бір сөз.
сыр есіктерін ашатын.
жабырқаған жүрекке жылу шашатын.
мың сөз орнын басатын.
бабамнан жеткен сол бір сөз.

“бисмиллә”

✉️
Кешегіде бір кісі “ұнатып жүргенің бар ма?” деді. Ал мен үнсіз ғана ойға кеттім де, “жоқ” дедім.

Өйткені, ойымда сеннен басқа ешкім болмаған, ешкім. Өйткені, саған деген махаббатқа қарным ашқалы да бір жылдың жүзі толған.

Мен енді бос жібердім. Сол бір сезім сандығын мықтап жаптым.

ғашықтық ғаламатынан…

☕️
“Ешбір ата-ана перзентіне көркем мінезден артық мирас қалдырмаған”

'Тирмизи 33'

✨

✨
өткіншісін, болмашысын тағы көрдім…

твои ожидания, твои проблемы.

үлкен мәселені түсіндірген екі ауыз сөз. иәә, өмір болған соң қиындық, қайғы болары анық, бірақ оны ұлғайтар өзіміз емей кім?! өзіміз көп күтіп қаламыз, есесіне көңіліміз де қатты қалары анық. сосын келіп кімге өкпелейсің, кімге өшігесің?!

✨
үйретерімнен үйренерім көп…

☕️
кешкі сағат 20:50 және мен үйден мектепке қарай шығып барамын. әдеттегідей қыр шалбар мен жағалы жейде киіп. қызық, дәл 12 сағат алдын дәл осылай мектепке кіріп жатыр едім. жұмыс бітті, үйге келдім, қайта шықтым. “сондағым, не үшін?!” деген ой келді. дүние дейін десем, асып-тасып жатқанымыз жоқ. нәпсі қалауы дейін десем, үйде тыныш жатқаным нәпсіме артықтай.

бірақ, сонда не?! білмеймін шыны керек. бірі ар дер, бірі жауапкершілік дер, бірі көңіл қалауы дер.

сондағы ниетім: шай сағатын жасап, сұқбаттасу, көңіл бөлу. ең кемі бір пайдалымен бөлісу. мақсатыма жеттім бе, жоқ па Алла білер. мен қолымдағыны жасадым, бастысы осы.
негізі жасадым деуге де келмес бәлкім. себебі мен үлкен мұрат, үлкен мақсат ішіндегі бір қызметші ғанамын. жақсылыққа себебші болуға мүмкіндік берген Раббыма сансыз шүкір мен мақтау болғай.

ықыластан айырмасын…

…білгенім, ұстаздық ол көңіл ісі. Яғни шын пейілмен жай ғана пайдалы болуды көздеу. Жақсылыққа шақырып, жамандықтан тыюды ойлау. Ұстаздық ол ар ісі. Ол жолда мал да сарп, жан да тәрк.

ұстаздар мерекелеріңізбен…

✨
Қарбалас ғұмыр құлшылықты қиындатады, бірақ құлшылық қарбаласты жеңілдетеді…