирликлари крипто-актив саналадими ва ҳоказо. Қуйида энг кўп бериладиган саволларга жавоблар келтирилган. 
“Hamster Kombat” – Play-to-earn тоифасидаги ўйинми?
Play-to-earn - ўйин орқали реал пул ёки бошқа қимматли мукофотларни олиш мумкин ўйин тури. “Hamster Kombat” ўйини мазкур тоифадаги ўйинлар қаторига кирмайди, чунки ўйинда тўпланган тангалар (ҳисоб бирликлари) утилитар крипто-активлардан фарқли ўлароқ, таъминланмаган ва реал фойда келтирмайди.
“Hamster Kombat” ўйинида тўпланган ҳисоб бирликлари крипто-актив саналадими?
Ўзбекистон қонунчилигига кўра крипто-актив бу – маълумотларнинг тақсимланган реестри (блокчейн) даги рақамли ёзувлар йиғиндиси бўлган, қиймати ва эгасига эга мулкий ҳуқуқ.
“Hamster Kombat” ўйинида тўпланган ҳисоб бирликлари юқоридаги таърифга мос келмайди ва блокчейнга эга эмас. Шунга кўра, мазкур бирликлар крипто-актив эмас.
Бироқ, келажакда “Hamster Kombat” даги тангалар блокчейнга ўтиши ва шу билан крипто-активга айланиши мумкинлиги инкор этилмайди.
Кейинчалик, крипто-активни тарқатиш мақсадида у крипто-платформаларда листингдан ўтказилиши мумкин. Бироқ, бундай крипто-активлар акс ҳолларда фойдали функционалликнинг йўқлиги сабабли рўйхатга олинганидан кейин қисқа вақт ичида қадрсизланади.
“Hamster Kombat” ўйинида тўпланган ҳисоб бирликларини улар крипто-платформаларда рўйхатга олинганидан кейин харид қилиш ёки сотиш қонуний бўладими?
“Hamster Kombat” ўйинида тўпланган ҳисоб бирликлари крипто-актив деб тан олинса, уларни фақат крипто-активлар айланмаси соҳасидаги миллий хизмат кўрсатувчи провайдерлар орқали харид қилиш ёки сотиш мумкин бўлади. Бунда улар крипто-биржа котировкалаш варағи ёки крипто-дўконнинг савдо саватига киритилган бўлиши зарур.
“Hamster Kombat” ўйинининг Ўзбекистондаги фаолияти Агентлик томонидан тартибга солинадиган соҳаларга кирадими?
“Hamster Kombat” ўйинининг ҳисоб бирликлари блокчейнга эга бўлмагунича, уларнинг айланмасини тартибга солиш Агентлик ваколатига кирмайди.

Каналга уланинг:?
? https://t.me/Batafsilinfouz

Қорақалпоғистонда ИИБ бошлиғи ўринбосари қўлга олинди
ДХХ Қорақалпоғистон Республикаси бўйича бошқармасига мурожаат қилган фуқаро Қўнғирот туман ИИБ бошлиғи ўринбосарини жавобгарликка тортишни сўраган. Мурожаатчининг билдиришича, туман ИИБ бошлиғи ўринбосари, жамоат хавфсизлиги хизмати бошлиғи, майор унвонига эга мансабдор унинг шахсий сирини билишини, агар унга iPhone 15 Pro Мах олиб келмаса, ўша сирни фош қилиб, ўзини жавобгар қилмоқчилигини айтган.

Бундан қўрқиб кетган фуқаро ДХХ Қорақалпоғистон Республикаси бўйича бошқармасига мурожаат қилиб, ёрдам сўраган. ДХХ Қорақалпоғистон Республикаси бўйича бошқармаси ходимлари томонидан ўтказилган тадбирда Қўнғирот туман ИИБ бошлиғи ўринбосари фуқародан талаб қилинган iPhone 15 Pro Мах’ни олаётган вақтида жиноят устида қўлга олинган.

Каналга уланинг:?
? https://t.me/Batafsilinfouz

Rasmiy munosabat!

Bugun ijtimoiy tarmoqlarda “Oylik ijtimoiy energiya limiti 200 kVt, kunlik esa 6.6 kVt ekan” degan xabarlar tarqalmoqda.
Mazkur xabar yuzasidan “Hududiy elektr tarmoqlari” AJ quyidagilarni ma’lum qiladi:

Xabaringiz bor, О‘zbekiston Respublikasi Vazirlar Mahkamasining “Yoqilg‘i-energetika sohasida bozor mexanizmlarini joriy etishning qо‘shimcha chora-tadbirlari tо‘g‘risida” 2024-yil 16-apreldagi qaroriga asosan elektr energiyasi va tabiiy gaz bir oylik iste’molining bazaviy meyorlari tasdiqlangan.

Shunga kо‘ra, endilikda bir oyda 200 kilovattgacha elektr energiyasi ishlatgan xonadon egasi 1 kilovatt⋅soat uchun 450 sо‘mdan tо‘laydi. Iste’mol mazkur kо‘rsatkichdan oshsa, ya’ni 1000 kilovatt⋅soatgacha ishlatilgan bо‘lsa 200 kilovatt-⋅soatgacha – 450 sо‘m, qolgan 800 kilovatt⋅soatga – 900 sо‘mdan tо‘lov qilinadi.

Mazkur о‘suvchi tariflarni hisoblashda hamda xabarda keltirilganidek, elektr energiyasi sarfi kunlik iste’mol miqdorida emas, balki iste’molchining bir oy davomidagi kо‘rsatkichi asosida hisoblanishini ma’lum qilamiz.

Misol uchun, iste’molchi bir oyda 300 kilovattgacha elektr energiyasi ishlatgan bо‘lsa, xonadon egasi 200 kilovattga 1 kilovatt⋅soat uchun – 450 sо‘m, qolgan 100 kilovatt⋅soat uchun 900 sо‘mdan tо‘laydi.

2024-yil 1-iyundan iste’molchilarga foydalanilgan elektr energiyasi va tabiiy gaz bо‘yicha oylik ma’lumot “bazaviy meyor” va undan ortiq hajmlar kesimida yuboriladi.

Ijtimoiy tarmoqlarda tarqatilayotgan “...kuniga 6.6 kVtdan ortiq tok ishlatsangiz, undan ortganiga qimmat tarifda tо‘lanadi”, degan xabarlar mutlaqo asossiz ekanligini ta’kidlagan holda, yangilik kanallari adminlaridan bunday yolg‘on ma’lumotlarni tarqatmasliklarini sо‘rab qolamiz.

Shu о‘rinda iste’molchilardan elektr energiyasi bо‘yicha savollar yoki tushunmovchiliklar bо‘lsa, tuman elektr ta’minoti korxonasiga yoki “Hududiy elektr tarmoqlari” AJning 1154 qisqa raqamli Call-markaziga hamda telegram ijtimoiy tarmog‘iga @HET_admin murojaat qilishlarini sо‘raymiz.

“Hududiy elektr tarmoqlari” AJ mazkur tarqatilgan asossiz ma’lumot yuzasidan tegishli tartibda huquqni muhofaza qilish organlariga murojaat qilishini ma’lum qiladi.

Каналга уланинг:?
? https://t.me/Batafsilinfouz

https://t.me/hamster_koMbat_bot/start?startapp=kentId5315492938 Play with me, become cryptoexchange CEO and get a token airdrop! ? 2k Coins as a first-time gift ? 25k Coins if you have Telegram Premium