ليلة ام البنين ع

يام البنين اوصيچ اريد اوصيه
رايح انه وعينچ على العلويه
يام عشرة الجميله .. عينچ على العليله
يام البنين…
…………………………
يامن بحب وسلامه  ويانه عشتي هالعمر
يالوفيه رايح اني وهالسفر دربه خطر
واني اعرفچ الله خصچ بيچ يسهل كل عسر
لهل سبب اني اجيتچ يالحنينه بهل امر

من دمعي عرفي يالوفيه اوصيتي
عينچ على بنيتي الوحيده ابيتي
وصيت الابو برحيله .. عينچ على العليله
يام البنين…
…………………………
كربله عندچ خبرها  وموتي عندچ بيه علم
فاطمه هاي العليله  راحت اتعيش اليتم
امها صيري وصيري ابوها وانتي منچ والنعم
بس وصيتي حسين ابدا لا تذكريه هالاسم

اسمي ابد يالحره لتذكرينه
گلب العليله خايف تشلعينه
ودمع اليتم تسيله .. عينچ على العليله
يام البنين…
…………………………

عنها لو باچر مشينه  عينها تضل عالضعن
بنيتي من هسه گلبها  عالسفر هذا حزن
ودري گلبچ يالوفيه انتي هم هسه انطحن
لكن شبيدي وشسوي  دار  يالحره الزمن

بهذا السفر يام الوفه مانرجع
بطف نينوى يذبحونه ونتگطع
وياحيرة العقيله .. عينچ على العليله
يام البنين…
…………………………

وعگب ما يمشي ضعنه  احچي قصتي الفاطمه
وخلي يتهيئ گلبها للمصيبه القادمه
باچر الاطفال بالطف تموت راح من الضمه
والخيم بالنار تلهب  وكربله تفيض بدمه

وگليلها بهذا المرض ماتگدر
تركض اذا گام المخيم يسعر
من المرض نحيله .. عينچ على العليله
يام البنين…
…………………………

واحچي لبنيتي  مصابي  ولو گلبچ ينشلع
حسين باچر خبريها نحره بالطف ينگطع
وتطحن بصدره اعوجيه  ومايضل سالم ضلع
وگعدن وسولي مجلس وصبن اعليه الدمع

من ينصب مأتم عليه ومجلس
طبراتي وضلوعي بألمهن ماحس
وبجروحي الثجيله .. عينچ على العليله
يام البنين…
…………………………

يام گمر عدنان سوي  اقرايه  اليه وللگمر
وفاطمه خلي تبچي عمه  وذر يوگع عالنهر
وانتي ضلي ابچي المصابي ونوحي يالحره دهر
نوحچ يهود ونيني  الراح اونه من النحر

يالحره لو نزلت عليه الدمعه
تحضر اكيد وتبچي امي البضعه
وياج العزه تشيله .. عينچ عله العليه
يام البنين ..

الشاعر عقيل الحسناوي..

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع تم نشر اكثر من 400 من القصايد الخاصه بهذه الذكرى على الرابط التالي

https://t.me/+-3msO083Nvg1MTMx

بسم الله الرحمن الرحيم

بمناسبه ذكرى شهاده مولانا الامام موسى ابن جعفر ع سيتم نشر القصايد الخاصه بهذه الذكرى على الرابط التالي

https://t.me/+-3msO083Nvg1MTMx

مستهل عله بالي من تروح

حيدر الحلفي

محررررم 1446 هـ ( أم البنين ع )

عله بالي من تروح . تاخذ من عندي روح . واتگلي اوياك اروح . ها يبعد امك
حسبالي اتگلي امشينه . يمى الطف امتانينه
ها يبعد امك

انه بالي راح ابعيد . وحضرت الأجلك كلشي
وي كل اولادي انروح . وگدام اضعونك نمشي
ما گتلي امشينه او گام . غرگ بالمدمع رمشي
وانه چنت اتمنه اهناك . نعشك يرجع وي نعشي

انه دهري ابلا حُسين . تدري ايوديني وين . ياخذ مني الحنين . يمى لومه اسمك
خلي الحادي ايودينه . يمى الطف امتانينه
ها يبعد امك
____
انه لا ماريد افراگ . فرگاك ايوگف گلبي
تطفه اعيوني ابلياك . لو ما لعيونك تربي
حبيتك حب اجنون . خليني اثبتلك حبي
خذني وخليني ارتاح . وياك اشمحلاه دربي

انه اريد إمن الطفوف . اتخليني اشويه اشوف . واعيونك ما أعوف . يالولد جسمك
سوى نمشي اهنا خلينه . يمى الطف امتانينه
ها يبعد امك
____
گضه عمري اوياك إحسين . معقولة الموت ايبعدك
عني وماحضنك دوم . وما أشتم باچر خدك
اتعودت اهواي اعليك . تغفه او عله صوتي أگعدك
محبوبي المن اسنين . شلون اتفارگني أنشدك

ترى دنيا ابلا حبيب . تخلص نوح وثغيب . يترس راسه المشيب . الما گعد يمك
الما شافك شله ابعينه . يمى الطف امتانينه
ها يبعد امك
____
انه اشوف ابعينك ليش . روحه او ماشوفن رجعة
لاتخفي اعليه إحسين . سولفلي اعليك البضعة
صح راسك يمى اهناك ? الما شايل رحمة ايگطعه
وصابيعك صح يحسين ? يوليدي ايضلن تسعة

انه گلبي ايگلي راح . اتسمعين الغالي طاح . بالطف مايستراح . واشعر ابهمك
جاوبني يابو اسكينة . يمى الطف امتانينه
ها يبعد امك
____
انه يمى ابگلبي احساس . ثوبك هذا ايسلبونه
وابعشر اخيول إحسين . صدرك يمى ايحفرونه
جسمك مابين ارمال . گلبي ايگلي ايغطونه
وعبدالله ايريد الماي . ايبح صوته وما ينطونه

انه صح برض البقيع . بس اشعر بالرضيع . ابحضنك يوگع صريع . دمه وي دمك
طفلك يبقى امعطشينه . يمى الطف امتانينه
ها يبعد امك
____
أشعر هاليوم اجريب . زينب ترجعلي اوحيدة
وانشدها احسينچ وين . واتگلي ضل عالبيده
واسأل عن العباس . واتجاوب گطعوا إيده
عن عبدالله انشد وين . وتصرخ گطعوه اوريده

أفى تبقى عالتراب . عطشان ابلا ثياب . ابحضنك إبن الرباب . بالضمه ايكلمك
مذبوح او ما راوينه . يمى الطف امتانينه
ها يبعد امك

حيدر الحلفي

[ دَم النَّحَر دَيْن ]

دَم النَّحَر دَيْن       اِبْدَرْبَه التِزِم زَيْن
رَايِّد أَوَصِّيْك       يَا خَادِم حسَيْن
___

إِم البَنِيْن اَعْظَم دَرِس مِن عِدْهَا إِخْذِ العِبْرَة
عَافَت إِسِمْهَا مِن إِجَت مَا دَوّرَت عَالشُّهْرَة
اِبْخِدْمَتْهَا جَانَت مُخْلِصَة مَا تِطْفَه بِيْهَا الجَمْرَة
لْهَاي الاسْبَاب اِتْسَجِّلَت هِيَّه اِبْسِجِل الزَّهْرَة

اِشْكَد اِنْطَت اِدْرُس       اِتْأَثّر بِالنْفُوْس
طَبُّقْهَا وِاتْفُوْز       يَا خَادِم حسَيْن
___

يِنْرَاد [حُبّ وْمَعْرِفَة]  تِرْسِم طَرِيْق الخِدْمَة
إِنْتَ اِنْتِسَبْت لْكرْبَلَة وْكرْبَلَة اِتْرِيْد الزِّلْمَة
اِبْكَلْبَك إِذَا مَاكُو نَظَر اِتْعِيْش اِبْحَيَاتَك أَعْمَه
بِالعَمَل إِشْكُر وِاللَّفُظ حَتَّه تِزِيْد النِّعْمَة

عَالنِّعْمَة تَأكِيْد       إِشْكُرْهَا وِاتْزِيْد
حِزْنَك مُوَاسَاة       يَا خَادِم حسَيْن
___

عِيْش المُصِيْبَة اِبْجَوْهَرَك وِاحْتِرِكَ مِثْل الشَّمْعَة
اِتْطَيِّحْلَك المَا يِنْحِجَن لَمَّن تِطِيْح الدَّمْعَة
عُمْرَك ثَوَاب آلِ النَّبِي بَيْن المَجَالِس وَزْعَه
وْدَمْعَك اِتْخَيَّل فَاطمَة اِبْجَف الكفِيْل اِتْجمْعَه

مِحْنِيَّة الاظْلُوْع       وْتِجْمَع بِالادْمُوْع
دَمْعَك يِنَجِّيْك       يَا خَادِم حسَيْن
___

نَظُّف وِعَائَك تِنْمِلِي وْنِتْرِس قِصَاعَك غِيْرَة
اِتْوَجَّه لْقِبْلَة خِدْمِتَك عَنْهَا الوَجِه لَتْدِيْرَه
حِب الحسَيْن اِبْكل صِدق تِطْلَع اِمْنَ اَكْبَر حِيْرَة
الحُب نِزَل مِثْلِ الدَّلُو وْيُوسف طَلَع مِن بِيْرَه

خَل حُبَّك اِيْكُوْن       بِالطَّاعَة مَقْرُوْن
لَتْهِزَّك الرِّيْح       يَا خَادِم حسَيْن
___

خِدْمِتَك ثُوْب وْفَصِّلَه هُوَّه الحسَيْن اِبْإِيْدَه
حَافُظ عَلِيْه لَا يِنْلِثِكَ ، يِرْجَع نَظِيْف اِيْرِيْدَه
قَاوُم اَهْوَائَك بِالصَّبُر وِالمَا صُبَر شِيْفِيْدَه
وْكِل ذَنِب سَوَّيْتَه قَبِل اِنْطِيْه وَعَد مَتْعِيْدَه

اِشْمَا عِنْدَك اِذْنُوْب       يِغْفُرْهَا بَس تُوْب
للرَّحْمَة عِنْوَان       يَا خَادِم حسَيْن
___

قَادِم مُحَرَّم وِالسّبط تِنْشُر قَمِيْصَه الزَّهْرَة
هَوَّن مُصَابِي اِبْذَبْحِيْتَه بِالرُّمِح شَالُوْا نَحْرَه
الحَافُر فِلَت مِن السَّحِكَ كِلْهَا تِدُوْس اِبْصَدْرَه
مَات الحسَيْن اِمْنِ العطَش وِالنَّهَر يِجْرِي اِبْكِتْرَه

وْالتْهَيْج الآلآم       عَمَّاتِي بِالشَّام
رَاحَن عَلَى النُّوْكَ       يَا خَادِم حسَيْن

#حيدر #الموسوي

مهرك اجاني بطيف  وتهل  دمعته
شفت السرج مگلوب وعنك سئلته
احسيني وينه   مارد علينه   بس تبجي عينه
حسين                حسين
……………………………………………………………… 
وداعت شوفت عيونك   اجاني بطيفي ميمونك
گبل  ماتطلع    شلونك    نظرته
السرج مگلوب يل والي    وفوگاهه السرج خالي
نعصر  يحسين  دلالي     نشدته

وين     خيالك   يمهره      همهم  وباوع  عليه
يل سئلتي بياهي اخبرج   عفته  فوگ الغاضريه
عل   رمح شي منه شالو  ومرمي شي فوگ الوطيه

يم البنين  جروح  بحسينج  اهواي
هم  سامعه  بمذبوح  ماشربو  ماي
دم الشفيه   هذه العليه    وانه شبديه
حسين                 حسين
…………………………………………………………………
احجي   بجمرة   غيابه   لوعن  لوعة  مصابه
لو   عن   سلبة   ثيابه     شفتهه
شسولف عن گطع نحره   موطبرة ظنعش طبره
يم  عباس   من ظهره     ذبحته

عمت   عيني  فوگ ذبحه    رضرضوه بخيول عشره
كرهت كل شي اسمه حافر   من شفتهن فوگ صدره
من   كثر    مابيه  داسن      سون بنص صدره حفره

صدره  انطبگ  بگفاه  اه  يل  حوافر
طعنه  اعلى طعنه تشوف من البواتر
ذبحو رگبته   رضوهه جثته  بياحاله شفته
حسين               حسين
………………………………………………………………..
حرت  وشلون   اجمعنه    اوصل وبتعد عنه
خاف اسحگ ظلع منه     التوذر
اسمعه يگلي يامهري     اوگف لاتجي بكتري
مايحمل بعد صدري      التكسر

انته بس  المارفسني     ويلرمل  جسمي  توزع
بهيده من تگرب عليه   من الرمل لوصوت تسمع
شيل يلميمون رجلك     حدر جدمك ظلع يطلع

لبنت امي  روح بساع   لاتبگه  يمي
زينبنه  خل تشوف  يامهري   دمي
ظنهه ارجعلهه  من غيري شلهه  يامهري گلهه
حسين                حسين
…………………………………………………………….
اعوفك  گتله ماگدر    عليك الجيش شويفتر
وخاف اتگرب واعثر    بالجروح
ما  كفتهم   العشره       بكل حبة  رمل  وذره
شافو خنصرك شذره      يمذبوح

گطعت الخنصر عمتني    شلون اجيب اختك يخوهه
رايده   تلم  بل  يتامه     شما      تلمهه يطشروهه
ذيج   التحبهه  العبايه      ويه   الخيام   احرگوهه

من سولفت  لحسين  بزينب  وخدره
ماعنده  عين  تنوح ضل  يبجي نحره
دمعاته حمره    وجروحه خظره  گلبه ويخدره
حسين              حسين
………………………………………………………….
حسين  عليج   وداني     رساله  بطيف  عنواني
ابد ماگصرت اخواني      بدماهه
يم  عباس  ومروته      سمعت الخويه من صوته
يمحلاهه لجن موته       طفاهه

وصل  مهرك  والرساله       ونته  مامريت  بيه
حسبني طف يمه بحنانك   وسير بطيفك عليه
كربله  تخيلهه   روحي     وطشر ضلوعك بديه

لخبرني  رد يحسين   عني  يخبرك
من حلمي من فزيت ماشفته مهرك
راح وتركني   اصحه اعله وني  ماشفته لني
حسين                حسين
……… .……………………………………………………….
خادمكم.قاسم المالكي

زوجة حيدره.    لا مو اي مره
هايه ام البنين
ام اجمل قمر.   اوصفهه بفخر
هايه ام البنين
___
عن زوجة ولي الله.   شرد احچي بكلامي
ماتوصفهه كلمات.     تعليمي وعلامي
من رفعتهه ضليت.    حاير وبهيامي
كلت ابدي بتحيه.      اعليهه وسلامي

من عدهه ابتدي.    وبحبهه اقتدي
هايه ام البنين
ام اجمل قمر.  اوصفهه بفخر
هايه ام البنين
__-
زوجة حيدر تصير.    مبخوته وعظيمه
و ابيت الوحي تعيش.  بالفطره السليمه
يشهد الهه هالكون.       عالمةٌ عليمه
وچيفن كرمت الدين.     صارت بي كريمه

ام العاطفه.    والحب والوفه
هايه ام البنين
ام اجمل قمر.   اوصفهه بفخر
____
جابت اربع أقمار.    ولحيدر فدتهم
خلتهم ذخر ليه.      ولأجل ابنه نطتهم
خدام ويوافون.       لحسين انذرتهم
لو تظلم سمه اعليه.   يضووله اخبرتهم

بأبن المرتضى.     نالت كل رضا
هايه ام البنين
ام اجمل قمر.    اوصفهه بفخر
هايه ام البنين
_____
جابت للنصر حيد.    حلال الشدايد
ذو الكف الذي صار.  للدينِ يساند
بالطف منطي جفين.   خلاهن شواهد
للرايد وفه الدين.       افعاله يشاهد

للطف جابته.     ورسمت غيرته
هايه ام البنين
ام اجمل قمر.   اوصفهه بفخر
هايه ام البنين
____
هاي ام الگمر ذاك. اليضوي بطفوفه
راسم للوفه اشكال. من اسمه وحروفه
واليگصد اله وراد. فد حاجه ويطوفه
ويدعي بجاهه لله. مايبقاله خوفه

يانعم الاصل. جابت هالنفل
هايه ام البنين
ام اجمل قمر. اوصفهه بفخر
هايه ام البنين
__
#حسين_علي_الياسري

يتم نشر قصائد ولاده السلطان انيس النفوس المدفون بارض طوس ابو الحسن علي ابن موسى الرضا ع على هذا الرابط

https://t.me/yaaliimdd2023

خدمتكم شرفا لنا