«Өзенмұнайгаз» АҚ Комплаенс қызметі тобының ұйымдастыруымен Маңғыстау облысы бойынша Сыбайлас жемқорлыққа қарсы департаментінің өкілдері шақыртылып, қоғам ғимаратында компания басшылық құрамымен кездесті.

Департамент басшысының бірінші орынбасары Бауыржан Батырханұлы Кенжетаев, бас маман Нұргүл Тұрлыбайқызы Мұқатай қоғам жұмыскерлеріне сыбайлас жемқорлыққа қарсы мәдениетті қалыптастыру тақырыбында дәріс өткізді.

Сонымен қатар қоғам жұмыскерлеріне мемлекет тарапынан «Сыбайлас жемқорлыққа қарсы іс-қимыл туралы» қолданыстағы ҚР Заңына енгізілген және алдағы уақытта енгізілетін өзгерістер мен толықтырулар туралы айтылды.

Департамент өкілдерімен сыбайлас жемқорлық үшін қолданыстағы Заңнамада көзделген жауапкершіліктің қатаңдығы ескертіліп, сыбайлас жемқорлық фактілері бойынша ақпарат беру жолдары (1424 call орталығы) туралы құлақтандырылды.

Комплаенс қызметі тобы жетекшісі Ақтан Оразов қатысушыларға қоғам бойынша қабылданған сыбайлас жемқорлыққа қарсы шаралар туралы мәлімет беріп, қоғамда сыбайлас жемқорлық, алаяқтық және өзге де Заңнама бұзушылықтарын хабарлау жедел желісі қызметінің жұмыс жасайтынын атап өтті.

Жиын соңында қатысушылардың өзекті сұрақтарына тиісті жауаптар берілді.

«Ембімұнайгаз» АҚ қарасты бір топ қызметкер Жаңаөзенде тәжірибеден өтті

«Өзенмұнайгаз» АҚ-на «Ембімұнайгаз» АҚ қарасты еңбекті және қоршаған ортаны қорғау қызметкерлері тәжірибе алмасуға келді.

Екі күнге созылған шарада қызметкерлер кезектен тыс нұсқаулықтан өтіп, арнайы бекітілген бағдарламаға сәйкес тәжірибеден өтті.

Алғашқы күні «Өзенмұнайгаз» АҚ тарихымен танысып, №3 Мұнай және газ өндіру басқармасының №1 скважинасын, №16 топтық қондырғысын және №2 шоғырланған сораптар стансысын аралады. Әрі қарай, №1, 3 Мұнай және газ өндіру басқармаларына қарасты медициналық пунктпен («Медикер – ПМ» ЖШС) танысты.

Сонымен қатар, №1 Мұнай және газ өндіру басқармасына қарасты Жерасты жабдықтарын жөндеу және диагностикалау цехының жұмыстары таныстырылып, Корпоративтік оқу орталығында, Мұнайды дайындау және өндіріске қызмет көрсету, «Семсер өрт сөндіруші» ЖШС-нің өрт сөндіру бөлімімен және мұнайшыларға арналған Дене шынықтыру және сауықтыру кешенінде болды.

Іс-тәжірибенің қорытындысы бойынша Қоғамның ЕҚжӨҚД және ҚОҚжРҚ департамент қызметкерлерімен бірлескен жиын өтті. Жиында қызметкерлер еңбекті және қоршаған ортаны қорғау және өнеркәсіптік және өрт қауіпсіздігі және т.б. жұмыстар бойынша ойларын ортаға салып, пікір алмасты.

Айта кетейік, бұл тәжірибе алмасу «ҚазМұнайГаз» ҰК АҚ-ның 2024-2027 жылдарға бекітілген «ҚМГ компаниялар тобының өндірістік қауіпсіздігінің, еңбекті және қоршаған ортаны қорғаудың жай-күйін жақсарту бойынша Жол картасы» негізінде ұйымдастырылды.