*⚡️*✈️ “Uzbekistan Airways” авиакомпаниясы 1-июнь күнинен баслап Нөкис-Алма ата-Нөкис жөнелиси бойынша авиақатнаўларды жолға қоймақта**

Рейслер ҳәптениң сәршемби ҳәм шемби күнлери төмендеги график бойынша әмелге асырылады:

✈️Нөкистен ушып кетиў саат 10:05;

✈️Алма атаға жетип келиў саат 12:15;

✈️Алма атадан ушып кетиў саат 13:15;

✈️Нөкиске жетип келиў саат 15:45;
—
*⚡️*✈️ “Uzbekistan Airways” авиакомпанияси 1 июнь кунидан бошлаб Нукус-Олма ота-Нукус йўналиши бўйича авиақатновларни йўлга қуймоқда**

Парвозлар чоршанба ва шанба кунлари қуйидаги жадвалга мувофиқ амалга оширилади:

🛫 Нукусдан жўнаб кетиш соат 10:05, Нукус вақти билан;

🛬 Олма отага етиб келиш соат 12:15, Олма-ота вақти билан;

🛫 Олма отадан жўнаб кетиш соат 13:15, Олма ота вақти билан;

🛬 Нукусга етиб келиш соат 15:45, Нукус вақти билан.

Каналға ағза болыў: @joqargikenes

*✉Telegram 🌐Website📱Instagram📱Facebook📱***Twitter

Әзиз ҳәм қәдирли балалар, ҳүрметли ата-аналар!

Сизлерди бүгинги "1-июнь - Халықаралық балаларды қорғаў күни" мүнәсибети менен қызғын қутлықлаймыз.

Балалар өмиримиздиң даўамшылары, келешегимиз ийелери. Оларды қәстерлеў, наўқыран әўлад етип камалға келтириў ҳәр бир мәмлекет, ҳәр бир шаңарақ, ҳәр бир ата-ананың әдиўли миннети.

Айтып өтиў орынлы, бүгинги күнде елимизде ҳүрметли Президентимиздиң басшылығында жаслардың, балалардың билим алыўы, саламатлығының беккем болыўы, жетик инсан болып камалға келиўи ушын көплеген ийгиликли ислер әмелге асырылмақта.

Бала күлкисинде әлем қуўанышы жәмленген. Олардың бахытлы турмысын тәмийинлеўимиз керек.

Қәдирли Ўатанласлар, әзиз балалар!

Сизлерди бүгинги байрам мүнәсибети менен және бир мәрте қызғын қутлықлаймыз.

**Аманбай Орынбаев
Қарақалпақстан Республикасы Жоқарғы Кеңесиниң Баслығы

Каналға ағза болыў:** @joqargikenes

*✉***Telegram *🌐Website📱Instagram📱Facebook📱***Twitter

Қәдирли оқыўшылар, әзиз мектеп питкериўшилери!

Ең дәслеп, сизлерди бүгинги мектепти питкергениңиз ҳәм үлкен өмирге қәдем қойып атырғаныңыз бенен қызғын қутлықлаймыз. 

Сизлер көптен күткен 25-май сәнесинде республикамыздың барлық орынларында «Соңғы қоңыраў” сести жаңлап, питкериўши жаслар қәдирли мектеплери, мийирман устазлары менен хошласпақта. Бүгинги сәнеде қаншама жасларымыз алтын медаль, гүмис медаль менен мектепти жоқары баҳаларда питкерип атыр.  

Әлбетте, булардың барлығы тек ғана сиз – жаслар емес, ата-аналар, устаз ҳәм оқытыўшылар ушын да айрықша итибарға ылайық ўақыя есапланады.

Қәдирли жаслар!

ϴткен жылларға нәзер таслайтуғын болсақ, сизлердиң турмысыңызда үлкен тарийхый өзгерислер менен жаңаланыўлар жүз берип атырғанын көплеген мысалларда көриўимиз мүмкин.

Атап айтқанда, ҳүрметли Президентимиздиң басшылығында елимизде әмелге асырылып атырған реформалар нәтийжесинде жасларды қоллап-қуўатлаў бойынша бир қатар нызам, пәрман ҳәм қарарлар қабыл етилди.

Атап өтиў керек, ҳүрметли Президентимиз тәрепинен қабыл етилген 213-санлы тарийхый пәрман менен қарақалпақстанлы жасларға қаратылып атырған айрықша итибар нәтийжесинде өткен 2023-2024-оқыў жылында мәмлекетлик грант тийкарында қосымша 3 мың квота, соның менен бирге төлемли-контракт тийкарында қосымша 7 мың квота ажыратылған еди.

Бул ийгиликли ислер быйылғы жылда да даўам еттирилип, қосымша 6 мың 500 квота ажыратылғаны кеўиллерге айрықша мақтаныш сезимлерин бағышлайды.

Жасларға қаратылып атырған имканиятлар нәтийжесинде ҳүрметли Президентимиздиң билимлендириў тараўына болған айрықша итибары менен Қарақалпақстандағы жоқары оқыў орынлары саны 2016-жылғы 6 дан 12 ге жетти. Жасларымыздың жоқары оқыў орынларына кириў кѳрсеткиши 2016-жылғы 9 проценттен 41 процентке жеткерилди.

Сондай-ақ, Инвестиция бағдарламасы тийкарында быйылғы жылдың өзинде 35 мектепте 206,9 млрд. сумлық қурылыс-оңлаў жумысларын алып барыў, соннан, 4 мектеп 61,2 млрд. сум қаржы тийкарында жаңадан қурылыўы, қамтыў коэффициенти жоқары 30 мектепте 137,3 млрд. сум қаржы тийкарында реконструкция жумыслары шеңберинде қосымша заманагөй имаратлар қурылыўы, 1 мектепте 4,3 млрд. сум қаржы тийкарында капитал-оңлаў жумыслары әмелге асырылыўы режелестирилген.

Нөкис каласында улыўма баҳасы 52,3 млрд. сумлық 504 орынлы заманагөй қәнигелестирилген мектеп (222 орынлы жатақханасы менен) қурылысы жуўмақланыў алдында тур.

Буннан тысқары, елимиз келешеги болған сиз-жасларды қоллап-қуўатлаў бойынша илажлар нәтийжесинде усы жылдың өзинде 267 питкериўши жасларымыз мүддетинен алдын жоқары оқыў орынларына кириў бахтына еристи. Олар бүгин дүняның белгили жоқары оқыў орынларына ҳәм елимиздеги филиалларына грант жеңип алып, студент болған жаслар есапланады.

Әлбетте, бундай мысалларды еле кѳплеп келтириўге болады.

Қәдирли жаслар!

Сизлерди мектеп билимлендириўин нәтийжели жуўмақлағаныңыз бенен және бир мәрте қызғын қутлықлап, ҳәммеңиз студент болыў бахтына миясар болғайсыз деп тилеп қаламыз.

**Аманбай Орынбаев
Қарақалпақстан Республикасы Жоқарғы Кеңесиниң Баслығы

Каналға ағза болыў:** @joqargikenes

*✉***Telegram *🌐Website📱Instagram📱Facebook📱***Twitter

#Бирге ислесиў

"Zhongtong Bus Holding Co, Ltd" автобус заводының рәсмий ўәкиллери Қарақалпақстанда

Қарақалпақстан Республикасы Транспорт министрлигиниң Транспорт тасыўларын муўапықластырыў бѳлим баслығы М.Утениязов "Zhongtong Bus Holding Co, Ltd" автобус заводының рәсмий ўәкиллери менен ушырасты.

Ушырасыў даўамында бирге ислесиўдеги шерикликти кеңейттириў, жәмийетлик транспорт системасына инвестиция киргизиў мәселеси көрилди. Бул мәселе бойынша Өзбекстан Республикасы Президентиниң 2023-жыл 16-февраль күнги "Жәмийетлик транспорт системасын реформалаў ис-иләжлары ҳаққында"ғы ПҚ-59-санлы қарары бойынша айтып өтилди.

Яғный, Қарақалпақстан Республикасын жеткиликли дәрежедеги автобуслар менен тәмийинлеў, олардың талаплары бойынша толық түсиндирилди ҳәм алдағы ўақытларда бирге ислесиў бойынша келисимлерге ерисилди.

"Zhongtong Bus Holding Co, Ltd" автобус заводының ўәкиллериде ѳзлеринде ислеп шығарылған автобуслар бойынша айтып ѳтти. *📱 Instagram |🌐 sayt |✉️ telegram |📱 facebook|📱***twitter

Ҳүрметли урыс ҳәм мийнет фронты қатнасыўшылары!Бүгинги даңқлы сәнени шексиз қуўаныш соның менен бирге терең қайғы-ҳәсирет пенен еслеймиз. Ўатан азатлығы ушын, ҳәзирги тыныш ҳәм татыў күнлер ушын саўаш майданларында аманатын тапсырған ата-бабаларымызды, фронт артында пидайы мийнет еткен ўатанласларымыздың муқәддес естелигин яд етип, ҳүрметимизди билдиремиз.

Сиз әзиз ҳәм даңқлы ветеранларымыздың теңсиз қаҳарманлықларыңыз пүткил инсаният тарийхына мәнгилик өшпейтуғын, уллы, өз алдына бир бет сыпатында жазылғанлығын терең миннетдаршылық пенен атап өтемиз.

Теберик жасқа жетип, бүгин арамызда саў-саламат, дуўалы болып жүрген урыс ҳәм мийнет фронтының барлық жаўынгерлерине және бир мәрте жоқары меҳир ҳәм ҳүрметимизди инәм етип, олардың барлығына шын жүректен рахмет айтамыз.

Турмыстың аўыр ҳәм ашшы сынаўларын мәртлерше жеңип өткен Сиз, әзизлердиң елимизди ҳәр тәреплеме раўажландырыў, жасларды Ўатанға мухаббат ҳәм садықлық руўхында, жетик инсан етип тәрбиялаўға қосып атырған мүнәсип үлесиңизди халқымыз жақсы биледи.

Сизлердиң уллы қаҳарманлықларыңыз ҳәм пидайы хызметлериңиз ушын бәршемиз бас ийип тәжим етемиз.

Гүллән халқымызды бүгинги байрам менен қутлықлап, беккем ден саўлық, шаңарағыңызға аўызбиршилик, ийгиликли ҳәм машақатлы жумысларыңызда тасқын табыслар тилеймиз!

**Аманбай Орынбаев
Қарақалпақстан Республикасы Жоқарғы Кеңесиниң Баслығы

Каналға ағза болыў:** @joqargikenes

*✉***Telegram *🌐Website📱Instagram📱Facebook📱***Twitter